- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاپونعا قارسى سوعىس كەزىندە شينجياڭنىڭ قىستىق كيىم ءۇشىن اتاعان قارجىسى مەملەكەت بويىنشا اعالاپ العا شىقتى
2015.08.31 17:00 كەلۋ قاينارى : شينجياڭ گازەتى
جاپونعا قارسى سوعىستىڭ الدىڭعى شەبىندەگى وفيتسەر - جاۋىنگەرلەر مەن ارتقى شەپتەگى بوسقىنداردىڭ قىستان وتۋىنە قاجەتتى قىستىق كيىم ماسەلەسىن شەشۋ ءۇشىن، 1938 - جىلى قىستا قىستىق كيىم جيناۋ قوزعالىسىنىڭ مەملەكەتتىك كوميسسياسى كەڭ كولەمدى «قىستىق كيىم اتاۋ قوزعالىسىن» ورىستەتتى.
شينجياڭداعى ءار ۇلت حالقى بۇكىل ەلدەگى قىستىق كيىم جيناۋ قوزعالىسى كوميسسيالارى باس ۇيىمىنىڭ ۇندەۋىنە ءۇن قوسىپ، سول جىلدىڭ وزىندە 4 ميلليوننان استام كۇردەكشە، 5 ميلليوننان استام ەسكى كيىم جيناپ، الدىڭعى شەپتەگى وفيتسەر - اسكەرلەر مەن ارتقى شەپتەگى بوسقىندارعا جىبەردى. سونىمەن بىرگە، چۇڭچيڭدەگى جاۋعا قارسى تۇرىپ، كومەك بەرۋ ۇيىمىنا قىستىق كيىم ءۇشىن 230 مىڭ يۋان اقشا جىبەردى. 1939 - جىلدان 1942 - جىلعا دەيىن، قىستىق كيىم ءۇشىن جىل سايىن تاعى 200 مىڭ يۋان زاڭدى اقشا شينجياڭنان الدىڭعى شەپكە جىبەرىلىپ وتىردى. شينجياڭنان قىستىق كيىم ءۇشىن جينالعان قارجى بۇكىل ەل بويىنشا اعالاپ العا شىقتى. 1939 - جىلى 19 - قازاندا، شينجياڭ حالقىنىڭ يمپەرياليزمگە قارسى بىرلەسكەن وداعى، جۇمىسشىلاردىڭ وتاندى قۇتقارۋ باس ۇيىمى، ايەلدەر بىرلەستىگى، ساۋدا قوعامدارى، وقۋشىلار بىرلەستىگى سياقتى 10 نەشە قوعامدىق توپتار تىزە قوسا وتىرىپ، شينجياڭ قىستىق كيىم جيناۋ قوزعالىسى كوميسسياسىن ۇيىمداستىردى.
قاراشا ايىندا، شينجياڭ حالقىنىڭ يمپەرياليزمگە قارسى بىرلەسكەن وداعى «قارجى اتاۋ قوزعالىسى كوميسسياسىن» قۇرىپ، ديحۋادا (قازىرگى ءۇرىمجى) جانە شينجياڭنىڭ جەر - جەرىندە قارجى اتاۋ ورىندارىن اشتى. ورگان - توپتاردان قيىر شەتتەگى اۋىل - قىستاق، مالشىلىق رايوندارعا دەيىن ءار ۇلت حالقى، ءار سالا بۇقاراسى ءوز جيعان - تەرگەندەرىن، التىن - كۇمىس، مارجاندارىن قارجى اتاۋ ورنىنا بەردى.
وسى كەزەڭدە، كىسى تەبىرەنتەرلىك تالاي وقيعالار جارىققا شىقتى. ايسا شينجياڭنىڭ كورلا وڭىرىندە تۇراتىن كەدەي بۇقارا ەدى. وتباسى توتەنشە كەدەي ونىڭ ۇيىندە جىلۋعا اتارلىق نارسە بولماعاندىقتان جۇرەگىندە وتانشىلدىق وتى جالىنداعان ايسا 18 جاستاعى ۇلى يۇسىپتى جاپونعا قارسى سوعىستىڭ الدىڭعى شەبىنە، جاۋدى جويىپ، وتان قورعاۋعا جىبەرۋدى ۇيعاردى.
