- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان جاپون شاپقىنشىلارىنا قارسى سوعىسقا قاتىناسقان شينجياڭداعى ساقا جاۋىنگەرلەر مەن ساقا جولداستارعا ەسكە ءتۇسىرۋ وردەنىن بەردى
2015.09.06 11:09
3–قىركۇيەك _ جۇڭگو حالقىنىڭ جاپون شاپقىنشىلارىنا قارسى سوعىسىنىڭ جانە دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 70 جىلدىعىن ەسكە ءتۇسىرۋ كۇنى. ورتالىق كوميتەت ج ك پ ورتالىق كوميتەتى، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەرگە، ساقا جولداستارعا، قولباسشىلارعا نەمەسە ولاردىڭ تۋىس–تۋعاندارىنا جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسكە جەتكەندىگىنىڭ 70 جىلدىعىن ەسكە ءتۇسىرۋ وردەنىن بەرۋدى ۇيعاردى. جاقىندا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەرگە، ساقا جولداستارعا ەسكە ءتۇسىرۋ وردەنىن بەردى ءارى كوپشىلىكپەن اڭگىمە ءماجىلىسىن وتكىزدى.
رايونىمىزداعى جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەر، ساقا جولداستار جانە جاپون شاپقىنشىلارىنا قارسى سوعىستا ۇلەس قوسقانداردىڭ ۇرپاقتارىنىڭ ۋاكىلدەرى ايبىندى بەينەمەن ءبىر اراعا باس قوستى. ولار: جاڭ سىشۋە، ماحمۇت ءيۇسىپ، دۋان بەيحاي، تيان رۇيچيڭ، گو چيشيان، يان ۋىن، جاڭ يوۋچيان، ۋاڭ حىڭيۇي، مامەتروزى قادىر، وۋ يۇن، ما جۇن. جاڭ چۇنشيان ولارمەن ءبىر–بىرلەپ قول الىسىپ، ولارعا ءوز قولىمەن ەسكە ءتۇسىرۋ وردەنىن تاقتى ءارى ولاردىڭ تۇرمىس جاعدايلارىن ەگجەي–تەگجەيلى ۇعىستى.
ايبىندى ەسكە ءتۇسىرۋ وردەنىن تاعىنعان ساقا جاۋىنگەرلەر، ساقا جولداستار ايرىقشا تەبىرەندى. جاڭ چۇنشيان جاڭ سىشۋەگە ەسكە ءتۇسىرۋ وردەنىن تاققاندا ساقا جاۋىنگەر بايىپپەن اسكەري قۇرمەت ءبىلدىردى.
بيىل 86 جاستاعى جاڭ سىشۋە 12 جاسىندا 8–ارمياعا قاتىناسقان. ول جاپون شاپقىنشىلارىنا قارسى سوعىس مەزگىلىندەگى قيىن–قىستاۋ كەزدەردى ەسكە الىپ، تەبىرەنە بىلاي دەدى: جاپون شاپقىنشىلارىنا قارسى سوعىس رۋحىنا مۇراگەرلىك ەتۋ دەگەنىمىز مەشەۋلىك تاياق جەگىزەدى، جەمقورلىق مەملەكەتكە حاۋىپ توندىرەدى دەگەندى ماڭگى ەستە بەرىك ساقتاۋ؛ وتان نامىسىن، تاريحتى ەستەن شىعارماۋ دەگەندىك. ءبىز جاپون شاپقىنشىلارىنا قارسى سوعىستىڭ داڭىقتى ءداستۇرىن ساۋلەلەندىرىپ، جاپون شاپقىنشىلارىنا قارسى سوعىس رۋحىن ۇرپاقتار بويى ماڭگى جالعاستىرۋىمىز كەرەك.
ماحمۇت ءيۇسىپ بىلاي دەدى: جاپون شاپقىنشىلارىنا قارسى سوعىستى ەسكە ءتۇسىرۋ وردەنىن تاققانىم ومىرىمدەگى ەڭ زور داڭق، ءوزىم زەينەتكەر بولسام دا شينجياڭنىڭ دامۋىنا ايرىقشا كوڭىل بولەمىن. ءار ۇلت حالقىنىڭ تىعىز ىنتىماقتاسىپ، كورىكتى شينجياڭدى بىرگە قۇرىپ، باقىتتى تۇرمىستى بىرگە جاراتۋى جاپون شاپقىنشىلارىنا قارسى سوعىس رۋحىنا ويداعىداي مۇراگەرلىك ەتكەندىك جانە ونى ەسكە ءتۇسىرۋ بولىپ تابىلادى.
