- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق 4-كەزەكتى اقىندار ايتىسى كەشە ۇرىمجىدە وتكىزىلدى
2015.09.01 14:08 كەلۋ قاينارى : شينجياڭ حالىق راديو ستانسياسى تورابى
قىزۋ قول شاپالاق ءۇنى ىشىندە، اۆتونوميالى رايوندىق 4-كەزەكتى اقىندار ايتىسى باستالدى، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءسوز سويلەپ، بىلاي دەدى: ورتالىقتىڭ شينجياڭ قىزمەتى جونىندەگى ءبىرىنشى رەتكى اڭگىمە ءماجىلىسى اشىلىپ كوپ وتپەي، 2010-جىلى ماۋسىمدا اۆتونوميالى رايوندىق 3-كەزەكتى اقىندار ايتىسى وتكەنى ەسىمدە. اقىنداردىڭ ورەلى ونەرى جانە شينجياڭ قىزمەتى جونىندەگى ءبىرىنشى رەتكى اڭگىمە ءماجىلىسىنىڭ رۋحىن جىرلاعان ايتىستىڭ داۋىرلىك تىنىسى مەنى وزىنە بىردەن باۋراپ اكەتكەن ەدى. سونان بەرى اقىندار ايتىسىن وتە ۇناتىپ، جوعارى باعالاپ كەلەمىن.
ول بىلاي دەدى: شينجياڭدا ۇلتتاردىڭ كوپ تۇرلىلىگى مەن مادەنيەتتىڭ كوپ نەگىزدىلىگى ەرەكشە كورنەكتى. ۇزاق تاريحي بارىستا، وسى ىرىستى ولكەنى مەكەن ەتكەن ءار ۇلت حالقى بەرەكە-بىرلىكتە بولىپ، ءبىر جاعادان باس، ءبىر جەڭنەن قول شىعارىپ، الۋان ءتۇرلى، بوياۋى ايشىقتى شينجياڭ مادەنيەتىن قالىپتاستىردى. اقىندار ايتىسى-قازاق حالقى اراسىندا كەڭ تاراعان ەجەلگى ايتىسكەرلىك ونەر، قازاقتىڭ ءان-كۇي ونەرىنىڭ شوقتىعى بيىك ۋاكىلى. قانشاما عاسىردان بەرى، اقىندار ايتىسى دالا ومىرىندەگى ەڭ كونە، ەڭ اجارلى، حالىقتىڭ ەڭ ۇناتقان ونەر جاۋھارى، ساحاراداعى جايناعان ءبىر شوق قىرمىزى گۇل، قازاق جۇرتشىلىعىنىڭ ىقىلاسىنا بولەنگەن حالىق اراسىنداعى مادەنيەت ونەرى، سونداي-اق، جۇڭحۋا ۇلتىنىڭ مادەنيەت-ونەر قازىناسىنداعى ءىنجۋ-مارجانداردىڭ ءبىرى بولىپ كەلدى. اقىندار ساحارا مادەنيەتىن جالعاستىرۋشى، قازاق ۇلتىنىڭ بەيزاتتتىق مادەني مۇراسىن قورعاۋشى، نەگىزگى ساتىعا تامىر تارتقان، حالىق اراسىنان شىققان ونەرپازدار، پاراساتتى، دارىندى، ىقپالدى ونەرپازدار، سونىمەن بىرگە، نەگىزگى ساتىنىڭ مادەنيەت تۇرمىسىن جانداندىراتىن، نەگىزگى ساتىنىڭ مادەنيەت بازاسىن بەكەمدەيتىن تىرەكتى كۇش. كوركەمونەرلىك تاسىلدەن شەبەرلىكپەن پايدالانىپ، وتان ءۇشىن، حالىق ءۇشىن جىر تيەگىن اعىتىپ، بۇقارانى پارتيانىڭ سوزىنە ماڭگى قۇلاق اسۋعا، پارتياعا ىلەسۋگە جەتەلەۋى كەرەك. ءداۋىر ريتىمىن مىقتاپ يگەرىپ، ءداۋىر رۋحىن اسقاقتاتاتىن، ۇلت ەرەكشەلىگىن ايگىلەيتىن، بۇقارا ۇناتاتىن ادەبيەت-كوركەمونەر سارا تۋىندىلارىن جاراتۋ قاجەت.
