- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان شينجياڭداعى ءار ۇلت ءوسپىرىم بالالاردىڭ مەرەكەسىنە قۇتتى بولسىن ايتتى
2015.06.04 15:02 كەلۋ قاينارى : شينجياڭ حالىق راديو ستانسياسى تورابى
بۇگىن «1-ماۋسىم» حالىقارالىق بالالار مەرەكەسى، 31-مامىر تۇستەن بۇرىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءۇرىمجى قالالىق 44-باستاۋىش مەكتەپكە بارىپ ءوسپىرىم بالالارعا، پيونەرلەرگە كەزدەسىپ، شينجياڭداعى ءار ۇلت ءوسپىرىم بالالاردىڭ مەرەكەسىنە قۇتتى بولسىن ايتتى.
تۇستەن بۇرىن ساعات 11 دە، جاڭ چۇنشيان 44-باستاۋىش مەكتەپتىڭ الدىنا كەلدى، ءبىر پيونەر الدىنان شىعىپ، وعان گالىستوك تاقتى.
جاڭ چۇنشيان بالالارمەن قول الىسىپ، ولارمەن بىرگە الاڭدى كەسىپ ءوتىپ، وقىتۋ عيماراتىنا باردى، ول مەكتەپتىڭ نەگىزگى جاعدايىن جۇرە سۇراستىردى. ءۇرىمجى قالالىق 44-باستاۋىش مەكتەپ حانزۋ جانە ۇلتتىق تىلدەگى مەكتەپ، مەكتەپتەگى وقۋشىلاردىڭ %95 تەن ارتىعى قالاعا جۇمىس ىستەۋگە كەلگەندەردىڭ پەرزەنتتەرى، مەكتەپتەگى 2 مىڭ 300 دەن ارتىق وقۋشىنىڭ ءبىر مىڭ 500 دەن ارتىعى وڭتۇستىك شينجياڭنان كەلگەن، ءار ۇلت بالالارى مەكتەپتە بىرگە ۇيرەنىپ، بىرگە ەسەيەدى.
بالالارمەن بىرگە بولعان جاڭ چۇنشيان ءوزىنىڭ كىشكەنتاي كەزىندە تۇڭعىش رەت گالىستوك تاققان كەزىن ەسىنە الىپ بىلاي دەدى: ەسىمە بالا كەزىمدە گالىستوك تاققانداعى سول ءسات ءتۇسىپ كەتتى، قاتتى اسەرلەنىپ ەدىم، گالىستوك مەملەكەت تۋىنىڭ ءبىر بۇرىشى، قاھارمانداردىڭ قىزىل قانىمەن بويالعان، سوندىقتان گالىستوقتىڭ داڭقىن قادىرلەۋىمىز كەرەك.44-باستاۋىش مەكتەپتە، ءار ۇلت بالالارى بىرگە ۇيرەنەدى، ۇيعۇر وقۋشىلار حانزۋ تىلىنە جەتىك، كىشكەنتاي حانزۋ دوستار دا ۇيعۇرشانى نەداۋىر جاقسى بىلەدى.
مەكتەپتىڭ قيمىل وتكىزۋ ۇيىندە، بالالار «1-ماۋسىم» حالىقارالىق بالالار مەرەكەسىنە ارنالعان ادەبيەت-كوركەمونەر نومىرلەرىنە دايىندالىپ جاتتى، كوپشىلىك حانزۋ تىلىندە «جۇڭگولىقتاردىڭ جارناماسى» اتتى ءاندى ورىندادى، «قوس تىلدەگى» انگە كوپشىلىك دۋ قول شاپالاق سوقتى.
حاتكەرلىك ۇيىندە، از ۇلت وقۋشىلارى قىل قالاممەن حانزۋشا حاتكەرلىككە جاتتىعىپ، ىنتىماق، دوستىق، ءبىلىم ــ كۇش دەگەن سياقتى سوزدەرمەن حاتكەرلىك تۋىندىلاردى كوركەمدەپ جازدى؛ كەيبىر وقۋشىلار وزدەرى جاساعان قالاممەن ۇيعۇرشا جازۋ جازسا، تاعى ءبىر جاقتا بالالار ءتۇرلى-ءتۇستى بوياۋمەن ءار ۇلت كىشكەنتاي دوستاردىڭ كوڭىلدى تۇرمىس جاعدايىن سۋرەتكە سالدى.وقىتۋشى تانىستىرا كەلىپ: مەكتەپتە ۇلتتار ىنتىماعى تاربيەسىن ۇيرەنۋدە جانە تۇرمىستا بالالاردىڭ وي ساناسىنا سىڭىردىك، ءار ۇلت بالالارى كىشكەنتاي كەزىنەن باستاپ دوستاسىپ كەتتى، ءار ۇلتتىڭ مادەنيەتى دە ءوزارا توعىستى،-دەدى. جاڭ چۇنشيان پيونەرلەردى شابىتتاندىرا كەلىپ، بىلاي دەدى: پيونەرلەر نە ىستەۋ كەرەك؟ ۇلى وتاندى، اتا مەكەندى قىزۋ ءسۇيۋ، بىرلىكتە قوس ءتىل ۇيرەنىپ، دوستاسۋ كەرەك. مۇنان سىرت، پيونەرلەر تاعى اتا-اناسىن، ۇستازدارىن قۇرمەتتەۋى، ءارى اشىق ويلى جاقسى ازاماتتاردان بولىپ، بولاشاقتا رايونىمىزدى بىرلىكتە كوركەيتۋى ءتيىس.
