بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اكەلى-بالالىلاردىڭ وتانشىلدىق سۇيىسپەنشىلىگى

2015.06.04 15:06     كەلۋ قاينارى : شينجياڭ حالىق راديو ستانسياسى تورابى

  شاۋەشەك قالاسىنداعى سالدانعانىنا 30 نەشە جىلدان اسقان قالا تۇرعىنى جاۋ يۇي-ى كاريا ءتىلشىنى كورگەندە ەڭ الدىمەن: ونىڭ ۇلتى ۇيعۇر، مەن حانزۋ، ءبىراق ول ماعان شەشەسىندەي قۇرمەت ەتىپ، كوڭىل ءبولىپ، ناۋقاسىمدى كورىپ تۇردى، ــ دەدى، ال وعان 15 جىل قارايلاسقان ۇيعۇر جاس تارباعاتاي ايماقتىق حالىق شيپاحاناسى سىرتقى اۋرۋلار 1-ءبولىمىنىڭ جاۋاپتى شيپاگەرى سالايدىن ەدى.1-ماۋسىم سالايدىن وپەراتسيا ىستەي سالا ءبىر ۇرتتام سۋ ىشۋگە مۇرساسى كەلمەستەن، جاۋ يۇي-ى كاريانىڭ ۇيىنە بارىپ، ءدارىسىن اۋىستىرىپ بەردى. بيىل 38 جاستاعى سالايدىن سالدانىپ توسەك تارتىپ قالعان جاۋ يۇي-ى كارياعا، بەلىنەن جوعارى سالدانعان سوفيامعا، حىناننان شاۋەشەككە جۇمىس ىستەۋگە كەلگەن كورشىسى گى جۇنجيان وتباسىنداعىلارعا ۇزاق جىلدار بويى كومەكتەسىپ كەلدى. سالايدىن ەڭبەكاقىسىمەن ءدارى ساتىپ الىپ، ولاردىڭ ۇيىنە ىرىقتىلىقپەن بارىپ، ناۋقاسىن ەمدەدى. سالايدىننىڭ اكەسى سالىقجان يمىن بيىل 69 جاستا، شاۋەشەك قالالىق ازىق-تۇلىك سەرىكتەستىگىنەن زەينەتكە شىققان جۇمىسشى، ءارى جەرگىلىكتى ورىنداعى اتى الىس ـ جاقىنعا ايگىلى ىنتىماق، دوستىقتىق ۇلگىسى، كەزىندە اۆتونوميالى رايوندىق ەڭبەك ۇلگىسى، مەملەكەت بويىنشا «شەكارانى قورعاعان تاڭداۋلى ۇل-قىزدار» وردەنى، شينجياڭ بويىنشا ساۋدا جۇيەسىندەگى وزات جەكە سياقتى داڭقتى اتاقتارعا يە بولعان. اكەسىنىڭ مەيىرى مەن جاقسىلىققا جانى قۇشتار ارەكەتى سالايدىنعا اسەر ەتىپ كەلگەن ەدى. سالايدىن بىلاي دەدى: بالا كەزىمدە، اكەم مەنى قايىر-ساقابات قيمىلدارىنا ەرتىپ اپارىپ، تاربيە بەرەتىن. ءبىزدىڭ قازىرگى تۇرمىسىمىز وڭاي-وسپاق قولعا كەلمەگەن، باسقالارعا، وتانعا العىس ايتا ءبىلۋىمىز كەرەك، ءار ۇلت ىنتىماقتى بولعاندا عانا، كورىكتى مەكەندى قۇرۋعا بولادى.

  سالايدىننىڭ اۋلاسىنا كىرگەندە، اۋلاداعى جەلبىرەپ تۇرعان بەس جۇلدىزدى قىزىلتۋ ەڭ الدىمەن كوزگە تۇسەدى. 2009-جىلى مەملەكەت مەرەكەسى كەزىندە، اكەلى-بالالى ەكەۋى مەملەكەت تۋىن شىعارۋ ءتاسىلى ارقىلى ماڭىنداعى كورشىلەرگە وتاندى ءسۇيۋ جانە ۇلتتار ىنتىماعىن قورعاۋدىڭ ماڭىزدىلىعىن ءتۇسىندىرۋ بەكىمىنە كەلدى. سالايدىننىڭ اكەسى سالىقجان يمىن بىلاي دەدى: ءبىزدىڭ قازىرگى باقىتتى تۇرمىسى كەشىرۋىمىز پارتيا مەن مەملەكەتتىڭ ارقاسى، ءبىز مەملەكەت تۋىن شىعارۋ ارقىلى بەكىمىمىزدى ايگىلەيمىز، اۋەلى وتباسىمىز، ماڭىمىزداعى كورشىلەر، مەكەمەدەگى قىزمەتتەستەر ىنتىماقتى بولعاندا عانا، شينجياڭنىڭ ىنتىماعىن، ورنىقتىلىق قىزمەتىن جاقسارتۋعا بولادى.

  ءسويتىپ اكەلى-بالالى ەكەۋى تۋ شىعارۋ سالتىن 7 جىل تاباندىلىقپەن جالعاستىردى. ءار جىلى مەملەكەت مەرەكەسى كەزىندە، ۇنەمى كوپتەگەن ادام اتىن ەستىپ ونىڭ اۋلاسىنا كەلىپ تۋ شىعارۋ سالتىنا قاتىناسادى. ال اكەلى-بالالى ەكەۋىنىڭ جۇرەگىندە، مەملەكەت تۋىن شىعارۋ ادەتتەگى جينالىس ەمەس، قايتا وتاندى قىزۋ ءسۇيۋدى بەينەلەۋدىڭ ءتاسىلى ەدى. سالايدىن بىلاي دەدى: تۋ وتاننىڭ بەدەلى، باسقا ءىرى ءىستى ىستەي الماسامدا كىشى-گىرىم ىستەر ارقىلى كوپ ادامدى اسەرلەندىرسەم دەيمىن.سالىقجان يمىن، وسى وتانشىلدىق رۋحتى جەتكىزەتىنىن، ۇلتتار ىنتىماعىن جەبەيتىن تۋ شىعارۋ سالتىن جالعاستىرا تۇسەتىنىن ايتا كەلىپ: دەنساۋلىعىم جار بەرسە، تۋ شىعارۋدى جالعاستىرا بەرەمىن، مەنىڭ شامام كەتكەندە ۇلىم، نەمەرەم جالعاستى تۋ شىعارادى، ــ دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.