بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ەكسكۋرتسيالاۋشىلار اۆتونوميالى رايوننىڭ 60 جىلدان بەرگى بايتاق دالاسىنداعى زور وزگەرىستەردى سەزىندى

2015.10.19 17:01     كەلۋ قاينارى : شينجياڭ حالىق راديو ستانسياسى تورابى

  اۆتونوميالى رايوننىڭ ءىرى كاسىپورىن، ءىس ورىندارىنان، جوعارى مەكتەپتەر مەن ورتا تەحنيكومدارىنان بارعان 10 مىڭعا جۋىق ەكسكۋرتسيالاۋشى 15-قازان «وتان قۇشاعىندا-شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىق تابىس كورمەسىن» ەكسكۋرتسيالاپ، اۆتونوميالى رايوننىڭ 60 جىلدان بەرگى بايتاق دالاسىنداعى زور وزگەرىستەردى سەزىندى.

  شينجياڭ حالىقارالىق كورمە ورتالىعىنىڭ كورمە زالىندا، كەڭ LED تەلە ەكرانى ورنالاستىرىلىپ، 60 جىلدان بەرگى شينجياڭ دامۋىنداعى وزگەرىستەر مەن شۇعىلالى تابىستار كورسەتىلىپ، ەكسكۋرتسيالاۋشىلاردىڭ نازارىن اۋداردى. كورمە ورنىندا كوپشىلىك اۆتونوميالى رايون قۇرىلعان 60 جىل، وتە-موتە ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ءماجىلىسى اشىلعاننان بەرگى شينجياڭداعى ءار ۇلت بۇقاراسىنىڭ العىس ايتىپ العا ۇمتىلۋىن، قالادان اۋىل-قىستاققا، ساياسي ستيلدەن ۇلتتىق ستيلگە، زاتتىق نەگىزدەن رۋحاني بەت-بەينەگە دەيىنگى تۋىلعان زور وزگەرىستەردى بەينەلەدى. 78 جاستاعى جي حايتاۋ شينجياڭدا تۇرمىس كەشىرگەنىنە 60 جىلدان اسىتى، كەزىندە اۆتونوميالى رايون قۇرىلعاندىعىنىڭ 10 جىلدىق مەرەي تويىنا قاتىناسقان ەكەن. بيىل جۇبايىن ەرتىپ كورمەنى ەكسكۋرتسيالاعان ول: «بۇقارانىڭ تۇرمىسى، قالا قۇرىلىسى سياقتى جاقتارداعى وزگەرىس ەرەسەن زور، شينجياڭعا العاش كەلگەن كەزىمىزدە شينجياڭ مەديتسينا ينستيتۋتىندا تۇراتىنمىز، شينجياڭ مەديتسينا ينستيتۋتى مەن باتىس ۇلكەن كوپىردىڭ اراسىندا بيىك عيماراتتار جوق ەدى، تۇندە جولدار تاس قاراڭعى بولىپ تۇراتىن، قازىر جول كەڭەيىپ، ءزاۋلىم عيماراتتار بوي كوتەردى»،-دەدى.

  «تاريح كەزەڭى ــــ دامىعان شينجياڭ» كورمە رايونىندا، اعا بۋىن شينجياڭدىقتاردىڭ ءوندىرىس قۇرىلىس بارىسىنداعى سۋرەتتەرى، تات باسقان بۇيىمدار سياقتى ناقتى زاتتاردان كوپتەگەن ادام ەرەسەن تەبىرەندى. 67 جاستاعى جيا شۋپەي 15 جاسىندا تيانجيننەن شەكارا رايونعا كومەككە كەلىپ، ۇرىمجىدە تۇراقتاپ تۇرىپ، 52 جىلدى باستان كەشىرىپتى. ول ءۇرىمجى قالاسىنىڭ قالا قۇرىلىسىنا قاتىناسىپ، وسى ارادا ءىزىن قالدىرىپ، قان-تەرىن توكتى. ول: «سول كەزدە جەر ۇيدە جاتقانبىز، اۋەجاي جاقتا قۇرىلىس جۇرگىزىپ جۇرگەندە شاتىردا تۇردىق، شاتىردىڭ استى قار، پانار شامنىڭ ساۋلەسىندە تاماق ازىرلەيتىنبىز. قازىر قۇرىلىس سالعاندا كران، قازۋ ماشيناسى تۇگەل بار، ەرەكشە وزىق. بۇرىنعىنى ەسكە العاندا ەرەكشە تەبىرەنەم. تيانجينگە قايتاتىن ەكى رەت وراي بولعان ەدى، قايتقام جوق. بۇل ارا مەنىڭ ەكىنشى مەكەنىم»،-دەدى. كورمەنى ەكسكۋرتسيالاۋ بارىسىندا ءتىلشى ىشكى موڭعۇلدان كەلگەن ءبىر توپ ەكسكۋرتسيالاۋشىعا كەزىكتى، ولار شينجياڭعا كورمە وتكىزۋ تاجىريبەسىن ۇيرەنۋگە ارنايى كەلگەن ەكەن. ىشكى موڭعۇل اۆتونوميالى رايونى كورمە سارايى زەرتتەۋ كەڭسەسىنىڭ مەڭگەرۋشىسى شۋە ليدۇڭ، كەلەر جىلى ىشكى موڭعۇل اۆتونوميالى رايونى قۇرىلعاندىعىنىڭ 70 جىلدىعى، وسى رەت شينجياڭعا ەكسكۋرتسيالاۋعا كەلۋىمىز ۇيرەنۋ، سونداي-اق شينجياڭنىڭ زور وزگەرىسىن سەزىنۋ ءۇشىن دەي كەلىپ: «كورمەدە كورنەكتى تۇيىندەر بار، ناقتى زاتتار قويىلىپ، تاريحتى قايتا ەلەستەتەدى. سونىمەن بىرگە، 50-، 60-جىلداردان 2000-جىلعا توتە ءوتۋ سىندى كورمە ءتاسىلى توتەنشە تاماشا ەكەن، سۋرەتتەردىڭ كەسكىنگە الىنۋى، مازمۇنى ەرەكشە تارتىمدى»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.