- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءۇرىمجى قالاسىنىڭ قاتىستى تاراۋلارى ورازا ايىنداعى قىزمەت كورسەتۋ، قامتاماسىز ەتۋ قىزمەتىن كۇش سالا جاقسى ىستەدى
2015.07.15 13:20 كەلۋ قاينارى : ءتاڭىرتاۋ تورابى
«كىرىڭىزدەر، كەلىڭىزدەر! ءار كۇنى ءتۇن ورتاسىنا دەيىن كەزەكشىلىك ىستەپ، قاتتى جاپا شەكتىڭىزدەر! بىزبەن بىرگە اۋىز اشار اسىن جەپ الىڭىزدار!». 13 - شىلدە ساعات 21دەن 57 مينۋت وتكەندە ءۇرىمجى قالاسى تيانشان رايونى ۇلانباي مەشىتىنىڭ اۋلاسىنداعى اس ۇستەلىنە بالاۋ، كوجە، قاربىز، ءجۇزىم، قاۋىن سياقتى ازىق - تۇلىكتەر قويىلدى، يەن - ىر - و وڭتۇستىك الەۋمەتتىك اۋماعى پارتيا ياچەيكاسىنىڭ شۋجيى چىن ۋىنجيە جانە ونىمەن بىرگە كەزەكشىلىك ىستەگەن 10 ادامدى يمام مەشىت اۋلاسىنا شاقىرىپ اكەلدى.
وسىدان بۇرىن، يەن - ىر - و وڭتۇستىك الەۋمەتتىك اۋماعىنىڭ قىزمەتكەرلەرى كوپ رەت مەشىتكە كەلىپ، مۇسىلمان قاۋىمىنىڭ قاجەتىن ۇعىسىپ، ولاردىڭ قيىنشىلىعىن شەشۋگە كومەكتەستى. «ءبىز كەزەكشىلىكتى 17 - ماۋسىمدا باستاعانبىز، مۇسىلمان بۇقاراسى ءار كۇنى اۋىز اشار كەزدە كەزەكشىلىك ءتۇيىنىنىڭ قىزمەتكەرلەرىنە تاماق ۇسىنادى، ءبىز بۇدان ايرىقشا اسەرلەندىك»، - دەيدى چىن ۋىنجيە.
ۇعىسۋىمىزشا، ورازا ايىندا تيانشان رايوندىق پارتكوم، ۇكىمەت قىزمەت كورسەتۋ، قامتاماسىز ەتۋ جوباسىن ەگجەي - تەگجەيلى جاساپ، الدىڭعى مەرزىمدە قاراستى اۋماقتاعى 57 مەشىتتى ءبىر - بىردەن ارالاپ، مۇسىلمان قاۋىمىنىڭ قاجەتىن ۇعىسقان. «اق مەشىتتىڭ الدىنداعى جولعا توسەلگەن كەرپىشتەر بوساپ، جول ويلى - شۇڭقىر بولا باستاعانىن كورگەن قۇرىلىس تاراۋلارى جولدى دەر كەزىندە تەگىستەپ جوندەدى، ءورت ءسوندىرۋ تاراۋلارى مەشىت ىشىنە حاۋىپسىزدىكتىڭ كومەسكى قاتەرلەرىن اداقتاپ تەكسەردى»، - دەدى تيانشان رايوندىق ۇلت، ءدىن ىستەرى مەكەمەسىنىڭ باستىعى يۇنۇس تاۋاككۇل جاعدايدى تانىستىرعاندا.
شۇيموگوۋ رايونىندا قىزىلتاۋ جولى 3 - تارماق كوشەسىندەگى قىزىلتاۋ مەشىتىنىڭ الدىنداعى تار كوشە جاپ - جارىق نۇرعا وراندى. شۇيموگوۋ رايوندىق اۋلەمەتتتىك جارىقتاندىرۋ بويىنشا جوندەۋ، كۇتۋ، باسقارۋ پۋنكتى 18 - ماۋسىمنان باستاپ قاراستى اۋماقتاعى 25 مەشىتتىڭ ماڭىنداعى 300دەن استام شامدى جوندەپ، 41ىن اۋىستىرعان، «قازىر جول جاپ - جارىق، ۇلت، ءدىن ىستەرى مەكەمەسى بىزگە تاعى تەلەۆيزور بەرىپ، ءبىزدىڭ اعىم جاڭالىقتارىنان دەر كەزىندە حاباردار بولۋىمىزعا قولايلىلىق جاسادى»، - دەيدى قىزىلتاۋ مەشىتىنىڭ احۇنى چىن سىنفۋ تىلشىگە.