87 جاستاعى تيان رۇيچيڭ اجەي كەزدەمەدەن ءوز قولىمەن جاساعان 8–ارميانىڭ بەلىنە قوس ناگان اسىنىپ قاسقايىپ تۇرعان ايەل جاۋىنگەرىنىڭ ءمۇسىنىن الا كەلىپتى. ءمۇسىننىڭ تومەنگى جاعىنا جازىلعان «لي لين قۇربان ماڭگى جاسايدى» دەگەن ءسوز ايرىقشا كوز تارتادى. 70 نەشە جىلدىڭ الدىندا تيان رۇيچيڭ توڭكەرىستىك قۇربان لي ليننىڭ ىقپالىمەن 8–ارمياعا قاتىناسادى. قازىر جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسكە جەتكەندىگىنىڭ 70 جىلدىعىن ەسكە ءتۇسىرۋ ءۇشىن تيان رۇيچيڭ لي ليندى باس كەيىپكەر ەتىپ، جاپون شاپقىنشىلارىنا قارسى سوعىسقا قاتىستى ءبىرقىدىرۋ مۇسىندەر جاساپ، جاپون شاپقىنشىلارىنا قارسى سوعىسقا قاتىستى اڭگىمەلەردى بالالارعا ايتىپ بەرىپ، سوعىس رۋحىن، توڭكەرىستىك ءداستۇردى كەيىنگى داۋىرگە جالعاستىردى. تيان رۇيچيڭ 8 جاسىندا لي لينمەن تانىسقاندا لي لين وعان جاپون شاپقىنشىلارىنا قارسى سوعىس اندەرىن ۇيرەتىپ، توڭكەرىستىك اڭگىمەلەردى ايتىپ بەرىپ، ونىڭ كوكەيىنە جاپون شاپقىنشىلارىنا قارسى سوعىستىڭ ءنارىن قۇيعان ەكەن. قارت «جەل ازىناپ، جىلقى كىسىنەپ، حۋاڭحى دوزەنى بۋىرقاندى ....» دەگەن ءاندى اسقاقتاتا شىرقاعاندا الاڭدا قىزۋ شاپالاق ءۇنى كەرنەدى.
سوڭىنان جاڭ چۇنشيان قاتارلى باسشى جولداستار كوپشىلىكپەن بىرگە سۋرەتكە ءتۇسىپ ەستەلىك قالدىردى.
جاڭ چۇنشيان جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەرگە، ساقا جولداستارعا جانە جاپون شاپقىنشىلارىنا قارسى سوعىستا ۇلەس قوسقانداردىڭ ۇرپاقتارىنا وسكەلەڭ قۇرمەت ءبىلدىردى، ولاردىڭ جاپونعا قارسى سوعىستا قوسقان ۇلەستەرى تاريحقا جازىلادى دەدى.جاڭ چۇنشيان بىلاي دەدى: جاپون شاپقىنشىلارىنا قارسى سوعىس جاپپاي باستالىپ، مەملەكەت اۋىر كۇندە قالعان قيىن -قىستاۋ كەزەڭدە شينجياڭداعى ءار ۇلت باۋىرلاستار كومەككە اتاعان «شينجياڭ اتتى» 10 سوعىس ۇشاعى جاپون شاپقىنشىلارىنا قارسى سوعىستىڭ الدىڭعى شەبىنە جەتىپ، ايگىلى «ۋحاندى قورعاۋ شايقاسىنا» قاتىناستىرىلدى؛ حوتان اۋدانىنداعى ۇيعۇر ديقان ايسا كەدەيلىك سەبەبىنەن جىلۋعا اقشا شىعارا الماي، ءوزىنىڭ 18 جاستاعى ۇلىن جاپون شاپقىنشىلارىنا قارسى سوعىستىڭ الدىڭعى شەبىنە جىبەردى؛ جەسىر قازاق ايەل 50 ءسارى جامبى، حانزۋ قالا تۇرعىنى ءوزىنىڭ جولداسىنان قالعان مۇرانى، ورىس ۇلتىنان شىققان شيپاگەر 50 باس سيىر، حۇيزۋ ۇلتىنان شىققان ساۋداگەر ءوزىنىڭ ساۋدا-ساتتىعىنان جيناعان بارلىق قازىناسىن جاپون شاپقىنشىلارىنا قارسى سوعىسقا اتادى.... شينجياڭداعى ءار ۇلت حالقى قاراپايىم ارەكەتتەرى ارقىلى كۇش-قۋاتتى بىرىكتىرىپ، جاپون شاپقىنشىلارىن جۇڭگو توپىراعىنان قۋىپ شىعىپ ۇلى وتانىمىز بەن دۇنيە ءجۇزىنىڭ بەيبىتشىلىگىن قورعاۋ جاعىنداعى قويۋ سۇيىسپەنشىلىكتەرىن بەينەلەدى.
