- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان: شينجياڭنىڭ جاعدايىندا تيتتەي دە فورماشىلدىق ىستەۋگە بولمايدى
2015.07.23 15:33 كەلۋ قاينارى : حالىق تورابى
شينجياڭ كادرلارىنىڭ پەيىلى مەن ويءورىسى شينجياڭعا سايكەسە الاتىنداي بولۋى كەرەك، قازىرگى كۇردەلى جاعدايعا ۇيلەسە الاتىنداي جاۋاپكەرشىلىك ساناسى مەن ءتوزىمدى تۇرعىسى بولۋى كەرەك. «ۇشتە قاتاڭ بولۋ، ۇشتە شىنايى بولۋ» ارناۋلى تاقىرىپتىق تاربيەسىن ورىستەتىپ، شىڭدالعان تىرەكتىلەر قوسىنىن جەتىلدىرۋ شينجياڭنىڭ قوعام ورنىقتىلىعى مەن باياندى تىنىشتىعىن ساقتاۋدا ەرەكشە ماڭىزعا يە.
«ۇشتە قاتاڭ، ۇشتە شىنايى بولۋ» باس شۋجي شي جينپيڭنىڭ ۇزاق ۋاقىتتىق تولعانۋىنىڭ ناتيجەسى، پارتيا قۇرىلىسى نازارياسىن بايىتۋ جانە دامىتۋ بولىپ، ول پارتيالى كادرلاردىڭ قۇن كوزقاراسىندىق تالپىنۋى مەن ساياسي ءمورالىنا سىڭىرىلگەن جاڭا زامان بەلگىسى. شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىندا تۇرادى. قازىر شينجياڭدا زورلىقتى كۇش لاڭكەستىك ارەكەتتەرى ءورشىپ، بولشەكتەۋشىلىككە قارسى تۇرۋ كۇرەسى قيان – كەسكى جۇرگىزىلۋدە، وڭالتۋ قىزمەتى زور قيىندىقتارعا ءدۇپ كەلگەن مەزگىل، شەكارا سىرتىنداعى «ءۇش ءتۇرلى كۇش» بۇقارانى، حالىق رايىن وزدەرىنە تارتۋ ءۇشىن بىزبەن جان سالا ايقاسۋدا. «ۇشتە قاتاڭ بولۋ، ۇشتە شىنايى بولۋ» ارناۋلى تاقىرىپتىق تاربيەسىن ورىستەتىپ، شىڭدالعان تىرەكتىلەر قوسىنىن جەتىلدىرۋ شينجياڭنىڭ قوعام ورنىقتىلىعى مەن باياندى تىنىشتىعىن ساقتاۋدا ەرەكشە ماڭىزعا يە.
«ۇشتە قاتاڭ، ۇشتە شىنايى بولۋدى» ءىس جۇزىندە اتقارۋ ءۇشىن، ساياسي جاقتا قۇدىرەتتى، قابىلەتى قارپىمدى، قىزمەت ستيلى وسكەلەڭ، اقىل قۋاتى مول بولۋ كەرەك. شينجياڭداعى باسشى – كادرلاردان ەڭ الدىمەن تالاپ ەتەتىنىمىز ــ ساياسي جاقتا قۇدىرەتتى بولۋ، پارتيانىڭ ساياسي ءتارتىپ – ءتۇزىمى مەن ساياسي ەرەجەسىنە قاتاڭ بويسۇنىپ، پارتيا ورتالىق كوميتەتىنىڭ بەدەلىن سانالىلىقپەن قورعاۋ، لاڭكەستىككە قارسى تۇرىپ، ورنىقتىلىقتى قورعاۋ سىندى ءىرى دۇرىس پەن بۇرىس ماسەلەلەرى جونىندە تۋى ايقىن، مايدانى بەرىك بولۋ كەرەك، «ەكىبەتكەي» «جاعىمپاز» بولماۋى كەرەك.
