- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون قۇرىلعاندىعىنىڭ 60 جىلدىعىنا ارنالعان جەتىستىك كورمەسىن قازىرگە دەيىن، 133 مىڭ 600 ادام كوردى
2015.10.13 13:57 كەلۋ قاينارى : شينجياڭ حالىق راديو ستانسياسى تورابى
وسى اپتانىڭ سوڭىندا، «ۇلى وتاننىڭ قۇشاعىندا ـــ اۆتونوميالى رايون قۇرىلعاندىعىنىڭ 60 جىلدىعىنا ارنالعان جەتىستىك كورمەسىن» كورۋشىلەردىڭ اياعى ۇزىلمەدى، تەك 11-قازان ءبىر كۇننىڭ وزىندە كورمە كورۋگە 16 مىڭ 500 دەن ارتىق ادام كەلدى، قازىرگە دەيىن، كورمەنى 133 مىڭ 600 ادام كوردى.
تۇستەن بۇرىن ساعات 11 دە، شينجياڭ حالىقارالىق كورمە ورتالىعىنىڭ ەسىگىنىڭ سىرتىندا، كورمەگە كەلگەندەر ۇزاق قاتارعا تۇردى، ولاردىڭ ىشىندە قارتتاردا، بالالارىن كوتەرىپ العان جاس اتا-انالاردا، وقۋشىلاردا بار. كورمەگە قويىلعان سۋرەتتەر، ناقتى بۇيىمدار، جىلجىمالى ەكرانداعى كەسكىن، ءبارى-ءبارى دە اۆتونوميالى رايونىمىزداعى 60 جىلدان بەرگى زور وزگەرىستى، شينجياڭداعى ءار ۇلت حالىق بۇقاراسىنىڭ قاجىرلىلىقپەن شايقاس جاساۋ رۋحىن ايگىلەدى. شينجياڭ ۋنيۆەرسيتەتى عىلىم-تەحنيكا ينستيتۋتىنىڭ 19 جاستاعى وقۋشىسى گۇلميراعا كورمەنىڭ تاريح بولەگى: دامىعان شينجياڭ تەرەڭ اسەر ەتتى. ول تىلشىگە نەشە ون جىلدىڭ الدىندا، شينجياڭداعى ءار ۇلت حالىق بۇقاراسىنىڭ ناشار شارت-جاعدايدا، قاجىرلىلىقپەن يگىلىك جاراتۋ بارىسىنىڭ وزىنە تەرەڭ اسەر ەتكەنىن ايتا كەلىپ: بۇرىنعىلار جاپا-ماشاقاتتى جەڭىپ، تاماشا ورتا جاراتتى، كوپتەگەن بوداۋ بەردى، قازىرگى تاماشا تۇرمىسىمىزدى ويلاسام، ولارعا العىس ايتقىم كەلەدى. شينجياڭنىڭ اناعۇرلىم دامۋىنا ءبىر كىسلىك ۇلەس قوسامىن،-دەدى.
جاسى 70 تەن اسقان ليۋ ميڭيۋان كاريا، 12 جاستاعى نەمەرەسىن ەرتىپ، ارنايى كورمەگە باردى. كاريا ءوزىنىڭ شينجياڭدا تۋىپ ەسەيگەنىن، سوڭعى جىلداردان بەرگى قاتىناس تاسىمالىنداعى زور وزگەرىستىڭ وزىنە تەرەڭ اسەر ەتكەنىن ايتا كەلىپ: بۇرىن شىحىزى قالاسىنا بارۋ ءۇشىن ءۇش كۇن جول جۇرەتىنبىز، قازىر جاعداي جاقساردى. قاتىناس تاسىمالىنداعى وزگەرىس زور، قازىر ۇيدەن شىعا سالىسىمەن اۆتوموبيلگە وتىرامىز. وسى رەتكى 1-قازان مەملەكەت مەرەكەسىندە، شي-ءان، گانسۋ سياقتى كوپتەگەن جەردى جەكە اۆتوكولىكپەن ارالادىم. حالىقتىڭ تۇرمىسى بارىنشا جاقساردى، جاراسىمدى قوعامدىق ورتادا رايونىمىز حالقى الاڭسىز تۇرمىس كەشىرۋدە،-دەدى.
جۇڭگو مۇناي، تابيعي گاز توبىنىڭ باتىس بولەك بۇرعىلاۋ ينجەنەرياسى شەكتى سەرىكتەستىگىنىڭ قىزمەتكەرى لي بو: قورشاعان ورتانى وڭاۋعا قاتىستى بىرنەشە سۋرەتتى كوردىم، تارىم وزەنىن جان-جاقتىلى تىزگىندەۋدىڭ ونىمدىلىگى ەرەكشە جاقسى، بۇل بولاشاق ۇرپاقتارعا وتە پايدالى،-دەدى. كورمەنى تاماشالاپ بولعاننان كەيىن، كوپشىلىك كورمەنىڭ شىعار اۋىزىنداعى كىشكەنتاي بولمەدەگى ەلەكتروندى ەكرانعا وزدەرىنىڭ جۇرەك سوزدەرىن دىبىسقا الدىردى، وسى ورىن كورمەنى تاماشالاۋشىلاردى باۋرادى. ءبىر كورەرمەن: ۇلى وتانىمىزدىڭ بارعان سايىن كورىكەيە ءتۇسۋىن، حالىقتىڭ ءتىپتى دە باقىتتى تۇرمىس كەشىرۋىن تىلەيمىن! شينجياڭدىق بولعانىمدى ماقتانىش سانايمىن، ءبىز شينجياڭدىقپىز، شينجياڭدى سۇيەمىز،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
