- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءتۇيىندى جوبالار ەكونوميكالىق دامۋدىڭ كۇشتى تىرەگىنە اينالدى
− «ارتۋدى ورنىقتىرۋدان» ناتيجە شىعارۋ جونىندەگى جەلىلەس حابار (2)
2015.08.04 13:19 كەلۋ قاينارى : ءتاڭىرتاۋ تورابى
الدىڭعى جارتى جىلدا رايونىمىزدىڭ توقىماشىلىق، كيىم - كەشەك كاسىبىنىڭ ارتقان قۇن باجىسى بىلتىرعى ۇقساس مەزگىلدەگىدەن %70تەن كوبىرەك جوعارىلادى سوڭعى ەكى كۇندە، اۆتونوميالى رايونىمىزداعى ماڭىزدى قاتىناس نىسانى − ءۇرىمجى جوعارى جىلدامدىقتى اينالمالى تاس جولىنىڭ (شىعىس جەلى) سوڭعى ءبىر بولىگىنىڭ قيىرشىق تاس قاباتىن سەمەنتتەۋ جۇمىسى قاۋىرت جۇرگىزىلۋدە، وسى جۇمىس اياقتاعاننان كەيىن، اسفالت توسەۋ جۇمىستارى جاپپاي باستالادى، قۇرىلىس جىل سوڭىندا اياقتاپ، پايدالانۋعا بەرىلەدى.
سونىمەن بىرگە، شونجى اۋدانى بيليۋحى سۋ قويماسىنىڭ قۇرىلىس جۇمىستارى ءدال قازىر قاۋىرت جۇرگىزىلۋدە، قۇرىلىس باسىندا ءتۇرلى ماشينالار ارلى - بەرلى قايشالىسادى. ءبىز تىلگە العان ەكپىندى ەڭبەك مايداندارى اۆتونوميالى رايونىمىزدىڭ ماڭىزدى قۇرىلىس نىساندارىنداعى قارقىندى جۇمىستاردىڭ شاعىن كورىنىسى عانا. جىل باسىنان بەرى، اۆتونوميالى رايونىمىز «ارتۋدى ورنىقتىرۋدى» وزەكتى تاقىرىپ ەتىپ، نىسان قۇرىلىستارىن ەكونوميكالىق ارتۋدىڭ قۋاتتى قوزعاۋشى كۇشىنە اينالدىردى، سونىڭ ارقاسىندا، قۇرىلىس جۇمىستارىنىڭ قارقىنى جەدەلدەي ءتۇستى.
الدىڭعى جارتى جىلدا، اۆتونوميالى رايونىمىزداعى ماڭىزدى جوبالارعا جالپى 115 ميلليارد 720 ميلليون يۋان قارجى سالىنىپ، سايكەس مەزگىلدەگىدەن %6.3 ارتىپ، قاڭتاردان مامىرعا دەيىنگى كەزەڭنەن %1.5 كوتەرىلدى، 40 جوبا بويىنشا جاڭا قۇرىلىس جۇمىستارى باستالىپ، جىلدىق جوسپارداعى 60 نىساننىڭ %67ى ورىندالدى، بۇل بىلتىرعى كورسەتكىشتەن 9 نىسان ارتىق.شى شين
ويداعىداي جوسپارلاپ، دامۋعا سەرپىن بەردى
27 - شىلدەدە مەملەكەتتىك دامۋ جانە رەفورما كوميتەتى اۆتونوميالى رايونىمىزدىڭ 2015 - جىلعى اۋەجاي قۇرىلىستارى ءۇشىن تاعى دا 200 ميلليون يۋان قارجى ءبولدى، اتاۋلى قارجى چارقىلىق اۋەجايى مەن ياركەن اۋەجايى قۇرىلىستارىنا ارنايى پايدالانىلادى.
الدىڭعى ايدا، چىرا اۋدانىنىڭ نۇر سۋ قويماسى، كورلا اۋەجايىن كەڭەيتىپ سالۋ، قۇمىل اۋەجايىن كەڭەيتىپ سالۋ، تۇرپان جياۋحى زات اينالىم ايلاعىنىڭ نەگىزدىك قۇرىلعىلار جوباسى، شينليان اۋىل شارۋاشىلىق قوسالقى ونىمدەرى بازارى سياقتى 7 جوبا بويىنشا قۇرىلىس جۇمىستارى باستالعان بولاتىن.
