- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان ءار ۇلت مۇسىلمان جۇرتشىلىعىمەن اۋىز اشاردا بىرگە بولدى
شوكىرات زاكىر، نايىم ياسىن، نۇرلان ءابىلماجىن ۇلى، شاۋكەت ءيمىن، جۋ حايلۇن، لي شۋەجۇن، جاروللا يسامىدىن، چىڭ جىنشاندار بىرگە قاتىناستى
2015.07.20 13:19 كەلۋ قاينارى : ءتاڭىرتاۋ تورابى
17- شىلدە بيىلعى ورازا ايىنىڭ ەڭ سوڭعى كۇنى. سول كۇنى كەشتە ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنيشان ارنايى تۇردە شينجياڭ ءىسلام مەدرەسەسىنىڭ اسحاناسىنا كەلىپ، ءىسلام ءدىنى سالاسىنىڭ ۋاكىل قايراتكەرلەرىمەن جانە ءار ۇلت مۇسىلمان جۇرتشىلىعىمەن اۋىز اشاردا بىرگە بولىپ، مەرەكەلىك تىلەك ءبىلدىردى.
ساعات 22دەن 20 مينۋت وتكەندە، جاڭ چۇنشيان اسحاناعا كىردى، ءدىني قايراتكەرلەر مەن دىنگە سەنەتىن جۇرتشىلىق جاڭ چۇنشياندى قارسى الا شىقتى. جاڭ چۇنشيان ولارمەن ءبىر - بىرلەپ قول الىسىپ، ەسەندىك سۇراستى. ۇستەلگە قاربىز، ايران، ەت - بالاۋ، ءمانتى، كوجە... سياقتى شينجياڭنىڭ ءداستۇرلى تاعامدارى مەن ەرەكشە جەمىس - جيدەكتەرى ءتىزىلدى.
جاڭ چۇنشيان، شوكىرات زاكىر، نايىم ياسىن، نۇرلان ءابىلماجىن ۇلى، شاۋكەت ءيمىن، جۋ حايلۇن، لي شۋەجۇن، جاروللا يسامىدىن، چىڭ جىنشاندار 200دەن استام ءدىني قايراتكەرلەرمەن جانە دىنگە سەنەتىن بۇقارامەن بىرگە داستارقانعا جايعاستى.
دۋ قول شاپالاق ءۇنى ىشىندە، جاڭ چۇنشيان مەرەكەگە ارناپ لەبىز ءبىلدىردى. ول: ورازا ايى مۇسىلمان قاۋىمىنىڭ ەڭ قاسيەتتى، ەڭ قادىرلى ايى ءارى مۇسىلمانداردىڭ رۋحاني جاقتان تازارىپ، ەرىك - جىگەرىن شىڭاپ، ءدىن اقيدالارىن وي ەلەگىنەن وتكىزەتىن مەزگىلى، سونداي - اق ءبىر وتباسى ادامدارىنىڭ باس قوسىپ، تۋىستىق مەيىرگە بولەنەتىن ۋاقىتى، - دەدى. جاڭ چۇنشيان بۇكىل شينجياڭداعى ءار ۇلت مۇسىلمان قاۋىمىنىڭ مەرەكەسىنە قۇتتى بولسىن ايتتى.
جاڭ چۇنشيان بىلاي دەدى: ءىسلام ءدىنى سالاسىنداعى قايراتكەرلەر مەن مۇسىلمان قاۋىمى ەكونوميكالىق، قوعامدىق دامۋدى جەبەۋدە، شينجياڭنىڭ ورنىقتىلىعىن قورعاۋدا بەلسەندى رول اتقاردى، پارتيا مەن ۇكىمەت سىزدەرگە العىس ايتادى. ءدىني سەنىم ەركىندىگى ەلىمىز ازاماتتارىنىڭ نەگىزگى ۇقىقتارىنىڭ ءبىرى، نەگىزگى زاڭ مەن ۇلتتىق تەرريتوريالى اۆتونوميا زاڭىنىڭ نەگىزگى بەلگىلەمەسى. كوپ جىلدان بەرى شينجياڭ توپىراعىندا ءىسلام دىنىنە سەنەتىن جۇرتشىلىق، باسقا دىنگە سەنەتىن جۇرتشىلىق، دىنگە سەنبەيتىن جۇرتشىلىق تاتۋ ءومىر كەشىرىپ، بەيبىتشىلىكتى، ىنتىماقتى، ادىلەتتى، ار - نامىستى بىرگە قورعاپ، مەكەندەرىن بىرگە كوركەيتتى. بيىلعى ورازا ايىندا ءبىز تاعى مىنا جايتتەرگە قۋانا كۋا بولدىق: كەيبىر مۇسىلمان جاماعاتى ناۋقاس ادامدارعا وزدىكتەرىنەن اۋىز اشار بەرىپ، قيىنشىلىعى بار ادامدارعا كومەكتەستى، كەيبىرى رەنجىسكەن ادامدارمەن اراداعى الاۋىزدىقتى جويىپ، تاتۋلاستى، گۇما اۋدانىنداعى جەر سىلكىنىسىنەن كەيىن، ءوزارا كومەكتەسۋدىڭ، بىرىنە - ءبىرى قول ۇشىن بەرۋدىڭ تالاي اسەرلى مىسالدارى جارىققا شىقتى. جالپى جۇرت ءبىر - بىرىنە قامقور بولىپ، قوعامعا، باسقالارعا دەگەن بورىشىن ەستەرىنە بەرىك ساقتاپ، باسىنا ءىس تۇسكەن جاندارعا بىرگە دەمەۋ كورسەتىپ، قوعامدا وڭ ەنەرگيا تاراتتى، مەن مۇنداي رۋحتىڭ ماڭگى جالعاسا بەرۋىن تىلەيمىن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