شينجياڭدا جاعداي كۇردەلى، ساياساتتى ۇيرەنۋگە جانە تۇسىنۋگە، كۇردەلى جاعدايدى مەڭگەرۋگە، بۇقارالىق قىزمەتتى ىستەۋگە، ءار ۇلتتىڭ ارالاستىعىن ىلگەرىلەتۋگە پارمەندى قابىلەت بولۋ، يگىلىكتى ىستەردى باتىلدىقپەن ىستەۋ، ىسكەر بولۋ، ءىستى ويداعىداي بىتىرە الۋ كەرەك. شينجياڭدا ستيل ماسەلەسى مەن كەرەناۋلىق، شىرىكتەسۋ جايتتەرى قاشان دا ءتۇرلى قايشىلىقتاردىڭ بىلتەسى بولىپ كەلەدى، ءسوز – ارەكەتىمىزدى قاتاڭ تارتىپكە سالىپ، فورماشىلدىققا، تورەشىلدىككە، راحاتقۇمارلىققا جانە استا – توكتىككە سانالى تۇردە قارسى تۇرۋىمىز كەرەك. شينجياڭدا بولشەكتەۋشىلىككە قارسى كۇرەس ۇزاققا سوزىلاتىن، كۇردەلى، شيەلەنىستى، كەيدە ءتىپتى توتەنشە قيان – كەسكى جۇرگىزىلەتىن كۇرەس. شينجياڭدا قىزمەتتەردى ويداعىداي ىستەۋ ءۇشىن، اسا مىعىم اقىل - قايراتى بولۋى قاجەت، كۇردەلى جاعداي مەن ماشاحاتتى قىزمەت بارىسىندا سابىرلى دا سالماقتى بولۋ، ۇرەيلەنبەۋ، سۇلكىنىن تۇسىرمەۋ، اۋرە - سارساڭعا، سوققىعا توزە ءبىلۋ ، ءتۇرلى ىستىق – سۋىق پەن كۇردەلى جاعدايلاردىڭ سىناعىنان سۇرىنبەي وتە ءبىلۋ كەرەك.
«ۇشتە قاتاڭ، ۇشتە شىنايى بولۋدى» ءىس جۇزىندە اتقارۋ ءۇشىن، ءسوزسىز، ءتۇسىنۋ قابىلەتىن، اتقارۋ قابىلەتىن، تياناقتاندىرۋ قابىلەتىن كۇش سالا جوعارىلاتۋ كەرەك. ورتالىق كوميتەتىڭ ءتۇرلى ۇيعارىمدارى مەن ورنالاستىرۋلارىنىڭ تياناقتاندىرىلۋىنا شىنايى كەپىلدىك ەتۋدىڭ ءوزى ءارى قىزمەتتىڭ تالابى، ءارى وڭالتۋ قابىلەتىنىڭ باستى بەينەسى. شينجياڭ قىزمەتىندە تيتتەي دە فورماشىلدىق ىستەۋگە بولمايدى، شينجياڭ قىزمەتى جاسامالىلىق پەن سىلدىر سوزدىلىكتى كوتەرمەيدى. ءسوزسىز، «پارتيا ورتالىق كوميتەتىنىڭ تالابى ءبىزدىڭ اتقاراتىن مىندەتىمىز» دەگەنگە تاباندى بولىپ، ۇيرەنۋگە شەبەر بولۋ، زاڭمەن وڭالتۋعا ءمان بەرۋ، ىنتىماقتى دارىپتەۋ، تياناقتاندىرۋدى مىقتى ۇستاۋ، ناتيجەسىنە ءمان بەرۋ كەرەك. «قىزمەتتە تومەن تالاپ قويۋ، تياناقتاندىرۋدا فورماشىلدىق ىستەۋ، رۋحاني جاقتا جىگەرسىزدىك» سىندى ماسەلەلەردى باتىل جويىپ، كاسىپتىك دەڭگەيدە، قۇنتتى بولۋعا قۇلشىنىپ، «ۇستانىڭ رۋحىن» دارىپتەپ، ءتۇرلى قىزمەتتى قاتاڭ تالاپ، شىنايى ستيل، جوعارى ولشەم بويىنشا ويداعىداي ىستەۋگە كۇش سالۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
