- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بانكەنىڭ «جاراقسىز حۇجاتىن» بەتالدى تاستاماڭىز
2015.07.27 15:22 كەلۋ قاينارى : ورتالىق حالىق راديو ستانسياسى تورابى
بانكە «جاراقسىز حۇجاتىن» بەتالدى تاستاساڭىز، الدامشىلار ونى تاۋىپ الىپ ءسىزدى اۋرە-سارساڭعا ءتۇسىرۋى ابدەن مۇمكىن. نانحاي حالىق سوتى مەكەمەسى جۋىقتا عانا تەلەگراف الدامكوستىگىنە قاتىستى مىناداي ءبىر دەلونى قاراپ اقىرلاستىردى: بانكەگە كىرىپ العان ءبىر قىلمىستىق توپ بانكە قىزمەتكەرلەرىنە سەزدىرمەي، قوقىر-قوقسىق شەلەگىنە سالىنعان تۇتىنۋشىلاردىڭ قاتە تولتىرعان ەسەپ اشۋ، ەسەپ وتكەرىپ بەرۋ حۇجاتى قاتارلى نارسەلەرىن الىپ كەتىپ، بانكە قىزمەتتەن تۇسۋگە تاياعان شاقتا، بانكە قىزمەتكەرىنىڭ اتىن جامىلىپ، زيانكەستىككە ۇشىراۋشىعا تەلەفون شالىپ، بانكە جۇيەسىنەن كىنارات شىقتى دەپ (مۇندايدا زيانكەستىككە ۇشىراۋشى بانكەگە بارۋعا امالسىز، تەك اۆتوماتتى اقشا شىعارۋ ماشيناسىنا بارۋعا ءماجبۇر بولادى)، ودان تەزىرەك ماڭىنداعى بانكەگە بارىپ سايكەسۋدى تالاپ ەتىپ، كارتچكاداعى اقشانى «حاۋىپسىز ەسەپ نومىرىنە» سالدىرعان.
سوندىقتان تۇتىنۋشىلار بانكە كارتچكاسىن ءبىتىرۋ، قورعاۋ جانە قولدانۋ بارىسىندا ەرەكشە قىراعى بولۋى ءتيىس:
ءبىرىنشى، ءوزىڭىزدىڭ بانكە كارتچكاڭىزعا قاتىستى ينفورماتسيا مەن جەكە باسىڭىزعا قاتىستى ينفورماتسيانى ويداعىداي قورعاڭىز، جەكەلىك ينفورماتسياڭىزدى بەيتانىس سەرىكتەستىككە نەمەسە جەكە ادامعا بەرە كورمەڭىز، عالامتورعا ءوزىڭىزدىڭ ناقتى سالاۋاتىڭىزعا قاتىستى ينفورماتسيانى قالدىرماڭىز، جاڭا كارتچكا بىتىرگەندە دەرەۋ قۇپيا شيفرىن وزگەرتىڭىز، بانكە قىزمەتكەرىن قامتىعان ءارقانداي ادامنىڭ ءسىزدىڭ جەكەلىك قۇپيا شيفرىڭىزدى سۇراۋ نەمەسە ءبىلۋ ۇقىعى جوق.
ەكىنشى، بانكە «جاراقسىز حۇجاتىنا» كوبىندە زيانكەستىككە ۇشىراۋشىنىڭ اتى-ءجونى، ازاماتتىق كۋالىك ءنومىرى، بانكە كارتچكا ءنومىرى جانە تەلەفون ءنومىرى سياقتى ماڭىزدى جەكەلىك ينفورماتسيالارى جازىلادى. تۇتىنۋشى بانكەگە بارىپ جۇمىس بىتىرگەندە، وسىنداي «جاراقسىز حۇجاتتى» تاستاي سالماي، الا كەتىپ ورتەپ تاستاۋعا ادەتتەنۋى ءتيىس؛ بانكە دە كۇماندى ادامداردى باقىلاۋ مەن «جاراقسىز حۇجاتتاردى» ءبىر جاقتى ەتۋدى كۇشەيتۋى قاجەت. ايتالىق، قىزمەتكەرلەر «جاراقسىز حۇجاتتاردى» ءبىرتۇتاس ورتەپ جىبەرۋى نەمەسە قاعاز تۋراۋ ماشيناسىنا سالىپ تۋراپ تاستاۋى كەرەك.
ءۇشىنشى، اۆتوماتتى اقشا شىعارۋ ماشيناسىن ىستەتكەندە، ماڭايىڭىزدا كۇماندى ادام بار ما، جوق پا ؟ قاتاڭ قاداعالاڭىز، اۆتوماتتى اقشا شىعارۋ ماشيناسىنىڭ جانىنا جاپسىرىلعان تەلەفون نومىرگە تەلەفون جالعاي كورمەڭىز، ماشينادان باسىلىپ شىققان حۇجاتتى بەتالدى تاستاماڭىز، ماشينانى ىستەتۋ بارىسىندا باسقالاردىڭ سىزگە كەدەرگى بولۋىنان، قۇپيا شيفرىڭىزدى ۇرلاۋىنان ساق بولىڭىز.
ءتورتىنشى، كۇماندى حات-قاتىناس، ەلەكتروندى جولداما جانە قول تەلەفون كەلتە حاتىن تاپسىرىپ العاندا نەمەسە كۇماندى تەلەفون كەلگەندە انىق-قانىعىنا جەتىڭىز، بولماشى پايداعانى كوزدەيمىن دەپ ورعا ءتۇسىپ كەتپەڭىز، ابىرجىپ قورىقپاي، سابىرلى بولىڭىز.
بەسىنشى، توراپ بانكەسى ارقىلى اقشا تولەگەندە، بەيمالىم جالعانىم نەمەسە بەيمالىم ەلەكتروندى پوچتا جولداماسى قامداعان بانكە توراپ بەكەتىنەن پايدالانباڭىز، توراپ تۇتىنۋ ەستەلىگىن جاقسى ساقتاپ قويىڭىز، ەگەر كارتچكاڭىزدان بەيمالىم اقشا شىعىن ەتىلسە، دەرەۋ كارتچكا تاراتقان بانكەمەن بايلانىس جاساڭىز.
التىنشى، زاۋدەعالام سورىڭىز قايناپ الدامشىلاردىڭ قۇرعان تۇزاعىنا ءتۇسىپ قالساڭىز، دەرەۋ كارتچكا تاراتقان بانكەمەن بايلانىس جاساڭىز نەمەسە بانكەگە بارىپ الدامشىلىق ارەكەتتى اشكەرەلەڭىز، تارتقان زيانىڭىز اۋىر بولسا، دەرەۋ قوعام حاۋىپسىزدىگى ورگانىنا دەلو مالىمدەڭىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
