بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايوندىق پارتكومنىڭ ارالاپ تەكسەرۋ قىزمەتىنە باسشىلىق ەتۋ گرۋپپاسى 2015 - جىلعى 2 - رەتكى ءماجىلىسىن اشتى

2015.07.16 13:14     كەلۋ قاينارى : ءتاڭىرتاۋ تورابى

  اۆتونوميالى رايوندىق پارتكومنىڭ ارالاپ تەكسەرۋ قىزمەتىنە باسشىلىق ەتۋ گرۋپپاسى 14 - شىلدەدە 2015 - جىلعى 2 - رەتكى ءماجىلىسىن اشىپ، ورتالىق كوميتەت پەن ورتالىق ءتارتىپ تەكسەرۋ كوميتەتىنىڭ ارالاپ تەكسەرۋ قىزمەتى جونىندەگى تاياۋداعى نۇسقاۋلارىنىڭ رۋحىن جەتكىزدى جانە ۇيرەندى، جاڭ چۇنشيان شۋجيدىڭ اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ مەڭگەرمەسىندە تەكسەرۋ - زەرتتەۋ جۇرگىزگەندە سويلەگەن ارالاپ تەكسەرۋ قىزمەتى جونىندەگى ءسوزىنىڭ رۋحىن دايەكتى تياناقتاندىردى، اۆتونوميالى رايوندىق پارتكومنىڭ 8 ارالاپ تەكسەرۋ گرۋپپاسىنىڭ 2015 - جىلعى تۇڭعىش رەتكى ارالاپ تەكسەرۋ جاعدايىنان جاساعان بايانداماسىن تىڭدادى، بيىلعى 2 - رەتكىدەن 4 - رەتكىگە دەيىنگى ارالاپ تەكسەرىلەتىن مەكەمەلەردى ورنالاستىرۋ جوباسىن قارادى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، اۆتونوميالى رايوندىق پارتكومنىڭ ارالاپ تەكسەرۋ قىزمەتىنە باسشىلىق ەتۋ گرۋپپاسىنىڭ باستىعى شۇي حايرۇڭ ءماجىلىستى باسقاردى ءارى ءسوز سويلەدى، اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى، اۆتونوميالى رايوندىق پارتكومنىڭ ارالاپ تەكسەرۋ قىزمەتىنە باسشىلىق ەتۋ گرۋپپاسىنىڭ ورىنباسار باستىعى ما شۋەجۇن ماجىلىسكە قاتىناستى.

