بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ورتالىقتىڭ ۋاكىلدەر ۇيىرمەسى توڭكەرىستىك قۇرباندار قابىرىن سىپىردى

2015.09.29 17:37     كەلۋ قاينارى : شينجياڭ حالىق راديو ستانسياسى تورابى

  25-قىركۇيەك تۇستەن كەيىن، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىقتىڭ ۋاكىلدەر ۇيىرمەسىنىڭ باستىعى يۇي جىڭشىڭ ورتالىقتىڭ ۋاكىلدەر ۇيىرمەسىن باستاپ، ۇرىمجىدەگى توڭكەرىستىك قۇرباندار قابىرىنا كەلىپ، قابىر سىپىرىپ، حالىق قاھارماندار ەسكەرتكىشىنە گۇل شارباعىن قويىپ، چىن تانچيۋ، ماۋ زىمين سياقتى توڭكەرىستىك قۇربانداردىڭ قابىرىنا ءتاۋ ەتىپ، ءۇرىمجى قۇرباندار مۇراجايىن ەكسكۋرسيالاپ، توڭكەرىستىك قۇربانداردىڭ وشپەس ۇلەس، ولمەس ەڭبەكتەرىن ەسكە ءتۇسىردى.

  يۇي جىڭشىڭ ۋاكىلدەر ۇيىرمەسىنىڭ بارلىق مۇشەلەرىن باستاپ، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشياننىڭ سەرىك بولۋىندا، ءۇرىمجىنىڭ وڭتۇستىك قالا ماڭىنداعى ءۇرىمجى توڭكەرىستىك قۇرباندار قابىرىنا كەلىپ، حالىق قاھارماندار ەسكەرتكىشىنە گۇل شارباق قويۋ سالتىن وتكىزدى.

  قاراعاي-شىرشالارمەن ءتورت ماۋسىم جاسىل جەلەك جامىلىپ تۇراتىن ءۇرىمجى توڭكەرىستىك قۇرباندار قابىرى ايدىندى تىنىشتىققا شومىپ، حالىق قاھارماندار ەسكەرتكىشى ايبىنمەن بوي سوزىپ تۇر. گۇل شارباق قويۋ سالتى باستالدى، ورتالىقتىڭ ۋاكىلدەر ۇيىرمەسىنىڭ بارلىق مۇشەسى مەن اۆتونوميالى رايوننىڭ پارتيا، ۇكىمەت، ارميا ورىندارىنىڭ، سونداي-اق شينجياڭ ءوندىرىس-قۇرىلىس بيڭتۋانىنىڭ باسشىلارى، ءۇرىمجى قالاسىنىڭ ءار ۇلت، ءار سالا جۇرتشىلىعى جۇڭگو توڭكەرىسى مەن شينجياڭنىڭ ازاتتىق ىستەرى ءۇشىن اسىل ومىرلەرىن قيعان توڭكەرىستىك قۇرباندارعا ءۇنسىز ازا ءبىلدىردى تەرەڭ سەزىمدى «گۇل ۇسىنۋ مۋزيكاسىنا» ىلەسىپ، قۇرمەت قاراۋىلى ورتالىقتىڭ ۋاكىلدەر ۇيىرمەسى، اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، ءۇرىمجى قالاسىنداعى ءار ۇلت، ءار سالا جۇرتشىلىعى ۇسىنعان 3 گۇل شارباعىن كوتەرىپ، حالىق قاھارماندار ەسكەرتكىشىنە قاراي باياۋ ءجۇرىپ، گۇل شارباعىن ەسكەرتكىش تۇعىرىنا قويدى.يۇي جىڭشىڭ سالماقتى بەينەدە، باسپالداقپەن باياۋ ورلەپ، گۇل شارباعىنىڭ لەنتاسىن تۇزەدى. لەنتاعا «حالىق قاھارماندارى ماڭگى جاسايدى» دەگەن جازۋ جازىلعان.

  ىزىنشە، يۇي جىڭشىڭ ورتالىقتىڭ ۋاكىلدەر ۇيىرمەسىنىڭ بارلىق مۇشەلەرىن باستاپ، ۋ ماۋلين، لين جيلۋ، چىن تانچيۋ، ماۋ زىمين، چياۋ گوجىن قۇربانداردىڭ قابىرىنا كەزەگىمەن ءتاۋ ەتىپ، ءۇرىمجى توڭكەرىستىك قۇرباندار مۇراجايىن ەكسكۋرسيالادى. مۇراجايدا، يۇي جىڭشىڭ باستاعان ۋاكىلدەر ۇيىرمەسىنىڭ مۇشەلەرى مۇراجايداعى قاستەرلى بۇيىمداردى، تاريحي ماتەريالداردى جانە مادەني مۇرالاردى تاماشالاپ، تانىستىرۋشىنىڭ ءسوزىن مۇقيات تىڭداپ، اۋىق - اۋىق كىدىرىپ، تاريحي جاي-جاپسارلاردى سۇراستىردى. يۇي جىڭشىڭ بىلاي دەپ باسا دارىپتەدى: توڭكەرىستىك قۇربانداردىڭ داڭقتى داستۇرىنە مۇراگەرلىك ەتىپ جانە ونى اسقاقتاتىپ، شينجياڭنىڭ ءتۇرلى ىستەرىنىڭ دامۋىنا جاڭا جاعداي اشۋعا قۇلشىنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇرەسۋ كەرەك.

  ورتالىق ۋاكىلدەر ۇيىرمەسىنىڭ ورىنباسار باستىقتارى ليۋ ياندۇڭ، ەركىن يمىرباقى، جاڭ چيڭلي، ۋاڭ جىڭۋي، جاڭ كىشى جانە ۋاكىلدەر ۇيىرمەسىنىڭ بارلىق مۇشەلەرى سالتقا قاتىستى شوكىرات زاكىر، نايىم ياسىن، نۇرلان ءابىلماجىن ۇلى، اسحات كەرىمباي ۇلى، چى جۇن، حان يۇڭ، پىڭ يۇڭ، لي ۋي، حۋاڭ ۋي، شاۋكەت يمىن، جۋ حايلۇن، باي جىجيە، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، ليۋ شينچي سياقتى باسشىلار جانە ءۇرىمجى قالاسىنداعى ءار ۇلت، ءار سالا جۇرتشىلىعىنىڭ ۋاكىلدەرى سالتقا قاتىستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.