- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق ءتارتىپ تەكسەرۋ كوميتەتى پارتيا ستيلى، پاكتىك قۇرىلىسى جانە جەمقورلىققا قارسى تۇرۋ قىزمەتى جونىندە اڭگىمە ءماجىلىس وتكىزدى
ءتارتىپ ورناتىپ، ءتارتىپتى قاتايتىپ، ءتارتىپتى تياناقتى اتقارىپ، تاماشا ساياسي ەكولوگيانى بەلسەنە قالىپتاستىرۋ كەرەك ءمورالدى ادام تاربيەلەۋدى وقۋ - اعارتۋدىڭ ءتۇبىرلى مىندەتى ەتەيىك
2015.06.05 13:41 كەلۋ قاينارى : ءتاڭىرتاۋ تورابى
1 - ماۋسىمدا اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق ءتارتىپ تەكسەرۋ كوميتەتىنىڭ شۋجيى شۇي حايرۇڭ پارتيا ستيلى، پاكتىك قۇرىلىسى جانە جەمقورلىققا قارسى تۇرۋ قىزمەتى جونىندەگى اڭگىمە ءماجىلىستى باسقارىپ اشتى. ول بىلاي دەپ باسا دارىپتەدى: ءتارتىپ قۇرىلىسىن شىن مانىندە كۇشەيتىپ، ءتارتىپتى الدىڭعى ورىنعا قويىپ، ونى پارتيانى باسقارۋدىڭ، پارتيانى جونگە سالۋدىڭ ولشەمىنە اينالدىرۋ، ءتارتىپ ورناتىپ، ءتارتىپتى قاتايتىپ، ءتارتىپتى تياناقتى اتقارىپ، تاماشا ساياسي ەكولوگيا قالىپتاستىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ساياسي مەن ءتارتىپ جاعىنان پارمەندى تۇردە قامتاماسىز ەتۋ كەرەك.
شۇي حايرۇڭ مىنالاردى اتاپ كورسەتتى: پارتيا ستيلى، پاكتىك قۇرىلىسى جانە جەمقورلىققا قارسى تۇرۋ قىزمەتى جازالاۋ جانە ساقتانۋ سىندى ەكى جاقتى قامتيدى، بۇل ەكەۋى ءوزارا بايلانىسقان، ءبىرىن - ءبىرى جەبەيدى، ديالەكتيكالىق بىرلىك قاتىناسى بار. قازىر جەمقورلىقتىڭ ءوربۋ ورتاسى ءالى ءومىر سۇرۋدە، جەمقورلىققا قارسى كۇرەستىڭ جاعدايى ءالى دە اۋىر دا كۇردەلى. سوندىقتان سانانى سەرگەك ۇستاپ، ساياسي تۇراقتىلىقتى ساقتاپ، پارمەندى شارا قولدانىپ، پارتيا ستيلى، پاكتىك قۇرىلىسىن جانە جەمقورلىققا قارسى كۇرەستى شىن مانىندە كۇشەيتۋىمىز كەرەك: ءبىر جاعىنان، جەمقورلاردى جازالاۋدى كورنەكتى ورىنعا قويىپ، جەمقورلاردى، ءسوزسىز، جازالاۋعا، قيانات ىستەگەندەرگە، ءسوز جوق، قاتال بولۋعا تاباندى بولىپ، ەشقانداي ساڭلاۋ قالدىرماي، تۇگەل قامتىپ، ەشقانداي جول بەرمەي، ەڭ باتىل پوزيتسيا ارقىلى جەمقورلىقتى بارىنشا ازايتۋ كەرەك؛ ەندى ءبىر جاعىنان، جەمقورلىقتان عىلمي، ءونىمدى تۇردە ساقتانۋ قىزمەتىن كۇشەيتىپ، جەمقورلىقتىڭ ءورشۋىن ەڭ باتىل شارا ارقىلى اۋىزدىقتاۋ كەرەك.