  ماجىلىستە مىنالار اتاپ كورسەتىلدى: بيىل اۆتونوميالى رايونىمىزدىڭ تۇڭعىش رەتكى ارالاپ تەكسەرۋ قىزمەتى ورتالىق كوميتەتتىڭ ارالاپ تەكسەرۋ جونىندەگى قىزمەت باعىتتارىن باتىل دايەكتىلەندىرىپ، پارتيا ستيلى، پاكتىك قۇرىلىسى جانە جەمقورلىققا قارسى تۇرۋ كۇرەسى سىندى وزەككە نازار اۋدارىپ، «تورتكە كۇش سالۋدى» ارقاۋ ەتىپ، ماسەلەلەردى بايقاپ، تىكسىندىرىپ، كورنەكتى ونىمدىلىككە قول جەتكىزدى. ارالاپ تەكسەرۋ بارىسىندا بايقالعان ماسەلەلەر اۆتونوميالى رايونىمىزدىڭ پارتيا ستيلى، پاكتىك قۇرىلىسى مەن جەمقورلىققا قارسى تۇرۋ كۇرەسىنىڭ جاعدايى ءالى قيىن دا كۇردەلى ەكەنىن، مىندەتتىڭ ءالى جاپالى دا اۋىر ەكەنىن اناعۇرلىم دالەلدەدى. قازىر جانە الداعى ءبىر مەزگىلدە، ورتالىق پەن اۆتونوميالى رايوندىق پارتكومنىڭ ارالاپ تەكسەرۋ قىزمەتى جونىندەگى ورنالاستىرۋلارى مەن تالاپتارىن دەن قويا ۇيرەنىپ، دايەكتىلەندىرىپ، پارتيانى جاپپاي قاتاڭ جونگە سالۋدان، پارتيانى قاعيدامەن جونگە سالۋدان جازباي، قىزمەت ادىسىنە جاڭالىق جاساپ، ءتارتىپ پەن قاعيدا ورناتىپ، مۇنى قاتايتىپ، ارالاپ تەكسەرۋ وبيەكتىلەرىنىڭ جەمقورلىق، ستيل، ءتارتىپ جانە ادام تاڭداپ ىستەتۋ سياقتى جاقتارداعى كورنەكتى ماسەلەلەرىن دەر كەزىندە بايقاپ، ارالاپ تەكسەرۋ جەتىستىكتەرىنەن جان - جاقتى پايدالانىپ، ارالاپ تەكسەرۋدىڭ تىكسىندىرۋ، شاۋجايلاۋ، تۇبىرىنەن وڭاۋ رولدارىن ويداعىداي ساۋلەلەندىرۋ كەرەك. جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ ارالاپ تەكسەرۋ قىزمەت ەرەجەسى» جانە «پارتيا ۋستاۆى» سياقتى پارتيا ىشىندەگى ەرەجە - قاعيدالاردى ويداعىداي ۇيرەنۋدى، ۇگىتتەۋدى، دايەكتىلەندىرۋدى ءوزارا توعىستىرىپ، ارالاپ تەكسەرۋدى زاڭ، قاعيدا بويىنشا ورىستەتۋدەن جازباي، تۇڭعىش رەتكى ارالاپ تەكسەرۋ بارىسىندا اڭىس ەتۋ، ماسەلە دەرەكتەرىن تاپسىرىپ بەرۋ، رەتتەۋ سياقتى قىزمەتتەردى مىقتاپ تياناقتاندىرىپ، 2 - ، 3 - ، 4 - رەتكى ارالاپ تەكسەرۋدى تەز ارادا باستاپ، اۆتونوميالى رايوندىق پارتكومنىڭ وسى كەزەك مىندەت وتەۋ مەرزىمىندە ارالاپ تەكسەرۋ قىزمەتىن جاپپاي ورىستەتۋىن ىسكە اسىرۋعا كەپىلدىك ەتۋ كەرەك. ءوز قۇرىلىسىن كۇشەيتىپ، ساياسيدا تاباندى، قابىلەتى كۇشتى، ستيلى جاقسى، كوڭىل كۇيى ورنىقتى كادرلاردان بولۋ ولشەمى بويىنشا، ادال، كىرشىكسىز، جاۋاپكەرشىلىگى بار ارالاپ تەكسەرۋ كادرلارى قوسىنىن قۇرۋعا قۇلشىنۋ كەرەك.

  ماجىلىستە مىنالار باسا دارىپتەلدى: ارالاپ تەكسەرۋدىڭ ماڭىزدى تۇيىندەرىن كورنەكتىلەندىرىپ، پارتيا 18 - قۇرىلتايىنان كەيىن دە ەسكى ادەتىن تاستاماعان، جامان قىلىقتان تيىلماعان، ماسەلە دەرەكتەرى شوعىرلى اڭىس ەتىلگەن، بۇقارانىڭ اڭىسى كۇشتى، ءالى دە ماڭىزدى مىندەت وتەپ وتىرعان ءارى ءوسىرىلۋ مۇمكىندىگى بار پارتيالى باسشى كادرلارعا؛ ساياسيدى دارىپتەمەۋ، قاعيداعا بويسۇنباۋ، ساياسي ءتارتىپ، ۇيىمدىق ءتارتىپ، پاكتىك ءتارتىبى، بۇقارالىق ءتارتىپ، قىزمەت ءتارتىبى، تۇرمىس ءتارتىبى سياقتى «6 ۇلكەن تارتىپكە» قايشىلىق جاساۋ ماسەلەلەرىنە؛ ورتالىقتىڭ «8 ءتۇرلى بەلگىلەمەسى» مەن اۆتونوميالى رايوننىڭ «10 تارماقتى بەلگىلەمەسىنىڭ» رۋحىنا قايشىلىق جاساعاندارعا جانە بۇلارعا قايشى ىستەرگە نازار اۋدارىپ، جەمقورلىقتى ەڭ باتىل پوزيتسيامەن ازايتۋ، جەمقورلىقتىڭ مولايۋىن ەڭ پارمەندى شارالارمەن اۋىزدىقتاۋ كەرەك.