1939 - جىلى 27 - جەلتوقساندا، شينجياڭ حالقىنىڭ جاپونعا قارسى تۇرىپ، وتاندى قۇتقارۋعا كومەك بەرۋ باس ۇيىمى ايسانىڭ ءوز ۇلىن جاپونعا قارسى سوعىستىڭ الدىڭعى شەبىنە اتتاندىرعانى جايلى ولكەلىك ۇكىمەتكە جولداعان حاتىندا بىلاي دەپ جازىلدى: «حوتانداعى ءبىر كەدەي بۇقارا ايسا: الدىڭعى شەپتەگى وفيتسەر - جاۋىنگەرلەر ءۇشىن اقشا نەمەسە زات اتاعىم كەلسە دە، قىسقا ءجىپ كۇرمەۋگە كەلمەي، بۇل ماقساتىم ورىندالمادى، سونىمەن 18 جاستاعى بالام يۇسىپتى الدىڭعى شەپكە اتتاندىرىپ، جاپون باسقىنشىلارىنا قارسى تۇرىپ، مەملەكەت ءۇشىن باسىن ءباي تىگۋىن قالادىم. ەگەر بالام شىن نيەتىمەن سوعىسىپ، جاپون باسقىنشىلارىن جەڭبەسە، وندا ول وپالى بالا ەمەس، مەندە ونداي بالا جوق دەپ ساناپ، ولگەنشە بەتىن كورمەيمىن دەپتى. وسى ىسكە بايلانىستى تەكسەرۋدەن ءبىز اتالعان كەدەي بۇقارانىڭ بالاسىن الدىڭعى شەپكە اتاپ، جاپون باسقىنشىلارىنىڭ كوزىن جويۋعا سەرت ەتكەنىن بىلدىك، ونىڭ مەملەكەتتى قىزۋ سۇيگەن رۋحى ايىرىقشا ماقتاۋعا تاتيدى».
شالعاي وڭىردەگى كەدەي بۇقارا ايسا مەملەكەتتىڭ دەربەستىگى، ۇلتتىڭ ازاتتىعى ءۇشىن ءوز ۇلىن الدىڭعى شەپكە جاپون باسقىنشىلارىمەن ولىسپەي بەرىسپەيتىن شايقاسقا جىبەرۋدى قالاعان. ءدال وسىنداي رۋحتىڭ جەبەۋى بولعاندىقتان، ەلىمىزدىڭ ءار ۇلت حالقى ءبىر نيەتپەن قۇرىش قامال سوعىپ، سىرتقى باسقىنشىلاردى ىسىرىپ تاستاپ، جاپونعا قارسى سوعىستىڭ سوڭعى جەڭىسىنە قول جەتكىزدى.
بيىل جۇڭگو حالقىنىڭ جاپون باسقىنشىلارىنا قارسى سوعىسى مەن فاشيزمگە قارسى دۇنيە جۇزىلىك سوعىستىڭ جەڭىسكە جەتكەنىنىڭ 70 جىلدىعى. 70 جىلدىڭ الدىندا، جۇڭگو حالقى تولارساقتان قان كەشىپ، قانقۇيلى جاپون يمپەرياليستىك باسقىنشىلارىن جەڭىپ، سىرتقى جاۋعا قارسى تۇرۋدا جۇڭگو حالقىنىڭ تاياۋ زاماننان بەرگى تۇڭعىش رەتكى تولىق جەڭىسىنە قول جەتكىزدى. فاشيزمگە قارسى دۇنيە جۇزىلىك سوعىستىڭ اسا ماشاقاتتى شايقاسىندا، جاپونعا قارسى سوعىستىڭ الىس ارتقى شەبىندەگى شينجياڭداعى 4 ميلليون ءار ۇلت حالقى جۇڭگو كوممۋنيستىك پارتياسىنىڭ ىقپالىندا، كوكىرەك كەرنەگەن وتانشىلدىق جالىنمەن جاپونعا قارسى سوعىس تولقىنىنا بەلسەنە ارالاسىپ، تۇرلىشە تاسىلدەرمەن جاپونعا قارسى سوعىسقا بار كۇشپەن كومەك بەرىپ، جاپونعا قارسى سوعىستىڭ جانە فاشيزمگە قارسى دۇنيە جۇزىلىك سوعىستىڭ جەڭىسكە جەتۋى ءۇشىن وشپەس ۇلەس قوسىپ، ءبىرتۇتاس، كوپ ۇلتتى مەملەكەتكە جانە جۇڭحۋا ۇلتىنا دەگەن وسكەلەڭ مۇراتتاستىقتى ايگىلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
