- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دۇرىس سەنىم، دۇرىس ارەكەت ارقىلى ىنتىماقتىلىققا، ورنىقتىلىققا ۇلەس قوسايىق
2015.06.29 15:31 كەلۋ قاينارى : شينجياڭ گازەتى
−ءدىني قايراتكەرلەردىڭ اڭگىمە ءماجىلىسى رايونىمىزداعى ءدىني قايراتكەرلەر مەن دىنگە سەنەتىن قاۋىم اراسىندا كۇشتى اڭىس قوزعادى
تۇتاس رايونىمىزدىڭ جەر - جەرىنەن كەلگەن 112 ءدىني قايراتكەر شينجياڭ ءىسلام مەدرەسەسى مەشىتىندە «دۇرىس سەنىمنەن، دۇرىس ارەكەتتەن جازباي، ورتا جولعا تاباندى بولۋ» جونىندە اڭگىمە ءماجىلىس وتكىزدى. رايونىمىزداعى ءىسلام ءدىنى قايراتكەرلەرى وزدەرىنىڭ مول ءدىني بىلىمدەرىمەن، دۇرىس سەنىمدەرىمەن ءىسلام ءدىنى اقيدالارىن جان - جاقتى، ىشكەرىلەي ءتۇسىندىرىپ، تۇبەگەيلى شەشىپ، دۇرىسىن قولداپ، بۇرىسىن الاستاپ، مۇسىلمان قاۋىمىن ورتا جولدان، دۇرىس سەنىمنەن، دۇرىس ارەكەتتەن جازباي، ۇشقارىلىققا توتەپ بەرىپ، ۇلتتار ىنتىماعىن، قوعامنىڭ ورنىقتى دامۋىن قورعاۋ، ءدىن جاراسىمدىلىعىن جەبەۋ جولىندا تىڭ ۇلەس قوسۋعا ۇندەدى.
اڭگىمە ءماجىلىس رايونىمىزداعى ءدىني قايراتكەرلەر مەن قالىڭ مۇسىلمان قاۋىمى اراسىندا كۇشتى اڭىس قوزعادى. كوپشىلىك ءىسلام ءدىنى اقيدالارىنداعى بەيبىتشىلىكتى، وتاندى، ءدىندى ءسۇيۋدى، ىنتىماقتى، بەرەكەلى ءوتۋدى دارىپتەۋ تانىمىن تۇرمىسپەن ۇشتاستىرىپ، ۇلتتاردىڭ مادەنيەتىنە، داستۇرىنە اشىق ويلى، قايىرىمدى بولۋ پوزيتسياسىمەن قاراپ، ۇلتتار ىنتىماعى مەن قوعام ورنىقتىلىعىن ءتىپتى دە قادىرلەپ، زاڭنىڭ بەت - بەدەلىن بارىنشا قورعايتىندىقتارىن ءبىلدىردى. ءدىني ۇشقارى يدەيانىڭ ءىسلام ءدىنىنىڭ نەگىزگى رۋحىن اياق استى ەتىپ، ءىسلام ءدىنى اقيدالارىن بۇرمالاپ، ورنىقتىلىقتى، ىنتىماقتى بۇلدىرگەن قارا نيەت قاسكۇنەمدىكتەرىن جىعا تانىپ، ولاردىڭ تاراتقان سان قيلى قاۋەسەتتەرى مەن تەرىس ۋاعىزدارىنا باتىل تويتارىس بەرىپ، ۇلتتىق بولشەكتەۋشى ەلەمەنتتەرگە، زورلىقتى كۇش لاڭكەستەرىنە، ءدىني ۇشقارى ەلەمەنتتەرگە بارلىق ادام نالەت جاۋدىراتىن، بارلىق ادام قارسى تۇراتىن جاعداي قالىپتاستىرىپ، وڭاي - وسپاق قولعا كەلمەگەن قوعام ورنىقتىلىعى جاعدايىن بىرگە قورعاۋ كەرەك.
