- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«جۇڭگو شينجياڭ مادەنيەت اپتالىعى» يسپانيادا سالتاناتپەن ءوتتى
2015.10.12 15:06 كەلۋ قاينارى : شينجياڭ گازەتى
ەرىكتى ءتىلشىمىز سۇي ۋانلۇڭ 7 - قازاندا مادريدتەن حابارلايدى. مادەنيەت مينيسترلىگى مەن اۆتونوميالى رايوندىق حالىق ۇكىمەتى بىرلەسىپ وتكىزگەن 2015 - جىلعى «جۇڭگو شينجياڭ مادەنيەت اپتالىعى» قيمىلى جەرگىلىكتى ۋاقىت 7 - قازان كۇنى كەشتە يسپانيانىڭ استاناسى مادريدتەگى جۇڭگو مادەنيەت ورتالىعىندا شىمىلدىعىن اشتى. مادەنيەت اپتالىعى قيمىلى اۆتونوميالى رايون قۇرىلعان 60 جىلدان بەرگى جاڭا بەت - بەينە، جاڭا وبراز ايگىلەدى، كورمەگە قويۋ جانە ۇگىت فيلمى ارقىلى كوركەم شينجياڭدى، مىڭ بوياۋلى شينجياڭدى، باقىتتى شينجياڭدى كوپشىلىككە كورسەتتى، جىبەك جولى ەكونوميكالىق بەلدەۋىنىڭ وزەكتى رايونى بولعان شينجياڭنىڭ مادەنيەتتىك كۇش - قۋاتىن كورنەكتىلەندىرىپ، شەتەل جۇرتىنىڭ ەسىك اشقان، توعىسقان، كوپ نەگىزدى شينجياڭدى تۇسىنۋىنە مۇمكىندىك جاسادى.
وسى رەتكى قيمىل − جۇڭگونىڭ سىرتقا باعىتتالعان ماڭىزدى مادەنيەت اۋىس - كۇيىس قيمىلدارىنىڭ ءبىرى، سونداي - اق بيىل مادريدتەگى جۇڭگو مادەنيەت ورتالىعىندا وتكىزىلگەن كولەمى ەڭ ۇلكەن، قاتىناسۋشىلار سانى ەڭ كوپ قيمىل، بۇل قيمىل 10 كۇنگە جالعاسادى. مادەنيەت اپتالىعىنىڭ وتكىزىلۋى − «ءبىر بەلدەۋ، ءبىر جول» ستراتەگيالىق تولعانىستىڭ ناقتى ارەكەتى، سونداي - اق اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋعا ارنالعان قيمىلدىڭ جۇڭگونىڭ شەتەلدەگى مادەنيەت ورتالىقتارىنا دەيىن ايگىلەنۋى. وسى رەتكى مادەنيەت اپتالىعىندا «شىرايلى جۇڭگو، مىڭ بوياۋلى شينجياڭ» تاقىرىپ ەتىلگەن، مۇندا «شات - شادىمان شينجياڭ» اتتى كوركەمونەر نومىرلەرى، «كوركەم شينجياڭ» اتتى فوتو سۋرەت كورمەسى، «شىرايلى شينجياڭ» اتتى ارناۋلى حابار، «شينجياڭ اسەرى» اتتى حۇجاتتى فيلم، «شينجياڭعا ۇڭىلگەندە» اتتى مادەنيەت مۇرالارى لەكسياسى سىندى 5 بولىككە بولىنگەن.
