بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

وزگەرىس بارىسىندا تىڭ ناتيجەگە قول جەتكىزىپ، دامۋدىڭ جاڭا مەحانيزمىن ازىرلەيىك

2015.07.27 15:12     كەلۋ قاينارى : شينجياڭ گازەتى

  ەكونوميكانىڭ جاڭا قالپىندا، جالپى جاقتان قارايلاس ۇسىنىلىم اناعۇرلىم ساپالى ءونىم سيلايدى، اقاۋسىز دا ورنىقتى ارتۋ قارقىنى كاسىپتەنۋ ورايىن مولايتادى، مۇنداعى سىر − ءتۇزىلىس مەحانيزمىنە جاڭالىق جاساۋدا، بۇل وزگەرىس بارىسىندا جاڭالىققا ۇمتىلىپ، العا ىلگەرىلەپ، تىڭ ناتيجەگە قول جەتكىزىپ، رەفورمانىڭ ومىرشەڭدىگىن ايگىلەۋگە سۇيەنەدى.

  باس شۋجي شي جينپيڭ جيليندە تەكسەرۋ - زەرتتەۋ جۇرگىزگەندە مىنانى باسا دارىپتەدى: ءتۇزىلىس مەحانيزمىنە جاڭالىق جاساۋدى زور كۇشپەن ىلگەرىلەتىپ، رەفورمانى جاپپاي تەرەڭدەتىپ، سوتسياليستىك بازار شارۋاشىلىعىنىڭ رەفورما باعىتىنان جازباي، ومىرشەڭدىككە باي ءتۇزىلىس مەحانيزمىن قۇلشىنا قالىپتاستىرۋ كەرەك. بۇل ەكونوميكا دامۋىنىڭ جاڭا قالىبىنا سايكەسۋ بارىسىندا تىڭ تابىستارعا قول جەتكىزۋگە تالپىنۋدىڭ، دامۋ بارىسىندا قايشىلىقتاردى شەشۋدىڭ، حاۋىپ - قاتەرلەردى جويۋدىڭ، اناعۇرلىم كەسەك تابىستارعا قول جەتكىزۋدىڭ شەشۋشى تالابى.

  جاڭا قالىپتىڭ وزگەرىسى جىلدامدىق، قۇرىلىم، قوزعاۋشى كۇش وزگەرىسى سياقتى جاقتاردا بەينەلەنەدى، وزگەرىس بارىسىندا ورايلار مەن سايىستار بارشىلىق. ءداستۇرلى دامۋ ءتاسىلىنىڭ مىعىم ەكپىنى بار، ورنىقتى ارتتىرۋ، تاسىلگە وزگەرىس جاساۋ، قۇرىلىمدى رەتتەۋدىڭ بارلىعى وڭاي ەمەس. مەيلى «جىلدامدىقتان الاڭداۋدان» ارىلىپ، «قۇرىلىمدىق سىرەسپەنى» كۇش سالا جازۋدا بولسىن، الدە ورتا جوعارى قارقىنعا، ساپالى قۇرىلىمعا، جاڭا قوزعاشى كۇشكە يە شىت جاڭا جاعداي جاساۋدا بولسىن، بارلىعى اناعۇرلىم كۇشتى باتىلدىقپەن جانە اقىل - پاراساتپەن «تالقانداۋعا» باتىلدىق ەتۋدى، «ورناتۋعا» شەبەر بولۋدى قاجەت ەتەدى. ەسەيۋ بارىسىندا «كۇيزەلىس»، ەكونوميكانىڭ دامۋ تاسىلىنە بۇرىلىس جاساۋدا «بۇراڭدىق»، قۇرىلىمدى رەتتەۋدە «قيىندىق» بولادى، اسۋلاردان اسىپ، قيىندىقتاردى جەڭەتىن شەشۋشى ساتتەردە، رەفورما جاساپ، ەسىك اشۋدان جازباۋ كەرەك. دامۋ بارىسىندا ءدوپ كەلگەن كورنەكتى ماسەلەلەردى شەشىپ، رەفورمانى ىلگەرىلەتۋدى ارقاۋ ەتىپ، وندىرگىش كۇشتەردىڭ دامۋىنا كەسە كولدەنەڭ بولاتىن بۇعاۋ اتاۋلىنىڭ بارلىعىن تالقانداعاندا عانا، كۇيزەلىستەن قۇتىلىپ، قيىندىقتاردى جەڭىپ، بۇراڭدىقتاردان تايسالماي ءوتىپ، جاڭا قالىپ ءۇشىن سارا جول سالىپ، جاڭا دامۋعا شارت - جاعداي ازىرلەي الامىز.

