بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

رايونىمىز سترەولى قاتىناس تورابىن قالىپتاستىرىپ، وسىزامانعى جىبەك جولىن اشتى

2015.10.09 16:23     كەلۋ قاينارى : شينجياڭ حالىق راديو ستانسياسى تورابى

  ۇزاق دەمالىس كەزىندە، ءۇرىمجىنىڭ قىرۋار قالا تۇرعىنى جۇردەك پويەزعا وتىرىپ، ساپارعا شىعىپ، ساياحاتتادى، ساياحاتشى لي مىرزا بىلاي دەدى: جۇردەك پويەزعا وتىرىپ ساياحاتتاعاندا ادام قالجىرامايدى ەكەن،كوزدەۋلى جەرگە تەز جەتىپ بارامىز، تۇرپانعا جۇردەك پويەزبەن ءبىر ساعاتتا بارۋعا بولادى، ونىڭ ۇستىنە وتە ءجايلى.

  ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭداعى ەكى ويپاتتى اينالعان جانە شينجياڭنان كىرىپ-شىعاتىن تەمىر جول قۇرىلىسى ۇزدىكسىز جەدەلدەپ، شينجياڭداعى تەمىر جول تورابى جاقساردى. 5 جىلدا، شينجياڭنىڭ تەمىر جولى جاعىندا، ءۇرىمجى-جوڭعار تەمىر جولىنىڭ شىعىس جوڭعار تەمىر جولىنان جياڭجۇنمياۋعا دەيىنگى بولەگى، قاشقار-حوتان تەمىر جولى، قورعاس تەمىر جولى وتكەل ۆاگزالى، لانجۋ - شينجياڭ تەمىر جولىنىڭ 2-قوس لەنياسى سياقتى 21 نىساننىڭ قۇرىلىسى ىركەس - تىركەس باستالدى جانە لەنياعا پويەز قاتىنادى. وتكەن جىلدىڭ سوڭىندا، لانجۋ - شينجياڭ تەمىر جولىنىڭ ىسكە قوسىلۋىنا ساي، شينجياڭ جۇردەك تەمىر جول داۋىرىنە ءوتتى.

  تاس جول جاعىندا، رايونىمىز جىبەك جولى ەكونوميكالىق بەلدەۋ وزەكتى رايون قۇرىلىسىن ىلگەرىلەتۋدى ارقاۋ ەتىپ، جۇڭگونىڭ باتىس بولەگىندەگى جوعارى قارقىندى جول جانە قاتىناس وزەگى ورتالىعىن قۇرۋدى جەدەلدەتتى. شينجياڭنىڭ تاس جول قاتىناسى قوسىلعان قارجى ەڭ مول، قوعامدىق ونىمدىلىگى ەڭ جاقسى، باسقارۋ قىزمەتىن وتەۋ دەڭگەيى ەڭ كورنەكتى كەزەڭگە ءوتتى. سوڭعى ەكى جىلدىڭ وزىندە، قاشقار - ەركەشتەم وتكەلى، داحۋاڭشان-شونجى-موري، اقسۋ-قاشقار، قارامايلى-شاۋەشەك سياقتى 11 جوعارى قارقىندى تاس جول جاسالىپ، اۆتوموبيل قاتىناپ، جوعارى قارقىندى تاس جولدىڭ ۇزىندىعى 4 مىڭ كيلومەترگە جەتتى. اۆتونوميالى رايوندىق قاتىناس تاسىمال مەڭگەرمەسىنىڭ ورىنباسار باستىعى ۋاڭ يۇڭشۋان بىلاي دەدى: 12-بەسجىلدىق پلاننىڭ العاشقى 4 جىلىندا، 151 ميلليارد 200 ميلليون يۋان قارجى قوسىلدى، بۇل 11-بەسجىلدىق جوسپاردىڭ ەكى ەسەسىنەن ارتىق، 2009-جىلى، شينجياڭنىڭ جوعارى قارقىندى تاس جولىنىڭ جالپى ارالىعى 834 كيلومەتر بولىپ، مەملەكەت بويىنشا 29 - ورىندى يەلەدى، وسىنداي كوپ جىل دامۋ ارقىلى قازىرگە دەيىن 4 مىڭ 312 كيلومەترگە جەتىپ، باتىس بولەك بويىنشا 3-، مەملەكەت بويىنشا 12-ورىنعا شىقتى.