13 - شىلدە كۇنى سايباق رايونى پيڭديڭشان الەۋمەتتىك اۋماعى جاڭا وڭتۇستىك كوشەسى 4 - تارماق كوشەسىنىڭ تۇرعىنى مامەت ءاپيزدىڭ ۇيىنە الەۋمەتتىك اۋماق كادرلارى حال سۇراي كەلىپ، ونىڭ ۇيىنە كۇرىش، ۇن جانە ازىقتىق ماي اكەلدى. سايباق رايونى ۇلت، ءدىن ىستەرى مەكەمەسىنىڭ باستىعى مۇرات مامەتتىڭ تانىستىرۋىنشا، بيىل ورازا ايى كەزىندە سايباق رايوندىق پارتكوم، ۇكىمەت قاراستى اۋماقتاعى 39 مەشىتكە 175 مىڭ يۋان حال سۇراۋ قاراجاتىن تاراتقان، سونداي - اق 60 مىڭ يۋان قارجى شىعارىپ، ءدىني قايراتكەرلەردەن حال سۇراعان، سونىمەن بىرگە ءار اۋماقتىڭ باسقارۋ كوميتەتتەرى، الەۋمەتتىك اۋماقتار وزىنە قاراستى اۋماقتاعى مەشىتتەردەن جانە تۇرمىسىندا قيىنشىلىعى بار مۇسىلمان قاۋىمىنان تۇرلىشە فورمادا حال سۇراعان.
ءۇرىمجى قالاسى ۇلت، ءدىن ىستەرى كوميتەتىنەن ۇعىسۋىمىزشا، مۇسىلمان بۇقاراسىنىڭ ورازا ايىن بەرەكەلى وتكىزۋىنە كەپىلدىك ەتۋ ءۇشىن، مامىر ايىندا ۇلت، ءدىن ىستەرى كوميتەتى قالاداعى قوي، سيىر ەتىن تىكە ساتۋ تۇيىندەرىن، مۇسىلمانشا ازىق - تۇلىك كاسىپورىندارىن جاپپاي اداقتاپ تەكسەرىپ، ءار الەۋمەتتىك اۋماقتاعى (اۋدان) ۇلت، ءدىن ىستەرى كادرلارىنان 100دەن استام ادامعا، مۇسىلمانشا ازىق - تۇلىك كاسىپورىندارىنىڭ جاۋاپتىلارىنا تازالىق بىلىمدەرى بويىنشا تاربيەلەۋ جۇرگىزگەن، سونداي - اق «ورازا ايىنداعى ءدىني قيمىل ورىندارىنداعى اۋىز اشار استىڭ تازالىعىن باسقارۋ ءادىسىن» بەلگىلەپ، اۋىز اشار اس دايىنداۋعا رۇقسات بەرۋ ءتۇزىمىن قاتايتىپ، تازالىق ولشەمىن جوعارىلاتقان. ورازا ايى كىرگەننەن كەيىن، ءۇرىمجى قالالىق پارتكومنىڭ بىرلىكساپ ءبولىمى، ۇلت، ءدىن ىستەرى كوميتەتى، ازىق - تۇلىك، ءدارى - دارمەك باقىلاۋ - باسقارۋ مەكەمەسى، ءىسلام ءدىنى قوعامى 9 قۋزاۋ - جەتەكشىلىك ەتۋ گرۋپپاسىنا ءبولىنىپ، اماندىق شارالارى، ازىق - تۇلىك حاۋىپسىزدىگى سياقتىلاردى ءار كۇنى ۇزبەي تەكسەرگەن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