جاڭ چۇنشيان شۋجيدىڭ سۇيسپەنشىلىككە تولى ءسوزى، اقىنداردى ەرەكشە اسەرلەندىردى، الاڭدى قىزۋ قول شاپالاق ءۇنى كەرنەدى.
قاراپايىم دا قىسقا اشىلۋ سالتىنان كەيىن، اۆتونوميالى رايوندىق 4-كەزەكتى اقىندار ايتىسى باستالدى. اقىندار ايتىسى قازاق ۇلتىنىڭ ەجەلگى ايتىسكەرلىك ونەرى، قازاقتىڭ ءان-كۇي ونەرىنىڭ شوقتىعى بيىك ۋاكىلى، 2006-جىلى العاشقى توپتا مەملەكەت دارەجەلى بەيزاتتىق مادەني مۇرالار ەسىمدىگىنە ەنگىزىلگەن، قازىر دۇنيە جۇزىلىك بەيزاتتىق مادەني مۇرالاردى قورعاۋ نىسانىنا مالىمدەۋگە دايىندالۋدا.
ايتىس اقىندارىنىڭ كەيبىرەۋى ءساندى ۇلتتىق كيىمدەرىن، كەيبىرەۋى كاستيوم كيىپ، دومبىرلارىن قولىنا الىپ، ارىپتەستەرمەن دوداعا ءتۇستى. جارىستا اقىنداردىڭ جىنىسىنا، جاس شاماسىنا قاراماي، جەكپە-جەكتەگى ءسوز ساپتاۋ ونەرى مەن شەبەرلىگىنە ءمان بەرىلدى.
ءبىرىنشى گرۋپپاداعى ايتىس اقىندارى التاي ايماقتىق ۋاكىلدەر ۇيىرمەسىنەن قاناتپەك پەن تارباعاتاي ايماقتىق ۋاكىلدەر ۇيىرمەسىنىڭ اقىنى رايحانگۇل جىر دوداسىندا، جاڭ چۇنشيان شۋجيدىڭ اقىنداردى قولداپ، شابىت بەرگەنىنە العىس ايتىپ، مەملەكەتتىڭ جاقسى ساياساتىن جانە شينجياڭداعى زور وزگەرىستى،ءسوزجوق، بۇرىنعىدان دا كوپ ادامعا جىرلايتىندىقتارىن سوزگە قوستى.
اۆتونوميالى رايوندىق اقىندار ايتىسى بەس جىلدا ءبىر رەت وتكىزىلەدى. بيىل ىلە، تارباعاتاي، التاي، ءۇرىمجى، قۇمىل، كۇيتۇن، سانجى، بۇراتالا، بيڭتۋان سىندى 9 ورىننىڭ ۋاكىلدەر ۇيىرمەسىنەن 44 مىقتى اقىن، ايتىسۋ ارقىلى اۆتونوميالى رايونىمىز قۇرىلعان 60 جىلدان بەرگى شۇعىلالى تابىستى جىرلاۋمەن بىرگە، رايونىمىزدان كەلگەن 4 تەرمەشى مەن گانسۋ ولكەسىنىڭ اقساي قازاق اۆتونوميالى اۋدانىنان كەلگەن ءبىر تەرمەشى تەرمە ايتادى ەكەن.نۇرلان ءابىلماجىن ۇلى، اسحات كەرىمباي ۇلى، عانيبات سابىكەي ۇلى، ماۋكەن سەيتقامىزا ۇلى اقىندار ايتىسىنىڭ اشىلۋ سالتىنا قاتىناستى. اۆتونوميالى رايوننىڭ ورىنباسار ءتوراعاسى، ايتىستى ۇيىمداستىرۋ كوميسسياسىنىڭ مەڭگەرۋشىسى تيان ۋىن ايتىستىڭ اشىلۋ سالتىن باسقاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