  دامۋدىڭ جاڭا مەحانيزمىن ازىرلەۋدە سوتسياليستىك بازار شارۋاشىلىعىنىڭ رەفورما باعىتىنان جازباۋ كەرەك. ەكونوميكانىڭ ارتۋىن ىشكى سۇرانىس ارقىلى جەبەۋدىڭ، كاسىپورىنداردىڭ كىرىسىن جاڭالىق اشۋ ارقىلى قولداۋدىڭءتۇبىرلى شاراسى بازاردى بەلسەنە بايقاۋدا جانە باۋلۋدا، بازاردى جانداندىرۋ ارقىلى ءادىس - امال، جول قاراستىرۋ كەرەك. سونىمەن قاتار، ۇكىمەتتىڭ رولىن دا ويداعىداي ساۋلەلەندىرىپ، ۇكىمەت ورىندارىن ىقشامداپ، ۇقىقتى تومەنگە ءتۇسىرۋ، زاڭ بويىنشا اكىمشىلىك جۇرگىزۋ، تيجارات جۇرگىزۋ، ساۋدا ورتاسىن ساپالاندىرۋ كەرەك. «كورنەۋ قول» مەن «كومەسكى قولداردى» ءبىر - بىرىنە سايكەستىرۋ قاجەت. شەشۋشى سالالاردى مىقتى يگەرە وتىرىپ، رەفورمانى جوبالاۋدى تىڭعىلىقتى ورىنداپ، تەز، ورنىقتى العا ىلگەرىلەپ، «كۇتۋ، يەك سۇيەۋ، قول سوزۋدى» ازايتىپ، «كۇتىپ، قارايلاپ ءجۇرىپ بارىنەن قۇر الاقان قالۋدان» ساقتانىپ، دامۋ اياق الىسىن كەشەۋىلدەتپەۋ كەرەك.

  دامۋدىڭ جاڭا مەحانيزمىن ازىرلەۋدە رەفورما كۇشتەرىن ۇيىستىرۋ كەرەك. ەكونوميكا مەيلى دامىپ قانداي ساتىعا جەتسە دە، حالىق تۇرمىسى قاشاندا رەفورما جاساۋدىڭ، دامۋدىڭ «قىبلاناماسى» بولادى. حالىق ءۇشىن رەفورما جاسالادى، رەفورما جاساۋدا حالىققا سۇيەنۋ كەرەك؛ حالىق جۇرتشىلىعى رەفورمانى اڭسايدى ءارى ولار رەفورماعا قاجەتتى اقىل - پاراساتتىڭ كەنىشى. رەفورمانىڭ حالىق تۇرمىسى باعىتىنا تاباندى بولىپ، بۇقارانىڭ جاسامپازدىق رۋحىنا قۇرمەت ەتىپ، حالىق قاجەت ەتسە بولعانى رەفورما جاساپ، حالىق جۇرتشىلىعىن اناعۇرلىم رازى ەتكەندە، حالىق تۇرمىسىن جاقسارتۋ مەن ەكونوميكانى دامىتۋدى ءونىمدى توعىستىرىپ، ءبىر - بىرىنە سايكەستىرگەندە عانا، حالىق جۇرتشىلىعىن رەفورمانىڭ تاباندى قاتىسۋشىلارىنا، قولداۋشىلارىنا اينالدىرىپ، رەفورمانى ىلگەرىلەتەتىن ايبىندى كۇش قالىپتاستىرۋعا بولادى.

  دامۋدىڭ جاڭا مەحانيزمىن ازىرلەۋدە تالىقپاي العا تالپىناتىن رۋحاني بەينە بولۋ كەرەك. ەكونوميكالىق دامۋدىڭ جاڭا قالىبى ءار دارەجەلى باسشى كادرلاردا جۇمىس تىندىرىپ، شارۋاشىلىق قۇرۋدىڭ جاڭا ەرىك - جىگەرى بولۋدى قاجەت ەتەدى. ءىس تىندىرماسا، قانداي تاماشا جوبا دا شىندىققا اينالمايدى؛ تياناقتاندىرىلماسا، قانداي جاقسى ورنالاستىرۋ دا بوس سوزگە اينالادى. جاڭا قالىپتى يگەرۋ جانە وعان جەتەكشىلىك ەتۋدە، ءداستۇرلى دامۋ تاسىلىندە قالىپتاسقان وي - تانىمدى، قىزمەت ادەتىن جانە جولدى وزگەرتىپ، جاڭا تالاپقا سايكەسىپ، تىڭ كوزقاراس ورناتىپ، جاڭا ءتاسىل ازىرلەپ، اتويلاپ الدا ءجۇرىپ، حالىق جۇرتشىلىعىن شىندىقتى ءىس جۇزىنەن ىزدەپ، ناقتى ءىس ىستەۋگە، بىرگە كۇرەسۋگە جەتەكتەپ، رەفورما شارالارىن تياناقتاندىرۋ قابىلەتىن ۇزدىكسىز كۇشەيتۋ كەرەك.

  رەفورماشىلدار العا باسىپ، جاڭالىق جاساۋشىلار كۇشەيەدى، رەفورما جاساپ، جاڭالىق جاساۋشىلار عانا جەڭىسكە جەتەدى. حالىق جۇرتشىلىعى اناعۇرلىم جاقسى تۇرمىسقا تالپىنعان جاڭا جاعدايدا، رەفورما رۋحىن اسقاقتاتىپ، وزگەرىس بارىسىندا تىڭ ناتيجەلەرگە قول جەتكىزۋدەن جازباي، دامۋدىڭ جاڭا مەحانيزمىن كۇش سالا ازىرلەسەك بولعانى، دامۋدىڭ جاڭا جولىن، ءسوزسىز، تابا الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.