- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىزدىڭ قوس قولداۋ قىزمەتىندە كورنەكتى تابىسقا قول جەتتى
2015.07.28 13:32 كەلۋ قاينارى : ءتاڭىرتاۋ تورابى
ءتىلشىنىڭ اۆتونوميالى رايوننىڭ قوس قولداۋ قىزمەتىنەن مالىمەت بەرۋ جيىنىنان ۇعىسۋىنشا، 4 جىلعا جۋىق ۋاقىتتا اۆتونوميالى رايونىمىز اسكەري بولىمدەردىڭ نەگىزگى قۇرىلعى قۇرىلىستارىن كۇشەيتۋ، كاسىپ اۋىستىرىپ ورنالاستىرۋ جانە ءتۇيىندى سۇيەمەلدەنەتىن وبيەكتىلەردىڭ تۇرمىس شارت - جاعدايىن جاقسارتۋ سياقتى قوس قولداۋ قىزمەتى جاعىندا كورنەكتى تابىستارعا قول جەتكىزىپ، اسكەري بولىمدەردەگى وفيتسەر مەن اسكەرلەردىڭ، اسكەري قوسىننان كاسىپ اۋىستىرعان كادرلاردىڭ جانە اسكەري وتباسىلارىنىڭ جاقسى باعاسىنا يە بولعان.
2012 - جىلى اۆتونوميالى رايون قوس قولداۋداعى ۇلگىلى قالالارعا (اۋدان، رايون) اتاق بەرۋ جانە قوس قولداۋداعى ۇلگىلى ورىندار مەن جەكەلەردى سيلاۋ جينالىسىن اشقاننان بەرى اۆتونوميالى رايون 4 جىلعا تاياۋ ۋاقىتتاعى قوس قولداۋ قىزمەتى بارىسىندا 2 ميلليارد 400 ميلليون يۋان قاراجاتتى اسكەري بولىمدەردىڭ ءۇي قۇرىلىسى، تاس جول، سۋ، توك، جىلۋ سياقتى نەگىزدىك قۇرىلعىلار قۇرىلىسىنا جۇمساپ، اسكەري بولىمدەردىڭ جاتتىعۋ، تۇرمىس شارت - جاعدايىن بارىنشا جاقسارتتى. جەر - جەر، تاراۋلار قوعامداعى كۇشتەردى بەلسەنە جۇمىلدىرىپ، مەملەكەت مەنشىگىندەگى كاسىپورىنداردى، حالىقتىق كاسىپورىنداردى، ءدىني ۇيىمداردىڭ ۋاكىلدەرىن جانە ءار ۇلت بۇقاراسىن ارميانى قولداۋ قىزمەتىنە ۇيىمداستىردى جانە وعان باستادى.
4 جىلدان بەرى اۆتونوميالى رايون اسكەري قوسىننان اۋىسقان 4000نان استام كادردى، اسكەري قوسىننان دەمالىسقا شىققان جانە اسكەري شتاتقا جاتپايتىن 1600 دەن استام جۇمىسشى - قىزمەتكەردى، اسكەريلەردىڭ 2100 دەن استام بالا - شاعاسىن قابىلداپ، اسكەري قوسىننان شەگىنگەن 11 مىڭنان استام ادامدى تەگىن تاربيەلەپ، 8000نان استام ادامدى سۇيەمەلدەدى جانە كاسىپتەندىردى. سوڭعى 2 جىلدا اۆتونوميالى رايون ءبىر ميلليارد 500 مىڭ يۋان قارجى شىعارىپ، ءتۇيىندى سۇيەمەلدەنەتىن وبيەكتىلەردىڭ تۇرعىن ءۇي، ەمدەۋ، تۇرمىستىق شارت - جاعدايىن جاقسارتتى. ءسويتىپ، پارتيا مەن ۇكىمەتتىڭ قامقورلىعى مەن مەيىر - شاپاعاتىن اسكەري بولىمدەردەگى وفيتسەرلەر مەن جاۋىنگەرلەرگە، الدىمەن سۇيەمەلدەنەتىن وبيەكتىلەرگە شىنايى جەتكىزدى، مۇنان سىرت، شينجياڭدا تۇراتىن اسكەري بولىمدەر دە جەرگىلىكتى ورىننىڭ تەحنيكالىق دارىندىلاردى تاربيەلەۋ، كىتاپ تارتۋ ەتىپ، وقۋ - اعارتۋعا كومەكتەسۋ جاقتارىندا حالىققا ءتيىمدى ءبىر قىدىرۋ قىزمەتتەردى ىستەدى.
اۆتونوميالى رايوندىق پارتكومنىڭ تۇراقتى مۇشەسى شاۋكەت يمىن جيىنعا قاتىناستى جانە ءسوز سويلەدى. ول بىلاي دەدى: الدىڭعى كەزەكتى اتاق بەرۋ، سيلاۋ جينالىسىنان بەرى، شينجياڭداعى اسكەري ورىن مەن جەرگىلىكتى ورىنداعى ءار دارەجەلى تاراۋلار قوس قولداۋ قىزمەتىنە وسكەلەڭ ءمان بەردى، اسكەري ورىن مەن جەرگىلىكتى ورىن ءبىر - بىرىنە اناعۇرلىم قولداۋ كورسەتتى، اسىرەسە، توسىن ۋاقيعالاردى ءبىر جاقتى ەتۋ، قوعام ورنىقتىلىعىن قورعاۋ، اۋىر جاراتىلىستىق اپاتتارعا قارسى اتتانۋ، جەرگىلىكتى ەكونوميكالىق قۇرىلىسقا كومەكتەسۋ جاقتارىندا ارميا مەن حالىق ءبىر نيەت، ءبىر تىلەكتە بولا وتىرىپ، ىنتىماقتاسا شايقاس جاساپ، وراسان زور ۇلەس قوستى. مۇنان بىلايعى قوس قولداۋ قىزمەتىندە اۆتونوميالى رايونىمىزدىڭ «ءتورت جاپپاي» ستراتەگيالىق ورنالاستىرۋىندا قوس قورعاۋ قىزمەتى قيمىلىن ورىستەتۋدى جوبالاپ، ارميا مەن جەرگىلىكتى ورىننىڭ كەلەلى، قيىن ءتۇيىندى ماسەلەلەرىن شەشۋگە كۇش سالۋىن ءۇمىت ەتەمىن.
قوس قولداۋداعى مەملەكەتتىك ۇلگىلى قالالاردى (اۋدان) تەكسەرۋ گرۋپپاسىنىڭ باستىعى، مەملەكەتتىك قوس قولداۋ كەڭسەسىنىڭ ورىنباسار مەڭگەرۋشىسى، باس ساياسي ءبولىم بۇقارالىق قىزمەت كەڭسەسىنىڭ ورىنباسار مەڭگەرۋشىسى با موۋگو اۆتونوميالى رايونىمىزدىڭ قوس قولداۋ قىزمەتىنىڭ ورىستەتىلۋ جاعدايى جونىندەگى مالىمەتتى تىڭدادى. اۆتونوميالى رايوننىڭ ورىنباسار ءتوراعاسى جاروللا نيزاميدىن ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