ەكونوميكالىق دامۋدىڭ جاڭا قالىبىنا ىرىقتى تۇردە سايكەسىپ، ماڭىزدى جوبالاردىڭ ارتۋدى ورنىقتىرۋداعى شەشۋشى رولىن شىنايى ساۋلەلەندىرۋ ءۇشىن، بيىل اۆتونوميالى رايون جالپى 430 ماڭىزدى نىسانعا ورنالاستىرۋ جاسادى، ونىڭ 230ى سالىنۋ ۇستىندە، 60 جوبا بويىنشا جاڭادان قۇرىلىس باستالادى، 140 جوبانىڭ دايىندىق جۇمىستارى ىستەلەدى، جوسپار بويىنشا وسى جوبالارعا جالپى 300 ميلليارد يۋان قارجى سالىنادى. اۆتونوميالى رايونىمىزدىڭ بولاشاق دامۋىنا جول اشاتىن وسى جوبالار ناعىز كورەگەندىكتىڭ ۇلگىسىن كورسەتەدى.
سالالار بويىنشا كوز جىبەرسەك، نەگىزدىك قۇرىلعى تۇرىندەگى جوبا 178، بۇعان جىل اياعىنا دەيىن 131 ميلليارد 700 ميلليون يۋان قارجى سالىنادى؛ ونەركاسىپ جوباسى 119، بۇعان جىل اياعىنا دەيىن 105 ميلليارد 400 ميلليون يۋان قارجى سالىنۋ جوسپارلانىپ وتىر، حالىق تۇرمىسىنا قاتىستى جوبا 133، بۇعان جوسپار بويىنشا جىل اياعىنا دەيىن 63 ميلليارد 300 ميلليون يۋان قارجى سالىنادى.
ساۋىردە شىعارىلعان اۆتونوميالى رايوننىڭ «ەكونوميكالىق باسەڭدەۋدىڭ قىسىمىنا توتەپ بەرىپ، ەكونوميكالىق قىزمەتتى جاقسى ىستەۋ جونىندەگى پىكىرىندە» «دايىندىق قىزمەتتەردى جەدەلدەتىپ، ماڭىزدى جوبالاردىڭ قۇرىلىس باستاۋىنا بار كۇشپەن كەپىلدىك ەتۋ» قايتالاي دارىپتەلگەن بولاتىن.
ورتانى جاقسارتىپ، ماڭىزدى جوبالاردىڭ قۇرىلىس باستاۋىن پارمەندى تۇردە جەبەدى
23 - ساۋىردە بۇراتالا موڭعۇل اۆتونوميالى وبلىسىنىڭ شينجياڭعا سالالار بويىنشا كومەكتەسۋ جوبالارىن ىلگەرىلەتۋ جينالىسى جانە كەلىسىمدەرگە قول قويۋ سالتى وتكىزىلدى، سول كۇنى بۇراتالا وبلىسى شينجياڭعا سالالار بويىنشا كومەكتەسۋ جوباسى بويىنشا جالپى 18 ميلليارد 997 ميلليون يۋان قارجى سالىناتىن 46 نىساندى تياناقتاندىردى. سىرتتاعى كاسىپورىنداردىڭ اۆتونوميالى رايونىمىزدان جابال «وتاۋ تىگۋى» اۆتونوميالى رايونىمىزدىڭ قارجى سالۋ ورتاسىن ۇزدىكسىز تۇردە جاقسارتۋىنىڭ ناتيجەسى.
جىل باسىنان بەرى، اۆتونوميالى رايونىمىز اكىمشىلىك قاراۋ - بەكىتۋ رەفورماسىن ۇزبەي تەرەڭدەتىپ، اكىمشىلىك قاراۋ - بەكىتۋ ىستەرىنەن 14 ءتۇرىن كۇشىنەن قالدىرىپ، مەملەكەتتىك كەڭەستەن 30 ءتۇرلى اكىمشىلىك قاراۋ - بەكىتۋ ءىسىن قابىلداپ الدى. 27 ورىننىڭ اكىمشىلىككە جاتپايتىن 463 قاراۋ - بەكىتۋ ءىسىن جاپپاي اداقتادى. اكىمشىلىك قاراۋ - بەكىتۋ بيلىگىن تومەنگە بەرۋ جوسپارىنىڭ %35ىن 2 جىل ىلگەرى ورىنداپ بولۋ نەگىزىندە، «اۆتونوميالى رايوندىق حالىق ۇكىمەتى تەكسەرىپ بەكىتكەن قارجى سالۋ جوبالارىنىڭ ءتىزىمىن (2015 - جىلعى نۇسقا)» شىعارىپ، اۆتونوميالى رايوننىڭ كاسىپورىنداردىڭ قارجى سالۋىنا ساياتىن تەكسەرىپ بەكىتۋ تۇرلەرىن 35كە قىسقارتىپ، %20.5 ىقشامدادى. سونىمەن بىرگە، جۇمىس زالىن اشىپ، بىرگە قاراۋ - بەكىتۋ جانە ءبىر بەكەتتىك قىزمەت كورسەتۋ جۇمىستارىن بەلسەندىلىكپەن ىلگەرىلەتىپ، اكىمشىلىك قاراۋ - بەكىتۋدىڭ ونىمدىلىگىن ايتارلىقتاي جوعارىلاتتى.
