بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايوننىڭ ءوندىرىس حاۋىپسىزدىگى جونىندەگى تەلەۆيزور - تەلەفون ءماجىلىسى ەرەكشە اۋىر ءوندىرىس شىرعالاڭدارىن باتىل تەجەۋدى تالاپ ەتتى

2015.08.18 13:22     كەلۋ قاينارى : ءتاڭىرتاۋ تورابى

  اۆتونوميالى رايون 15 - تامىزدا ءوندىرىس حاۋىپسىزدىگى جونىندەگى تەلەۆيزور - تەلەفون ءماجىلىسىن اشىپ، وسى كۇنگى مەملەكەتتىك ءوندىرىس حاۋىپسىزدىگى تەلەۆيزور - تەلەفون ءماجىلىسىنىڭ رۋحىن جەتكىزىپ، رايونىمىزدىڭ قازىرگى جانە الداعى ءبىر مەزگىلدەگى ءوندىرىس حاۋىپسىزدىگى قىزمەتىن ورنالاستىردى.

  ماجىلىستە مىنالار اتاپ كورسەتىلدى: تاياۋدا، ەلىمىز كولەمىندە ىركەس - تىركەس ەرەكشە اۋىر شىرعالاڭدار تۋىلدى، اسىرەسە، 12 - تامىزدا تيانجين پورتىنداعى رۇيحاي سەرىكتەستىگىنىڭ قاتەرلى بۇيىمدار قامباسىندا تۋىلعان ەرەكشە اۋىر ءورت اپاتى، جارىلىس شىرعالاڭى ەلىمىزگە جانە حالىق جۇرتشىلىعىنا اۋىر زيان سالدى. جەر - جەر شىرعالاڭنان تەرەڭ ساباق الىپ، حالىقتىڭ مۇددەسىن بارىنەن ماڭىزدى ورىنعا قويۋدان جازباي، جاۋاپكەرشىلىكتى تياناقتاندىرۋدى كۇشەيتىپ، حاۋىپسىزدىككە تونگەن قاتەرلەردى دەن قويا تەكسەرىپ، حاۋىپسىز ءوندىرىس قىزمەتىن شىنايى جاقسى ىستەپ، حالىقتىڭ باس اماندىعى مەن مال - مۇلىك حاۋىپسىزدىگىنە كەپىلدىك ەتۋى كەرەك.

  ءماجىلىس مىنالاردى تالاپ ەتتى: تۇتاس رايونىمىزدا ءوندىرىس حاۋىپسىزدىگىن جاپپاي تەكسەرۋدى تىڭعىلىقتى دا ءونىمدى ورىستەتىپ، ەرەكشە اۋىر ءوندىرىس شىرعالاڭدارىنان ۇتىمدى تۇردە ساقتانۋ جانە مۇنى باتىل تەجەۋ كەرەك. سونىمەن قاتار، قاتەرلى حيميالىق بۇيىمدار مەن وڭاي جاناتىن، وڭاي جارىلىس جاسايتىن بۇيىمداردىڭ حاۋىپسىزدىگى جونىندەگى ارناۋلى رەتتەۋ، جونگە سالۋ قىزمەتىن ءتۇيىندى تۇردە ورىستەتۋ قاجەت. جەر - جەر، تاراۋلار، مەكەمەلەر «بارلىعىن قامتۋ، زاڭدى قاتاڭ اتقارۋ، نولدىك ءتۇزىم، ناقتى ونىمدىلىككە جەتۋ» جالپى تالابى بويىنشا، بارلىق كاسىپ سالالارىن، وندىرىسپەن، تيجاراتپەن شۇعىلداناتىن مەكەمەلەردى، ادامدار شوعىرلانعان جەرلەردى جاپپاي، دەن قويا تەكسەرىپ، ءوندىرىس حاۋىپسىزدىگى جاعىنداعى ولقىلىقتاردى باتىل جويۋى كەرەك. زاڭسىز، زاڭعا قايشى ءوندىرىس، تيجارات ارەكەتتەرىنە باتىل سوققى بەرىپ، زاڭسىز، زاڭعا قايشى ارەكەتتەردىڭ كەسىرىنەن تۋىلعان شىرعالاڭداردى قاداعالاي تەكسەرىپ ءبىر جايلى ەتۋ، ءوندىرىس حاۋىپسىزدىگىن قاتاڭ باسقارۋ جاعدايىن قالىپتاستىرۋ قاجەت. شىرعالاڭ تۋدىراتىن قاتەرلەردى «نولدىك ءتوزىم» پوزيتسياسىمەن رەتتەۋ، جونگە سالۋ سەرپىنىن كۇشەيتىپ، تەكسەرىپ انىقتالعان ۇلكەن قاتەرلەر مەن ءالسىز بۋىنداردى ەرەكشە قاداعالاپ، تەكسەرىپ ءبىر جايلى ەتۋ، بۇلجىتپاي، ەش قالتارىس قالدىرماۋ، فورماشىلدىقتان ساقتانۋ كەرەك. حاۋىپسىزدىكتى باقىلاۋ، باسقارۋ جاۋاپكەرشىلىگى بار تاراۋلار ءوندىرىس حاۋىپسىزدىگى جاعىنداعى زاڭ اتقارۋدى، تەكسەرۋدى شىنايى كۇشەيتىپ، حاۋىپ - قاتەرلەردى ءداپ باسىپ تاۋىپ، ءالسىز بۋىنداردى انىقتاپ، ءونىمدى شارالاردى زەرتتەپ جاساپ، ءوندىرىس حاۋىپسىزدىگى جاعىنداعى حاۋىپ - قاتەرلەردى جونگە سالۋدىڭ باياندى مەحانيزمىن ورناتۋ جانە كەمەلدەندىرۋى كەرەك.

  اۆتونوميالى رايوندىق پارتكومنىڭ تۇراقتى مۇشەسى عانيبات سابىكەي ۇلى ماجىلىستە مىنانى باسا دارىپتەدى: جەر - جەر، تاراۋلار، مەكەمەلەر بۇعان ايرىقشا ءمان بەرىپ، ءوندىرىس حاۋىپسىزدىگىن مىقتاپ ۇستاپ، شارا اتاۋلىنىڭ بارلىعىن قولدانىپ، ءوندىرىس حاۋىپسىزدىگى جاعدايىنىڭ باياندى، ورنىقتى تۇردە جاقسارا تۇسۋىنە مۇمكىندىك جاساۋ كەرەك. ءوندىرىس حاۋىپسىزدىگى جاعىنداعى شۇعىل جاعدايعا توتەپ بەرۋ، باسقارۋ قىزمەتىن كۇشەيتىپ، 24 ساعات كەزەكشى بولۋ جانە باسشىلار باستاماشىلدىق ەتۋ ءتۇزىمىن قاتاڭ اتقارىپ، ينفورماتسيانىڭ، حابار - بايلانىستىڭ ىركىلىسسىزدىگىن، شۇعىل جاعدايعا قاتىستى قيمىلدىڭ تەز بولۋىن قامتاماسىز ەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.