بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ورتالىقتىڭ ۋاكىلدەر ۇيىرمەسىنىڭ 4-گرۋپپاسى تارباعاتايدا، قارامايلىدا حال سۇرادى

2015.09.29 13:28    

  شينجياڭ گازەتىنىڭ ءتىلشىسى جاۋ جىيۇن 28-قىركۇيەكتە قارامايلىدان حابارلايدى. 28-قىركۇيەكتە، مەملەكەتتىك ساياسي كەڭەستىڭ ورىنباسار ءتوراعاسى، ورتالىقتىڭ ۋاكىلدەر ۇيىرمەسىنىڭ ورىنباسار باستىعى جاڭ چيڭلي ورتالىق ۋاكىلدەر ۇيىرمەسىنىڭ 4-گرۋپپاسىن باستاپ تارباعاتاي ايماعىنىڭ شاعانتوعاي اۋدانىنا جانە قارامايلى قالاسىنا بارىپ حال سۇرادى.

  جاڭ چيڭلي مەن 4-گرۋپپانىڭ مۇشەلەرى شاعانتوعاي اۋدانى جيەك قالاشىعىنىڭ قاراساي قىستاعىنا بارىپ، سول جەردىڭ 2010-جىلى تاسقىن اپاتىنا ۇشىراعاننان كەيىنگى قايتا قۇرۋ جاعدايىن تەكسەردى، قىستاق تۇرعىنى ساعيدىڭ ۇيىنە بارىپ، مالشىلاردىڭ وتىرىقتانعاننان كەيىنگى ءوندىرىس پەن تۇرمىستاعى وزگەرىستەرىن ۇعىستى ءارى شاعانتوعاي اۋداندىق قوعامدىق يگىلىك ورنىندا قىزمەت تەكسەرىپ، حال سۇرادى. ول جەرگىلىكتى ورىننىڭ حالىق تۇرمىسى قۇرىلىسىن جانە شينجياڭعا باعىتتامالى كومەكتەسۋ قىزمەتىن تۇراقتاندىرىپ، جەرگىلىكتى ورىننىڭ دامۋدى حالىق تۇرمىسىن جاقسارتۋ جاعىندا، جەرگىلىكتى بۇقاراعا يگىلىك جەتكىزۋ جانە ىنتىماقتى ىلگەرىلەتۋ جاعىندا تياناقتاندىرۋىن تالاپ ەتتى.

  ونان سوڭ 4-گرۋپپا قارامايلى قالاسىنا بارىپ، سول جەردىڭ اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ بايلانىسىمەن وتكىزگەن اڭگىمە ماجىلىسىنە قاتىناستى. اڭگىمە ماجىلىستە مەملەكەتتىك ەڭبەك ەرى، جۇڭگو مۇناي-تابيعي گاز توبى قارامايلى مۇناي الابى سەرىكتەستىگى اۋىر ماي اشۋ سەرىكتەستىگى مۇناي الۋ 5-رايونى مۇناي الۋ 6-بانىنىڭ باستىعى روزىمامەت باقى ءوزىنىڭ 15 جاسىندا وڭتۇستىك شينجياڭنىڭ شالعايداعى ءبىر قىستاعىنان قارامايلى تەحنيك-جۇمىسشىلار مەكتەبىنە قابىلدانعانىن، توقتاۋسىز ۇيرەنۋدىڭ ناتيجەسىندە 31 جاسىندا مەملەكەتتىك جاس تەحنيكالىق شەبەر، 33 جاسىندا توپ سەرىكتەستىكتىڭ تەحنيكالىق شەبەرلىك مامانى اتاعىن العانىن اڭگىمەلەدى. «<ءبىلىم تاعدىردى وزگەرتەدى، بەتبۇرىس بولاشاققا باستايدى، ۇلەس قوسۋ ومىرگە شاتتىق اكەلەدى> مىنە بۇل مەنىڭ قىزمەت ىستەگەن 21 جىلدان بەرى العان ەڭ تەرەڭ اسەرىم» دەدى روزىمامەت.

  كادرلاردىڭ، جۇمىسشى-قىزمەتكەرلەردىڭ، كاسىپورىن ۋاكىلدەرىنىڭ مالىمەتىن تىڭداعان سوڭ، جاڭ چيڭلي بىلاي دەپ باسا دارىپتەدى: قارامايلى بۇكىل ەلدەگى ماڭىزدى مۇناي، مۇناي حيمياسى كاسىبى بازاسى، سوندىقتان ەرەكشە ءتۇزىلىس، رايوندىق ورىن باسىمدىلىعىنان جانە كاسىپ شوعىرلانعان باسىمدىلىعىنان پايدالانىپ، مەملەكەتتىڭ ەنەرگيا ستراتەگياسىنداعى ماڭىزدى بورىشىن ويداعىداي ارقالاپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە، بۇكىل ەلدىڭ رەفورما، دامۋ جالپى جاعدايىنا قىزمەت ەتۋگە جاڭا ءارى، ءتىپتى، زور ۇلەس قوسۋى كەرەك.

  اۆتونوميالى رايون باسشىلارىنان نۇرلان ءابىلماجىن ۇلى، شۇي حايرۇڭدار ۋاكىلدەر ۇيىرمەسىنە سەرىك بولدى، ەركىنجان تۇراحۇن تارباعاتايدا ۋاكىلدەر ۇيىرمەسىنە سەرىك بولدى.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.