قورعاس، قاشقار ەكونوميكالىق اشۋ رايوندارى مەن ءۇرىمجى قالاسى «ءۇش كۋالىكتى بىرىكتىرۋ» دەپ اتالعان ساۋدا ىستەرىن تىركەۋ جۇيەسىن سىناقتان وتكىزە باستادى. قاڭتاردان ماۋسىمعا دەيىن، اۆتونوميالى رايونىمىز بويىنشا 21 مىڭ كاسىپورىن تىركەۋگە الىنىپ، سايكەس مەزگىلدەگىدەن %13.1 ارتتى.
اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى جاڭ چۇنلين: ءبىز 2015 - جىلعى ماڭىزدى جوبالاردىڭ قۇرىلىس جوسپارىن باسىپ تاراتىپ، تۇراقتى مۇلىك پەن ماڭىزدى جوبالارعا قارجى سالۋدىڭ جىلدىق جوسپارىن الدىن الا جەر - جەرگە، تاراۋلارعا ءبولىپ مىندەتتەدىك جانە سۋ، ەنەرگيا، قاتىناس سياقتى سالالار بويىنشا ماڭىزدى جوبالاردى ۇيلەستىرۋ، ىلگەرىلەتۋ جونىندە 15 رەت ارناۋلى جيىن اشىپ، ماڭىزدى جوبالاردىڭ اتقارىلۋى بارىسىندا ورىن تەپكەن ماسەلەلەردىڭ شەشىلۋىنە قۋزاۋشىلىق جاساپ وتىردىق، - دەدى.
اۆتونوميالى رايونىمىز ۇكىمەت پەن قوعامنىڭ قارجىلىق سەلبەستىگى (PPP) ۇلگىسىن دە بەلسەندى تۇردە جولعا قويدى، وسى ۇلگى بويىنشا اتقارىلعان العاشقى 35 جوباعا قوعامدىق كاپيتال كەڭ كولەمدە تارتىلىپ، سالىنعان قارجىنىڭ جالپى مولشەرى 208 ميلليارد 300 ميلليون يۋانعا جەتتى.
پارمەندى تۇردە ىلگەرىلەتىپ، سوڭعى جارتى جىلداعى ەكونوميكالىق ارتۋعا بەرىك نەگىز قالادى
اۆتونوميالى رايوندىق ساناق مەكەمەسىنىڭ دەرەكتەرىنە نەگىزدەلگەندە، الدىڭعى جارتى جىلدا، اۆتونوميالى رايونىمىزدا تۇراقتى مۇلىككە 833 ميلليارد 653 ميلليون يۋان قارجى سالىنىپ، بىلتىرعى سايكەس مەزگىلدەگىدەن %3.01 ارتقان، ارتۋ جىلدامدىعى قاڭتاردان مامىرعا دەيىنگى مەزگىلدەگىدەن %0.1 كوتەرىلگەن.
سالىنعان قارجى كولەمىنىڭ ارتۋ سەرپىنىن كورسەتەتىن جاڭا قۇرىلىس جوبالارىنىڭ جاعدايىنان كوز جىبەرگەندە، الدىڭعى جارتى جىلدا اۆتونوميالى رايونىمىزدىڭ بيىل جاڭادان جۇمىس باستاعان قۇرىلىس جوبالارىنا سالىنعان قارجىنىڭ مولشەرى بىلتىرعى سايكەس مەزگىلدەگىدەن %30.4 ارتىپ، ارتۋ جىلدامدىعى %17.5 شاپشاڭداعان، سونداي - اق سايكەس مەزگىلدەگى اۆتونوميالى رايونىمىزداعى تۇراقتى مۇلىككە سالىنعان قارجىنىڭ ارتۋ جىلدامدىعىنان %20.1 جوعارى بولعان. اۆتونوميالى رايوندىق ساناق مەكەمەسىنىڭ ورىنباسار باستىعى ۋاڭ يۋەنىڭ ايتۋىنشا، بۇل اۆتونوميالى رايونىمىزدىڭ سوڭعى جارتى جىلداعى ەكونوميكالىق ارتۋىنا بەرىك نەگىز قالايدى ەكەن.
