مەملەكەتتىك عىلىم – تەحنيكا قوعامى جۇيەسىنىڭ شينجياڭعا باعىتتامالى كومەكتەسۋ قىزمەت جيىنى شينجياڭدا اشىلدى
حالىق تورابى، 28 – شىلدە، بەيجيڭ. ءتاڭىرتاۋ تورابىنىڭ حابارلاۋىنشا، مەملەكەتتىك عىلىم – تەحنيكا قوعامى جۇيەسىنىڭ شينجياڭعا باعىتتامالى كومەكتەسۋ قىزمەت ءماجىلىسى 27 – شىلدەدە ءۇرىمجى قالاسىندا اشىلدى. ماجىلىستە جاڭا كەزەكتى شينجياڭعا كومەكتەسۋ قىزمەتى باستالعاننان بەرگى مەملەكەتتىك عىلىم – تەحنيكا قوعامى جۇيەسىنىڭ شينجياڭعا كومەكتەسۋ قىزمەتى قورىتىندىلانىپ، عىلىم – تەحنيكا قوعامىنىڭ توپتىق ۇيىمداستىرۋ باسىمدىلىعى مەن بايلىق قاينارى باسىمدىلىعىنان پايدالانىپ، «شينجياڭعا عىلىم – تەحنيكالىق جاقتان كومەكتەسىپ ونىمدىلىكتى ارتتىرۋ ينجەنەرياسىن» ىشكەرىلەي اتقارۋ جونىندە ورنالاستىرۋ جاسالدى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماجىلىسكە كەلگەن جۇڭگو عىلىم – تەحنيكا قوعامى پارتگرۋپپاسىنىڭ شۋجيى، ءتوراعانىڭ ۇنەمىلىك ىستەرگە جاۋاپتى ورىنباسارى، شۋجيچۋىنىڭ ءبىرىنشى شۋجيى شاڭ يۇڭ قاتارلىلارمەن كەزدەستى.
جاڭ چۇنشيان: جۇڭگو عىلىم – تەحنيكا سالاسى دارىندىلار مەن زەيىن – زەردە جاعىنداعى باسىمدىلىقتارىنان پايدالانىپ، شينجياڭعا كومەكتەسۋ قىزمەتىن كۇش سالا قانات جايدىرىپ، شينجياڭنىڭ عىلىم – تەحنيكا ىستەرىنىڭ ۇزدىكسىز العا باسۋىنا قىرۋار قىزمەتتەر اتقاردى. مەملەكەتتىك عىلىم – تەحنيكا قوعامى جۇيەسىنىڭ بۇل رەتكى شينجياڭعا باعىتتامالى كومەكتەسۋ قىزمەت جيىنىنا جۇڭگو عىلىم – تەحنيكا قوعامى مەن شينجياڭعا كومەكتەسەتىن ولكە، قالالارداعى عىلىم – تەحنيكا قوعامى جۇيەسى تولىق دايىندىقپەن شينجياڭعا كومەكتەسۋدىڭ ءبىرسىپىرا ۇتىمدى شارالارىن الا كەلدى، ولار شينجياڭعا زەيىن – زەردە جاقتان كومەكتەسەتىن نەگىزگى كۇش، - دەدى.
كەلۋ قاينارى: حالىق تورابى