- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاسامپاز شينجياڭ قۇرۋدى ارقاۋ ەتىپ، مينيسترلىك پەن رايون سەلبەستىگىن تەرەڭدەتەيىك
عىلىم - تەحنيكا مينيسترلىگى مەن اۆتونوميالى رايون 2015 - جىلعى مينيسترلىك - رايون كەڭەسىن وتكىزدى
جاڭ چۇنشيان ۋاڭ جىگاڭمەن كەزدەستى
2015.08.13 13:31 كەلۋ قاينارى : ءتاڭىرتاۋ تورابى
عىلىم - تەحنيكا مينيسترلىگى مەن اۆتونوميالى رايوندىق حالىق ۇكىمەتىنىڭ 2015 - جىلعى مينيسترلىك - رايون قىزمەت كەڭەسى 11 - تامىزدا ۇرىمجىدە اشىلدى. بۇل − 2007 - جىلى مينيسترلىك - رايون كەڭەسى ءتۇزىمى ورناعاننان بەرى وتكىزىلگەن 5 - رەتكى كەڭەس، عىلىم - تەحنيكا مينيسترلىگى مەن اۆتونوميالى رايوننىڭ، شينجياڭ ءوندىرىس - قۇرىلىس بيڭتۋانىنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن ىشكەرىلەي دايەكتى تياناقتاندىرۋداعى، جاسامپازدىقتى قوزعاۋشى كۇش ەتكەن دامۋ ستراتەگياسىن بىرگە تياناقتاندىرۋداعى ماڭىزدى شاراسى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان 10 - تامىز تۇستەن كەيىن كەڭەسكە قاتىناسۋعا كەلگەن عىلىم - تەحنيكا مينيسترلىگى پارتيا باسشىلىق گرۋپپاسىنىڭ شۋجيى، ورىنباسار مينيستر ۋاڭ جىگاڭمەن جانە ونىڭ ساپارلاستارىمەن كەزدەستى.
جاڭ چۇنشيان: عىلىم - تەحنيكا − 1 - وندىرگىش كۇش، عىلىم - تەحنيكا مينيسترلىگى ۇزاق ۋاقىتتان بەرى عىلىم - تەحنيكادا جاڭالىق اشۋ، عىلىم جالپىلاستىرۋ سياقتى جاقتاردا شينجياڭدى زور كۇشپەن قولداپ، شينجياڭنىڭ ەكونوميكالىق، قوعامدىق دامۋىنا ۇلەس قوستى. بۇرىنعى مينيسترلىك - رايون كەڭەستەرىندە عىلىم - تەحنيكا مينيسترلىگى مەن اۆتونوميالى رايون سەلبەستىك اياسىن تىنباي كەڭەيتىپ، سەلبەستىك تاجىريبەلەرىن توپتاپ، سەلبەستىكتى ونان ارى كۇشەيتۋگە بەرىك نەگىز قالادى، - دەدى.
جاڭ چۇنشيان: اۆتونوميالى رايون عىلىم - تەحنيكا العاباسارلىعىنا وسكەلەڭ ءمان بەرەدى. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى اۆتونوميالى رايوندىق پارتكوم «وسى زامانعى مادەنيەتتى جەتەكشى، عىلىم - تەحنيكا مەن وقۋ - اعارتۋدى تىرەك ەتۋ» سىندى ناقتى ستراتەگيالىق تالعامدى العا قويىپ، اۆتونوميالى رايوندى عىلىم - تەحنيكا، وقۋ - اعارتۋ ارقىلى كوركەيتۋ جانە دارىندىلار جاعىندا قۋاتتى رايون قۇرۋ ستراتەگياسىن زور كۇشپەن اتقاردى. قازىر شينجياڭ «ءۇش مەزگىل قاباتتاسقان» جاعدايعا ءدوپ كەلىپ، قۇرىلىمدى رەتتەۋ، كاسىپ سالاسى دەڭگەيىن ءوسىرۋ، دارىندىلاردى تاربيەلەۋ، ورنىقتىلىقتى قورعاۋ سياقتى جاقتاردا عىلىم - تەحنيكالىق قولداۋعا ءتىپتى دە مۇقتاج. عىلىم - تەحنيكا مينيسترلىگىنىڭ عىلىم - تەحنيكا، اقىل - پاراسات، دارىندىلار جاعىنداعى باسىمدىلىعىن ۇزدىكسىز ساۋلەلەندىرىپ، شينجياڭنىڭ دامۋىنا ىشكەرىلەي قولداۋ كورسەتۋىن ءۇمىت ەتەمىن. شينجياڭ وزىندىك باسىمدىلىق ازىرلەپ ۇلگىرگەن كاسىپورىندار مەن نىساندار جونىنەن، باسىمدىلىقتى الدىمەن ەسكەرىپ، عىلىم - تەحنيكا تاجىريبەحاناسى، كەلەلى نىسان سياقتى فورمالار ارقىلى ولاردىڭ ونان ارى قۇدىرەتتەنۋىن، كۇشەيۋىن قولداۋىن؛ عىلىم - تەحنيكالىق باسىمدىلىققا جانە شينجياڭدىق ەرەكشەلىككە يە ورتا، شاعىن كاسىپورىندارعا، «تەز ءونىم بەرەتىن» نىساندارعا عىلىم - تەحنيكالىق جەتەكشىلىكتى كۇشەيتىپ، ولاردىڭ وزىندىك ەرەكشەلىكتى ونان ارى كورنەكتىلەندىرۋىن قولداۋىن؛ سونىمەن بىرگە، شينجياڭنىڭ ءىس جۇزىندىگىمەن ۇشتاستىرىپ، شينجياڭعا عىلىم - تەحنيكا جاعىنان باعىتتامالى كومەكتەسۋ قىزمەتىن ىشكەرىلەي قانات جايدىرۋىن، وتە - موتە، عىلىم - تەحنيكالىق دارىندىلاردى ەنگىزۋ مەن باۋلۋدى كۇشەيتۋىن ءۇمىت ەتەمىن. اۆتونوميالى رايون وسى جولعى مينيسترلىك - رايون كەڭەسىن عىلىم - تەحنيكا مينيسترلىگىمەن بولعان سەلبەستىكتىڭ سونى باستاماسىنا، تىڭ دەڭگەيىنە بالاپ، شينجياڭنىڭ ۇزاق بولاشاقتىق دامۋىن كوزدە ۇستاپ، تاراپتار ارا سەلبەستىكتى كۇشەيتىپ، شينجياڭنىڭ قارىشتاپ دامۋىنا عىلىم - تەحنيكا جاعىنان قوزعاۋشى كۇشپەن قامدايدى، - دەدى.
ۋاڭ جىگاڭ بىلاي دەدى: عىلىم - تەحنيكا مينيسترلىگى جاڭا جاعدايدا اۆتونوميالى رايونمەن كەڭەسۋ قىزمەتىن بارىنشا جاقسى ىستەپ، باعىتتامالىلىعى مەن ونىمدىلىگىن ونان ارى ارتتىرادى. اۆتونوميالى رايوندىق پارتكوم مەن حالىق ۇكىمەتىنىڭ دامۋ وي جەلىسىن ارقاۋ، عىلىم - تەحنيكادا جاڭالىق اشۋدى ۇيتقى ەتىپ، عىلىم - تەحنيكا بويىنشا شينجياڭعا كومەكتەسۋ، شينجياڭنىڭ جاڭالىق اشۋ، دارەجەسىن جوعارىلاتۋ قىزمەتتەرىن قولداپ - قۋاتتايدى.