جاڭ چۇنليننىڭ ايتۋىنشا، ماۋسىم ايىنىڭ اياعىنا دەيىن، اۆتونوميالى رايونىمىز ورتالىق مەجە ەسەپ ىشىندەگى قوسىمشا كومەكتەن 26 ميلليارد 900 ميلليون يۋان قاراجاتقا قول جەتكىزگەن، بۇل بىلتىرعى سايكەس مەزگىلدەگى كورسەتكىشتەن 5 ميلليارد 420 ميلليون يۋان كوپ، بۇل قاراجات نەگىزدىك قۇرىلعىلار، حالىق تۇرمىسى ينجەنەريالارى سياقتى جوبالاردىڭ اتقارىلۋىن پارمەندى تۇردە ىلگەرىلەتكەن.
مۇنىڭ ىشىندە، سۋ ىستەرى جاعىندا جاڭادان ارتقان قارجى بىلتىرعىدان ءبىر ەسە كوبەيىپ، سالىنۋ ۇستىندەگى ءىرى سۋ قويمالارىنىڭ سانى تاريحي بيىككە كوتەرىلگەن. ەنەرگيا جاعىندا، شىعىس جوڭعاردىڭ ەلەكترىن سىرتقا جەتكىزۋ ينجەنەرياسى بويىنشا 7 وت ەلەكتر جوباسى، اۆتونوميالى رايونىمىزدىڭ ءوزى پايدالاناتىن 8 وت ەلەكتر جوباسى قۇرىلىس باستاپ، جالپى اگراگات كولەمى 20 ميلليون 40 مىڭ كيلوۆاتقا جەتىپ، تاريحتاعى ەڭ جوعارى دەڭگەيگە كوتەرىلگەن. بۇدان سىرت، مەملەكەت تارباعاتايداعى بايياڭحى كەنىشىنىڭ جالپىلىق جوباسىن بەكىتتى، جوبا بويىنشا ءوندىرىس كولەمى ءار جىلعا 75 ميلليون 800 مىڭ توننا ارتتىرىلادى.
«الداعى جەردە، اۆتونوميالى رايوندىق دامۋ جانە رەفورما كوميتەتى سالىنۋ ۇستىندەگى نىسانداردى پارمەندى تۇردە ىلگەرىلەتىپ، قۇمىل - ەجينە تەمىر جولى، ءۇرىمجى جوعارى جىلدامدىق اينالما تاس جولى، كوكتوعاي اۋەجايى، قۇمىل - جىڭجوۋ ەرەكشە جوعارى كەرنەۋلى تۇراقتى توك جەلىسىنىڭ قوسالقى ەلەكتر كوزدەرى سياقتى ءىرى، ماڭىزدى جوبالاردى جىل اياعىنا دەيىن اياقتاتۋعا كۇش سالامىز»، - دەدى جاڭ چۇنلين.
سونىمەن قاتار، جاڭادان قۇرىلىس باستايتىن جوبالار بار كۇشپەن ىلگەرىلەتىلەدى، اۆتونوميالى رايوننىڭ قاتىستى تاراۋلارى سايكەسىپ، قۇرىلىس بارىسىنداعى جەر الۋ، كوشىرۋ، تۇرعىنداردى ورنالاستىرۋ، جول قاتىناسى، سۋمەن، ەلەكترمەن قامداۋ سياقتى ناقتىلى ماسەلەلەر مەن قيىنشىلىقتاردى ءتۇيىندى تۇردە شەشىپ، قىركۇيەكتىڭ سوڭىنا دەيىن 50 ماڭىزدى جوبانىڭ قۇرىلىس باستاۋىنا كەپىلدىك ەتىپ، جىل اياعىنا دەيىن 60 جوبا بويىنشا جاڭادان قۇرىلىس باستاۋ جوسپارىنىڭ %85ىن ورىنداپ بولادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
