- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كاسىپتىك وقۋ - اعارتۋدى بارىنشا كورنەكتى ستراتەگيالىق ورىنعا قويۋ كەرەك
2015.08.17 16:46 كەلۋ قاينارى : شينجياڭ گازەتى
اۆتونوميالى رايون 31 - شىلدەدە كاسىپتىك وقۋ - اعارتۋ قىزمەت ءماجىلىسىن اشىپ، رايونىمىزدىڭ الداعى 5 جىلداعى كاسىپتىك وقۋ - اعارتۋ قىزمەتىن ويداعىداي ىستەۋگە ايقىن باعىت نۇسقادى، ماجىلىستە العا قويىلعان ءبىر قىدىرۋ جاڭا ساياساتتار مەن تىڭ كوزقاراستار كاسىپتىك وقۋ - اعارتۋ شەبىندەگى ەڭبەكشىلەردىڭ قىزمەتتى ويداعىداي ىستەۋ سەنىمىن بارىنشا كۇشەيتتى.
ءتىلشىمىز بۇل جولعى ءماجىلىستىڭ قانداي ماڭىزدى ءمانى بارلىعى جانە ءماجىلىس رۋحىن قالاي تياناقتاندىرۋ جونىندە شينجياڭ جۇڭحۋا كاسىپتىك وقۋ - اعارتۋ قوعامىنىڭ مۇشەسى جاڭ شاڭجيانمەن سۇحپات وتكىزدى.
«ءماجىلىس رايونىمىزدىڭ الداعى ءبىر مەزگىلدەگى وسى زامانعى كاسىپتىك وقۋ - اعارتۋىن دامىتۋدىڭ نەگىزگى نىساناسىن ايقىن بەلگىلەدى، ياعني 2020 - جىلعا بارعاندا، شينجياڭنىڭ ەكونوميكالىق، قوعامدىق دامۋ مەن باياندى تىنىشتىق قاجەتىنە ساي كەلەتىن، قۇرىلىمى ۇيلەسىمدى، ساپالى، وزىندىك ەرەكشەلىگى كورنەكتى، ورتا، جوعارى دارەجەلى كاسىپتىك مىندەت سايكەستىرىلگەن، كاسىپتىك وقۋ - اعارتۋ مەن ادەتتەگى وقۋ - اعارتۋ ۇيلەستىرىلگەن، شينجياڭ ەرەكشەلىگىندەگى وسى زامانعى كاسىپتىك وقۋ - اعارتۋ جۇيەسىن قالىپتاستىرۋ»، - دەدى جاڭ شاڭجيان.
ول تاعى بىلاي دەدى: بۇل نىسانا پارتيا ورتالىق كوميتەتى مەن مەملەكەتتىك كەڭەستىڭ تالابى عانا بولماستان، رايونىمىزدىڭ وسى زامانعى كاسىپتىك وقۋ - اعارتۋىن دامىتۋدىڭ قاجەتى. شينجياڭدا كاسىپتىك وقۋ - اعارتۋدى بار كۇشپەن دامىتۋ − كاسىپتەنۋ مەن ەكونوميكالىق، قوعامدىق دامۋدى جەبەۋمەن بىرگە، ودان دا ماڭىزدىسى، ونىڭ ۇلتتار ىنتىماعى مەن قوعام ورنىقتىلىعىن قورعاۋ سىندى ساياسي ءمانى دە بار. 4 - رەتكى شينجياڭعا باعىتتامالى كومەكتەسۋ قىزمەت ءماجىلىسى كاسىپتەنۋ، وقۋ - اعارتۋ، دارىندى قىزمەتىن ءتۇيىندى قىزمەت ەتىپ بەلگىلەدى، سوڭعى جىلدارى شينجياڭعا باعىتتامالى كومەكتەسەتىن ولكە، قالالاردىڭ قولداۋىنىڭ ارقاسىندا، اۆتونوميالى رايون كاسىپتىك وقۋ - اعارتۋعا جۇمسالىمدى بارىنشا ارتتىردى، وتە - موتە، وڭتۇستىك شينجياڭدا كاسىپتىك مەكتەپتەردىڭ قاتتى بولشەك قۇرىلىستارى زور دارەجەدە جاقساردى. ۇكىمەتتىڭ كاسىپتىك وقۋ - اعارتۋعا باسا ءمان بەرۋى مەن جۇمسالىمدى بارىنشا ارتتىرۋى قوعامدىق ادىلدىكتى، وقۋ - اعارتۋداعى ادىلەتتىلىكتى، وتە - موتە، اۋىل - قىستاقتارداعى قالىڭ نەگىزگى ساتى حالىق جۇرتشىلىعىنىڭ ءبىلىم الۋ ۇقىعىن قورعاعاندىعىن ايگىلەدى.
