- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىز ءوندىرىس حاۋىپسىزدىگىنە جاپپاي تەكسەرۋ جۇرگىزەدى
2015.08.18 13:23 كەلۋ قاينارى : ءتاڭىرتاۋ تورابى
اۆتونوميالى رايوندىق ءوندىرىس حاۋىپسىزدىگى كوميتەتى جۋىقتا ۇقتىرۋ جاريالاپ، 14 - تامىزدان باستاپ بيىل جەلتوقساننىڭ سوڭىنا دەيىن، رايونىمىزدا ءوندىرىس حاۋىپسىزدىگىنە جاپپاي تەكسەرۋ جۇرگىزىپ، جاپون شاپقىنشىلارىنا قارسى كۇرەستىڭ جەڭىسكە جەتكەندىگىنىڭ 70 جىلدىعى، اۆتونوميالى رايونىمىز قۇرىلعاندىعىنىڭ 60 جىلدىعى، سونداي - اق مەملەكەتتىك 13 - كەزەكتى قىسقى سپورت جارىسى سياقتى ەلەۋلى مەرەكە جانە ماڭىزدى كەزەڭدەردەگى ءوندىرىس حاۋىپسىزدىگى قىزمەتىنە كەپىلدىك ەتىپ، ءوندىرىس حاۋىپسىزدىگىنە ساياتىن ەرەكشە اۋىر شىرعالاڭداردىڭ تۋىلۋىنان ءونىمدى تۇردە ساقتانۋدى جانە ونى باتىل تەجەۋدى تالاپ ەتتى.
اۆتونوميالى رايوندىق ءوندىرىس حاۋىپسىزدىگى كوميتەتىنىڭ ۇقتىرۋىندا مىنالار تالاپ ەتىلدى: زور تەكسەرۋدە بارلىعى قامتىلۋى كەرەك، رايونىمىزداعى بارلىق ءوڭىردى، بارلىق كاسىپ سالاسىن، بارلىق ءوندىرىس تيجاراتىمەن شۇعىلداناتىن ورىنداردى جانە ادامدار شوعىرلى ورنالاسقان جەرلەردى تۇگەلدەي تەكسەرۋ كەرەك. وسى رەتكى ءوندىرىس حاۋىپسىزدىگىنە جاپپاي تەكسەرۋ جۇرگىزۋدە «زاڭسىزدارىنا سوققى بەرىپ، زاڭعا قايشى كەلگەندەرىن وڭاۋ» ارناۋلى قيمىلىن ءوندىرىس حاۋىپسىزدىگىنە جاپپاي تەكسەرۋ جۇرگىزۋمەن جانە كەندەردى وڭاۋ، جابۋ، كومىر كەنىنەن شىعاتىن ۋلى گازدى ءبىر جايلى ەتۋ، مۇناي، تابيعي گاز سياقتى حاۋىپتى حيميالىق زاتتاردى كۇبىگە قۇياتىن جەرلەردىڭ حاۋىپسىزدىگىن ارناۋلى جونگە سالۋ، ليفت جانە ويىن قۇرىلعىلارى سياقتى ەرەكشە جابدىقتاردىڭ حاۋىپسىزدىگىن ارنايى جونگە سالۋ سياقتىلارمەن تىعىز ۇشتاستىرىپ، ءوندىرىس حاۋىپسىزدىگىن جاپپاي تەكسەرۋدە بايقالعان زاڭسىز، زاڭعا اۋىر قايشى كەلگەن ارەكەتتەر مەن ەلەۋلى كىناراتتاردى «زاڭسىزدارىنا سوققى بەرىپ، زاڭعا قايشى كەلگەندەرىن وڭاۋ» ارناۋلى قيمىلىنىڭ ماڭىزدى مازمۇنىنا ەنگىزىپ، زاڭ - ەرەجە بويىنشا قاتاڭ سوققى بەرىپ، تۇبىرىنەن وڭاۋ كەرەك. زاڭسىز، زاڭعا قايشى ارەكەتتەر مەن حاۋىپسىزدىككە ساياتىن ەلەۋلى كىناراتتارعا «نولدىك توزىممەن» مامىلە جاساپ، بايقالعان زامان ءوندىرىس توقتاتۋ، قۇرىلىس توقتاتۋ، توگىن توقتاتۋ، قامداۋىن توقتاتۋ، ۇستاپ قالۋ، جابۋ سياقتى زورلىقتى زاڭ اتقارۋ شارالارىن باتىل قولدانىپ، قاتاڭ ءبىر جايلى ەتىپ، ويداعىداي سوققى بەرۋ كەرەك.
ۇقتىرۋدا مىنالار باسا دارىپتەلدى: بىرىككەن زاڭ اتقارۋ، شوعىرلى وڭاۋ ارقىلى ەلەۋلى كىناراتتاردى زاڭ بويىنشا تۇزەتۋ جانە جويۋ، ەرەجە، بەلگىلەمەگە قايشى ءبىر توپ كاسىپورىنداردىڭ ءوندىرىسىن توقتاتىپ، رەتتەۋ جۇرگىزۋ، زاڭسىز، زاڭعا قايشى ءوندىرىس تيجاراتىمەن شۇعىلدانعان ورىنداردى جابۋ، توقتاتۋ، زاڭسىز، زاڭعا قايشى ورىنداردىڭ جاۋاپتىلارىن قاتاڭ جازالاۋ كەرەك. جەر - جەر، تاراۋلار قۋزاۋ - تەكسەرۋدى كۇشەيتىپ، كومەسكىدە تەكسەرىپ، ارالاپ، ءتۇرلى قىزمەت شارالارىن ويداعىداي تياناقتاندىرۋ، اسىرەسە، ءتۇيىندى وڭىرلەر مەن مەكەمە - ورىنداردىڭ كومەسكى قاتەردى رەتتەۋ، وڭاۋ، تياناقتاندىرۋ جاعدايىن قاداعالاي شولىپ، ءوندىرىسى توقتاتىلىپ جونگە سالىنعان، جابىلىپ كۇشىنەن قالدىرىلعان كاسىپورىندارعا قايتالاي ءبىر - بىردەن تەكسەرۋ جۇرگىزۋ كەرەك. اۆتونوميالى رايوندىق ءوندىرىس حاۋىپسىزدىگى كوميتەتى قۋزاۋ - تەكسەرۋ گرۋپپاسىن ۇيىمداستىرىپ، جەر - جەرگە جان - جاقتى قۋزاۋ سالىپ، تەكسەرۋ جۇرگىزەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
