- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شىنجىن قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا باعىتتامالى كومەكتەسۋ قىزمەتىن تەكسەردى
جاڭ چۇنشيان ما شيڭرۇيمەن كەزدەستى
2015.08.10 14:32 كەلۋ قاينارى : ءتاڭىرتاۋ تورابى
گۋاڭدۇڭ ولكەلىك پارتكومنىڭ ورىنباسار شۋجيى، شىنجىن قالالىق پارتكومنىڭ شۋجيى ما شيڭرۇي شىنجىن قالاسىنىڭ پارتيا، ۇكىمەت ۋاكىلدەر ۇيىرمەسىن باستاپ 2 - تامىزدان 5 - تامىزعا دەيىن رايونىمىزدا تەكسەرۋ - زەرتتەۋ جۇرگىزدى، «12- بەسجىلدىق» جوبا مەزگىلىندەگى شينجياڭعا باعىتتامالى كومەكتەسۋ قىزمەتىن قورىتىندىلاپ، «13 - بەسجىلدىق» جوبا كەزىندەگى شينجياڭعا كومەكتەسۋ قىزمەتىنىڭ جوسپارىن جاسادى.
2 - تامىزدا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان ما شيڭرۇيمەن، سونداي - اق ۋاكىلدەر ۇيىرمەسىندەگىلەرمەن كەزدەستى.
جاڭا كەزەكتى شينجياڭعا باعىتتامالى كومەكتەسۋ قىزمەتى ىستەلگەن 5 جىلدان بەرى، قاشقار قالاسىنا، تاشقورعان تاجىك اۆتونوميالى اۋدانىنا باعىتتامالى كومەكتەسۋدى ۇستىنە العان شىنجىن قالاسى قازىنادان جالپى 3 ميلليارد 850 ميلليون يۋان قارجى ءبولىپ، اۋەلدەگى جوباداعى نىسانادان 600 ميلليون يۋان اسىردى، قالاعا قاراستى مەملەكەت مەنشىگىندەگى كاسىپورىنداردىڭ قارجىسىن، سونداي - اق باسقا دا قوعامدىق قارجىنى قوسقاندا جالپى قارجى 8 ميلليارد يۋاننان استى؛ سونىمەن قاتار شينجياڭعا نىسان، تەحنيكا، دارىندى جاقتارىنان كومەكتەسۋگە تاباندى بولىپ، ءبىر توپ نىساندى كومەكتەسىپ سالىپ بەرىپ، ەكى قالا مەن اۋداننىڭ ەكونوميكالىق، قوعامدىق دامۋىن پارمەندى تۇردە ىلگەرىلەتتى.
جاڭ چۇنشيان بىلاي دەدى: جاڭا كەزەكتى شينجياڭعا كومەكتەسۋ قىزمەتىندە، گۋاڭدۇڭ ولكەسى، شىنجىن قالاسى قىرۋار جۇمىس ىستەدى. شينجياڭعا باعىتتامالى كومەكتەسۋشى 19 ولكە - قالانىڭ قاتارىنداعى جوسپارى بولەك جاسالاتىن جالعىز قالا رەتىندە، شىنجىن قالاسى شينجياڭعا كاسىپ سالاسى بويىنشا كومەكتەسۋ، نەگىزدىك قۇرىلعى سالاسى بويىنشا كومەكتەسۋ، حالىق تۇرمىسى بويىنشا كومەكتەسۋ، اقىل - پاراسات بويىنشا كومەكتەسۋ جاقتارىندا قىرۋار ناقتى جۇمىستار ىستەدى، كوپتەگەن نىساندار سالىنىپ، وڭتۇستىك شينجياڭعا باقىت اكەلدى، كومەك الۋشى جەرلەردەگى ءار ۇلت بۇقاراسى ناقتى يگىلىككە كەنەلدى. اسىرەسە، رەفورما جاساۋ، ەسىك اشۋدىڭ الدىڭعى شەبىندەگى شىنجىن قالاسى وزىق كوزقاراس پەن جاڭالىق اشۋ امالياتىن وڭتۇستىك شينجياڭعا اكەلىپ، ءىس جۇزىندىك قىزمەتتە قولداندى، بۇل شينجياڭنىڭ، قاشقاردىڭ دامۋىندا كەلەلى رەال مانگە يە جانە تەرەڭ ىقپال جاسادى. «شىنجىن تاجىريبەسىنىڭ»، اسىرەسە، جاڭالىق اشۋ تاجىريبەسىنىڭ قاشقاردا، بۇكىل شينجياڭدا جالپىلاسۋىن ءۇمىت ەتەمىن.