وسى رەتكى كەڭەستىڭ تالقى تاقىرىبى مىناداي 5 جاقتى قامتيدى: ءبىرىنشى، جىبەك جولى ەكونوميكالىق بەلدەۋىندەگى وزەكتى رايون قۇرۋدى ىلگەرىلەتۋ، ەكىنشى، عىلىم - تەحنيكا بويىنشا شينجياڭعا كومەكتەسۋدى بارىنشا ىلگەرىلەتۋ، ءۇشىنشى، وڭىرلىك ەرەكشەلىكتەگى ابزال كاسىپ سالالارىنىڭ دامۋىن جەبەۋ، ءتورتىنشى، شينجياڭنىڭ ەكولوگيالىق ورتا قۇرىلىسىن ىلگەرىلەتۋ، بەسىنشى، جاڭالىق اشاتىن، شارۋاشىلىق قۇراتىن دارىندىلار قۇرىلىسى مەن بازا قۇرىلىسىن نىعايتۋ.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر كەڭەستە مىنانى اتاپ كورسەتتى: مينيسترلىك - رايون كەڭەسى − عىلىم - تەحنيكا مينيسترلىگى مەن جەرگىلىكتى ۇكىمەتتىڭ وڭىرلىك عىلىم - تەحنيكانىڭ دامۋىن ىلگەرىلەتۋدەگى ماڭىزدى شاراسى، كەڭەس ءتۇزىمى ورناعاننان بەرى، مينيسترلىك پەن اۆتونوميالى رايون كەڭەس تاقىرىبى توڭىرەگىندە، سان سالالى قىزمەتتەردى ءساتتى ورىستەتتى. عىلىم - تەحنيكا مينيسترلىگى بۇكىل ەلىمىزدىڭ عىلىم - تەحنيكا بايلىعىن ءبىر تۇتاس جوبالاپ، عىلىم - تەحنيكا نىساندارىن اتقارۋ، جاڭالىق اشۋ قابىلەتىن ارتتىرۋ، جاڭالىق اشاتىن دارىندىلاردى باۋلۋ، عىلىم - تەحنيكا ستراتەگياسى اقىل - پاراسات قويماسى سياقتى جاقتاردا زور قۇلشىنىس جاساپ، قوماقتى تابىستارعا قول جەتكىزدى. مينيسترلىك - اۆتونوميالى رايون كەڭەسىنىڭ 8 جىلدان بەرى قول جەتكىزگەن جەتىستىكتەرى اۆتونوميالى رايوننىڭ عىلىم - تەحنيكادا جاڭالىق اشۋ قابىلەتىن ارتتىرىپ، جاسامپاز شينجياڭ قۇرۋ ءىسىن پارمەندى ىلگەرىلەتتى. مينيسترلىك پەن اۆتونوميالى رايون سەلبەستىگىن ونان ارى تەرەڭدەتۋدە، جاسامپاز شينجياڭ قۇرۋدى ارقاۋ ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋ؛ عىلىم - تەحنيكا بويىنشا شينجياڭعا كومەكتەسۋدى، رەفورما جاساۋدى، جاڭالىق اشۋدى ارقاۋ ەتىپ، شينجياڭنىڭ عىلىم - تەحنيكا ىستەرىنىڭ قارىشتاپ دامۋىن جەبەۋ؛ جىبەك جولى ەكونوميكالىق بەلدەۋى عىلىم - تەحنيكا سەلبەستىگىن ارقاۋ ەتىپ، شينجياڭنىڭ باتىسقا ەسىكتى ايقارا اشۋىن جەدەل ىلگەرىلەتۋ؛ وڭتۇستىك شينجياڭنىڭ ورنىقتىلىق، دامۋ قاجەتىن ارقاۋ ەتىپ، وڭتۇستىك شينجياڭنىڭ جونگە سالۋ قابىلەتىنىڭ وسىزاماندانۋىن جەبەۋ؛ بيڭتۋاننىڭ عىلىم - تەحنيكادا جاڭالىق اشۋىن، دامۋىن ارقاۋ ەتىپ، بيڭتۋاننىڭ دامۋىن، كەمەلدەنۋىن قولداۋ كەرەك.
كەڭەستە، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، بيڭتۋاننىڭ سىليڭيۋانى ليۋ شينچي اۆتونوميالى رايون مەن بيڭتۋاننىڭ مينيسترلىك - اۆتونوميالى رايون كەڭەسىنىڭ ىلگەرىلەۋ جاعدايىن جەكە - جەكە تانىستىردى، سونداي - اق وسى رەتكى كەڭەستىڭ كەڭەس تاقىرىبىن العا قويدى.
اۆتونوميالى رايوننىڭ جانە بيڭتۋاننىڭ باسشىلارىنان حان يۇڭ، حۋاڭ ۋي، تىلەبالدى ابدىرەشيت ۇلى، ماۋكەن سەيىتقامزا ۇلى جوعارىدا اتالعان قيمىلدارعا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
