- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جىبەك جولى ەكونوميكالىق بەلدەۋى التاي تاۋ سىلەمى ەكونوميكالىق سەلبەستىگىنىڭ 3 - كەزەكتى حالىقارالىق مىنبەرى ءوتتى
2015.08.16 10:05 كەلۋ قاينارى : شينجياڭ گازەتى
ءتىلشىمىز قالياكبار ۇسەمقان ۇلى 11 - تامىزدا ۇرىمجىدەن حابارلايدى. جىبەك جولى ەكونوميكالىق بەلدەۋى التاي تاۋ سىلەمى ەكونوميكالىق سەلبەستىگىنىڭ 3 - كەزەكتى حالىقارالىق مىنبەرى 11 - تامىز كۇنى ۇرىمجىدە ءوتتى. 2015 - جىلعى ازيا - ەۆروپا تاۋار - ساۋدا جارمەنكەسىنىڭ ارناۋلى تالقى مىنبەرىنىڭ ءبىرى رەتىندە وتكەن بۇل مىنبەر «ءبىر نەگىزگى، ەكى قوسالقى مىنبەردى» قامتيدى.
ءبىر كۇن ۋاقىتپەن وتكىزىلگەن بۇل مىنبەرگە 4 ەل، 9 جاقتىڭ ۋاكىلدەر ۇيىرمەسى قاتىناسىپ، جىبەك جولى ەكونوميكالىق بەلدەۋىن جۇلگە ەتىپ، التاي تاۋ سىلەمىندەگى ەلدەردىڭ ەكونوميكالىق سەلبەستىگىن جەبەۋ، شەكارا اتتاپ ساياحاتتاۋعا مۇمكىندىك جاساپ، وڭىرلىك ساياحاتتى دامىتۋعا جول اشۋ جونىندە كەلەلى كەڭەس وتكىزدى. مىنبەردىڭ كۇن ءتارتىبى بويىنشا، 12 - تامىز كۇنى «ەكى قوسالقى مىنبەرگە» («التاي تاۋى سىلەمىندەگى ەلدەردىڭ شەكارا اتتاپ ساياحاتتاۋ جونىندەگى سەلبەستىڭ كەڭەسى»، «جىبەك جولى دەنساۋلىق مىنبەرى − تۇڭعىش كەزەكتى حالىقارالىق قازاق شيپاگەرلىگىن دامىتۋ تالقى ءماجىلىسى») كەزەك بەرىلمەك. «ورتاق مەكەن، ورتاق وراي» تاقىرىبىن وزەك ەتىپ وتكىزىلەتىن بۇل رەتكى مىنبەردى التاي ايماقتىق اكىمشىلىك مەكەمەسى، اۆتونوميالى رايوندىق عىلىم - تەحنيكا مەڭگەرمەسى، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى، جۇڭگو حالىقارالىق ساۋدا - ساتتىقتى جەبەۋ كوميتەتىنىڭ شينجياڭ بولىمشەسى، شينجياڭ حالىقارالىق كورمە ىستەرى مەكەمەسى، اۆتونوميالى رايوندىق ساياحات مەكەمەسى، شينجياڭ قازىنا - ەكونوميكا ۋنيۆەرسيتەتى، جۇڭگو قوعامدىق عىلىمدار اكادەمياسىنا قاراستى جۇڭگو شەكارا رايون ىستەرىن زەرتتەۋ ورنى جاۋاپتى بولىپ وتكىزدى.
مىنبەرگە 4 ەل (جۇڭگو، قازاقستان، رەسەي، موڭعۇليا)، 9 جاقتىڭ (رەسەيدىڭ التاي رەسپۋبليكاسى، تاۋلى التاي، تۋا رەسپۋبليكاسى، قازاقستان رەسپۋبليكاسىنىڭ شىعىس قازاقستان وبلىسى، موڭعۇليانىڭ قوبدا، بايانولگەي، سۇبىس، گوبي التاي ايماقتارى، ەلىمىزدىڭ التاي ايماعى) ۋاكىلدەرى مەن ەكونوميكا، ساياحات سياقتى سالالارىنىڭ ماماندارى قاتىناستى.
ايتا كەتەيىك، 2012 - جىلدان باستاپ، شينجياڭ ۇيعۇر اۆتونوميالى رايوندىق حالىق ۇكىمەتىنىڭ بەكىتۋىمەن التاي ايماعى 4 ەل، 6 جاقتىڭ «جىبەك جولى ەكونوميكالىق بەلدەۋى التاي تاۋ سىلەمى ەكونوميكالىق سەلبەستىك حالىقارالىق مىنبەرىن» 2 كەزەك وتكىزىپ، ءبىر قىدىرۋ كەلىسىمدەرگە قول قويىسقان - تۇعىن. مازمۇن جاعىنان بايىپ، كولەم جاعىنان ۇزدىكسىز ۇلعايعان بۇل حالىقارالىق مىنبەر بيىل العاشقى «4 ەل، 6 جاقتان» ۇلعايىپ، رەسەيدىڭ تۋا رەسپۋبليكاسى مەن موڭعۇليانىڭ سۇبىس، گوبي التاي ايماقتارى جاڭادان قوسىلىپ، «4 ەل، 9 جاققا» كەرەگەسىن كەڭەيتتى. «ءوزارا سەنىمدىلىك ورناتىپ، ءبىر - بىرىنە پايدا جەتكىزۋ، سەلبەستىكتى نىعايتىپ، ۇتىمدى ورايدان ورتاق يگىلىكتەنۋدى» وزەك ەتكەن مىنبەردە ساياحات شارۋاشىلىعىن وركەندەتۋ، كەن ىستەرى، ينتەرنەت تەحنيكاسى، ەلەكتروندى ساۋدا - ساتتىق، ەكولوگيالىق ازىق - تۇلىك، وقۋ - اعارتۋ، ەمدەۋ - دەنساۋلىق ساقتاۋ سياقتى سالالاردى قامتيتىن 10 نىسانعا قول قويىلدى. وتكەن جىلى وتكىزىلگەن 2 - كەزەكتى تالقى مىنبەرىندە 5 نىسانعا عانا قول قويىلعان بولاتىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