شينجياڭ ءان - ءبي نومىرلەرى مەن مادەنيەت مۇرالارى لەكسياسىنىڭ بەلەتىنە الدەقاشان الدىن الا تاپسىرىس بەرىلىپ، بىردە ءبىر بەلەت قالماعان ەكەن، سول كۇنى كەشكى اشىلۋ سالتى يسپانيانىڭ 100دەگەن ءار سالا قايراتكەرلەرىن، مادەنيەت قۇرىلىمدارىنىڭ جاۋاپتىلارىن، شەتەلدەگى جۇڭگولىقتار مەن مۇھاجىرلاردى، شەتەلدەگى وقۋشىلاردى باۋرادى. شينجياڭ ونەرپازدارى كوپشىلىككە ۇيعۇر ۇلتىنىڭ كلاسسيك ءبيى «شىنى ءبيىن»، «ءبىر رۋمكا شاراپ» اتتى شينجياڭنىڭ كلاسسيك ءانىن، سونداي - اق «دۋماندى مەرەكە» اتتى 2 كىسىلىك ءبي نومىرلەرىن ورىنداپ بەردى، الاڭداعىلار شاتتانا بيگە باسقاندا اشىلۋ سالتى ونان ارى قىزۋ ورلەۋگە كوتەرىلدى.
يسپانيا حالىقارالىق راديو ستانسياسىنىڭ باس باقىلاۋشىسى كارلوس پەنالوسا: يسپانيا مەن جۇڭگونىڭ ارالىعى 9235 كيلومەتر، وسى جولعى تارتىمدى ويىننان، جۇڭگونىڭ شينجياڭىنا ءبىر بارسام دەگەن بەكىمگە كەلدىم. ول جەر توتەنشە كەرەمەت كورىنەدى، وسى رەتكى قيمىل ارامىزدى ونان ارى جاقىنداتا تۇسكەندەي بولدى، ونىڭ ۇستىنە شينجياڭ مادەنيەتىنىڭ وزگەشە تارتىمدىلىعىن اڭعاردىق، - دەدى.
جۇڭگونىڭ يسپانياداعى ەلشىلىگىنىڭ مادەنيەت اقىلشىسى ليۋ ۋىنچيۋ: شينجياڭعا ءبىر رەت بارعانمىن، ول ارانىڭ تابيعاتى كوركەم، ادامدارى مەيىرىمدى، توتەنشە جاقسى جەر. مەنشە، بۇل ءبىر جاقسى وراي بولدى، يسپانيالىقتارعا مادەنيەتىمىزدىڭ الۋان تۇرلىلىگىن اڭعارتتىق، مادەنيەتىمىزدىڭ كوركەيىپ - گۇلدەنۋىن قورعاۋ جولىندا، ۇكىمەتتەن حالىققا دەيىن زور قۇلشىنىس جاسايتىندىعىمىزدى تۇسىندىردىك، - دەدى.
اۆتونوميالى رايوندىق مادەنيەت مەڭگەرمەسىنىڭ ورىنباسار باستىعى شۇي رۇيجۇن: ءبىز سۋرەت، ءبي، حۇجاتتى فيلم سياقتى الۋان ءتۇرلى فورمالارمەن يسپانيالىقتارعا شينجياڭنىڭ دامۋ تابىستارى مەن تاماشا وبرازىن شىنايى سەزىندىردىك، شينجياڭدى كوپتەگەن ادام تانىدى جانە ءتۇسىندى، مىنە بۇل ءبىزدىڭ اۆتونوميالى رايونىمىز قۇرىلعاندىعىنىڭ 60 جىلدىعىنا ارناعان سۇبەلى سيىمىز، - دەدى.
2012 - جىلى اشىلعان مادريد جۇڭگو مادەنيەت ورتالىعى − يسپانيا حالقىنا جۇڭگو مادەنيەتىن تۇسىندىرەتىن ورىنعا اينالدى. 2013 - جىلى جۇڭگو شينجياڭىنىڭ 12 مۇقامى يسپانيانىڭ فلامەنكو ونەرىمەن وسى ارادا «توعىسقان» بولاتىن؛ يسپانيانىڭ حۋليا گليك بالەت ءبي ۇيىرمەسى ۇسىنىس بويىنشا، 2 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالىنا قاتىناستى: «ءبىر بەلدەۋ، ءبىر جول» جۇڭگو مەن يسپانيانىڭ، شينجياڭ مەن مادريتتىڭ جول قاتىناسىن، ساۋدا ارناسىن ىركىلىسسىزدەندىرىپ، ەكى ەل حالقىنىڭ تىلەگىن توعىستىردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