جاڭ چۇنشيان بىلاي دەدى: تىڭ تاريحي باسقىشتا شينجياڭداعى ءار ۇلت حالقىنىڭ جاپون شاپقىنشىلارىنا قارسى تۇرىپ، وتاندى قۇتقارۋ قيمىلىندا بەينەلەگەن وتاننىڭ كوركەيە الۋ-الماۋىندا قاراپايىم ازاماتتىڭ جاۋاپكەرلىگى بار دەيتىن وتانشىلدىق سۇيىسپەنشىلىگى ءالى دە ءبىزدىڭ باعالى رۋحاني قازىنامىز ەسەپتەلەدى. بۇگىن ءبىز وسى ءبىر تاريحتى ەسكە ءتۇسىرىپ، ساقا جاۋىنگەرلەر مەن جولداستاردىڭ وسى ءبىر تاريحي بارىستا قوسقان ەسەلى ۇلەستەرىن ەسكە الۋىمىز - وسىنداي وتانشىلدىق سۇيىسپەنشىلىكتى بەينەلەپ، ءار ۇلت كادر-جۇرتشىلىعىن مەملەكەتىمىزدىڭ مۇددەسى مەن وتانىمىزدىڭ ار-نامىسىن قورعاپ، بارلىق بولشەكتەۋشى كۇشتەرگە باتىل سوققى بەرۋگە شابىتتاندىرۋ جانە باستاۋ؛ سونداي-اق، وتانشىلدىقتى ۇيتقى ەتكەن ۇلى ۇلتتىق رۋحتى بارىنشا ساۋلەلەندىرىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، شينجياڭ رۋحىن ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن زور كۇش توپتاۋ؛ جاپون شاپقىنشىلارىنا قارسى سوعىستىڭ ۇلى رۋحىن بارىنشا ساۋلەلەندىرىپ، سول ءبىر قاسىرەتتى تاريحتان قۇدىرەتتى رۋحاني كۇش-قۋات الىپ ءارى ونى ورايدى مىقتى يگەرىپ، دامۋدى جەدەلدەتۋدىڭ ءىس جۇزىندىك ارەكەتىنە اينالدىرىپ، ىنتىماقتى دا جاراسىمدى، باي دا الۋەتتى، مادەنيەتتى دە العا باسقان، الاڭسىز تۇرمىس كەشىرەتىن سوتسياليستىك شينجياڭ قۇرۋعا ەسەلى ۇلەس قوسۋ ءۇشىن بولىپ وتىر.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن اۆتونوميالى رايوننىڭ جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەندىگىنىڭ 70 جىلدىعىن ەسكە ءتۇسىرۋ وردەنىن بەرۋ جاعدايىن تانىستىردى.
جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 70 جىلدىعىن سالتاناتتى تۇردە ەسكە ءتۇسىرۋ ءۇشىن اۆتونوميالى رايونىمىز ورتالىقتىڭ رۋحىنا ساي بۇكىل شينجياڭدا تۇرمىس كەشىرىپ جاتقان، كەزىندە جاپون شاپقىنشىلارىنا قارسى سوعىسقا قاتىناسقان ءبىرمىڭ 300 دەن استام ساقا جاۋىنگەرگە، جولداستارعا جانە جاپون شاپقىنشىلارىنا قارسى سوعىسقا ەسەلى ەڭبەك سىڭىرگەندەردىڭ ۇرپاقتارىنا جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەندىگىنىڭ 70 جىلدىعىن ەسكە ءتۇسىرۋ وردەنىن بەردى. بۇكىل شينجياڭنىڭ جەر-جەرىندە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسكە جەتكەندىگىنىڭ 70 جىلدىعىن ەسكە ءتۇسىرۋ باستى تاقىرىپ ەتىلىپ، جاپون شاپقىنشىلارىنا قارسى سوعىس تاريحىمەن بىرلەستىرىلە وتىرىپ باي مازمۇندى، بۇقارالىق سيپات العان ارناۋلى تاقىرىپتاعى تاربيە قيمىلدار ورىستەتىلدى.
اۆتونوميالى رايون مەن بيڭتۋان باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، چى جۇن، حان يۇڭ، جۋ حايلۇن، باي جىجيە قاتارلىلار اڭگىمە ماجىلىسىنە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
