- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىز مادەنيەت بازاسى قۇرىلىسىن تەزدەتتى
2015.10.13 13:58 كەلۋ قاينارى : شينجياڭ حالىق راديو ستانسياسى تورابى
كىتاپحانا، مادەنيەت سارايى، مۇراجاي، اسەمونەر سارايى، اۋىل-قالاشىقتاردىڭ امبەباپ مادەنيەت پۋنكتى، قسىتاقتىڭ مادەنيەت ءۇيى، شاۋالار كىتاپحاناسى سياقتىلاردى سالىپ، ءار ءبىر قىستاققا جىلىنا 10 مىڭ يۋاننان ارتىق مادەنيەت قيمىلى قاراجاتىن بەرۋگە كەپىلدىك ەتتى. شينجياڭداعى مۇراجاي، كىتاپحانا، مادەنيەت سارايى، نەگىزگى ساتى مادەنيەت پۋنكتى تۇگەل قوعامعا تەگىن اشىلدى. راديو-تەلەۆيزيا باعدارلامالارىنىڭ كورىلىم-تىڭدالىم مولشەرى %97 كە جەتىپ، ۇلتتىق تىلدەگى راديو باعدارلامالارىنىڭ بەرىلۋ ۋاقىتى 2009-جىلداعىدان %12 ارتتى، ۇلتتىق تىلدەگى تەلەۆيزور باعدارلامالارىنىڭ بەرىلۋ ۋاقىتى 2009-جىلداعىدان %32 ارتتى. حالىققا مادەنيەت جاعىنان تيىمدىلىك جاساۋ ينجەنەرياسىن اتقارىپ، ءار ۇلت بۇقاراسىنىڭ رۋحاني مادەنيەت قاجەتىن ءونىمدى قاناعاتتاندىردى. راديو-تەلەۆيزيانى بارلىق وتباستارىنا جالپىلاستىرۋ ينجەنەرياسىنا ءبىر ميلليارد 250 ميلليون يۋان قارجى قوسىلىپ، 2 ميلليون 600 مىڭ ەگىنشى-مالشى وتباسىنا راديو-تەلەۆيزور باعدارلامالارىن قابىلدايتىن جابدىق ورناتىلدى. شينجياڭ باسپا مەكەمەسىنىڭ شىعىس جەلى ينجەنەرياسىنا ءبىر ميلليارد 480 ميلليون يۋان قارجى قوسىلىپ، جيىنى 16 نىسان اتقارىلدى.اۋىل-قىستاقتى مادەنيەت ونىمدەرىنەن يگىلىكتەندىرۋ قيمىلىندا نەگىزگى ساتىعا كينو جانە ءبي تەاترى وپتيكالىق تاباعىنان 31 ميلليون 20 مىڭ داناسىن تاراتتى؛ شينجياڭنىڭ ۇلتتار ادەبيەتى جاسامپازدىعى جانە از ۇلت تىلىنەن حانزۋشاعا، حانزۋشادان از ۇلت تىلىنە اۋدارىلعان تۋىندى ينجەنەرياسى بويىنشا مادەنيەت كىتابىنان 466 مىڭ 80 داناسىن نەگىزگى ساتىداعى مادەنيەت كىتاپحانالارىنا تەگىن تاراتتى؛ۇيعىرشا قولفون گازەتىنىڭ تۇتىنۋشىلارى 1 ميلليون 500 مىڭ،قازاقشاسىنىكى 200 مىڭ بولدى. «شينجياڭ شارۋالار گازەتى» 5 ءتۇرلى تىل-جازۋ بويىنشا 180 مىڭ سانىن رەداكسيالاپ باسپادان شىعارىپ، ەگىنشى-مالشىلارعا تەگىن تاراتىپ بەردى. قوسىمشا قاراجات بەرۋ تاسىلىمەن ءتۇرلى ادەبيەت-كوركەمونەر ۇيىرمەسىن نەگىزگى ساتىعا بارۋعا ۇيىمداستىرىپ، اۋىل-قىستاقتاردا 144 مىڭ 500 رەت ويىن قويىپ، كورەرمەن 15 ميلليون ادام رەتكە جەتتى. حالىق تۇرمىسى نىسانى جاپپاي جالپىلاسىپ، قوعامدىق تيىمدىلىگى كورنەكتىلەنىپ، ءار ۇلت بۇقاراسىنىڭ جاقسى باعاسىن الدى. ادەبيەت-كوركەمونەر سارا تۋىندىلارىن جارىققا شىعارۋدى تەزدەتتى، بىلتىر، 6 تۋىندى ورتالىق ۇگىت ءبولىمىنىڭ 13-كەزەكتى‹‹ 5 ءبىر ينجەنەرياسى››بويىنشا تاڭداۋلى تۋىندى بولىپ سيلانسا، ەلىمىزدەگى 31 ولكە، رايون، قالا بويىنشا العان سيلىق سانى 11-ورىندى يەلەدى؛ 5 اۆتونوميالى رايون جانە باتىس سولتۇستىكتەگى 5 ولكەنىڭ ىشىندە، شينجياڭنىڭ العان سيلىق سانى ءبىرىنشى ورىندا تۇردى. سىرتقا ۇگىتتەۋدى جانە سىرتپەن بولعان مادەنيەت اۋىس-كۇيىسىن بەلسەنە دامىتىپ، جۇڭگو شينجياڭ حالىقارالىق ۇلتتىق ءبي فەستۆالى، جۇڭگو-ازيا-ەۆروپا كورمەسىنىڭ جۇڭگو شەتەل مادەنيەت كورمە اپتالىعى، جۇڭگو-ازيا-ەۆروپا كورمەسى اقپارات تالقى مىنبەسى قاتارلى ماڭىزدى قيمىلداردى دەن قويا ۇيىمداستىردى. دەنە-تاربيە ىستەرى قارىشتاپ دامىدى. قالا-اۋىل الەۋمەتتىك اۋماعىنىڭ الەۋمەتتىك دەنە-تاربيە قۇرىلعى قۇرىلىسىن كۇش سالا تەزدەتىپ، از ۇلت داستورلى دەنە-تاربيە قيمىلىن بەلسەنە قولدادى، فۋتبول، باسكەتبول، ۆاليبول سىندى دەنە-تاربيە تۇرلەرىن كەڭ كولەمدە جالپىلاستىردى. 2011-جىلى مەملەكەتتىك كەڭەس شينجياڭنىڭ 2016-جىلعى 13-كەزەكتى مەملەكەتتىك قىسقى ىسپورت جارىسىن ۇستىنە الىپ وتكىزۋىن رەسىمي بەكىتتى. بۇل اۆتونوميالى رايونىمىز قۇرىلعان 60 جىلدان بەرى ۇستىنە العان تۇڭعىش رەتكى كولەمدى سپورت قيمىلى ءارى مەملەكەتتىك قىسقى ىسپورت جارىسىنىڭ تۇڭعىش رەت شينجياڭعا ات باسىن بۇرۋى. 3 جىلدان ارتىق ۋاقىت قۇلشىنۋ ناتيجەسىندە ازياداعى ەڭ وزىق جانە حالىقاراداعى ماڭداي الدى مۇز ۇستى سپورت ورتالىعى سالىندى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
