- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىسقى وليمپيادا سپورت جارىسىنا دەم بەرىپ، مەملەكەتتىك 13 - كەزەكتى قىسقى سپورت جارىسىن اسىعا كۇتەمىز
− اۆتونوميالى رايونىمىزداعى ءبىر ءبولىم جۇرتشىلىق مەملەكەتتىك 13 - كەزەكتى قىسقى سپورت جارىسىنىڭ الاڭدارىن تاماشالادى
2015.08.03 13:36 كەلۋ قاينارى : ءتاڭىرتاۋ تورابى
1 - تامىز تۇستەن بۇرىن، اۆتونوميالى رايونىمىزداعى ءىشىنارا ساقا دەنە تاربيە قىزمەتكەرلەرى، ەڭبەك ەرلەرى، قىسقى سپورت اۋەسكەرلەرى رايونىمىزداعى مۇز ءۇستى سپورت ورتالىعىنا كەلىپ، مەملەكەتتىك 13 - كەزەكتى قىسقى سپورت جارىسىنىڭ مۇز ءۇستى جارىس الاڭىن تاماشالادى.
كورگەن سايىن تامسانىپ، تاڭىرقاپ، تەبىرەنگەن سەزىمدەرىن سوزبەن جەتكىزە المايتىنداي سەزىندى. ولار: ءبىز بەيجيڭگە دەم بەرەمىز، وتاعاسىلىق رولىمىزدى جاقسى اتقارىپ، مەملەكەتتىك 13 - كەزەكتى قىسقى سپورت جارىسىن جاقسى وتكىزىپ، مەملەكەتتىك 13 - كەزەكتى قىسقى سپورت جارىسىنىڭ مەرەيىن اسىرامىز، - دەدى.
ساقا دەنە تاربيە قىزمەتكەرلەرى − اڭساعان ارمانىمىز ورىندالدى
«اڭساعان ارمانىم ورىندالدى»، - دەدى اۆتونوميالى رايوندىق دەنە تاربيە مەكەمەسىنىڭ ساقا باسشىسى جاي لانچاۋ توتەنشە تەبىرەنگەن سەزىممەن.
«بۇرىن قىسقى سپورت جارىس تۇرلەرىنە جاتتىققاندا، قار ءۇيىپ، مۇز قاتىرىپ، قاقاعان ايازدا سىرتتا جاتتىعاتىنىبز، ونىڭ ۇستىنە جاتتىعۋ دا تىم جۇيەلى بولمايتىن، سپورتشىلار ەرەكشە جاپا تارتاتىن، ءبىر جولى شىعىس سولتۇستىككە جاتتىعۋعا باردىق، ول اراعا باراتىندار كوپ بولعاندىقتان، ءبىز سپورتشىلاردى ادامنىڭ ەڭ سايابىر كەزىنەن پايدالانىپ، ءتۇن جارىمىندا شىعارىپ ماشىقتاندىرىپ وتىردىق»، - دەدى جاي لانچاۋ وتكەن كۇندەردى ەسىنە الىپ.
«سول كەزدە شينجياڭدا مۇز ءۇستى جارىس الاڭى قاشان سالىنادى، قىسقى سپورت جارىسىن وتكىزۋ ورايى بولار ما ەكەن دەپ كوپ ويلايتىنمىن، بۇگىن ارمانىم اقىرى ىسكە استى. توتەنشە قۋانىشتامىن، مۇز ءۇستى سپورت ورتالىعىمەن ماقتانامىن»، − دەدى جاي لانچاۋ تىلشىگە.
«بۇرىن حالىق باقشاسىنداعى كولشىكتىڭ ۇستىندە ماشىق جاسايتىنبىز»، - دەدى، 1958 - جىلى اۆتونوميالى رايوننىڭ تەز سىرعاناۋ كومانداسىنىڭ وسپىرىمدەر گرۋپپاسىنا قابىلدانعان، سونداي - اق مەملەكەتتىك 1 - كەزەكتى مۇز ءۇستى سپورت جارىسىنا قاتىناسقان، بيىل 71 جاسقا شىققان جاڭ ليڭ اقساقال.
