بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

كادرلاردى نەگىزگى ساتىدا باۋلىپ، نەگىزگى ساتىدا جەتىلدىرىپ، نەگىزگى ساتىدان تاڭداپ وسىرەيىك

جاڭ چۇنشيان نەگىزگى ساتىدان تاڭدالىپ اۋىستىرىلعان كادرلارمەن اڭگىمە ءماجىلىس وتكىزدى

2015.07.16 13:11     كەلۋ قاينارى : ءتاڭىرتاۋ تورابى

  ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 15 - شىلدە تۇستەن كەيىن نەگىزگى ساتىدان تاڭدالىپ اۆتونوميالى رايوندىق تاراۋلار مەن ورىنداردا قىزمەت ىستەۋگە اۋىستىرىلعان كادرلارمەن اڭگىمە ءماجىلىس وتكىزدى. ول بىلاي دەپ باسا دارىپتەدى: كادرلاردىڭ نەگىزگى ساتىدا تاربيەلەنۋىنە، نەگىزگى ساتىدا جەتىلۋىنە، نەگىزگى ساتىدان تاڭدالىپ وسىرىلۋىنە قاشاندا تاباندى بولىپ، جاقسى ونەگە كورسەتۋ كەرەك، تاڭدالىپ اۋىستىرىلعان كادرلار شينجياڭ ەرەكشەلىگىنە يە جاقسى كادر بولۋعا تالپىنىپ، ەرەكشەلىكتەرىن ساۋلەلەندىرىپ، شىڭدالىپ، العا باسۋلارى كەرەك.

  نەگىزگى ساتىنىڭ ءبىرىنشى شەبىنە باعىتتاپ كادر تاربيەلەۋ، كادر تاڭداپ ءوسىرۋ اۆتونوميالى رايوندىق پارتكومنىڭ ءارقاشان تاباندى بولىپ كەلە جاتقان باعىتى. بۇگىنگى اڭگىمە ماجىلىسكە قاتىسقان 192 كادر بىلتىر اۆتونوميالى رايوندىق پارتكومنىڭ تاراۋلار اراسىنداعى، وڭىرلەر اراسىنداعى شەكارانى بۇزىپ، قىزمەت ورنى بايلىعىن ءبىر تۇتاس ورنالاستىرىپ، ادام تاڭداۋ اياسىن كەڭەيتۋ ماقساتىندا، ايماق، اۋدان، اۋىلداردان تاڭداپ اۆتونوميالى رايوندىق پارتيا، ۇكىمەت ورگاندارىنا قىزمەت ىستەۋگە اۋىستىرعان ساياسيدا تاباندى، «قوس ءتىل» بىلەتىن كادرلار. نەگىزگى ساتى ۇيىمداستىرۋ بولىمدەرىنىڭ كورسەتۋى، اۆتونوميالى رايوندىق تاراۋلار مەن ورىنداردىڭ جاعداي يەلەۋى ارقىلى نەگىزگى ساتىداعى 192 ۇزدىك كادر بيىل قاڭتار ايىندا جاڭا قىزمەت ورىندارىنا اۋىستىرىلعان بولاتىن. مۇنىڭ 100ى از ۇلت كادرى، ورىنباسار باسقارما دارەجەلى 2 كادر، قالعاندارى ءبولىم دارەجەلىدەن تومەن كادرلار. جارتى جىلدان بەرى اۋىستىرىلعان كادرلار باتىلدىقپەن جاۋاپكەرشىلىك ارقالاپ، جاڭا وبرازعا تەز ۇيىرلەسىپ قىزمەت ورىستەتتى، ولاردىڭ 65ى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا قاتىناسىپ، قىستاقتا تۇرۋ قىزمەتىندە ايرىقشا باسىمدىلىق ساۋلەلەندىرىپ، جوعارى مەن تومەننىڭ بىردەي جاقسى باعاسىن الدى.