«جۇڭگونىڭ ءىرى جاساۋشى ەل ەكەندىگى بۇكىل دۇنيە جۇزىنە ايگىلى. الايدا ءبىز ساپا جاعىندا دۇنيە ءجۇزىنىڭ الدىڭعى قاتارىنا ءوتۋدى ءتىپتى دە ارماندايمىز، سونىمەن بىرگە بارلىق ادام ءبىر كاسىپتىڭ يەسى بولاتىن، ءارقانداي ادام ءوز قىزمەت ورنىندا جۇرتتى تامساندىراتىن ناتيجە جاراتاتىن ورتا جاراتۋىمىز كەرەك»، - دەدى جاڭ شاڭجيان، ول تاعى بىلاي دەدى: ءماجىلىس شينجياڭ ەرەكشەلىگىندەگى وسىزاماندانعان كاسىپتىك وقۋ - اعارتۋ جۇيەسىن قالىپتاستىرۋدى العا قويدى، رايونىمىز جونىنەن العاندا، بۇل ءبىر تاماشا وراي ءارى سىن بولىپ سانالادى. سىن دەگەنىمىز تومەندەگى ەكى جاقتى قامتيدى:
ءبىرىنشى، كاسىپتىك - وقۋ - اعارتۋدى دامىتاتىن تاماشا ورتا جاراتۋ كەرەك. ۇكىمەت جەتەكشىلىك ەتەتىن تۇلعا بولۋ تۇرعىسىندا، كاسىپتىك وقۋ - اعارتۋعا جۇمسالىمدى بارىنشا ارتتىرىپ، كاسىپتىك وقۋ - اعارتۋدى قولدايتىن زاڭ - بەلگىلەمەلەردى بارىنشا كەمەلدەندىرۋ، ءتيىمدى ساياساتتار شىعارىپ قوعامدىق كۇشتەردى كاسىپتىك - وقۋ - اعارتۋعا قارجى قوسۋعا شابىتتاندىرۋ كەرەك. كاسىپتىك وقۋ - اعارتۋدىڭ جوعارىلاپ وقۋ ارناسىن اشۋ، ادەتتەگى وقۋ - اعارتۋ مەن كاسىپتىك وقۋ - اعارتۋدى ءوزارا بايلانىستىراتىن جۇيە قالىپتاستىرۋ قاجەت. بىرگە سەلبەسىپ، ءوزارا مويىنداپ، تەڭ مامىلە جاساۋ كەرەك. قوعامداعى شارۋاشىلىقپەن اينالىسقانداردىڭ قوعامدىق قامتاماسىزداندىرۋ دەڭگەيىن جوعارىلاتۋ، ولاردىڭ ەڭبەكاقىسىن بىرتىندەپ جوعارىلاتۋ، كاسىپتىك تەحنيكا قىزمەتكەرلەرىنىڭ قوعامدىق ورنىن جوعارىلاتىپ، ەڭبەك داڭىقتى، ۇلى، ارداقتى دەگەن تانىمدى شىنايى ايگىلەۋ كەرەك؛ ەكىنشى، كاسىپتىك وقۋ - اعارتۋدىڭ وقىتۋ دەڭگەيىن جوعارىلاتۋ كەرەك. قازىر شەشۋشى ماسەلە وقىتۋشىلاردىڭ ەڭبەكاقىسىن جوعارىلاتۋ، «مادەنيەت ورەسى مەن كاسىپتىك تەحنيكالىق قابىلەتى بىردەي كۇشتى» وقىتۋشىلاردى ەنگىزۋ جانە تاربيەلەۋ كەزەك كۇتتىرمەيتىن قىزمەت بولىپ وتىر. سونىمەن بىرگە كاسىپتىك وقۋ - اعارتۋ مەن ەكونوميكانى، قوعامدى سايكەستى دامىتۋ ءالى دە جەتەرسىز، تۇرلىشە دارەجەدەگى، تۇرلىشە تۇردەگى كاسىپتىك تاربيەلەۋلەر ناقتى قاجەتتى قاناعاتتاندىرا الماي وتىر.
بۇل جولعى ءماجىلىس اشىلاردان بۇرىن، اۆتونوميالى رايوندىق حالىق ۇكىمەتى «وسى زامانعى كاسىپتىك وقۋ - اعارتۋدىڭ دامۋىن جەدەلدەتۋ جونىندەگى اتقارۋ پىكىردى» جانە «شينجياڭ ۇيعۇر اۆتونوميالى رايونىنىڭ وسى زامانعى كاسىپتىك وقۋ - اعارتۋ جۇيەسى قۇرىلىسى جوباسىن (2015 - 2020)» باسىپ تاراتىپ، اۆتونوميالى رايوننىڭ الداعى 5 جىلداعى كاسىپتىك وقۋ - اعارتۋىن دامىتۋ نىساناسىنداعى مىندەتتەردى ايقىن بەلگىلەدى.
جاڭ شاڭجيان بىلاي دەدى: شينجياڭ ەرەكشەلىگىندەگى وسى زامانعى كاسىپتىك وقۋ - اعارتۋدىڭ دامۋىن جەدەلدەتۋ ءبىر جولعى تەرەڭ رەفورما سانالادى. تاريحي تىڭ باستامادا اشىلعان بۇل ءماجىلىستىڭ الداعى ءبىرقانشا جىلدا رايونىمىزدىڭ كاسىپتىك وقۋ - اعارتۋ ىستەرىندە رەفورما جاساۋدىڭ، دامىتۋدىڭ جان - جاقتىلى، كوپ ساتىلى ماڭىزدى تىرەگى بولاتىندىعىندا داۋ جوق. ال ىلگەرىلەتۋ بارىسىندا، جەر - جەر، تاراۋلار كاسىپتىك وقۋ - اعارتۋدى بارىنشا كورنەكتى ستراتەگيالىق ورىنعا قويىپ، ونى ەكونوميكانى دامىتۋدىڭ، كاسىپتەنۋدى جەبەۋدىڭ، حالىق تۇرمىسىن جاقسارتۋدىڭ، ورنىقتىلىقتى قورعاۋدىڭ ماڭىزدى شاراسى ەتىپ، كاسىپتىك وقۋ - اعارتۋعا رەفورما جاساۋ، دامىتۋعا قاتىستى ءتۇرلى رەفورما شارالارىن دايەكتى تياناقتاندىرعاندا عانا، رايونىمىزدىڭ وسى زامانعى كاسىپتىك وقۋ - اعارتۋىن دامىتۋدىڭ تىڭ ساتىسىنا كوتەرۋگە بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