جاس ءدىني قايراتكەر، ءىسلام ءدىنى مەدرەسەسىنىڭ وقۋشىسى ابدىرەشيت ابدۋايىت اڭگىمە ماجىلىستە قۇرمەتتى اعا - بۋىنداردىڭ ءتالىمىن ەستىگەننەن كەيىن، توتەنشە تەبىرەنگەن سەزىممەن تىلشىگە: ءىسلام ءدىنى − تۋراشىل، بەيبىت ءدىن، مۇسىلمانداردان مەيىرىمدى بولۋدى، قوعامدىق تۇرمىستا قوعامدىق ءمورالعا قاتاڭ بويسۇنۋدى، مەملەكەتتىڭ زاڭ - جارلىقتارىنا بويسۇنۋدى، تۋىسقان ۇلتتارمەن ىنتىماقتى، قارايلاسىمدى، تاتۋ - ءتاتتى ءوتۋدى، تۇرمىسقا بەلسەندى، ىنتالى پوزيتسيا ۇستاۋدى تالاپ ەتەدى، ناعىز ورتا جول دەگەن مىنە وسى. «اۋىلعا قايتىپ بارعاننان كەيىن، ۇيرەنگەن بىلىمدەرىمدى اماليات بارىسىندا ىستەتىپ، ءىسلام ءدىنىنىڭ ورتا جول يدەياسىن كەڭ كولەمدە ۇگىتتەپ، دىنگە سەنەتىن قاۋىمنىڭ ءىسلام ءدىنى اقيدالارىن دۇرىس تۇسىنۋىنە، سانالارىن سەرگىتۋلەرىنە، دۇرىس پەن بۇرىستى پارىقتاۋلارىنا جەتەكشىلىك ەتىپ، ءىسلام ءدىنىنىڭ بەيبىت، اسا مەيىرىمدىلىك تانىمىن دىنگە سەنەتىن قاۋىمنىڭ جۇرەگىنە تەرەڭ ۇيالاتۋعا كۇش سالامىن»، - دەدى بەرىك سەنىممەن.27 جاستاعى وسپانجان ءومار ىجداعاتتى مۇسىلمان، ول تىلشىگە بىلاي دەدى: بالا كۇنىمنەن اكە - شەشەم مەنى اق كوڭىل دە ادال جان بولۋعا، باسقالاردى زاقىمداماۋعا، زاڭعا قيعاشتىق جاساماۋعا تاربيەلەپ كەلەدى. ءىسلام ءدىنىنىڭ اقيدالارى دا بىزگە ەشبىر جان يەسىنە زالال جەتكىزبەۋ، اۋەلى، جولدا جاتقان قۇمىرىسقانىڭ دا وبالىنا قالماۋ جونىندە تاربيە بەرەدى. بەيبىتشىلىكتى قىزۋ ءسۇيۋ، باسقالارعا جاقسىلىق ىستەۋ مۇسىلماندار ازىرلەۋگە ءتيىستى نەگىزگى ساپا، باسقا دىندەگىلەرمەن بارىس - كەلىس جاساسقاندا دا تۇرلىشە سەنىمدەگى ۇلتتىڭ تۇرمىس ادەتىنە قۇرمەت ەتەمىز. ءبىزدىڭ زاڭدى ءدىني قيمىلدارىمىز مەملەكەت زاڭىنىڭ قورعاۋىندا بولىپ كەلەدى، مۇسىلمان ەمەس بۇقارامەن ءبىر ورتادا جاساپ جاتىرمىز، ولارمەن تاتۋ - ءتاتتى ءوتىپ، بارىس - كەلىس جاساسىپ تۇرۋىمىز كەرەك، مۇنداي دوستىق قاتىناس كۇن نۇرى سياقتى ادام ومىرىندە كەم بولسا بولمايدى. مەنىڭشە، مۇسىلماندار ءوز ارەكەتىنە قاي - قاشان دا ءۇڭىلىپ تۇرۋ، ءىسلام ءدىنىنىڭ اقيدالارىنا، شاريعاتتارىنا بويسۇنۋ، جاقسىلىق ىستەپ تۇرۋ، جاۋىزدىقتان اۋلاق بولۋ قاجەت، وسىلاي بولعاندا عانا اللانىڭ مەيىر - شاپاعاتىنا بولەنۋگە بولادى.
