- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاۋ دان شينجياڭدا جاپون باسقىنشىلارىنا قارسى سوعىس تاقىرىبىنداعى درامماعا رەجيسسەرلىك ەتتى
2015.09.06 11:14 كەلۋ قاينارى : شينجياڭ گازەتى
جاپون باسقىنشىلارىنا قارسى سوعىستىڭ العاشقى تۇسىندا، چۇڭچيڭدە جاتقان جاۋ دان سول جەردەگى تۇرمىستىق كىتاپ دۇكەنىندە وتكەن گازەت - جۋرنال كورمەسىندە «شينجياڭ گازەتىن» كورىپ قالادى، گازەتتىڭ بىرنەشە سانىنا باسىلعان ديحۋا وقۋشىلار بىرلەستىگىنىڭ درامما جارىسىن ۇيىمداستىراتىندىعى تۋرالى كولەمدى حابارعا ەرەكشە قىزىعىپ، نازارىن شينجياڭعا اۋدارا باستايدى.
1939 - جىلى تامىزدا جاۋ دان مەن ايەلى يە لوۋشي، جاسقا تولماعان ۇلى مياۋمياۋ (جاۋ يۇي)، ايگىلى رەجيسسەر شۇي تاۋ مەن ايەلى چىڭ ۋانفىن، ايگىلى رەجيسسەر، اكتەر ۋاڭ ۋي - ي مەن ايەلى يۇي پەيشان، سونداي - اق شاڭحاي مۋزىكا ينيستيتۋتىنىڭ جاس اكتەرى، مۋزىكانتى ي ليە سياقتى 10 ادام سوناۋ شالعايدان باتىس سولتۇستىكتەگى شەكارا وڭىرگە كەلدى.
جاۋ دان مەن سەرىكتەرى ديحۋاعا كەلگەن سوڭ، ليۋ بوحىڭ، يۇي سۇندارمەن اقىلداسىپ، «18 - قىركۇيەك» وقيعاسىنىڭ 8 جىلدىعىن ەسكە ءتۇسىرۋ ماقساتىندا «شايقاس» اتتى درامماعا دايىندالدى. دراممادا جاۋ قولىنداعى رايوندارداعى العاباسار ادامدار مەن مەشەۋ ادامدار، شارۋالار قاۋىمى مەن جاپون قۋىرشاقتارىنىڭ قولشوقپارلارى اراسىنداعى كۇرەس نەگىزگى تاقىرىپ ەتىلدى. جاۋ دان رەجيسسەر بولۋدىڭ سىرتىندا، باس رولدە وينادى. بارلىق قىزمەتكەرلەر جاتتىعۋ جۇمىسىنا دەن قويا كىرىستى. جاۋ داننىڭ رەجيسسەرلىك جۇمىستاعى مۇقياتتىلىعى جاتتىعۋدى كورۋگە كەلگەن دۋ جۇڭيۋانعا تەرەڭ اسەر قالدىردى.
ول «<شايقاس> درامماسىنىڭ قويىلۋى تۋرالى» اتتى ماقالاسىندا: «جاۋ دان مىرزانىڭ رەجيسسەرلىك جۇمىستاعى مۇقياتتىلىعى كىسىنى ەرەن سۇيىندىرەدى» دەپ جازدى. «شينجياڭ گازەتى» «شايقاس» درامماسىنىڭ قويىلۋى تۋرالى دابىرالى ۇگىت جۇرگىزدى، 1939 - جىلى 17 - قىركۇيەكتەگى ارناۋلى سانعا ماۋ دۇننىڭ «<شايقاس> تۋرالى» اتتى ماقالاسىن، شى مەيدىڭ «<شايقاستىڭ> كەرەمەتى» اتتى ماقالاسىن باستى ءارى «ولكەمىزدىڭ درامما قوزعالىسىن ورىستەتەيىك» دەگەن تاقىرىپتا باسماقالا جاريالادى. 3 اپتالىق جاتتىعۋ جاسالعان سوڭ «18 - قىركۇيەك» وقيعاسىنىڭ ەستەلىك كۇنى «شايقاس» درامماسى رەسمي قويىلدى. ساحنادا ارتيستەردىڭ شەبەر اكتەرلىك ونەرى، سول زاماننىڭ وزىق ساحنا جوباسى مەن شامدارى، ساحنادا كورسەتىلگەن جاپون شاپقىنشىلارىنا قارسى سوعىس داۋىلى ءار ۇلت كورەرمەندەرىنىڭ كۇشتى وتانشىلدىق ىنتاسىنا شابىت بەردى.
«شايقاس» ۇزدىكسىز 2 اپتا قويىلىپ، ءار رەتتە دە كورەرمەندەر زالعا لىق تولدى. سونىمەن بىرگە سول كەزدەگى شينجياڭ مادەنيەت قوعامىنىڭ باستىعى ماۋ دۇننىڭ ۇيىمداستىرۋىمەن، جاۋ دان ءوزى باس بولىپ، شينجياڭ تاريحىنداعى تۇڭعىش ارناۋلى درامما ۇيىرمەسى − شينجياڭ تاجريبە درامما ۇيىرمەسىن قۇردى ءارى وسى ۇيىرمەگە سۇيەنە وتىرىپ، ديحۋادا شينجياڭنىڭ جاپون باسقىنشىلارىنا قارسى تۇرىپ وتاندى قۇتقارۋ بالالار درامما ۇيىرمەسىن قۇردى.
وسى ەكى درامما ۇيىرمەسى قۇرىلعاننان كەيىن، كوپتەگەن تاڭداۋلى دراممالاردى ورىنداپ، شينجياڭداعى ءار ۇلت حالقىنىڭ، وتە - موتە، جاستار مەن ورەندەردىڭ جاپون باسقىنشىلارىنا قارسى تۇرىپ وتاندى قۇتقارۋ ىنتاسىن وياتۋ، شينجياڭداعى ءار ۇلت بۇقاراسىنىڭ جاپون باسقىنشىلارىنا قارسى سوعىسقا جىلۋ اتاۋ قيمىلىن جەبەۋدە اسا زور رول اتقاردى.
ەكى درامما ۇيىرمەسىنىڭ باستاۋىمەن، شينجياڭنىڭ جەر - جەرىندە جۇمىستان تىسقارعى درامما ۇيىرمەلەرى، كوركەيتۋ كلۋبتارى قۇرىلىپ، درامما ورىنداۋ قيمىلدارى بارىنشا ورىستەتىلدى. ءتىپتى سوناۋ الىستاعى حوتاننىڭ كوشەلەرىندە دە جاپون باسقىنشىلارىنا قارسى سوعىس اندەرى شىرقالىپ، دراممالارى ورىندالدى.
ارحيۆ ماتەريالدارىندا كورسەتىلۋىنشە، سول كەزدە شينجياڭدا دراممانى نەگىز ەتكەن جاپون باسقىنشىلارىنا قارسى سوعىستى قولداۋ ماقساتىنداعى درامما ورىنداۋ قيمىلىنىڭ دابىرالى سالتاناتى بۇكىل ەل بويىنشا الدىڭعى ورىنعا شىققان.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