  سونىمەن بىرگە، مەملەكەتتىڭ كۇش سالا قولداۋىندا، شيجياڭنىڭ حالىقتىق اۆياتسياسى بارىنشا دامىپ، كەڭىستىك جىبەك جولى ۇزدىكسىز كەكەيتىپ، شار-تاراپتى شارپىعان اۆياتسيا تورابى ادامداردىڭ ساپارىنا بارىنشا قولايلىلىق اكەلدى. شينجياڭعا باعىتتامالى كومەكتەسەتىن 19 ولكە، قالاعا قاتىنايتىن اۋە لەنياسى جاپپاي اشىلىپ، ءۇرىمجى حالىقارالىق اۋەجاي مەملەكەت بويىنشا كولەمدى اۋەجاي قاتارىنا كىردى. قازىر، ءار قايسى اۆياتسيا سەرىكتەستىكتەرىنىڭ اشقان اۋە لەنياسى 184 كە جەتىپ، 15 مەملەكەت، 81 قالاعا اشىلدى، موسكۆا، دۋباي سياقتى ماڭىزدى جەرلەرگە تۇتاستى. وڭتۇستىك اۆياتسيا شينجياڭ بولىمشە سەرىكتەستىگىنىڭ باس مەڭگەرۋشىسى فۋ پۋيان بىلاي دەدى: ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن، شينجياڭدا ساياحاتشىلاردىڭ سانى ەكى ەسە ارتىپ، ءۇرىمجى اۋەجايىنىڭ جولاۋشىلاردى جونەلتۋ مولشەرى مەملەكەت بويىنشا 21-ورىننان قازىر 15-ورىنعا دەرەۋ كوتەرىلدى، ەۆروپاعا، ازياعا تۇتاساتىن، شينجياڭداعى سوڭعى قاتىناس وزەگىنە اينالدىرىپ، وسىزاماندانعان قاتىناس ءتاسىلى ارقىلى، بايىرعى جىبەك جولىنىڭ شۇعىلالى داۋىرىن تاعى دا جاراتتى.

  ساندى مالىمەت: 2015-جىلدىڭ سوڭىندا، شينجياڭنىڭ جوعارى قارقىندى تاس جولىنىڭ 5 مىڭ كيلومەترگە جەتىپ، 2-دارەجەلىدەن جوعارى تاس جولى 19 مىڭ كيلومەتردەن اسىپ، شينجياڭ بويىنشا جوعارى قارقىندى تاس جول جۇلگەسىنىڭ العاشقى ادىمدا قالىپتاساتىندىعى مەجەلەندى. شينجياڭ تەمىر جولىنىڭ پويەز قاتىناعان ارالىعى 2009 - جىلعى 3 مىڭ 838 كيلومەتردەن 2014-جىلدىڭ اياعىندا 5 مىڭ 760 كيلومەترگە جەتىپ، شينجياڭنىڭ تەمىر جولى «ەلەكترلەنگەن داۋىرگە»، «جوعارى قارقىندى تەمىر جول داۋىرىنە» قادام تاستادى. 2014-جىلى، شينجياڭ حالىقتىق اۆياتسياسىنىڭ جولاۋشىلاردى جونەلتۋ مولشەرى مەن جۇك تاسىمال مولشەرى جەكە-جەكە 21 ميلليون 900 مىڭ ادام رەتكە جانە 183 مىڭ تونناعا جەتىپ، 2009-جىلداعىدان جەكە-جەكە %166 جانە %123 ارتتى، ءسويتىپ شينجياڭ ەلىمىزدەگى اۋەجايى ەڭ كوپ، اۋە لەنياسى ەڭ ۇزاق ولكە، رايونعا اينالدى.

  ءتىلشى ەستەلىگى: جىبەك جولى ەكونوميكالىق بەلدەۋ قۇرىلىسى شينجياڭنىڭ دامۋىنا ماڭىزدى وراي اكەلدى، ازيا-ەۆروپا ۇلى قۇرىلىعىنىڭ جاعىراپيالىق سەنترى بولعان شينجياڭ تاس جول، تەمىر جول، حالىقتىق اۆياتسيا سياقتى وسىزاماندانعان قاتىناس نەگىزگى قۇرىلعى قۇرىلىسىن ۇزدىكسىز جەدەلدەتتى، بۇل ەلىمىزدىڭ باتىسقا ەسىك اشىپ، ءجىبەك جولىنىڭ بويىنداعى ەلدەرمەن ساۋدا جاعىنداعى اۋىس-كۇيىستى كۇشەيتۋدە، شينجياڭنىڭ جىبەك جولى ەكونوميكالىق بەلدەۋ وزەكتى رايونىن قۇرۋدا بەلسەندى ءارى ماڭىزدى رول اتقارادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.