  اڭگىمە ماجىلىسىندە جاڭ چۇنشيان اۋىق - اۋىق ءسوز قىستىرىپ، قايتكەندە قىزمەت ورنىنىڭ وزگەرىسىنە ۇيلەسۋ، قىزمەتتەگى، ومىردەگى قيىنشىلىقتاردى قالاي جەڭۋ، ورتالىقتىڭ جانە اۆتونوميالى رايوندىق پارتكومنىڭ ورنالاستىرۋلارىن ءتۇسىنۋدى، اتقارۋدى، تياناقتاندىرۋدى كۇشەيتۋ، «قوس ءتىل» دەڭگەيىن جوعارىلاتۋ سياقتى مازمۇنداردا پىكىرلەستى، ءماجىلىس كوڭىلدى، قىزۋ جاعدايدا ءوتتى. جاڭ چۇنشيان اۋىستىرىلعان كادرلاردى شينجياڭ ەرەكشەلىگىنە يە جاقسى كادر بولۋعا ىنتالاندىرۋمەن بىرگە، ءار تاراۋعا، ءار ورىنعا ولاردىڭ قىزمەتى مەن تۇرمىسىنا كوڭىل ءبولۋدى تاپسىردى. جاڭ چۇنشيان شۋجيدىڭ جىلى لەبىزىن ەستىگەن كادرلار ايرىقشا اسەرلەنىپ، دۋ قول شاپالاق سوعىپ، اۆتونوميالى رايوندىق پارتكومنىڭ جان - جاقتى قامقورلىعىنا العىس ايتتى.

  «بۇل جولعى نەگىزگى ساتىدان كادر تاڭداپ اۋىستىرۋ بىزگە توبەسى كورىنەتىن، قول جەتەتىن وراي سيلادى، «ءوز شەڭبەرىنەن تاڭداۋدان» «بۇكىل شينجياڭنان تاڭداۋعا» وزگەرۋ ءبىز سياقتى نەگىزگى ساتى كادرلارىنا سەرپىن بەرىپ، باعدار سىلتەپ، «وقۋ تاريحىنا عانا ەمەس، قابىلەتكە دە قارايتىن، ديپلومعا عانا ەمەس، دەڭگەيگە دە قارايتىن، شىققان تەگىنە عانا ەمەس، قولعا كەلتىرگەن ناتيجەسىنە دە قارايتىن» باعىت بەلگىلەدى. «مەن، ءسوز جوق، قاشاندا العىستى سەزىممەن وڭاي قولعا كەلمەگەن وسى ورايدى قاستەرلەپ، تاماشا ءىس - ارەكەتپەن، تاڭداۋلى ستيلمەن، ۇزدىك ناتيجەمەن ۇيىمنىڭ قامقورلىعىنىڭ، تاربيەسىنىڭ ۇمىتىنەن شىعامىن».

  تاڭدالىپ اۋىستىرىلعان كادرلاردان ءابدىنياز ابىلا، لي جيان، ءميناۋار ناجىمەدەن، تولقىن ميراش، رايحانگۇل مامەت، قايرات تۇرسىن، گۋدولان پارحات، تۇرسىنجاپ، ياۋ يۇڭ، نيجات ياديكار، ءالىپجان تۇرسىن سياقتى 11 ۋاكىل سوزگە شىقتى. ولار نەگىزگى ساتىدا تاربيەلەنۋ كەزىندەگى كەشىرمەلەرىنەن، جاڭا قىزمەت ورنىندا جەتىلۋ بارىسىنداعى اسەرلەرىنەن بۇكپەسىز سىر شەرتىسىپ، اۆتونوميالى رايوندىق پارتكومعا، ۇيىمعا دەگەن العىستى سەزىمدەرىن ءبىلدىرىپ، تاماشا ورايدى قاستەرلەيتىندىكتەرىن، اناعۇرلىم رۋحتى بەينەمەن قىزمەت ىستەپ، ناتيجە شىعاراتىن سەنىمدەرىن جەتكىزدى.

  ولاردىڭ ءسوزىن تىڭداعان سوڭ جاڭ چۇنشيان بىلاي دەدى: اۆتونوميالى رايوندىق پارتكوم قاشاندا نەگىزگى ساتىعا بەيىمدەپ ادام تاڭداۋ، ادام ىستەتۋ باعىتىنا تاباندى بولىپ، جاقسى ادام، جاقسى كادرلاردى ءبىرىنشى شەپكە جىبەرۋدەن، قابىلەتى كۇشتىلەردى نەگىزگى ساتىعا تۇسىرۋدەن جازباي، نەگىزگى ساتىنى كادرلاردى شىڭايتىن «ءتوس» ەتىپ، قالىڭ كادرلاردىڭ لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىنە، بۇقاراعا قىزمەت كورسەتۋدىڭ ەڭ الدىڭعى شەبىنە بارىپ، بۇقارامەن ەتەنە بولۋىنا، قابىلەتتەرىن وسىرۋىنە مۇمكىندىك جاسايدى؛ سونىمەن بىرگە، نەگىزگى ساتىعا بەيىمدەپ كادر تاڭداۋعا، وسىرۋگە تاباندى بولىپ، نەگىزگى ساتىدا تاباندىلىقپەن قىزمەت ىستەگەن، سىن - سايىستان وتكەن، ناتيجە جاراتقان ۇزدىك كادرلاردى دەر كەزىندە بايقاپ، ۇيلەسىمدى ىستەتەدى.

