بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

بيىل 85 ورتا، شاعىن، ميكرو كاسىپورىن 300 ميلليون يۋاننان استام قارىز اقشاعا يە بولدى

2015.08.31 16:59     كەلۋ قاينارى : شينجياڭ گازەتى

  جۋىردان بەرى سانجى حۇيزۋ اۆتونوميالى وبلىسىنداعى رۇيتيان عىلىم - تەحنيكاسى اۋىل شارۋاشىلىعىن دامىتۋ شەكتى جاۋاپكەرشىلىك سەرىكتەستىگىنىڭ باس مەڭگەرۋشىسى گو گاڭنىڭ جۇزىنە كۇلكى ءۇيىرىلىپ، كوڭىلى ءجاي تاۋىپ قالدى. ۇيتكەنى، جۇڭگو اۋىل شارۋاشىلىق بانكەسىنىڭ سانجى بولىمشەسىنەن العان 5 ميلليون يۋان قارىز اقشاسى تياناقتانىپ، سەرىكتەستىك وسى ايدا قولعا الماقشى بولىپ وتىرعان ەلەكتروندى ساۋدا تەكشەسى نىسانىنا كەرەكتى قارجى دايىن بولعان ەدى.

  گو گاڭ جاس كاسىپكەر، يگىلىك قۇرۋ جولىندا قارجى توپتاۋ قيىن، قارىز اقشا الۋ قيىن بولۋ ماسەلەسى ەڭ ۇلكەن كەدەرگى ەسەپتەلەدى. سانجى حۇيزۋ اۆتونوميالى وبلىسى بيىل ورتا، شاعىن، ميكرو كاسىپورىندارعا تۇساۋ بولعان وسى قيىنشىلىقتى شەشۋ ءۇشىن رەفورما، جاڭالىق اشۋ تەبىنىن ارتتىرىپ، كاسىپورىن نەگىزگى تۇلعا بولۋ ، بانكە قارىزبەرۋ، قامسىزداندىرۋ كەپىلدىگى بولۋ، ۇكىمەتتىڭ سيلىق، قوسىمشا قاراجاتى بولۋ سىندى«ءتورت ءبىر تۇلعالانعان» فينانس سەنىمدى قارىز اينالىم فورماسىن قۇرۋ جونىندە ىزدەنىس جاساپ، ايتارلىقتاي ونىمدىلىككە قول جەتكىزدى.

  قيىن ءتۇيىن: ورتا، شاعىن، ميكرو كاسىپورىندار قارىز اقشا الۋدا جاپپاي قيىنشىلىققا ۇشىراپ وتىر

  گو گاڭ جونىنەن العاندا كاسىپورىننىڭ دامۋى قارجىعا مۇقتاج بولعاندا قارىز اقشا الۋداعى قيىنشىلىق كىسىنىڭ مازاسىن الاتىن قيىن ماسەلە. بەلگىلەمەگە ساي، كاسىپورىن قارىز اقشا الۋ ءۇشىن، ءسوزجوق، ناقتى زاتتى كەپىلگە قويۋ كەرەك. ال تاۋسىلىپ بەرمەيتىن تەكسەرىپ بەكىتۋ راسىمياتتارىنان سوڭ قارىزدى ەڭ تەز بولعاندا 3 ايدا ارەڭ الۋعا بولادى، بۇل كەزدە ماسەلەنى شەشۋدىڭ ەڭ ۇتىمدى، ۇرىمتال مەزگىلى الدە قاشان ءوتىپ كەتەر ەدى.

  ساناققا قاراعاندا، 2014 - جىلدىڭ سوڭىنا دەيىن سانجى حۇيزۋ اۆتونوميالى وبلىسىندا جالپى 4754 ورتا، شاعىن، ميكرو كاسىپورىن بار بولىپ، بارلىق زاڭدى ۋاكىلدىك كاسىپورىنداردىڭ %96.9ىن ۇستاعان؛ جالپى قارجى 257 ميلليارد 300 ميلليون يۋان بولىپ، بارلىق زاڭدى ۋاكىلدىك كاسىپورىننىڭ جالپى قارجىسىنىڭ %69.8ىن ۇستاعان؛ 187 مىڭ ادام وسى ىسپەن شۇعىلدانىپ، بارلىق زاڭدى ۋاكىلدىك كاسىپورىندارداعى قىزمەتكەرلەردىڭ %75.4ىن ۇستاعان.

  ورتا، شاعىن، ميكرو كاسىپورىندار قىرۋار ادامدى كاسىپتەندىرىپ، ەكونوميكالىق، قوعامدىق دامۋدىڭ تىرەكتى كۇشىندىك رول اتقارعانىمەن بىلتىر بۇكىل جىلدا سانجى حۇيزۋ اۆتونوميالى وبلىسىنداعى ورتا، شاعىن، ميكرو كاسىپورىنداردىڭ العان قارىز سوماسى بارلىق كاسىپورىندار قارىزىنىڭ نەبارى %63ىن ۇستاعان. ەكونوميكالىق دامۋ جاڭا قالىپقا قادام قويىپ، ەكونوميكالىق باسەڭدەۋ قىسىمى بىرتىندەپ ارتقان جاعدايدا سانجى حۇيزۋ اۆتونوميالى وبلىسىنداعى ورتا، شاعىن، ميكرو كاسىپورىندار ءدوپ كەلگەن قارجى توپتاۋ قيىن بولۋ ماسەلەسى دە بارعان سايىن كورنەكتىلەنە ءتۇستى. رەفورما: قارجى توپتاۋ فورماسىن جاڭالاپ، ورتا، شاعىن، ميكرو كاسىپورىندارعا دەم بەردى

