- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2015-جىلعى جۇڭگو شينجياڭ دامۋ تالقى مىنبەسى باستالدى
2015.08.31 16:57 كەلۋ قاينارى : شينجياڭ حالىق راديو ستانسياسى تورابى
2015-جىلعى جۇڭگو شينجياڭ دامۋ تالقى مىنبەسى كەشە تۇستەن بۇرىن ۇرىمجىدە باستالدى، بۇل ەلىمىزدىڭ تۇڭعىش رەت وتكىزگەن شينجياڭنىڭ دامۋىن باستى تاقىرىپ ەتكەن حالىقارالىق ءماجىلىس. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ حات جازىپ، قىزۋ قۇتتىقتادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان باستالۋ سالتىنا قاتىناستى، ءارى ءسوز سويلەدى.يۇي جىڭشىڭ قۇتتىقتاۋ حاتىندا بىلاي دەدى: جاڭا جۇڭگو قۇرىلعاننان كەيىن، شينجياڭ 1955-جىلى اۆتونوميالى رايون قۇردى. جارتى عاسىردان استام ۋاقىتتان بەرى، جۇڭگو كوممۋنيستىك پارتياسى مەن ورتالىق حالىق ۇكىمەتىنىڭ دۇرىس باسشىلىعىندا، بۇكىل ەلىمىز حالقىنىڭ پارمەندى قولداۋىندا، شينجياڭداعى ءار ۇلت حالقى ىنتىماقتاسا كۇرەس جاساپ، دامۋ، العاباسۋ، گۇلدەنىپ-كوركەيۋدىڭ سارا جولىنا ءتۇستى. تيانشاننىڭ تۇستىگى مەن تەرىستىگىندە زور وزگەرىس جارىققا شىقتى. بۇگىنگى كۇندە ءداستۇر مەن وسىزامان توعىسقان كورىكتى شينجياڭ دۇنيە حالقى الدىندا ءوزىن ايگىلەۋدە.يۇي جىڭشىڭ بىلاي دەپ اتاپ كورسەتتى: «جىبەك جولى ەكونوميكالىق بەلدەۋىنىڭ» وزەكتى رايونى بولعان شينجياڭ جۇڭگونىڭ باتىسقا ەسىك اشۋىنداعى ماڭىزدى ورىن، ازيا-ەۆروپا ۇلى قۇرىلىعىن تۇتاستىراتىن ماڭىزدى قاتىناس تورابى، ساۋدا زات اينالىمى جانە مادەنيەت، عىلىم-تەحنيكا، وقۋ-اعارتۋ ورتالىعى. جۇڭگو شينجياڭ دامۋ تالقى مىنبەسىن وتكىزۋدەگى ماقسات: وسى ءوڭىر مەن دۇنيە جۇزىندەگى ەلدەر اراسىندا ءوزارا پايدا جەتكىزىپ سەلبەسۋدى ىلگەرلەتەتىن اۋىس-كۇيىس جاساۋ تەكشەسىن قۇرۋ. تالقى مىنبەسىنە قاتىناسقان شەتەل جانە ەلىمىز قايراتكەرلەرىنەن ىشكەرلەي زەرتتەۋ-تالقى جۇرگىزىپ، بەلسەنە ۇسىنىس-پىكىر بەرىپ، تۇرلىشە وركەنيەت اۋىس-كۇيىسىن جاساپ، ءوزارا تاجىريبە اۋىستىرۋدى كۇشەيتىپ، ءار ەلدىڭ سەلبەستىكتى تەرەڭدەتۋىن ىلگەرلەتۋ، دۇنيە ءجۇزىنىڭ بەيبىت دامۋىن جەبەۋگە اقىل-پاراسات جانە كۇش قوسۋدى ءۇمىت ەتەمىن».