- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بۇكىل ەلىمىزدەگى ولكە دارەجەلى پارتيا گازەتى باس رەداكتورلارىنىڭ جىلدىق جينالىسى اشىلدى
جاڭا قالىپتا پارتيا گازەتىنە رەفورما جاساۋ مەن جاڭالىق اشۋدى ىلگەرىلەتەيىك
2015.07.28 13:30 كەلۋ قاينارى : ءتاڭىرتاۋ تورابى
بۇكىل ەلىمىزدەگى ولكە دارەجەلى پارتيا گازەتى باس رەداكتورلارىنىڭ 2 - كەزەكتى جىلدىق جينالىسى 27 - شىلدەدە ۇرىمجىدە اشىلدى. جينالىسقا قاتىناسقان ۋاكىلدەر جاڭا قالىپتاعى پارتيا گازەتىنىڭ ۇگىت، حابار ەرەكشەلىگى مەن زاڭدىلىعى، پارتيا گازەتىنە رەفورما جاساۋدى، جاڭالىق اشۋدى تەرەڭدەتۋ، ءداستۇرلى اقپارات قۇرالدارى مەن جاڭادان جەتىلگەن اقپارات قۇرالدارىنىڭ توعىسىپ دامۋىن جەبەۋ سياقتى تاقىرىپتار توڭىرەگىندە ىشكەرىلەي تالقى ورىستەتىپ، اۋىس - كۇيىس جاسادى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن، جۇڭحۋا مەملەكەتتىك اقپارات قىزمەتكەرلەرى قوعامى پارتيا باسشىلىق گرۋپپاسىنىڭ ورىنباسار شۋجيى، شۋجيچۋدىڭ شۋجيى گاۋ شانگاڭ جينالىسقا قاتىناستى.
لي شۋەجۇن بىلاي دەدى: راديو، تەلەۆيزور جالپىلاسقان، عالامتور سياقتى جاڭادان گۇلدەنگەن اقپارات قۇرالدارى قارىشتاپ دامىعان بۇگىنگى زاماندا، پارتيا گازەتى تەرەڭدەي بايىمداۋ، اقپاراتتىق شولۋ، نازاريا - ساياساتتاردى ۇگىتتەۋ - ءتۇسىندىرۋ، ۇگىت - حاباردىڭ دۇرىستىعى سياقتى جاقتارداعى بەدەلى ءالى دە كورنەكتى، ورنىن وگەيستۋگە بولمايتىن ماڭىزدى رول اتقارۋدا. «شينجياڭ گازەتى» مەن شينجياڭداعى باسقا دا اقپارات قۇرالدارىنىڭ وسى رەتكى جينالىستىڭ اشىلۋىن تابىلمايتىن وراي ساناپ، ءارقايسى ولكە، اۆتونوميالى رايون، قالالاردىڭ پارتيا گازەتتەرىنەن ۇيرەنىپ، كوبىرەك اۋىس - كۇيىس جاساپ، ءوزارا سەلبەسۋ مەحانيزمىن ورناتىپ، سۇحپات دەرەكتەرىمەن بەلسەنە قامداپ، ءوزارا ۇگىتتەۋدى، حابارلاۋدى كۇشەيتىپ، «ۇشكە جاناسۋدان» جازباي، شينجياڭنىڭ دامۋىن، ورنىقتىلىعىن جەبەۋ، يدەياعا جەتەكشىلىك ەتۋ، قوعامدىق سالتتى قالىپتاستىرۋ، قوعامنىڭ جاراسىمدىلىعىن جەبەۋ سياقتى جاقتارداعى ماڭىزدى رولىن اناعۇرلىم ويداعىداي ساۋلەلەندىرۋىن ءۇمىت ەتەمىن، سونداي - اق جينالىسقا قاتىناسقان اقپارات قۇرالدارىنىڭ ءوز ابزالدىلىقتارىن ساۋلەلەندىرىپ، ءار الۋان فورمالارمەن شينجياڭدى ۇنامدى جاقتان ۇگىتتەۋ تەبىنىن ارتتىرىپ، شينجياڭنىڭ دامۋ ابزالدىلىعى مەن كومەسكى كۇشىن، شينجياڭداعى قۋانارلىق وزگەرىستەردى جانە دامۋ بولاشاعىن كوبىرەك ۇگىتتەپ، شينجياڭنىڭ اتاق - ابىرويىن اسىرا تۇسۋگە كۇش سالۋىن ءۇمىت ەتەمىن.
گاۋ شانگاڭ جۇڭحۋا مەملەكەتتىك اقپارات قىزمەتكەرلەرى قوعامى اتىنان جينالىستىڭ اشىلعاندىعىن قىزۋ قۇتتىقتادى. ول جينالىسقا قاتىناسقان ۋاكىلدەردەن نەگىزگى ساتىنى ارالاپ، حابار جازىپ، شينجياڭنىڭ ەكونوميكالىق دامۋ، ۇلتتار ىنتىماعى، قوعام جاراسىمدىلىعى جاعدايىن، شينجياڭنىڭ «ءبىر بەلدەۋ، ءبىر جول» وزەكتى رايون قۇرىلىسىنىڭ ىلگەرىلەۋ جاعدايىن جانە ونىمدىلىگىن تولىق بەينەلەپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن تاماشا جاماعات پىكىرى ورتاسىن قالىپتاستىرۋدى ءۇمىت ەتتى.
وسى رەتكى جىلدىق جينالىستى وتكىزۋگە شينجياڭ گازەتى مەكەمەسى جاۋاپتى بولدى. جينالىس كەزىندە ەلىمىزدەگى ءارقايسى ولكە، اۆتونوميالى رايون، قالالاردان كەلگەن پارتيا گازەتى قىزمەتكەرلەرى شينجياڭنىڭ ءىشىنارا ايماقتارى مەن وبلىستارىن ارالاپ، «كورىكتى شينجياڭ. جىبەك جولى» اتىندا تىلشىلىك قيمىلىن ورىستەتەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
