بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

مەملەكەتتىك كەڭەس كەڭسەسى جەتەكشى پىكىرىن باسىپ تاراتىپ شينجياڭنىڭ توقىماشىلىق، كيىم - كەشەك كاسىبىنىڭ دامۋىن قولداپ، كاسىپتەنۋدى جەبەدى

2015.06.29 14:52     كەلۋ قاينارى : شينجياڭ گازەتى

  شينحۋا اگەنتتىگىنىڭ 25 - ماۋسىمدا بەيجيڭنەن بەرگەن حابارى. تاياۋدا مەملەكەتتىك كەڭەس كەڭسەسى «شينجياڭنىڭ توقىماشىلىق، كيىم - كەشەك كاسىبىنىڭ دامۋىن قولداپ، كاسىپتەنۋدى جەبەۋ جونىندەگى جەتەكشى پىكىردى» (قىسقارتىلىپ «پىكىر» دەلىنەدى) باسىپ تاراتىپ، شينجياڭنىڭ توقىماشىلىق، كيىم - كەشەك كاسىبىنىڭ اقاۋسىز دامۋىن جەبەۋ، شينجياڭداعى ءار ۇلت حالقىنىڭ كاسىپتەنۋىن، شارۋاشىلىق قۇرۋىن جەبەۋ جونىندە ورنالاستىرۋ جاسادى.

  «پىكىردە» ساتىعا ءبولىپ اتقارۋعا سايكەس، كاسىپ سالاسى مەن كاسىپتەندىرۋ قىزمەتى جونىندەگى دامىتۋ نىساناسى العا قويىلدى. 2020 - جىلعا دەيىن شينجياڭنىڭ توقىماشىلىق، كيىم - كەشەك كاسىبىنىڭ تۇلعالىق قۋاتى مەن دامۋ ورەسى جوعارىلاتىلىپ، كاسىپتەنۋ كولەمى كورنەكتى تۇردە كەڭەيتىلىپ، مەملەكەتتىڭ ماڭىزدى ماقتا توقىماشىلىق كاسىبى بازاسى، باتىس سولتۇستىك رايون مەن جىبەك جولى ەكونوميكالىق بەلدەۋىنىڭ وزەكتى رايونىنداعى كيىم - كەشەك ءوندىرىس بازاسى جانە باتىسقا ەكسپورت ەتۋدەگى توپتاۋ - جونەلتۋ ورتالىعى نەگىزىنەن قۇرىلىپ بولادى.