جاڭ چۇنشيان باستالۋ سالتىندا ءسوز سويلەدى. ول بىلاي دەدى: «بيىل اۆتونوميالى رايونىمىز قۇرىلعاندىعىنىڭ 60 جىلدىعى، بۇگىنگى شينجياڭنىڭ ەكونوميكاسى دامىپ، قوعامى ورنىقتى، ۇلتتارى ىنتىماقتى، ءدىنى جاراسىمدى بولىپ، ءار ۇلت حالقى تىنىش تىرشىلىك ەتۋدە. ۇزاق تاريح، شۇعىلالى مادەنيەت قارىشتاپ دامىپ، وسىزاماندانعان تۇرمىس وسى ارادا تولىق توعىسىپ، حيكىمەتتى شينجياڭ حيكەياسىن جازۋدا. شينجياڭ بايىرعى جىبەك جولىنداعى وزەكتى جەر. جۇڭگو ۇكىمەتى شينجياڭنىڭ وزگەشە وڭىرلىك ابزالدىلىعى مەن باتىسقا ەسىك اشۋداعى ماڭىزدى رولىن ويداعىداي ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونىن قۇرۋ شينجياڭنىڭ دامۋىن جەبەۋدە بەلسەندى جەبەۋ رولىن اتقارادى دەگەندى ايقىندادى. شينجياڭ وسى ءبىر ماڭىزدى تاريحي ورايدى مىقتى يگەرىپ جانە ودان پايدالانىپ، ەكونوميكانىڭ دامۋىن تەزدەتىپ، شۇعىلالى تاريحي داستان جازۋ شارتىنا، سەنىمىنە، قابىلەتىنە يە بولىپ وتىر».
جاڭ چۇنشيان بىلاي دەپ اتاپ كورسەتتى: شينجياڭ جىبەك جولى ەكونوميكالىق بەلدەۋىندەگى ماڭىزدى قاتىناس تورابىن، ساۋدا زات اينالىمىن، مادەنيەت، عىلىم-تەحنيكا، وقۋ-اعارتۋ ورتالىعىن جانە وڭىرلىك فينانىس ورتالىعىن، ەمدەۋ قىزمەت وتەۋ ورتالىعىن جەدەل قۇرىپ، جىبەك جولى ەكونوميكالىق بەلدەۋى وزەكتى رايونىن كۇش سالا قالىپتاستىرادى. مۇندا 1-، باتىسقا تۇتاساتىن ارنانى اشىپ، دامۋ ءورىسىن كەڭەيتۋ ؛ 2-، ەسىكتى ايقارا اشىپ، دامۋدىڭ ومىرشەڭدىك قۋاتىن كۇشەيتۋ ؛ 3-، گۋمانيتارلىق اۋىس -كۇيىستى قويۋلاتىپ، حالىق اراسىنداعى بارىس -كەلىس نەگىزىن بەكەمدەۋ ؛4-، حاۋىپسىزدىك جاقتاعى سەلبەستىكتى كۇشەيتىپ، ءوڭىردىڭ بەيبىتشىلىگى مەن ورنىقتىلىعىن قورعاۋ كەرەك. شينجياڭنىڭ دامۋ تالقى مىنبەسىن جاقسى اشىپ، ونى دۇنيە ءجۇزىنىڭ شينجياڭدى تۇسىنۋىنەتىن ورنىنا، شينجياڭدى دۇنيە جۇزىنە بەتالدىرۋدىڭ دانەكەرىنە، وڭىرلىك جانە حالىقارالىق سەلبەستىك تەكشەسىنە اينالدىرۋ كەرەك.ءار جاقتاعى دوستاردىڭ كوركەم شينجياڭدى ارالاپ ءلاززات الۋىن، وزگەرىسكە جانە ۇمىتكە تولى شينجياڭدى تولىق ءتۇسىنۋىن قىزۋ قارسى الامىز.