  جاڭ چۇنشيان نەگىزگى ساتىدان تاڭدالىپ اۋىستىرىلعان كادرلاردى شابىتتاندىرىپ بىلاي دەدى: سىزدەر پارتيا مەن حالىقتىڭ قالاۋىنان شىعاتىن جاقسى كادر بولۋعا تالپىنىپ، «سەنىمى بەرىك، حالىق ءۇشىن قىزمەت ەتەتىن، ناقتى جۇمىسقا شوگەل، جاۋاپكەرشىلىكتى باتىل ارقالايتىن، تازا دا پاك» جاقسى كادر بولۋ ولشەمىمەن وزدەرىڭىزگە سانالى تۇردە تالاپ قويىپ، «ۇلكەن دۇرىس پەن ۇلكەن بۇرىستى انىق ايىراتىن مايداندا ايرىقشا سەرگەك، ۇلتتار ىنتىماعىن قورعايتىن ارەكەتى بارىنشا باتىل، ءار ۇلت حالقىنا قىزۋ سۇيىسپەنشىلىگى مەيلىنشە شىنايى بولۋ» سىندى از ۇلت وڭىرلەرىندەگى جاقسى كادر ولشەمىمەن، «ساياسيدا تاباندى، قابىلەتى كۇشتى، ستيلى جاقسى، كوڭىل كۇيى ورنىقتى كادر بولۋ»، «ءتۇسىنۋ قابىلەتىن، اتقارۋ قابىلەتىن، تياناقتاندىرۋ قابىلەتىن جوعارىلاتۋ» تالابىمەن بوي تۇزەۋلەرىڭىز كەرەك. شينجياڭ ەرەكشەلىگىنە يە جاقسى كادر بولۋعا تالپىنىپ، ساياسيدا تاباندى بولىپ، قاشاندا لاڭكەستىككە، بولشەكتەۋشىلىككە، سىنالاپ كىرۋگە قارسى تۇرۋ كۇرەسىنىڭ العى شەبىندە تۇرۋلارىڭىز؛ قابىلەتى كۇشتى كادر بولىپ، ءتۇسىنۋ قابىلەتىن، اتقارۋ قابىلەتىن، تياناقتاندىرۋ قابىلەتىن جوعارىلاتۋلارىڭىز؛ ستيلى جاقسى كادر بولىپ، «ۇشتە قاتاڭ، ۇشتە شىنايى بولۋ» تالابىنا ساي، نەگىزگى ساتى امالياتىندا قالىپتاستىرعان تاماشا ستيلدى ساقتاپ جانە ونى اسقاقتاتىپ، تاماشا وبرازدى ايگىلەۋلەرىڭىز؛ كوڭىل كۇيى ورنىقتى كادر بولىپ، قايمىقپاي، سۋىنباي، اۋرە - سارساڭعا، سوققىعا توتەپ بەرىپ، ماشاقات پەن راقاتقا، تابىس پەن ساتسىزدىككە دۇرىس كوزقاراستا بولۋلارىڭىز كەرەك.

  جاڭ چۇنشيان ءار تاراۋ، ءار ورىننان نەگىزگى ساتىدان تاڭدالىپ اۋىستىرىلعان كادرلارعا ايرىقشا ءمان بەرىپ، ءتۇيىندى تۇردە باۋلىپ، ارنايى قامقورلىق جاساپ، كۇش سالا قولداۋ كورسەتىپ، قىزمەت ورنىن ۇيلەسىمدى ورنالاستىرىپ، ولاردى تاربيەلەۋ، باۋلۋ، باسقارۋدى كۇشەيتىپ، شىن پەيىلمەن، شىنايى سۇيىسپەنشىلىكپەن كوڭىل ءبولىپ، ولاردىڭ ەرەكشەلىكتەرىن ساۋلەلەندىرۋىنە، كاسىپكە بەرىلىپ، ناتيجە شىعارۋىنا جاقسى تۇعىر دايىنداۋدى تالاپ ەتتى. ول تاڭدالىپ اۋىستىرىلعان كادرلاردىڭ قىزمەتتەرىنىڭ تابىستى بولۋىنا، جاڭا، ۇلكەن جەتىستىكتەرگە توقتاۋسىز جەتە بەرۋلەرىنە تىلەكتەستىك ءبىلدىردى.

  اۆتونوميالى رايون باسشىلارىنان شوكىرات زاكىر، باي جىجيە، ەركىن تۇنياز، ما شۋەجۇندەر اڭگىمە ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.