بالانىڭ ەسەيۋى اناسىنىڭ قامقورلىعىنان ايىرىلا المايدى. جاقىندا، رايونىمىزدىڭ جەر-جەرىندە «انالاردىڭ» اتىمەن اتالعان مەيىر باعىشتاۋ قوسىنى قۇرىلدى، ولار «مەيىر باعىشتاپ ۇلەس قوسۋدى» ماقسات ەتىپ، ءتۇرلى فورمالار ارقىلى وتباسىندا قينشىلىعى بار ءار ۇلت بالالارى مەن كەدەي، وتباسىنىڭ ەكونوميكالىق قينشىلىعى بار انالارعا كومەكتەستى. 31-مامىر جاڭ چۇنشيان تاعى رايونىمىزداعى «مەيىربان انالاردىڭ» ۋاكىلىنە امانداسا باردى.
70 نەشە جاستاعى رايحان شەشەي مەن ونىڭ قوسىنىنداعىلار ون نەشە جىلدان بەرى 3 ميلليون يۋاننان ارتىق قارجىنى، 7 مىڭنان ارتىق بالاعا جىلۋعا اتاپ، كەدەي، وتباسى قينشىلىعى سەبەبىنەن وقۋدان قول ۇزبەكشى بولعان ءبىر مىڭ 800 دەن ارتىق بالانى مەكتەپ قۇشاعىنا قايتا ورالتتى. 2011-جىلى جاڭ چۇنشيان رايحات شەشەيگە ارنايى امانداسا بارعان بولاتىن. رايحات شەشەي جاڭ چۇنشيان شۋجيمەن تاعى دا كەزدەستى، ول جاڭ چۇنشيان شۋجيمەن قۇشاقتاسىپ امانداسىپ، كوزىنە ىستىق جاس الدى. مۇڭعۇل مەيىربان انا حۇڭيىڭ جاڭ چۇنشيان شۋجيعا حادا ۇسىندى. جاڭ چۇنشيان شۋجي اربىر مەيىربان انامەن قول الىسىپ امانداستى. وسى مەيىربان انالار جايشىلىقتا ۇنەمى وڭتۇستىك شينجياڭنىڭ جەر-جەرىندە، شەكارا شالعاي وڭىرلەردە مەيىر باعىشتاۋ قيمىلىن وتكىزىپ، سوڭعى بىرنەشە جىلدان بەرگى رايونىمىزدىڭ جەر-جەرىندەگى، اسىرەسە، وڭتۇستىك شينجياڭداعى وزگەرىسكە كۋا بولدى. جاڭ چۇنشيان شۋجي ءبىر مەيىربان انادان نەگىزگى ساتىعا بارعاندا، وزگەرىستەردى بايقادىڭىز با دەپ سۇراعاندا، ول وزگەرىس كوپ، جاڭا ۇيلەر سالىندى، ديقانداردىڭ مادەني تۇرمىسى دا جاقساردى، قازىر جاعداي وتە جاقسى، وڭتۇستىك شينجياڭداعى انالاردىڭ رۋحاني بەت-بەينەسى دە وتە جاقسى، ولار وسىزامانعى ۇلگىدەگى ءساندى كيىمدەردى كيەدى، مۇندا ماڭىزدىسى ولاردىڭ يدەياسى وزگەردى، ءار ۇلت حالىق بۇقاراسى ءبىر وتباسىنىڭ ادامدارىنداي بولىپ كەتتىك،-دەپ جاۋاپ بەردى.
جاڭ چۇنشيان بىلاي دەدى: مەيىربان انالار بالالاردى، اۋىل-قىستاقتى، نەگىزگى ساتىداعى ايەلدەر قاۋىمىن كوزدەپ، ولارعا مەيىر باعىشتاپ، پارتيا مەن ۇكىمەتتىڭ قامقورلىعىن، قوعامنىڭ مەيىر شاپاعاتىن جەتكىزىپ، زور ۇلەس قوستى. ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، رايونىمىزدا زور وزگەرىس بولدى، وسى وزگەرىستەر كوپشىلىكتىڭ، ءار ۇلت حالىق بۇقاراسىنىڭ، ءارقايسى جاقتىڭ ورتاق قۇلشىنۋىنىڭ ناتيجەسى، كورىكتى شينجياڭ قۇرۋ ءۇشىن، رايونىمىزدا جوعاردان-تومەنگە دەيىن اتتانىسقا كەلىپ، مەيىرگە تولى قوعام قۇرىپ، ءدىني ۇشقارى يدەيانىڭ جالبىزبالاپ كىرۋىن بىرلىكتە تەجەۋ كەرەك. رايونىمىزداعى ءار ۇلت حالىق بۇقاراسى وسىزاماندانۋ اياق الىسىنا سايكەسىپ، وسىزامانعى شينجياڭدىقتاردان بولۋعا كۇش سالۋ قاجەت. ول تاعى بىلاي دەدى: مەملەكەتپەن سالىستىرعاندا رايونىمىز بۇل جاعىندا ءتىپتى دە جاقسى ىستەۋى كەرەك، ءارى وسىلاي بولاتىنىنا كامىل سەنەمىن، مەيىربان انالار، ءسوزجوق، قۇلشىنىڭىزدار.جۋ حايلۇن، باي جىجيە، ەركىن تۇنياز سياقتى كىسىلەر قيمىلعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
