بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

دۇنيە جۇزىندەگى سۇر ماقتا ءجىپتىڭ %80ى شينجياڭدا وندىرىلگەن

2015.07.27 15:21     كەلۋ قاينارى : شينجياڭ گازەتى

  بىلەسىز بە؟ ءسىز ۇناتاتىن POLO ماركالى جەيدە يتاليانىڭ ميلان قالاسىندا ياكي ەلىمىزدىڭ گۋاڭدۇڭ ولكەسىندە تىگىلگەن بولسىن، وعان پايدالانعان سۇر ماقتا شينجياڭدا وندىرىلگەن بولۋى مۇمكىن.

  بىلتىردان بەرى، دۇنيە جۇزىندەگى سۇر ماقتا ءجىپتىڭ %80تەن استامىن وندىرەتىن حۋافۋ ءتۇستى ماقتا فابريكاسى ءتۇستى ماقتا ءوندىرىس كاسىبىن تۇگەلدەي شينجياڭعا ويىستىردى. بۇل ءىرى توقىماشىلىق كاسىپورىندارىنىڭ «ءبىر بەلدەۋ، ءبىر جول» ستراتەگياسىنا سايكەسكەنىنىڭ ءبىر بەينەسى ەدى.

  9 - ماۋسىم ءتىلشىنىڭ اۆتونوميالى رايوندىق توقىماشىلىق كاسىبىن باسقارۋ كەڭسەسىنەن ۇعىسۋىنا قاراعاندا، شياڭگاڭنىڭ جارنا بازارىنا شىعارىلعان سەرىكتەستىك تيانحۇڭ توقىماشىلىق توبى تاياۋدا تيانحۇڭ توبىنىڭ القالارى وسى توپتىڭ القالار باستىعى حۇڭ تيانجۋ جانە اتقارۋشى القا جۋ يۇڭشياڭمەن قارجى قوسۋ كەلىسىمىنە وتىرماقشى ەكەنىن، قارجىلاس ءبىر سەرىكتەستىك قۇرىپ، شينجياڭدا 3 ميلليون ۇرشىعى بار ءوندىرىس بازاسىن قولعا الاتىنىن، العاشقى ءبىر ميلليون ۇرشىعى بار ءوندىرىس لەنياسى 2016 - جىلى ىسكە قوسىلاتىنىن جاريالادى.

  ودان دا ءىرى جۇمىسقا كىرىسكەنى شاندۇڭ ولكەسىنىڭ رۋ - ي كاسىپورىن توبى، وسى كاسىپورىن بىلتىر قاشقاردا 2 ميلليارد يۋان قارجى قوسىلعان ءىرى تۇرپاتتى،ءوندىرىسى جەلىلەسكەن توقىماشىلىق، كيىم - كەشەك بازاسىن قۇردى، بيىل شىحىزىدا جوعارى عىلىم - تەحنيكالى، ورەلى توقىماشىلىق كاسىبىن ىسكە قوسىپ، شينجياڭداعى ەڭ ساپالى كاستيۋم - برۋلكا، دۇنيە جۇزىندەگى ەڭ ساپالى جەيدە تىگىلەتىن ماقتا كەزدەمە جانە ەڭ ساپالى ورامال وندىرمەكشى.

  اۆتونوميالى رايوندىق حالىق ۇكىمەتىنىڭ ورىنباسار باس حاتشىسى لياڭ يۇڭ: بيىل شينجياڭ 50 توقىماشىلىق ءوندىرىس كاسىپورنىن سىرتتان كوشىرىپ ورنالاستىرۋ نىسانىن اتقارۋدى، توقىماشىلىق كاسىبىنە 10 ميلليارد يۋان قارجى قوسۋدى جوسپارلادى. ەلىمىزدىڭ شىعىس جانە ورتا بولەگىندەگى باسىمدىعى زور ايگىلى كاسىپورىنداردى، جالپى ءوندىرىس لەنياسى بار جەتەكشى كاسىپورىنداردى جانە مىقتى كاسىپ شوعىرىن شينجياڭعا باۋراپ، ءۇرتىس دامۋىن جۇزەگە اسىرۋعا قۇلشىنادى، - دەدى.

  ساندى مالىمەتتەرگە نەگىزدەلگەندە، الداعى 10 جىل ىشىندە، ورتا ازيا بازارىنىڭ توقىماشىلىق، كيىم - كەشەككە بولعان سۇرانىس مولشەرى 100 ميلليارد يۋاننان، رەسەيدىكى 500 ميلليارد يۋاننان، ءۇندىستان مەن پاكيستاندىكى 600 ميلليون يۋاننان، ەۆروپا وداعىنىكى 300 ميلليارد يۋاننان اسادى ەكەن.

  شينجياڭ بيىل تاعى باتىسقا قاراي توقىماشىلىق، كيىم - كەشەك ونىمدەرىن تاسيتىن 212 پويەز جۇرگىزىپ، ورتا ازيا مەن ەۆروپانى تۇتاستىراتىن زات تاسىمال لەنياسىن اشۋدى جوسپارلادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.