بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«جىبەك جولى حيكاياسى» جۇڭگو تىلشىلەر ۇيىرمەسى گرۋزيادا تىلشىلىك ىستەۋ بارىسىندا جەرگىلىكتى بۇقارانىڭ قارسى الۋىنا بولەندى

2015.09.29 17:33     كەلۋ قاينارى : شينجياڭ حالىق راديو ستانسياسى تورابى

  گرۋزيانىڭ استاناسى تبليسيدىڭ كوشەسىندە جەرگىلىكتى تۇرعىنداردىڭ ىشىندە حانزۋ تىلىندە تىلشىلەرمەن امانداسقاندار كوپ بولدى، قاراپايىم امانداسقان سوزدەر تىلشىلەرگە ايرىقشا سەزىم بەردى. گرۋزيادا تىلشىلەر استانا تبليسيدە بولسىن، نەمەسە قارا تەڭىزدەگى ايگىلى دەمالىس ورنى باتۋميدا بولسىن، جۇڭگولىقتاردىڭ جەرگىلىكتى بۇقارا جونىنەن بوتەن ەمەستىگىن بايقادى. قارەبا ءجۇزىم شارابى باقشاسىندا تىلشىلىك ىستەۋ بارىسىندا 25 جاستاعى گرۋزيالىق بويجەتكەن نورا تىلشىلەرگە اۋدارماشىلىق ىستەدى. حانزۋ ءتىلىن تىم جەتىك يگەرىپ كەتپەگەن نورا، 4 جىلدىڭ الدىندا گرۋزيا ەركىندىك ۋنيۆەرسيتەتىندە حانزۋ ءتىلى كاسىبىن وقىپ، مەكتەپ بىتىرگەننەن كەيىن جۇڭگونىڭ شىنياڭىنا بارىپ ءبىر جىل حانزۋ تىلىندە ءبىلىم اسىرعان ەكەن. 4 جىلدان كەيىن نورا حانزۋ تىلىندە جەتىك سويلەي الاتىن، ءارى تىلدەسە الاتىنداي بولىپتى. ول: «جۇڭگو ەرەسەن تەز دامۋدا، گرۋزيادا اسا كوپ جۇڭگو كاسىپورىندارى بار، ولارعا اۋدارماشى قاجەت. سونىمەن بىرگە مەن جونىنەن حانزۋ ءتىلىن ۇيرەنۋ ەرەكشە ءماندى، حانزۋ ارىبىنە قىزىعامىن، جۇڭگولىقتاردى دا ۇناتامىن، حانزۋ ءتىلىن ۇيرەنۋ ەڭ دۇرىس ۇيعارىمىم بولدى»،-دەدى.

  بالا كەزىنەن جۇڭگونىڭ سايسكەرلىگىنە قۇمارتاتىن گرۋزيالىق جىگىت جورجدىڭ جۇڭگو ءجايلى بىلەتىندەرى كوپ. ول كەزىندە بەيجيڭ سايىسكەرلىك كومانداسىندا ەكى جىل ۇيرەنگەن، ول حانزۋ ءتىلىن ۇيرەنۋ ارقىلى ارمانىن ورىنداعان بولاتىن. مەكتەپ بىتىرگەننەن كەيىن ول گرۋزياعا قايتىپ، گرۋزيا ءجۇزىم شارابى ەكسپورت ساۋداسىمەن شۇعىلداندى. جورج تىلشىگە، ءوزىنىڭ شينجياڭ تاعامدارىن ۇناتاتىندىعىن ايتىپ: «گرۋزيانىڭ ءداستۇرى مەن مادەنيەتى جۇڭگو مەن تاريحتان بايلانىسىپ كەلەدى. شينجياڭدى ەرەكشە ۇناتامىن. ويتكەنى تاعامدارىمىزدىڭ قاتىسى بار، اس-سۋ جاعىنداعى سالت-سانامىز ۇشتاسىپ جاتىر. بەيجيڭدە وقىپ جۇرگەندە ۇنەمى شينجياڭ تاعامدارىن جەپ تۇراتىنمىن»،-دەدى.ءتىلشى تىلشىلىك ىستەي ءجۇرىپ مىنانى ۇعىستى: جۇڭگو ساۋدا كاسىپورىندارىنىڭ گرۋزيادا قوسقان قارجىسىنىڭ ارتۋىنا بايلانىستى، كوپتەگەن گرۋزيالىق وقۋشى جۇڭگوعا بارعان سايىن قىزىققان. قازىر گرۋزياداعى جاستار مەن ورەندەر جۇڭگو ءتىلىن بەرىلە ۇيرەنۋدە ەكەن. 32 جاستاعى يلينا جىجياڭدا 4 جىل وقىپ، مەكتەپ تاۋىسقاننان كەيىن شينجياڭدا قالىپ، گرۋزيانىڭ ءجۇزىم شارابى مادەنيەتىن جالپىلاستىرۋ جولىن تاڭداپ، وسى جۇمىستى ىستەگەنىنە 3 جىل بولىپتى. يلينا بۇگىنگى كۇندە گرۋزيانىڭ قىزىل اراعى، شوكلاتى سياقتى ازىق-تۇلىكتەرىن شينجياڭدىقتاردىڭ بىرتىندەپ ۇناتا باستاعانىنا قۋاندى، ءارى ونى ماقتانىش ەتتى. ول: «گرۋزيا شينجياڭعا سالىستىرمالى جاقىن، شينجياڭنىڭ اۋا رايىن، جەمىس-جيدەگىن ۇناتامىن. شينجياڭدىقتاردىڭ مىنەز-قۇلقى ءوز ەلىمىزدىڭ ادامدارىنا ۇقساپ كەتەدى، سوندىقتان ولارمەن وڭاي ءتىل تابىسامىن. 3 جىلدا ءجۇزىم شارابى مادەنيەتىمىزدى جالپىلاستىردىق، قازىر ءجۇزىم شارابىمىزدى قابىلداۋشىلار كوپ، وسىعان قۋانامىن»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.