  ءماجىلىس مىنالاردى تالاپ ەتتى: ارالاپ تەكسەرۋ بارىسىندا بايقالعان پارتيانىڭ باسشىلىعى ءالسىز بولۋ، تۇلعالىق جاۋاپكەرشىلىك كەمشىل بولۋ، ساياسي ءتارتىپ بوساڭسۋ، قاعيدا تانىمى كۇشتى بولماۋ سياقتى كورنەكتى ماسەلەلەردى ارالاپ تەكسەرۋدە اڭىس ەتەتىن ماڭىزدى ءتۇيىن رەتىندە ءداپ باسىپ اتاپ كورسەتىپ، ارالاپ تەكسەرۋدە تاپسىرعان ماسەلە دەرەكتەرى جانە كادرلاردى تاڭداپ ءوسىرۋ، مىندەتكە تاعايىنداۋ جاقتارىنداعى ماسەلەلەردى ءار دارەجەلى ءتارتىپ تەكسەرۋ كوميتەتى، ۇيىمدارى جانە قاتىستى تاراۋلار الدىمەن باسقارۋ كەرەك. ارالاپ تەكسەرۋدە اڭىس ەتكەن پىكىرلەرگە ارالاپ تەكسەرىلگەن مەكەمەنىڭ «ءبىرىنشى باسشىسى» قول قويىپ، اشىق ەسەپ جاساپ، ءتۇيىندى ادامدارعا، ءتۇيىندى ىستەرگە، ءتۇيىندى ماسەلەلەرگە نازار اۋدارىپ، كۇشتى شوعىرلاندىرا وتىرىپ رەتتەۋ، وڭاۋ، پارتكومنىڭ (پارتيا باسشىلىق گرۋپپاسىنىڭ) «ءبىرىنشى باسشىسىنىڭ» جەكە ماسەلەسى مەن القانىڭ ماسەلەسىن رەتتەۋ، وڭاۋ جاعدايىنىڭ بايانداماسى اۆتونوميالى رايوندىق پارتكومعا بىرگە جولدانۋ كەرەك. سوڭىنا ءتۇسىپ باقىلاپ، باسقارۋدى كۇشەيتىپ، اۆتونوميالى رايوندىق پارتكومنىڭ ارالاپ تەكسەرۋ قىزمەتىنە باسشىلىق ەتۋ گرۋپپاسى ۇيعارعان ىستەرگە جانە ارالاپ تەكسەرۋ گرۋپپاسى ارالاپ تەكسەرىلگەن ورىنعا، تاراۋعا، مەكەمەگە قويعان رەتتەۋ - وڭاۋ پىكىرىنە ارالاپ تەكسەرۋ كەڭسەسى، ارالاپ تەكسەرۋ گرۋپپاسى قاداعالاي نازار اۋدارىپ، تياناقتاندىرۋعا قۋزاۋشىلىق ەتۋ جانە جەبەۋ قاجەت. تالاپ بويىنشا رەتتەمەسە، وڭاماسا، ارەكەتى باياۋ بولسا، كەشىكتىرسە، ناتيجەدەن ويداعىداي پايدالانباسا، ارالاپ تەكسەرىلگەن مەكەمە پارتكومنىڭ (پارتيا باسشىلىق گرۋپپاسىنىڭ) «ءبىرىنشى باسشىسىنىڭ» جاۋاپكەرشىلىگىن قاتاڭ قۋزاستىرۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.