وسىزاماندانعان جارىس الاڭىن كورىپ جاڭ ليڭ ەرەكشە تەبىرەندى. وتكەندە شينجياڭدا مۇز ءۇستى جارىس تۇرلەرىنە قاتىناساتىن سپورتشى بار، جارىس الاڭى جوق بولاتىن، شاڭعى تەپكەندى جاقسى كورەتىندەر، ماشىقتاناتىندار، مۇز الاڭدى وزدەرى ىزدەپ تاباتىن. «مىنا الاڭدى مەملەكەت بويىنشا، ءتىپتى، دۇنيە ءجۇزى بويىنشا الدىڭعى ورىندا دەۋگە بولادى. بەيجيڭنىڭ قىسقى وليمپيادا سپورت جارىسىن وتكىزۋدى وتىنۋدە تابىسقا جەتۋى بۇكىل ەلىمىزدىڭ قار - مۇز جارىس تۇرلەرىنىڭ قارىشتاپ دامۋىن جەبەپ، مەملەكەتتىك 13 - كەزەكتى قىسقى سپورت جارىسىنىڭ ءساتتى وتۋىنە زور شابىت سيلادى. «ءبىز وتاعاسىلىق رولىمىزدى جاقسى اتقارۋىمىز كەرەك، كوپشىلىكتىڭ شينجياڭعا كەلۋىن قىزۋ قارسى الامىز»، - دەدى جاڭ ليڭ تەبىرەنىپ.
ەڭبەك وزاتى − شينجياڭدى ماقتانىش ەتەمىن
«ءبىر قابات حرۋستال جازىپ قويعان سياقتى ەكەن، قاتتى اسەرلەندىك». ەڭبەك وزاتتارى مۇز دوپ الاڭىن تاماشالاپ ەرەكشە تەبىرەندى.
«اۆتونوميالى رايوننىڭ مۇز ءۇستى سپورت ورتالىعىنىڭ سىرتقى بەينەسى شەشەك اتقان قارعالداقتان اۋمايدى». 1986 - جىلعى مەملەكەتتىك 2 - كەزەكتى 1 - مامىر ەڭبەك وردەنىنىڭ يەگەرى جاڭ لانيىڭ: وسى جىلداردا اتا مەكەنىمىزدە وراسا زور وزگەرىستەر تۋىلدى. ءزاۋلىم عيماراتتار ارت - ارتىنان ەڭسە كوتەردى، قاتىناس قاباعات دامىدى، حالىقتىڭ تۇرمىس ورەسى تىنباي جوعارىلادى. مەن ۇرىمجىلىك بولعانىمدى ماقتانىش سەزىنەمىن، داڭق سانايمىن، - دەيدى.
1995 - جىلعى اۆتونوميالى رايوندىق ەڭبەك وزاتى ساۋلە سولتان قىزى: جارىس وتەتىن الاڭداردى ءوز كوزىممەن كورىپ قاتتى اسەرلەندىم. شينجياڭنىڭ مەملەكەتتىك قىسقى سپورت جارىسىن، ءسوز جوق، سالتاناتتى وتكىزەتىنىنە كامىل سەنەمىن، - دەدى.
قار - مۇز اۋەسكەرلەرى − جارىس الاڭدارى ەڭسەلى دە ساۋلەتتى ەكەن
55 جاستاعى رىن حانچىڭ اۆتونوميالى رايوندىق مۇز ءۇستى سپورت ورتالىعىنا كەرەك - جاراعىن الىپ، اسىعىس - ۇسىگىس جەتتى. «وزگەلەر تاماشالاپ عانا قايتادى، ال ءبىز كەلىستىرىپ ويناماقشىمىز». رىن حانچىڭ سياقتى 10 نەشە قار - ءمۇز اۋەسكەرى جارىس الاڭىن سىناپ كورۋ ۇقتىرۋىن تاپسىرىپ العاننان كەيىن الاڭعا شىعار ءساتتى تاقاتسىزدانا توسىپتى.