شينجياڭ ءىسلام ءدىنى مەدرەسەسىنىڭ ءدىن وقىتۋشىسى مامەت سىمايىل: ارام نيەتى بار ات توبەلىندەي ادامدار ۋاعىز ايتىپ، ۇگىت - تاربيە جۇرگىزۋدى سىلتاۋراتىپ، بەيبىتشىلىكتى، بەرەكەنى دارىپتەيتىن ءىسلام ءدىنىن زورلىقتى كۇشتى جاقتايتىن، وشپەندىلىك تۋدىراتىن ءدىن ەتىپ بۇرمالاپ، پارتيامىزدىڭ ءدىن ساياساتىن قارالادى. ولار وتانىمىزدى بولشەكتەۋ ماقساتىنا جەتۋ ءۇشىن ءدىن تونىن جامىلىپ، زورلىقتى كۇش لاڭكەستىك ۋاقيعالارىن قاساقانا تۋدىرىپ، جازىقسىز جانداردىڭ جانىن جالماپ، ۇلتتىق وشپەندىلىككە جەلىكتىردى، ولاردىڭ ارەكەتى مۇسىلمانداردىڭ رۋحىنا قيعاش، ءدىني ۇشقارى يدەيامەن سوڭىنا دەيىن باتىل كۇرەسۋىمىز كەرەك، - دەدى. مامەت سىمايىل ءوز قىزمەتىنە ۇشتاستىرىپ بىلاي دەدى: ءدىن وقىتۋشىسى بولعان مەن ۇيرەنۋدى كۇشەيتىپ، ءدىن اقيدالارىن، شاريعاتتارىن ىشكەرىلەي زەرتتەپ، ءىسلام ءدىنىنىڭ اقيدالارىنداعى زورلىقتى كۇشكە قارسى تۇراتىن، بەيبىتشىلىكتى، بەرەكەنى، وتاندى ءسۇيۋدى دارىپتەيتىن يدەيانى وقىتۋ بارىسىندا بەينەلەپ، دىنگە سەنەتىن قاۋىم اراسىندا پارتيا ورتالىق كوميتەتىنىڭ، مەملەكەتتىك كەڭەستىڭ شينجياڭداعى ءار ۇلت حالقىنا دەگەن ىستىق ىقىلاستى قامقورلىعىن زور كۇشپەن ۇگىتتەپ، دىنگە سەنەتىن قاۋىمعا ورتالىقتىڭ قامقورلىعى مەن سوتسياليستىك وتانىمىزدىڭ مەيىرىن شىنايى سەزىندىرەمىن.
ءۇرىمجى 1 - تامىز بولات - تەمىر زاۆودىنىڭ تۇرعىنى سىدىق وشۇر بىلاي دەدى: قوعام ورنىقتى بولعاندا عانا، قىزمەتىمىز بەن تۇرمىسىمىز اناعۇرلىم جاقسى بولادى، اناعۇرلىم باقىتتى تۇرمىس ءۇشىن كۇرەسەتىن بولامىز، ورنىقتىلىق − قۇت، بىلىقپالىق − جۇت، بۇل بالالار دا بىلەتىن شىندىق، ەرەسەكتەردىڭ بىلمەيتىن ءجونى جوق. بەرتىنگى جىلداردا شينجياڭدا وراسان زور وزگەرىس تۋىلدى، توڭىرەگىمدەگى ءار ۇلت تۋىسقاندارمەن بىرگە مەن دە پارتيا مەن ۇكىمەتتىڭ شينجياڭداعى ءار ۇلت جۇرتشىلىعىنا دەگەن قامقورلىعى مەن سۇيىسپەنشىلىگىن سەزىندىم، ءبىزدىڭ تاماشا تۇرمىسقا تالپىنۋ تەبىنىمىز كۇشەيدى، وڭاي - وسپاق قولعا كەلمەگەن وسى قوعام ورنىقتىلىعىن ءبارىمىز دە ايرىقشا قاستەرلەيمىز. دىنگە سەنەتىن قاراپايىم بۇقارا بولعان مەن مۇنىڭ تەرەڭ قاتپارلى ماعىناسىن تۇسىنەمىن، دۇرىس سەنىم، دۇرىس ارەكەت ارقىلى قوعامنىڭ دامۋى مەن ورنىقتىلىعىنا ۇلەس قوسامىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