شۇي حايرۇڭ بىلاي دەپ باسا دارىپتەدى: ءتارتىپتىڭ جەمقورلاردى جازالاۋ جانە جەمقورلىقتان ساقتانۋ سىندى 2 ءونىمى بار، سوندىقتان ءتارتىپ قۇرىلىسىن، ءسوز جوق، جاپپاي كۇشەيتۋ كەرەك. ءبىرىنشى، ءتارتىپ ورناتۋ، تارتىپكە قايشىلىق جاساۋداعى جاڭا نىساي، جاڭا وزگەرىستەردى قالت جىبەرمەي قاداعالاپ، ەلەك كوزىن تارايتىپ، «كۇشىنەن قالدىرۋ، تۇزەتۋ، ورناتۋ» ارقىلى پارتيانىڭ زاڭ - ەرەجە، ءتۇزىم جۇيەسىن كەمەلدەندىرىپ، ءتارتىپ پەن ەرەجەنى ءتىپتى بەكەمدەي ءتۇسۋ كەرەك. ەكىنشى، ءتارتىپتى اتقارىپ، پارتيا ءتارتىبى الدىندا بارلىق ادامنىڭ تەڭ، ءتارتىپتى اتقارۋدا ەشكىمنىڭ ەرەكشەلەنۋىنە بولمايدى دەگەن كوزقاراستان جازباي، كىمدە - كىم ءتارتىپتىڭ تومەنگى شەگىنەن وتسە، سونى قاتاڭ ءبىر جايلى ەتىپ، ءتارتىپتىڭ قاتالدىعىن باتىل قورعاۋ كەرەك. ءۇشىنشى، تارتىپكە بويسۇنىپ، پارتيا ۋستاۆى مەن پارتيا ەرەجەسى، پارتيا ءتارتىبى جونىندەگى تاربيەنى كۇشەيتىپ، قالىڭ پارتيا مۇشەلەرىن، اسىرەسە، پارتيالى باسشى كادرلاردى ءتارتىپ سىندى قىزىل سىزىقتى قاشاندا ەستە بەرىك ساقتاپ، سانالى تۇردە ءتارتىپتى ارەكەت ولشەمى ەتىپ، تارتىپتەن يمەنىپ، تارتىپكە بويسۇنۋدىڭ ۇلگىلەرىنەن بولۋعا جەتەكتەۋ كەرەك.
شۇي حايرۇڭ مىنالاردى باسا اتاپ كورسەتتى: پارتيا ءتارتىبى زاڭنان قاتاڭ، پارتيانى جاپپاي قاتاڭ جونگە سالۋدا، ءسوز جوق، ءتارتىپتى زاڭنىڭ الدىنا قويىپ، ءار دارەجەلى پارتيا ۇيىمدارى مەن قالىڭ پارتيالى كادرلارعا ءتارتىپ ارقىلى قاتاڭ تالاپ قويىپ، ولاردى قاتاڭ تاربيەلەپ، قاتاڭ باسقارىپ، قاتاڭ باقىلاپ، تارتىپكە قايشى ارەكەتتەردى ەرتە باستان، كىشكەنە كەزىنەن، قىلپى بىلىنگەننەن باستاپ ۇستاپ، دەر كەزىندە ەسكەرتىپ، تاربيە بەرىپ ساقتاندىرىپ، پارتيالى كادرلاردىڭ تومەنگى شەكتەن ءوتىپ، قىزىل سىزىققا سوقتىقپاۋىنا مۇمكىندىك جاساپ، كىشكەنە اعاتتىقتاردىڭ ۇلكەن قاتەلىككە، تارتىپكە قايشى ارەكەتتىڭ زاڭعا قايشى ماسەلەگە اينالىپ كەتۋىنەن ساقتانۋ كەرەك.
شۇي حايرۇڭ مىنالاردى تالاپ ەتتى: ءار دارەجەلى پارتيا ۇيىمدارى پارتيا ءتارتىبى، پاكتىك قۇرىلىسىنداعى سۋبيەكتتىك جاۋاپكەرشىلىگىن ويداعىداي تياناقتاندىرىپ، ءتارتىپ قۇرىلىسىنىڭ جەتەكشىسى، اتقارۋشىسى، ىلگەرىلەتۋشىسى بولۋى كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى نەگىزگى كاسىپكە، نەگىزگى جاۋاپكەرشىلىككە نازار اۋدارىپ، ءتارتىپتى باسقارۋدى باعىت ەتە وتىرىپ، «ۇشكە بۇرىلىس جاساۋدى» تەرەڭدەتىپ، ەرەجە ارقىلى پارتيانى باسقارۋدى، ءتارتىپتى قاتايتۋدى ءتارتىپتىڭ اتقارىلۋىن باقىلاپ جاۋاپكەرشىلىكتى قۋزاستىرۋدىڭ جالپى بارىسىنا ءسىڭىرۋى كەرەك. ءتارتىپ تەكسەرۋ، باقىلاۋ - تەكسەرۋ كادرلارى پارتيانىڭ بيلىك جۇرگىزۋ ورنىن بەكەمدەۋ، پارتيانىڭ بيلىك جۇرگىزۋ قابىلەتىن جوعارىلاتۋ، پارتيانىڭ بيلىك جۇرگىزۋ بورىشىن ورىنداۋ تۇرعىسىنان، پارتيا ستيلى قۇرىلىسىن جانە جەمقورلىققا قارسى كۇرەستى كۇشەيتۋدىڭ ەرەكشە ماڭىزدىلىعىن جەتە تانىپ، پارتيانى جاپپاي قاتاڭ باسقارۋ، پارتيانى ەرەجەمەن باسقارۋداعى ساياسي جاۋاپكەرشىلىكتى سانالى تۇردە ۇستىنە الىپ، پارتيانى الاڭسىز ەتەتىن ادال قورعاۋشىلاردان بولۋى كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