«بۇدان بۇرىن جازدا كونكي تەۋىپ كورمەپپىن». 12 جاسىنان باستاپ قار - مۇز سپورتىنا قىزىققان رىن حانچىڭ: ەرتەدە ويلى - شۇڭقىر قار - مۇزدا ويناۋشى ەدىك، - دەدى. ول كەرەلينگ الاڭىن كونكيمەن بىرنەشە اينالىپ شىققاننان كەيىن: مىنا كاسىپتىك الاڭ كەرەمەت، سونداي مايدا ەكەن، - دەدى القاپ.
43 جاستاعى ليۋ جۋلين ءۇرىمجى قار - مۇز اۋەسكەرلەر قوعامىنىڭ مۇشەسى، ول مەملەكەتتىك 13 - كەزەكتى قىسقى سپورت جارىسى وتەتىن جارىس الاڭدارىن تاماشالاپ شىققاننان كەيىن: جارىس الاڭدارىن سىرتقا قاشان اشادى ەكەن، مۇندا كەلىپ كونكي تەپسەك دەپ ەدىك، - دەيدى.
باستاۋىش مەكتەپ وقۋشىسىنىڭ ارمانى − بەيجيڭ قىسقى وليمپيادا سپورت جارىسىنا قاتىناسۋ
«مەنىڭ دوستار شەڭبەرىم <بەيجيڭ جەڭدى> دەگەن حابارمەن تولدى، ءبارى جاپا - تارماعاي قۇتتىقتاۋ كەسكىندەرىن جولداپ، تەبىرەنگەن كوڭىل كۇيلەرىن بەينەلەدى»، - دەدى كەرەلينگ سارايىندا 100گە تارتا بالانى جاتتىقتىرىپ جاتقان ءۇرىمجى اۋدانى شۇيشيگوۋ ورتا مەكتەبىنىڭ دەنە تاربيە وقىتۋشىسى ايدوس تۇردىبەك ۇلى ەرەكشە تەبىرەنگەن كوڭىل كۇيمەن.
ايدوس: قازىر جوعارى ولشەمدى مۇز ءۇستى سپورت الاڭدارى مەن سارايلار سالىندى، شينجياڭنان مىقتى سپورتشىلاردىڭ جەتىلۋىنەن ءۇمىت زور بولدى. مەنىڭ نىسانام قىسقى وليمپيادا سپورت جارىسىنا قاتىناساتىن ءبىر سپورتشى تاربيەلەۋ، - دەدى ماساتتانا.
جاتتىعۋ جۇرگىزىپ جاتقان بالالار مەملەكەتتىك 13 - كەزەكتى قىسقى سپورت جارىسىنىڭ اشىلۋ جانە جابىلۋ سالتىندا ويىن كورسەتەدى، جازعى دەمالىس كەزىندە ولار دەم الماي جاپالى جاتتىعۋ جاساۋدا. 9 جارىم جاستاعى جاڭ شين - يدىڭ كونكي تەبۋدى ۇيرەنگەنىنە نە ءبارى جارىم جىل عانا بولعانىمەن، ول بۇدان قاتتى ءلاززات الدى.
«مەملەكەتتىك 13 - كەزەكتى قىسقى سپورت جارىسىندا ويىن كورسەتۋ ورايىنا يە بولعانىما ەرەكشە قۋانىشتىمىن، ءسوزسىز دەن قويا جاتتىعامىن. كەيىن بەيجيڭگە بارىپ، قىسقى وليمپيادا سپورت جارىسىنا قاتىناسىپ اعا جۇلدەگەر بولسام دەيمىن»، - دەدى كىشكەنتاي قىز سەنىممەن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
