- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءتۇرلى قارجىنى وزەكتى رايون قۇرىلىسىنا قىزمەت كورسەتۋگە جەتەكتەۋ كەرەك
جاڭ چۇنشيان تايكاڭ عۇمىر قامسىزداندىرۋ شەكتى جارنا سەرىكتەستىگىنىڭ باس جوراسى چىن دۇڭشىڭمەن كەزدەستى
2015.06.10 13:57 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 6 - ماۋسىم تۇستەن كەيىن ۇرىمجىدە تايكاڭ عۇمىر قامسىزداندىرۋ شەكتى جارنا سەرىكتەستىگىنىڭ باس جوراسى، قوسىمشا باس اتقارۋشىسى چىن دۇڭشىڭمەن كەزدەستى.
تايكاڭ عۇمىر قامسىزداندىرۋ شەكتى جارنا سەرىكتەستىگى 1996 - جىلى قۇرىلعان. باسقارۋىندا 640 ميلليارد يۋاننان استام مال - مۇلكى بار، عۇمىر قامسىزداندىرۋىن وزەك ەتكەن وسى سەرىكتەستىكتىڭ كاسىپورىنداردىڭ جىلدىق ۇستەمە اقشاسى، مال - مۇلىكتى باسقارۋ، زەينەتتى قامسىزداندىرۋ الەۋمەتتىك اۋماعى جانە دەنساۋلىق قامسىزداندىرۋى سياقتى تولىق كاسىپ تىزبەگى بار، ەلىمىزدە 4 - ورىندا تۇراتىن قامسىزداندىرۋ سەرىكتەستىگى.
جاڭ چۇنشيان بىلاي دەدى: تايكاڭ عۇمىر قامسىزداندىرۋ شەكتى جارنا سەرىكتەستىگىنىڭ وسى كاسىپ سالاسىندا ەداۋىر اتاعى بار، شينجياڭنىڭ «ءۇش بازا، ءبىر وتكەل» حالىق تۇرمىسى ينجەنەريالارى قۇرىلىسىنا وراسان زور قولداۋ كورسەتتى. «ءبىر بەلدەۋ، ءبىر جول» قۇرىلىسىندا ورتالىق شينجياڭدى جىبەك جولى ەكونوميكالىق بەلدەۋىندەگى وزەكتى رايون ەتىپ بەلگىلەدى، بۇل شينجياڭنىڭ دامۋى ءۇشىن ماڭىزدى وراي، سونداي - اق اۆتونوميالى رايوننىڭ مەملەكەتتىك ستراتەگيانى تياناقتاندىرۋىنىڭ ماڭىزدى تۇتقاسى. وزەكتى رايون قۇرىلىسى نەگىزدىك قۇرىلعىلار قۇرىلىسىن، ەكونوميكالىق ساۋدا اۋىس - كۇيىسىن كوزدەۋ ءتۇيىنى ەتۋمەن قاتار، شينجياڭنىڭ بولاشاقتىق دامۋىن دا تياناق ەتىپ، ورتا، ۇزاق مەزگىلدىك رول اتقاراتىن كەلەلى نىسانداردى جوبالاۋ كەرەك. رەفورمادا جاڭالىق اشۋ تاسىلىمەن ءتۇرلى قارجىنى وزەكتى رايونداعى كەلەلى نىساندار قۇرىلىسىنا ءتۇرلى تاسىلدەرمەن قاتىسۋعا جەتەكتەپ، بازار زاڭدىلىعىنان يكەمدى پايدالانىپ، شينجياڭنىڭ قۇرىلىسىنا، «ءبىر بەلدەۋ، ءبىر جول» قۇرىلىسىنا قىزمەت ەتۋ كەرەك. تايكاڭ عۇمىر قامسىزداندىرۋ شەكتى جارنا سەرىكتەستىگى مەن اۆتونوميالى رايوننىڭ دەن قويا توعىسىپ، رەفورمانى جاپپاي تەرەڭدەتۋدىڭ قاجەتىنە، بازار شارۋاشىلىعىنىڭ دامۋ زاڭدىلىعىنا، شينجياڭنىڭ ءىس جۇزىندىك جاعدايىنا ۇيلەسەتىن سەلبەستىك ۇلگىسى مەن نىساندارىن تاڭداپ، قامسىزداندىرۋ قارجىسىنىڭ ۇزاق مەرزىمدىك قارجى قوسۋ، بازارلاستىرۋ مەحانيزمىنەن پايدالانىپ، الەۋمەتتىك قىزمەتتىڭ وزىندىك قۇنىن تومەندەتۋ باسىمدىعىن ساۋلەلەندىرىپ، قارجىنى ەكونوميكانىڭ، قوعامنىڭ دامۋىنا ۇزاق مەرزىمدىك قارجى قوسۋعا جۇمساپ، وقۋ - اعارتۋ، سۋ ىستەرى، قاتىناس سياقتى ۇزاق بولاشاقتىق نەگىزدىك قۇرىلعىلار قۇرىلىسى سالالارىندا ىشكەرىلەي سەلبەستىك جاساسىپ، سەلبەستىك تاسىلىنە جاڭالىق ەنگىزىپ، شينجياڭداعى ءار ۇلت حالقىنا يگىلىك اكەلىپ، شينجياڭنىڭ دامۋىنا كۇش قوسۋ كەرەك.
چىن دۇڭشىڭ بىلاي دەدى: «ءبىر بەلدەۋ، ءبىر جول» قۇرىلىسى شينجياڭعا جاڭا تاريحي وراي اكەلۋمەن قاتار، كاسىپورىندار ءۇشىن دە اناعۇرلىم كوپ دامۋ ورايىن ازىرلەدى. تايكاڭ عۇمىر قامسىزداندىرۋ شەكتى جارنا سەرىكتەستىگى شينجياڭداعى 11 جىلدان بەرگى دامۋ تاجىريبەلەرىن مۇقيات قورىتىندىلاپ، تايكاڭ عۇمىر قامسىزداندىرۋى، تايكاڭ زەينەتتى قامسىزداندىرۋى، جايجيسۇڭ سياقتىلاردىڭ شينجياڭداعى بولىمشە سەرىكتەستىكتەرىنىڭ رولىن ساۋلەلەندىرىپ، قامسىزداندىرۋ كاسىبىنىڭ باسىمدىعىن كۇشەيتىپ، شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىنا بەلسەنە ات سالىسىپ، شينجياڭنىڭ دامۋىنا جاڭا قوزعاۋشى كۇش قوسادى.
حۋاڭ ۋي، ەركىن تۇنياز، ۋان حايچۋاندار كەزدەسۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