  «پىكىردە» مىنا 8 جاقتاعى ءتۇيىندى مىندەت ايقىندالدى: ءبىرىنشى، كاسىپ سالاسىنىڭ دامۋىن ۇيلەسىمدى ورنالاستىرۋ. اقسۋ توقىماشىلىق ونەركاسىبى قالاشىعى، شىحىزى، كورلا، سونداي - اق ارال ەكونوميكالىق تەحنيكالىق اشۋ رايوندارى سياقتى باقشا رايوندارىن امبەباپ توقىماشىلىق، كيىم - كەشەك كاسىبى بازاسى ەتىپ قۇرىپ شىعۋدى قولداۋ؛ وڭتۇستىك شينجياڭ رايونىنىڭ كيىم - كەشەك، ىلمە توقىما، كىلەم كاسىبى باقشا رايوندارى نەمەسە كاسىپ شوعىرى قۇرىلىسىن دامىتۋىنا كۇش سالا قولداۋ كورسەتۋ. ەكىنشى، كاسىپ ءۇردىسىن ءتارتىپتى تۇردە ىلگەرىلەتۋ. ماقتا توقىماشىلىعىنىڭ ءوندىرىس قۋاتىن ۇيلەسىمدى كەڭەيتىپ، كيىم - كەشەك، ءۇي توقىما بۇيىمدارى، ىلمە توقىما كاسىپتەرىن ءتۇيىندى تۇردە دامىتىپ، توقۋ، بوياۋ سياقتى كاسىپ ارالىق بۋىنداردى كەمەلدەندىرۋ. جەلىمدەۋ كاسىبى، كاپرولاكتام سياقتى سينتەزدىك مۇناي حيميا شيكىزاتتار، سونداي - اق تالشىق كاسىبىن ۇيلەسىمدى دامىتۋ. ءۇشىنشى، شىعىس، ورتا بولىكتەگى كاسىپتەردى ءونىمدى تۇردە كوشىرىپ اكەلۋ. كەدەننىڭ ەرەكشە باقىلاۋ - باسقارۋ ءوڭىرىنىڭ حالىقارالىق، ەل ءىشى بازارىن ءبىر تۇتاس جوسپارلاۋى سىندىق فۋنكتسيالىق رولىن تولىق ساۋلەلەندىرىپ، شىعىس، ورتا بولىكتەگى رايوندارداعى باسىمدىلىققا يە برەندتىك كاسىپورىنداردى، كاسىپ تىزبەگىندەگى كوشباسشى كاسىپورىنداردى شينجياڭعا كەلىپ دامۋ ءورىسىن اشۋعا تارتۋ. ءتورتىنشى، ەرەكشە كاسىپتەر مەن ورتا، شاعىن كاسىپورىنداردى بەلسەنە جەتىلدىرۋ. ۇلتتىق كيىم - كەشەك، مۇسىلمانشا كيىم - كەشەك، قولمەن توقىلعان كىلەم، كەستەشىلىك سياقتى ەرەكشە كاسىپتەردى بارىنشا دامىتۋ. بەسىنشى، حالىقارالىق، ەل ءىشى بازارلارىن كۇش سالا اشۋ. جەرگىلىكتى ورىننىڭ، توڭىرەكتەگى ولكەلەردىڭ جانە توڭىرەكتەگى ەلدەردىڭ كيىم - كەشەك، وتباسىلىق توقىما بۇيىمدارى سياقتى ونىمدەردى تۇتىنۋ بازارىن كۇش سالا اشىپ، بازاردى يەلەۋ سالىستىرماسىن بىرتىندەپ جوعارىلاتىپ، جاقىننان الىسقا قاراي، وڭايدان قيىنعا قاراي حالىقارالىق بازاردى كەڭەيتۋ. التىنشى، باقشا رايوندارىنىڭ نەگىزدىك قۇرىلعىلارىن جەدەل كەمەلدەندىرۋ. باقشا رايوندارىنىڭ نەگىزدىك قۇرىلعىلارىن، سونداي - اق سايكەستى تۇرمىستىق قۇرىلعىلارىن ءتۇيىندى تۇردە سالىپ، باقشا رايوندارىنىڭ امبەباپ سايكەستى قۋاتىن ارتتىرۋ. جەتىنشى، وندىرىستىك قىزمەت وتەۋ كاسىپتەرىن سايكەستى تۇردە دامىتۋ. ءتۇيىندى باقشا رايوندارىنىڭ الەۋمەتتىك قىزمەت تەكشەسىن قۇرۋىن قولداۋ، كەزدەمە، قوسىمشا ماتەريال، ۇساق بولشەكتەر سياقتىلارمەن قامداۋ بازارىن سايكەستى تۇردە قۇرۋدى قولداۋ. زات اينالىمى نەگىزدىك قۇرىلعى