- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ليۋ ياندۇڭ ورتالىق ۋاكىلدەر ۇيىرمەسىنىڭ 2 - گرۋپپاسىن باستاپ حوتان مەن اقسۋداعى ءار ۇلت كادر - جۇرتشىلىعىنان حال سۇرادى
2015.09.30 10:56 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، ورتالىق ۋاكىلدەر ۇيىرمەسىنىڭ ورىنباسار باستىعى ليۋ ياندۇڭ 27 - قىركۇيەكتە ورتالىق ۋاكىلدەر ۇيىرمەسىنىڭ 2 - گرۋپپاسىن باستاپ، پارتيا ورتالىق كوميتەتىنىڭ، مەملەكەتتىك كەڭەستىڭ قامقورلىعى مەن بۇكىل ەلدەگى ءار ۇلت حالقىنىڭ اق تىلەگىن ارقالاپ، حوتان ايماعى مەن اقسۋ ايماعىنداعى ءار ۇلت كادر - جۇرتشىلىعىنان حال سۇرادى ءارى ولاردى ورتاڭعى كۇز مەرەكەسىمەن قۇتتىقتادى.
27 - قىركۇيەك تۇستەن بۇرىن، ليۋ ياندۇڭ باعىتتالى كومەكپەن سالىنعان حوتان تيانجين ورتا مەكتەبىندە قىزمەت تەكسەردى، مەكتەپتىڭ جۇمساق، قاتتى بولشەكتەرىنىڭ وزىق ەكەنىن، ءار ۇلت بالالارىنىڭ تاتۋ - ءتاتتى ءوتىپ، اقاۋسىز ەرجەتىپ كەلە جاتقانىن كورگەندە ول: شينجاڭعا باعىتتامالى كومەكتەسۋ − پارتيانىڭ دايەكتى باعىتى، مەملەكەتتىڭ ماڭىزدى ستراتەگياسى، وقۋ - اعارتۋ سياقتى سالالار بويىنشا شينجياڭعا باعىتتامالى كومەكتەسۋدىڭ تەبىنىن ۇزدىكسىز ارتتىرىپ، شينجياڭنىڭ دامۋىن دارىندىمەن قامتاماسىز ەتىپ، شينجياڭعا باعىتتامالى كومەكتەسۋدى شىن مانىندە حالىق قالاۋىنان شىعۋ ينجەنەرياسىنا، ۇلتتار ىنتىماعى ينجەنەرياسىنا اينالدىرۋ كەرەك، - دەدى.
ونان كەيىن ليۋ ياندۇڭ اقسۋ ايماعىنا كەلدى. اقسۋ قالاسىنداعى كوشەلەردىڭ بويىنا پانار شامدار مەن مەملەكەت تۋى ءىلىنىپ، ۇلتتىق كيىم كيگەن ءار ۇلت جۇرتشىلىعى قۋانىشپەن باس قوسىپ، بيگە باستى، بار الاپتان شات - شادىمان مەرەكەلىك لەپ ەستى. ليۋ ياندۇڭ جەرگىلىكتى جاۋاپتى جولداستار مەن ءار سالا قايراتكەرلەرىن، وزات ۇلگىلەردى، شينجياڭعا كومەككە كەلگەن كادرلاردىڭ ۋاكىلدەرىن شىن ىقىلاسپەن قابىلدادى ءارى اقسۋ ايماعىنىڭ اۆتونوميالى رايون قۇرىلعاندىعىنىڭ 60 جىلدىعى بايلانىسىمەن وتكىزگەن اڭگىمە ماجىلىسىنە قاتىناستى.
ول بىلاي دەدى: 60 جىلدان بەرى پارتيا ورتالىق كوميتەتىنىڭ، مەملەكەتتىك كەڭەستىڭ شىنايى قامقورلىعى مەن قاتىستى ولكە، قالالاردىڭ، تاراۋلاردىڭ پارمەندى كومەگىنىڭ ارقاسىندا، اقسۋدىڭ ەكونوميكالىق الەۋەتى ايتارلىقتاي كوتەرىلىپ، قالا، اۋىلداردىڭ بەت - بەينەسى شىتتاي جاڭالانىپ، حالىقتىڭ تۇرمىسى ۇزدىكسىز جاقسارىپ، ۇلتتار ىنتىماعى تىنباي نىعايىپ، وتاننىڭ ۇلى شاڭىراعىمەن بايلانىسى كۇن وتكەن سايىن كۇشەيە ءتۇستى. باتىس وڭىردەگى ەجەلگى كۇسان، گامۋك ەلدەرىنىڭ ەسكى جۇرتى اقسۋدا، اقسۋدىڭ تاريحى ۇزاق، مادەنيەتى شۇعىلالى، قازىر رەفورما مەن دامۋدىڭ تاپتىرماس ورايى تۋىپ وتىر، «ءبىر بەلدەۋ، ءبىر جول» قۇرىلىسىنىڭ ورايىن مىقتى يگەرىپ، بايلىق، مادەنيەت، ەكولوگيا جاعىنداعى ارتىقشىلىقتاردى ساۋلەلەندىرىپ، جۇدىرىقتاي جۇمىلىپ، قيىنشىلىقتاردى جەڭىپ، وڭتۇستىك شينجياڭنىڭ ەكونوميكالىق، قوعامدىق دامۋىنىڭ كوشباسشىسى بولۋعا تالپىنىپ، جاقسى ءارى تەز دامۋدى ىسكە اسىرۋى كەرەك.