ورتالىق ۇگىت ءبولىمىنىڭ ورىنباسار باستىعى، مەملەكەتتىك كەڭەس اقپارات كەڭسەسىنىڭ ورىنباسار مەڭگەرۋشىسى سۇي يۇييىڭ ارناۋ سوزىندە، شينجياڭنىڭ دامۋ تالقى مىنبەسىن جاقسى اشۋ ءجايلى توقتالىپ، بىلاي دەدى: تالقى مىنبەسىندە تاجىريبە اۋىستىرۋ ارقىلى وسى زامانعى شينجياڭنىڭ گۇلدەنىپ دامىعانىن، جاراسىمدى العا باسقان شىت جاڭا بەت -بەينەسىن تەرەڭ ءتۇسىنۋ ؛ تالقى مىنبەسىنىڭ سەلبەستىك تەكشەسى ارقىلى، گۋمانيتارلىق اۋىس -كۇيىستى ىلگەرىلەتۋ ؛ تالقى مىنبەسىنىڭ دانەكەرلىك رولىن تولىق ساۋلەلەندىرىپ،جىبەك جولى ەكونوميكالىق بەلدەۋى قۇرىلىسىن جەبەۋ ءتيىس.
جۇڭگو قوعامدىق عىلىمدار اكادەمياسىنىڭ ورىنباسار باستىعى جاۋ شىڭشۋان جىبەك جولى ەكونوميكالىق بەلدەۋىنىڭ وزەكتى رايونى بولعان شينجياڭنىڭ بايلىق، ءوڭىرلىك، گۋمانيتارلىق جاقتارداعى ابزالدىلىعى مەن ءدوپ كەلگەن دامۋ ورايىنا ءتۇيىندى توقتالدى. شەتەلدىك قوناقتاردىڭ ۋاكىلدەرىنەن، كانادا-جۇڭگو ساۋدا القالار كەڭەسىنىڭ ورىنباسار ءتوراعاسى توكۆەر دايي، پاكيستان كەڭەس پالاتاسىنىڭ بۇرىنعى مۇشەسى، حالىق-ۇلت پارتياسىنىڭ باسشىسى كاتاك، بىرلەسكەن مەملەكەتتەر ۇيىمى وقۋ-اعارتۋ ۇقىعىنىڭ ەرەكشە مالىمەتشىسى گيشور سينگ سياقتى كىسىلەر اشىلۋ سالتىندا ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكرات زاكىر اشىلۋ سالتىن باسقاردى.اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى حان يۇڭ، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن اشىلۋ سالتىنا قاتىناستى.تالقى مىنبەسىن مەملەكەتتىك كەڭەستىڭ اقپارات كەڭسەسى، جۇڭگو قوعامدىق عىلىمدار اكادەمياسى مەن اۆتونوميالى رايوندىق حالىق ۇكىمەتى بىرلەسىپ باسقاردى، 30 مەملەكەت پەن حالىقارالىق ۇيىمنان جۇزگە تارتا ۋاكىل تالقى مىنبەسىنە قاتىناستى.وسى رەتكى تالقى مىنبەسى ەكى كۇن اشىلادى. «جىبەك جولى ەكونوميكالىق بەلدەۋىن قۇرۋ ــــــ شينجياڭنىڭ دامۋ ورايى جانە تالعامى » تالقى مىنبەسىنىڭ باستى تاقىرىبى بولدى. وندا « جىبەك جولى ەكونوميكالىق بەلدەۋى وزەكتى رايون قۇرىلىسى جانە ماڭىنداعى ەلدەرمەن بولعان سەلبەستىك »، « ۇلتتىق تەريتوريالى اۆتونوميا: شينجياڭنىڭ ورنىقتىلىعى مەن دامۋىنىڭ نەگىزى »، « حاۋىپسىزدىك جاعىنداعى باسەكە جانە سەلبەستىك »، « جىبەك جولىنىڭ تاريحى مەن مادەنيەتىن جالعاستىرۋ » دەگەن 4 بولىمشە كەڭەس تاقىرىبى بار.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