بايلىقتارىن بىرىكتىرۋدى جانە ودان ءونىمدى تۇردە پايدالانۋدى ىلگەرىلەتۋ. سەگىزىنشى، كاسىپتىك تەحنيكالىق شەبەرلىككە باۋلۋدى جانە دارىندى تاربيەلەۋدى كۇشەيتۋ. «پىكىردە» قازىنالىق، فينانستىق قولداۋ سەرپىنىن ارتتىرۋ سياقتىلار تۇرعىسىنان مىناداي 6 ساياساتتىق شارا العا قويىلدى: ءبىرىنشى، قازىنالىق قولداۋ ساياساتىن اتقارۋ. ورتالىق قازىناسىنىڭ شينجياڭنىڭ توقىماشىلىق، كيىم - كەشەك كاسىبىنىڭ دامۋىنا ۇسىنىلىم تەبىنىن ارتتىرۋ. ەكىنشى، شينجياڭنىڭ، اسىرەسە، وڭتۇستىك شينجياڭ رايونىنىڭ توقىماشىلىق، كيىم - كەشەك كاسىپورىندارىندا كاسىپتەنگەن قيىنشىلىعى بار ادامدارعا قوعامدىق قامسىزداندىرۋ قوسىمشا قاراجاتىن بەرۋ، سونداي - اق جۇمىسقا ورنالاسۋدان ىلگەرى تەحنيكالىق شەبەرلىككە باۋلۋ بويىنشا قوسىمشا قاراجات بەرۋ ساياساتىن تياناقتاندىرۋىن ىلگەرىلەتۋ. ءۇشىنشى، مەملەكەت شينجياڭنان شىعارىلاتىن ماقتا توقىما بۇيىمدارىن تاسىمالداۋ اقىسىنا قاتىستى قوسىمشا قاراجات بەرۋ ساياساتىن ۇزدىكسىز اتقارادى ءارى ونى كيىم - كەشەك، ءۇي توقىما بۇيىمدارى سياقتىلاردى جىنتىكتەي مانەرلەۋ ونىمدەرىنە دەيىن كەڭەيتەدى. شينجياڭنىڭ حالىقارالىق زات تاسىمالى كەزەكشى پويەزىنىڭ قاتىناتۋىن قولداۋ. ءتورتىنشى، باقشا رايوندارىنىڭ ءوندىرىس، شارۋاشىلىق ورتاسىن جاقسارتىپ، كاسىپورىنداردىڭ ەلەكتر، گاز پايدالانۋ وزىندىك قۇنىن تومەندەتۋ، ولشەمدى زاۆود ۇيلەرى قۇرىلىسىنا ارناۋلى قارجىمەن قولداۋ كورسەتۋ. بەسىنشى، فينانستىق قولداۋ تەبىنىن ارتتىرىپ، توقىماشىلىق، كيىم - كەشەك كاسىپتەرىنە سەنىمدى قارىز اقشا بەرۋ كولەمىن كەڭەيتىپ، فينانستىق قىزمەت ۇلگىسىن جاڭالاپ، فينانس قۇرىلىمدارىنىڭ شينجياڭدا ءتىپتى كوپ بولىمشە قۇرىلىمدار اشۋىن قولداپ، شينجياڭنىڭ فينانس قۇرىلىمدارىنىڭ قارىز اقشا بەرۋدى تەكسەرىپ بەكىتۋ ۇقىعىنىڭ شەگىن ۇيلەسىمدى كەڭەيتۋ. التىنشى، جەرگىلىكتى سايكەستى ساياساتتاردى كەمەلدەندىرىپ، سۋ، ەلەكتر، جىلۋ جۇيەسى جانە لاس سۋدى شوعىرلى تۇردە ءبىر جايلى ەتۋ سياقتى الەۋمەتتىك قىزمەتتەردى جاقسى ىستەۋ، سونىمەن قاتار ءوندىرىس قۋاتىنىڭ شەكتەن تىس كەڭەيۋىنەن ساقتانۋ.

  «پىكىردە» مەملەكەتتىك كەڭەستىڭ قاتىستى تاراۋلارىنىڭ، شينجياڭ ۇيعۇر اۆتونوميالى رايوندىق حالىق ۇكىمەتىنىڭ، شينجياڭ ءوندىرىس - قۇرىلىس بيڭتۋانىنىڭ، سونداي - اق شينجياڭعا كومەكتەسۋشى ولكە، قالالاردىڭ ءوز فۋنكتسياسىنا سايكەس، سايكەستى ساياساتتىق شارالاردى اشالاپ، قارىم - قاتىناس پەن سايكەسۋدى كۇشەيتىپ، ساياساتتىق شارالاردىڭ تياناقتانۋىن قامتاماسىز ەتۋى تالاپ ەتىلدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.