  ورتا، شاعىن، ميكرو كاسىپورىندار جاپپاي تاپ بولعان قارجى توپتاۋ قيىن بولۋ ماسەلەسىنە سانجى حۇيزۋ اۆتونوميالى وبلىسى وسكەلەڭ ءمان بەردى. ەندى بۇنى قالاي شەشۋ كەرەك؟ بۇل قاتىستى تاراۋلاردىڭ الدىنا قويىلعان ماڭىزدى تاقىرىپ ەدى.

  كەڭ كولەمدى تەكسەرۋ - زەرتتەۋ جانە سىپاتتاۋ ارقىلى بيىل جىل باسىندا سانجى حۇيزۋ اۆتونوميالى وبلىسى «ءتورت ءبىر تۇلعالانعان» فينانس سەنىمدى قارىز فورماسىن جاسامپازدىقپەن اتقاردى. سانجى حۇيزۋ اۆتونوميالى وبلىسى كاسىپورىنعا تەكسەرۋ جۇرگىزۋ ارقىلى كاسىپورىن قويماسىن قۇرىپ، 457 كاسىپورىن «ءتورت ءبىر تۇلعالانعان» فورما بويىنشا رۇحسات ەتۋ كولەمىنە ەندى. «ءتورت ءبىر تۇلعالانعان» فورمادا ۇكىمەتتىڭ رولىنا دا نەمعۇرايدى قاراۋعا بولمايدى.

  سانجى حۇيزۋ اۆتونوميالى وبلىسى قاۋىپ - قاتەرگە بايلانىستى تولەم بەرۋ ءۇشىن 46 ميلليون يۋاندىق ارناۋلى قارجى ازىرلەپ، ونى قايىرسىز نەسيەنى قايتارۋعا دايىندادى. سونىمەن بىرگە، تولىقتاما قاراجات بەرۋ، سيلاۋ، باقىلاۋ - باسقارۋ سياقتى فورمالارمەن قارجى توپتاۋ قارىز اقشاسىن الۋ بارىسىنىڭ تارتىپكە ساي اينالىم جاساۋىنا كەپىلدىك ەتىپ، قامسىزداندىرۋ سەرىكتەستىگىمەن جانە بانكەمەن مۇددە ورتاق تۇلعاسىن قالىپتاستىردى. ونىمدىلىك: شارۋالار سەلبەستىك كووپەراتيۆىنىڭ ءوزى ءبىر جولدا 10 ميلليون يۋاننان استام قارىز اقشاعا يە بولا الاتىن بولدى

  «ءتورت ءبىر تۇلعالانعان» فينانس سەنىمدى قارىز فورماسى اتقارىلعاننان بەرى، سانجى حۇيزۋ اۆتونوميالى وبلىسىنداعى كوپتەگەن ورتا، شاعىن، ميكرو كاسىپورىندار مۇنىڭ يگىلىگىن كوردى. قۇتىبي اۋدانى دافىڭ قالاشىعىنىڭ حۇڭليۋتاڭ قىستاعىنداعى حۇڭيۇنلاي شارۋالار سەلبەستىك كووپەراتيۆى مىنە وسىنداي كووپەراتيۆتەردىڭ ءبىرى ەسەپتەلەدى.

  بيىل بۇل كووپەراتيۆ ەگىمشىلىك كولەمىن بۇرىنعى مىڭ مۋدان 7500 مۋعا كوبەيتىپ، 12 ميلليون يۋان قارىز اقشا الىپ تيجارات كولەمىن كەڭەيتپەكشى بولدى. سونىمەن سەلبەستىك كووپەراتيۆى «ءتورت ءبىر تۇلعالانعان» فورما ارقىلى بانكەدەن ءبىر جولدا 10 ميلليون يۋان قارىز اقشا الدى. «ءتورت ءبىر تۇلعالانعان» فورماعا قارىز اقشا تاراتۋ تۇلعاسى بولعان بانكە دە ءدان ريزا. وسى بارىستا جۇڭگو اۋىل شارۋاشىلىق بانكەسىنىڭ سانجى بولىمشەسى 35 كاسىپورىنعا 300 ميلليون يۋانعا جۋىق قارىز اقشا تاراتتى.

  بيىل سانجى حۇيزۋ اۆتونوميالى وبلىسىنداعى 85 ورتا، شاعىن، ميكرو كاسىپورىن «ءتورت ءبىر تۇلعالانعان» فينانس سەنىمدى قارىز فورماسى ارقىلى 300 ميلليون يۋاننان استام قارىز اقشاعا يە بولىپ، اتالعان ساياسات كاسىپورىنداردىڭ قارجى قاجەتىن قاناعاتتاندىرعان.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.