- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءشول قويناۋىندا قۇمدى تىزگەندەگەن بويجەتكەن
2015.09.01 14:04 كەلۋ قاينارى : شينجياڭ حالىق راديو ستانسياسى تورابى
پاتيگۇل: « 2005-جىلى العاش قىزمەتكە شىققانىمدا وزەن بويىنداعى 12 كيلومەتر شاعىل جاتقىزىلعان جولدىڭ ەكى جاعالاۋى عانا جاسىلداندىرىلعان بولاتىن، 2012-جىلدان باستاپ، قارىشتاپ ىلگەرىلەپ، جىل سايىن 20 مىڭ مۋلىق قارقىنمەن قۇمدى تىزگىندەدىك»،-دەدى.
چەرشەن وزەنىنىڭ شىعىس جاعالاۋىنداعى قۇمدى تىزگىندەۋ پونكىتىنە بارساڭىز بەينە ءشول دالاداعى شاعىن ورمانعا كىرگەندەي بولاسىز. بۇل ارا ورمانمەن كومكەرىلگەن، قالىڭ جىڭعىل، ءشول جيدە اعاشى بار. پاتيگۇل ياسىن جاسىل القاپقا كوز تاستاپ، ماقتانىشپەن تىلشىگە تانسىتىرا جونەلدى. 10 جىلدىڭ الدىندا ۋنيۆەرسيتەتتى جاڭادان تاۋىسقان پاتيگۇل ءىس ورىنعا قابىلداۋ ەمتيحانىنان ءوتىپ چەرشەن اۋدانىنىڭ جەلدى توسىپ، قۇمدى تىزگىندەۋ پونكىتىنە قىزمەتكە ورنالاستى. العاشىندا بۇل قىزمەتكە توزە الماعان ول:«باستابىندا كەرەك-جاراعىمىزدى الىپ، جەر ولشەيمىز دەپ ويلاعان ەدىم. كۇتپەگەن جەردەن قىزمەتكە شىققان العاشقى كۇنى-اق وراقپەن قامىس وردىق، كۇندىز كەشكە دەيىن قولدان كۇرەك تۇسپەيدى، كۇنىمىز ديحانداردان دا جاپالى ءوتتى»،-دەدى.
ماشاقاتتى ورتادا پاتيگۇل شەگىنىپ شىعۋدى ويلادى، الايدا ونىڭ اكەسى ونى شابىتتاندىردى جانە قولدادى. ول:«اكەم كەزىندە چەرشەندى قۇم باسىپ قالىپ، لاجسىز قونىس اۋدارعان تاريحتى بىلەدى، ءبىزدىڭ قۇمدى تىزگىندەۋگە قاتىناسىپ، وسى سالادا تابان تىرەپ تۇرۋىمىزدى ءۇمىت ەتتى»،-دەدى.
اكەسىنىڭ سوزىنە قۇلاق اسقان پاتيگۇل قۇم تىزگىندەۋ پونكىتىندە تۇرىپ قالدى. 2010-جىلى پاتيگۇلدىڭ مينا وسپە شىققاندىعى تۇراقتاندى، سول كەزدە ول ەكى جاسار نارەستەنىڭ اناسى ەدى، سونىمەن ول قۇم تىزگىندەۋ پونكىتىنەن قول ءۇزۋ ويىنا قايتا كەلدى، الايدا سوڭىندا بۇل ارانى قيمادى. ول:« وسى ارانىڭ جەر بەدەرى سياقتى جاعدايلارىن مەنەن ارتىق بىلەتىن ادام جوق دەرلىك. سوندىقتان كوڭىلىم جاي تاپپادى دا قايتا تۇرىپ قالدىم»،-دەدى.وسى ارادا تۇرىپ قالۋعا بەكىنگەن پاتيگۇل بارلىق ىنتا پەيىلىمەن قىزمەتكە كىرىستى، ءشول دالانىڭ ىشكى قويناۋىندا تامشىلاتىپ سۋارۋ قۇبىرىن جاتقىردى، اعاش ەكتى، قۇدىق قازدى. ول:« قالامشالار تىزەگە عانا كەلەدى، وسى قالامشالاردىڭ ءوسىپ بايتەرەككە اينالىپ ساياسىندا وتىرۋعا اسىعامىز»،-دەدى.
بۇگىنگى كۇندە 90 مىڭ مۋلىق جاسىل القاپ ءشول تەڭىزىندە ەرەكشە كوزگە تۇسەدى، ءشول دالادا قازىلعان قۇدىق سانى 66 عا جەتتى. سەكسەۋىل، ءشول جيدەسى، جىڭعىل، ەتتى سۇڭعىلا، اسقاباق سياقتى ەكونوميكالىق داقىلدار جاقسى شىقتى. پاتيگۇل مەن ونىڭ قىزمەتتەستەرى ءشول دالاداعى اعاش ساياسىندا تىنسىتاپ سالقىندادى. ول:« ىستەگەن ىستەرىمىزدى جۇرت القايدى، ءوز قولىمىزبەن ەككەن قالامشالاردىڭ جايقالا وسكەنىن كورىپ ەرەكشە قۋانامىز»،-دەدى.
چەرشەن اۋدانىنان 12 كيلومەتر قاشىقتىقتاعى جەردە جالپى اۋماعى 90 مىڭ مۋلىق «جاسىل ءدالىز» چەرشەن حالقىن ۇزاق جىلداردان بەرى قۇمدى بوراننان ساقتادى، جەرگىلىكتى بۇقارا وسىنشاما جىلدان بەرگى جەلدى توسىپ، قۇمدى تىزگىندەۋ ىستەرىن شىن پەيىلمەن القادى.
« مەنىڭ اتىم ما ايچين، اشۋ رايونىندا ەگىن ەگەمىن. بۇرىن شاڭ توزاڭ كوتەرىلىپ تۇراتىن، ال قازىر قۇمدى بوران ازايدى، اعاشتار قۇمدى بوراندى توستى. ءشول دالادا ەككەن داقىلدارىمىز دا جاقسى ءوندى، وسى ارادا تىرشىلىك ەتۋدى ۇناتامىز»،-دەدى.«مەنىڭ اتىم چىن شۋەرۋ، بۇرىن كوكتەمدە قۇمدى بوران كۇشتى سوعىپ، شاڭ-توزاڭ كوتەرىلەدى دە تۇرادى. ال قازىر جاعداي وزگەردى، ۇزاق جىلدان بەرگى جەلدى توسىپ قۇمدى تىزگىندەۋ ارقىلى، جاسىل القاپتىڭ اۋماعى كەڭەيىپ، قۇمدى بوران ازايىپ، قالانىڭ اۋا ساپاسى دا جاقساردى».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
