- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇدەۋ، التىن مەزگىل، جاپپاي اشۋ، تىلەكتەستىك سىندى 4 ۇلكەن ەرەكشەلىك جاڭا شينجياڭعا ءار قوستى
2015.09.14 13:19 كەلۋ قاينارى : ءتاڭىرتاۋ تورابى
كەشكى ساعات 10دا، بەيجيڭدەگى ساۋدا سارايلارىنىڭ بارلىعى دەرلىك جابىلعاندا، سوناۋ شالعايداعى شينجياڭ ۇيعۇر اۆتونوميالى رايونىنىڭ ەڭ تۇستىگىندەگى حوتان قالاسىنداعى كەشكى بازارلاردىڭ ساۋداسى ەندى عانا باستالادى، بۋى بۇرقىراعان قاقتالعان قوي ەتى، قۇيىلعان وكپە، جاۋ بۇيرەك، سامسا، قاقتالعان جۇمىرتقا سياقتى ءتۇرلى ءدامدى تاعامدار جايماسى 200 نەشە مەتر جەرگە دەيىن سوزىلادى، ءار ۇلت جۇرتشىلىعى بۇل ارادا ءتۇن ورتاسىنا دەيىن سالتانات قۇرادى. شينجياڭدىقتاردىڭ قالتاسى قالىڭدادى. «ادام كوبەيگەن سايىن قۋانامىن»، - دەدى قاقتالعان جۇمىرتقا ساتاتىن ۇيعۇر اپاي بۇحالچام توحتىروزى كۇلىمسىرەي «قازىر ادام كوبەيىپ كەلەدى، كۇنىنە 1000 يۋاننان كوبىرەك اقشا تۇسەدى». تالاي جىلدان بەرى قاقتالعان جۇمىرتقا ساتۋدان تاپقان اقشاسىنا اپاي قالادان ءۇي ساتىپ الىپتى، تۇرمىسى دا جاقسارىپتى. ارايلى 60 جىل، بۇگىندە ۇدەۋ، التىن مەزگىل، جاپپاي اشۋ، تىلەكتەستىك سىندى «4 ۇلكەن ەرەكشەلىك» شينجياڭعا ءار قوسىپ وتىر.
ۇدەۋ − دامۋدىڭ اياق الىسىن جەدەلدەتتى. بەرتىنگى جىلداردا، ساياساتتىق قولداۋدىڭ كوپتىگى، ۇسىنىلىم سەرپىنىنىڭ كۇشتىلىگى، قۇرىلىس نىساندارىنىڭ تەزدىگى شينجياڭدا بۇرىن - سوڭدى بولماعان. 5 جىلدان بەرى رايوندىق ءوندىرىس جالپى ءونىم قۇنى جىلىنا ورتا ەسەپپەن %11.1 ارتىپ، جان باسىندىق ءوندىرىس جالپى ءونىم قۇنى 2917 دوللاردان 7037 دوللارعا جەتىپ، شينجياڭ جىلدامدىعىن، شينجياڭ ونىمدىلىگىن جاراتتى. «ءبىر بەلدەۋ، ءبىر جول» ستراتەگياسى شينجياڭنىڭ سەنىمىن كۇشەيتىپ، سەرپىنىن ارتتىردى.
التىن مەزگىل − حالىقتىڭ تۇرمىسىن بارعان سايىن جاقسارتتى. 2014 - جىلدىڭ سوڭىنا دەيىن، تۇتاس رايونىمىزداعى 210 مىڭنان كوبىرەك كوشپەندى مالشى وتىرىقتانىپ، وتىرىقتانۋ سالىستىرماسى %78.7كە جەتتى. 2014 - جىلى تۇتاس رايونىمىزداعى الەۋمەتتىك قازىنادان حالىق تۇرمىسى قۇرىلىسىنا بولىنگەن قاراجات جالپى بولىنگەن قاراجاتتىڭ %70.3ىن يەلەدى، ۇكىمەت ۋادە بەرگەن 25 تۇردەگى 150 ءتۇيىندى حالىق تۇرمىسى ينجەنەرياسىنىڭ بارلىعى ورىندالدى. شينجياڭنىڭ ءتۇرلى قوعامدىق قامسىزداندىرۋىنىڭ قامتۋ سالىستىرماسى %90تەن اسىپ، قامسىزداندىرۋعا تيىستىلەردىڭ بارلىعى دەرلىك قامسىزداندىرۋعا قاتىناستىرىلدى.
جاپپاي اشۋ − شينجياڭنىڭ قاقپاسىن كەڭەيتتى. ازيا - ەۆروپا قۇرلىعىنىڭ كىندىگىنە ورنالاسقان شينجياڭ ەل ءىشى بازارى مەن حالىقارالىق بازاردى تۇتاستىرادى. شينجياڭمەن ساۋدا جاساسقان ەلدەر 186عا جەتىپ، شەكارالىق ساۋدا ءۇرتىس 11 جىل ەلىمىزدەگى قۇرلىقتىق شەكارالىق 9 ولكە، اۆتونوميالى رايوننىڭ اراسىندا ماڭداي الدى ورىندا تۇردى؛ 2014 - جىلى سىرتقا تىكەلەي قوسىلعان قارجى 589 ميلليون دوللارعا جەتىپ، %47.3 ارتتى. 2015 - جىلى تۇتاس شينجياڭداعى تۇڭعىش اۋداندىق ەلەكتروندى ساۋدا بىرلەستىگى لوپنۇر اۋدانىنىڭ داشي قىستاعىندا قۇرىلدى، كاسىپورىن مۇشەلەرى مەن جەكە مۇشەلەردىڭ سانى 200دەن اسىپ، 10 ميلليون يۋاننان كوبىرەك قارجى قوسىلعان داشي ەلەكتروندىق ساۋدا شارۋاشىلىق قۇرۋ بازاسى دا ىسكە قوسىلدى.
تىلەكتەستىك − جاراسىمدىلىقتىڭ ىرگە تاسىن بەكەمدەدى. ءۇشتۇرپاننىڭ يمام اۋىلى قورعان قىستاعىندا ايەلدەر وتباسىندا ومالىپ وتىرا بەرمەي، ايەلدەر ۆولەيبول كومانداسىن، سانگەرلەر اترەتىن، ءان - ءبي اترەتىن قۇرىپ، قىستاقتىڭ دۋمانىن اسىردى. «قوعام ورنىقتى دا تىنىش بولىپ، جۇرتشىلىق ىنتىماقتاسقاندا عانا، بۇقارانىڭ تۇرمىسى جاقسارادى». قىستاقتاعى مەشىتتىڭ يمامى ءامىر امەت: ۇكىمەتتىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىن ورىستەتۋىنە، شەكارانى كوركەيتىپ، حالىقتى اۋقاتتاندىرۋ ينجەنەرياسىن ىلگەرىلەتۋىنە ساي، كەزىندە ءدىني ۇشقارى كۇشتەر ءبىر مەزگىل ورشەلەنگەن قىستاققا بۇرىنعى دۋماندى كۇندەر مەن تىنىشتىق قايتا ورالدى، - دەدى.
ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان بىلاي دەدى: بۇگىنگى شينجياڭدا ەكونوميكا دامىعان، قوعام ورنىقتى، ۇلتتار بەرەكەلى، ءدىن جاراسىمدى، ءار ۇلت حالقى شارۋاشىلىقپەن الاڭسىز شۇعىلدانعان. ۇزاق تاريح، وسىزاماندانعان تۇرمىس بۇل ارادا مۇلتىكسىز توعىسىپ، كەرەمەت شينجاڭ داستانىن جازۋدا. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