ما شيڭرۇي بىلاي دەدى: شينجياڭعا باعىتتامالى كومەكتەسۋ − پارتيا ورتالىق كوميتەتى گۋاڭدۇڭعا، شىنجىنعا تاپسىرعان ماڭىزدى ساياسي مىندەت. شىنجىن ورتالىق پەن گۋاڭدۇڭ ولكەلىك پارتكومنىڭ جاڭا كەزەكتى شينجياڭعا باعىتتامالى كومەكتەسۋ قىزمەتى جونىندەگى شەشىمدەرى مەن ورنالاستىرۋلارىن باتىل دايەكتى تياناقتاندىرىپ، ۇسىنىلىم سەرپىنىن ونان ارى كۇشەيتىپ، قاشقاردىڭ، شينجياڭنىڭ دامۋى ءۇشىن ناقتى جەبەۋ رولى بار ءىرى نىسانداردى بەلسەنە جوبالاپ، شينجياڭعا كومەكتەسۋشىلەر قوسىنىن اناعۇرلىم سىعايلاپ، كۇشەيتىپ، ءتۇرلى مىندەتتەردى شىن مانىندە ورىنداپ، «12 - بەسجىلدىق» جوبا مەزگىلىندەگى شىنجىننىڭ شينجياڭعا كومەكتەسۋ قىزمەتىنىڭ ويداعىداي اياقتالۋىن قامتاماسىز ەتەدى. ونان سوڭ ما شيڭرۇي ۋاكىلدەر ۇيىرمەسىن باستاپ قاشقار قالاسىنا، تاشقورعان تاجىك اۆتونوميالى اۋدانىنا بارىپ تەكسەرۋ جۇرگىزدى. تەكسەرۋ كەزىندە ۋاكىلدەر ۇيىرمەسىندەگىلەر اۆتونوميالى رايونمەن، قاشقار جاقپەن شينجياڭعا باعىتتامالى كومەكتەسۋ قىزمەتى جونىندە اڭگىمە ءماجىلىسىن وتكىزدى.
اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، ساياسي كوميسسارى حان يۇڭ ماجىلىستە شىنجىننىڭ قاشقار ايماعىمەن، بيڭتۋانمەن سەلبەستىكتى اناعۇرلىم كۇشەيتىپ، شىنجىننىڭ وزىق باسقارۋ قابىلەتى مەن كوزقاراسىنا سۇيەنە وتىرىپ، باسىمدىقتار ارقىلى ءوزارا تولىقتاۋدى، بىرگە دامۋدى جۇزەگە اسىرۋىن ءۇمىت ەتتى. حالىق تۇرمىسى بويىنشا شينجياڭعا كومەكتەسۋ، كاسىپ سالاسى بويىنشا كومەكتەسۋ سەرپىنىن اناعۇرلىم ارتتىرىپ، كومەك الۋشى جەرلەردىڭ قان جاساۋ يقۋاتىن ۇزدىكسىز كۇشەيتۋ كەرەك.
ما شيڭرۇي بىلاي دەدى: ورتالىقتىڭ تالابىنا ساي، «13 - بەسجىلدىق» جوبا كەزىندە شينجياڭعا كومەكتەسۋ قىزمەتىن جاقسى، ناقتى، ەگجەي - تەگجەيلى جوسپارلاپ، «13 - بەسجىلدىق» جوبا مەزگىلىندەگى شينجياڭعا كومەكتەسۋ جوباسىن جاقسى جاساۋ؛ حالىق تۇرمىسىن كورنەكتىلەندىرىپ، شينجياڭعا كومەكتەسۋ قارجىسىن حالىق تۇرمىسىنا، نەگىزدى بەكەمدەۋگە ءتىپتى كوپ جۇمساپ، بۇقارانىڭ شىن مانىندە يگىلىككە كەنەلۋىنە مۇمكىندىك جاساۋ؛ «ءبىر بەلدەۋ، ءبىر جول» جانە جۇڭگو - پاكيستان ەكونوميكالىق ءدالىزى سىندى كەلەلى ستراتەگيالىق ورايدى يگەرىپ، ەكى ايماق، قالانىڭ باسىمدىلىعىمەن ۇشتاستىرىپ، شىنجىن مەن قاشقار سەلبەستىگىنىڭ جاڭا جاعدايىن ۇزدىكسىز اشۋ كەرەك.
اۆتونوميالى رايون باسشىلارىنان حۋاڭ ۋي، ءمۇتالىپ قاسىم، ۋان حايچۋان جوعارىداعى قيمىلدارعا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
