- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ ۇيىرمە باستىعى بولعان ورتالىق ۋاكىلدەر ۇيىرمەسى ۇرىمجىگە كەلدى
2015.09.29 17:33 كەلۋ قاينارى : شينجياڭ حالىق راديو ستانسياسى تورابى
پارتيا ورتالىق كوميتەتى مەن باس شۋجي شي جينپيڭنىڭ شىنايى قامقورلىعىن، ەلىمىزدەگى ءار ۇلت حالىق بۇقاراسىنىڭ دوستىق سۇيسپەنشىلىگىن الا كەلگەن، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ ۇيىرمە باستىعى بولعان ورتالىق ۋاكىلدەر ۇيىرمەسى كەشە تۇستە ايروپلانمەن ءۇرىمجى قالاسىنا جەتىپ، اۆتونوميالى رايونىمىز قۇرىلعاندىعىنىڭ 60 جىلدىعىن قۇتتىقتاۋ قيمىلىنا قاتىناسۋعا كەلدى. رايونىمىزداعى ءار ۇلت حالىق بۇقاراسى اۋەجايدا ورتالىق ۋاكىلدەر ۇيىرمەسىن قىزۋ قارسى الدى.
قىركۇيەكتە رايونىمىزدىڭ اۋارايى جانعا جايلى، پىسقان جەمىس-جيدەكتەردىڭ يىسى مۇرىن جارادى. ورتالىق قالا ءۇرىمجى توتىداي تۇرلەنىپ، شوق-شوق گۇلدەر قويىلىپ، تۋلار اسىلىپ، مەرەكەلىك تۇسكە ەندى. ايروپلان الاڭىنىڭ قاسىنداعى قۇرىلىستارعا اسىلعان، ۇيعۇر جانە حانزۋ جازۋىمەن «ورتالىق ۋاكىلدەر ۇيىرمەسىن قىزۋ قارسى الامىز»، «جۇڭحۋا حالىق رەسپۋبليكاسى قۇرىلعاندىعىنىڭ 66 جىلدىعىن قىزۋ قۇتتىقتايمىز»، «شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن قىزۋ قۇتتىقتايمىز» دەگەن سياقتى جازۋ جازىلعان قىزىل ءتۇستى كەرمە تۋلار كوزگە ەرەكشە تۇسەدى. اسقاق جىگەرلى ازاتتىق ارميا مۋزيكا وركەستىرى، ۇلتتىق كيىم كيىگەن ورەندەر، جاستار مەن ءار ۇلت كادرلار ى جانە ءار سالادان بارعان مىڭنان ارتىق ادامنان ۇيىمداسقان قارسى الۋشىلار، قولدارىنا بەس جۇلدىزدى قىزىل تۋ، گۇل الىپ، بارابان سوعىپ، بيگە باسىپ، ورتالىق ۋاكىلدەر ۇيىرمەسىنىڭ رايونىمىزعا كەلگەنىن قارسى الدى.ساعات 12 جارىمدا، ورتالىق ۋاكىلدەر ۇيىرمەسى ارناۋلى ايروپلانمەن ۇرىمجى حالىقارالىق اۋە جايىنا جەتتى. ايروپلاننىڭ ەسىگى اشىلىسىمەن، يۇي جىڭشىڭ قارسى الۋعا شىققان بۇقاراعا قول بۇلعاپ قۇرمەت ءبىلدىردى. ايروپلان توقتاتۋ الاڭىنداعى قارسى الۋشىلار ءان ايتىپ، ءبي بيلەپ، بارابان سوعىپ وسى ارانى دۋمانعا بولەدى. «ۋاكىلدەر ۇيىرمەسىن قارسى الامىز!»، «پارتيا ورتالىق كوميتەتىنە العىس ايتامىز!» دەپ ۇرانداتىپ رايونىمىزداعى ءار ۇلت حالىق بۇقاراسىنىڭ جۇرەك لەبىن جەتكىزدى.
يۇي جىڭشىڭ ورتالىق ۋاكىلدەر ۇيىرمەسىنىڭ ورىنباسار باستىعى مىندەتىن ۇستىنە العان ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ ياندۇڭ، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك ساياسي كەڭەستىڭ ورىنباسار ءتوراعاسى جاڭ چيڭلي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ۇلت ىستەر كوميتەتىنىڭ مەڭگەرۋشىسى ۋاڭ جىڭۋي، ورتالىق اسكەري ىستەر كوميتەتىنىڭ مۇشەسى، باس ارتقى شەپ ءبولىمىنىڭ باستىعى جاۋ كىشىلارمەن بىرگە ايروپلاننان ءتۇستى. ورتالىق ۋاكىلدەر ۇيىرمەسىندەگىلەردە ولارمەن بىرگە ايروپلانمەن ءۇرىمجى قالاسىنا كەلدى.
ۇيعۇر، حانزۋ، قازاق، موڭعۇل، قىرعىز، حۇيزۋ سياقتى كوپ ۇلتتان قۇرالعان پيونەرلەر وتىرياتىنداعىلار ۋاكىلدەر ۇيىرمەسىندەگىلەرگە گۇل شوقتارىن ۇسىندى. يۇي جىڭشىڭ باستاعان ورتالىق ۋاكىلدەر ۇيىرمەسىندەگىلەر اۋەجايعا قارسى الۋعا شىققان ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، اۆتونوميالى رايوننىڭ پارتيا، ۇكىمەت، ارميا جانە شينجياڭ ءوندىرىس-قۇرىلىس بيڭتۋاننىڭ باسشىلارىنان: شوكرات زاكىر، نايىم ياسىن، نۇرلان ءابىلماجىن ۇلى، حان يۇڭ، پيڭ يۇڭدارمەن شىنايى قول الىسىپ امانداستى.بۇگىنگى ءۇرىمجى قالاسى مەرەكەلىك تۇسكە ەندى،. «شي جينپيڭ جولداس باس شۋجي بولعان پارتيا ورتالىق كوميتەتىنىڭ شىنايى قامقورلىعىنا العىس ايتامىز»، «اۆتونوميالى رايونىمىز قۇرىلعاندىعىنىڭ 60 جىلدىعىن قىزۋ قارسى الامىز»، «شينجياڭعا باعىتتامالى كومەكتەسكەن ولكە، قالالاردىڭ قالتقىسىز كومەگىنە، بۇكىل ەل حالقىنىڭ بارىنشا قولداۋىنا العىس ايتامىز» دەگەن سياقتى جازۋلار جازىلعان كەرمە تۋلار بارلىق جەرلەرگە اسىلدى. رايونىمىزداعى ءار ۇلت كادر بۇقارا پارتيا ورتالىق كوميتەتى مەن مەملەكەتتىك كەڭەستىڭ شىنايى قامقورلىعىنا جانە ەلىمىز حالقىنىڭ كومەگىنە دەگەن شىنايى العىسىن جەتكىزسە؛ ويناقى بيمەن اۆتونوميالى رايون قۇرىلعاندىعىنىڭ 60 جىلدىعىن قىزۋ قۇتتىقتاۋ قۋانىشتى كوڭىل-كۇيىن بەينەلەپ، كوڭىلدى بەينەمەن اۆتونوميالى رايون قۇرىلعان 60 جىلدان بەرى قول جەتكىزىلگەن شۇعىلالى تابىستى ماقتانىش ەتەتىندىكتەرىن ءبىلدىردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