اقسۋ قالاسىنداعى لاڭگەر «قوس ءتىلدى» بالا باقشاسىنىڭ زالىنان ورتالىق ۋاكىلدەر ۇيىرمەسى سابيلەرگە سيلاعان ويىنشىق، اعاش تەكشە سەكىلدى تارتۋلاردىڭ تاۋ - مايا بولىپ ۇيىلگەنىن كوردىك. ساباقحانادا، ليۋ ياندۇڭ سابيلەردىڭ قولىنا قۋىرشاق ۇستاتتى. 5 جاستاعى تولۇناي ءوزى دايىنداعان پانار شامدى ليۋ ياندۇڭعا ۇسىنىپ، مۇلتىكسىز حانزۋ تىلىندە: ءوزىم جاساعان پانار شامدى سىزگە ۇسىنامىن، مەرەكەڭىز قۇتتى بولسىن! - دەپ ساڭق ەتتى.
ليۋ ياندۇڭ: «قوس ءتىل» اعارتۋى مەملەكەتكە، حالىققا پايدالى عاسىرلىق جوبا، ونى بوبەكتەردەن باستاپ مىقتى يگەرىپ، از ۇلت وقۋشىلارىنىڭ مەملەكەتتە ءبىر تۇتاس پايدالانىلاتىن ءتىل - جازۋدى يگەرۋىنە كەپىلدىك ەتىپ، ولاردىڭ ءوز قابىلەتىن ۇشتاپ، كوركەم ومىرگە ءورىس اشىپ، وتان مەن شينجياڭدى گۇلدەندىرۋىنە بەرىك نەگىز قالاۋ كەرەك، - دەدى.
شينجياڭ ءوندىرىس - قۇرىلىس بيڭتۋانى 1 - ديۆيزياسىنىڭ 5 - پولىگىندە ليۋ ياندۇڭ شۇيجيڭيۋان شاعىن رايونىنا بارىپ، زەينەتكەر قىزمەتشىلەردىڭ تۇرمىس جاعدايىمەن، ەمدەۋ - دەنساۋلىق ساقتاۋ، قامتاماسىزداندىرۋ ساياساتىمەن تانىسىپ، بيڭتۋاننىڭ دامۋ جاعدايىن تاپتىشتەپ ۇعىستى.
ول: بيڭتۋان قابىلەت قۇرىلىسىن كۇشەيتىپ، شەكارانى قورعاۋ - بەكەمدەۋدەگى ستراتەگيالىق رولىن ونان سايىن ساۋلەلەندىرىپ، بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتىپ، ۇلتتار ىنتىماعىن نىعايتىپ، شينجياڭنىڭ ەكونوميكالىق گۇلدەنۋىنە، قوعام ورنىقتىلىعى مەن باياندى تىنىشتىعىنا ۇلەس قوسۋى كەرەك، - دەپ اتاپ كورسەتتى.
ليۋ ياندۇڭ ونسۋ اۋدانىنداعى ۇلگىلى شىلان باعىنىڭ جايىمەن تانىسىپ، جەرگىلىكتى ورىندى جەمىس شارۋاشىلىعى سەكىلدى ەرەكشە باسىمدىلىعى بار سالالاردى دامىتىپ، شارۋاشىلىق سالاسى ارقىلى كاسىپتەنۋدى ىلگەرىلەتىپ، بۇقارانىڭ تۇرمىس ورەسىن جوعارىلاتۋعا جىگەرلەندىردى.
اۆتونوميالى رايون باسشىلارىنان شوكىرات زاكىر، حۋاڭ ۋي قىزمەت تەكسەرۋدە، حال سۇراۋدا بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
