- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون PPP نىسانىنا قول قويۋ جينالىسىن وتكىزدى
2015.10.21 14:39
تۇڭعىش توپتا 115 نىسانعا قول قويىلدى
قوسىلاتىن قارجى 200 ميلليارد يۋانعا تايادى
جاڭ چۇنشيان قولعا العان ىستەن ناقتى ناتيجە شىعارۋدى باسا دارىپتەدى
شينجياڭ گازەتىنىڭ ءتىلشىسى جاڭ لەي 19-قازاندا ۇرىمجىدەن حابارلايدى. اۆتونوميالى رايوندىق ۇكىمەت پەن قوعامدىق كاپيتالداردىڭ سەلبەستىك ( قىسقاشا PPP دەلىنەدى) نىساندارىنا قول قويۋ جينالىسى 19-قازان كۇنى تۇستەن بۇرىن ۇرىمجىدە وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماجىلىسكە قاتىناستى ءارى مىنانى باسا دارىپتەدى: PPP ۇلگىسىن اتقارۋ − ۇكىمەت فۋنكتسياسىنا بۇرىلىس جاساۋداعى، قارجى قوسۋ، قارجى قۇراۋ ءتۇزىلىسى مەحانيزمىنە جاڭالىق ەنگىزۋدەگى ماڭىزدى رەفورما، بۇل شينجياڭ جونىنەن بولاشاعى زور. شىنايى رەفورما جاساپ، شىنايى كىرىسىپ، شىنايى ونىمگە قول جەتكىزۋ كەرەك؛ PPP ۇلگىسىن بارىنشا قولداپ، قولعا العان ىستەن ناتيجە شىعارۋ كەرەك؛ اتقارۋ بارىسىندا كەزىككەن كورنەكتى ماسەلەلەردى ويداعىداي شەشىپ، PPP ۇلگىسىن باياندى، اقاۋسىز دامىتۋ كەرەك.
پارتيا ورتالىق كوميتەتى مەن مەملەكەتتىك كەڭەستىڭ PPP ۇلگىسىن جاپپاي قولدانۋ جونىندەگى شەشىم، ورنالاستىرۋىن دايەكتى تياناقتاندىرۋ ءۇشىن، شينجياڭنىڭ ءىس جۇزىندىك جاعدايىنا مەڭزەس، اۆتونوميالى رايوندىق پارتكوم مەن ۇكىمەت ءبىر ايدان استام ۋاقىتتان بەرى تالاي رەت اقىلداسىپ، ورنالاستىرۋ جاساپ، بارىنشا ىلگەرىلەتىپ، اۆتونوميالى رايونىمىزدىڭ PPP ۇلگىسىن كورنەكتى تۇردە ىلگەرىلەتتى. سول كۇنگى قول قويۋ جينالىسىندا 115 PPP نىسانىنا ءساتتى تۇردە قول قويىلدى، جالپى قوسىلاتىن قارجى 191 ميلليارد 600 ميلليون يۋانعا جەتتى؛ سونىمەن بىرگە، جينالىستا 212 ميلليارد 900 ميلليون يۋان قارجى قوسىلاتىن 330 نىسان تانىستىرىلدى.
جاڭ چۇنشيان بىلاي دەدى: PPP ۇلگىسىن اتقارۋ − پارتيا ورتالىق كوميتەتىنىڭ، مەملەكەتتىك كەڭەستىڭ كەلەلى ورنالاستىرۋى، ۇكىمەت فۋنكتسياسىنا بۇرىلىس جاساۋداعى، قارجى قوسۋ، قارجى توپتاۋ ءتۇزىلىسى مەحانيزمىنە جاڭالىق جاساۋداعى كەلەلى رەفورما. اۆتونوميالى رايوندىق پارتكوم مەن ۇكىمەت وسكەلەڭ تۇردە ءمان بەرىپ، PPP ۇلگىسىن اتقارۋدى قارجى قوسۋدى ءونىمدى جەبەيتىن، ەكونوميكانىڭ باسەڭدەۋ قىسىمىنا توتەپ بەرەتىن ماڭىزدى شارا ەتۋى، جاڭا جاعدايداعى الەۋمەتتىك قىزمەت وتەۋگە قارجى قۇراۋ قيىن بولۋ ماسەلەسىن شەشۋدىڭ ماڭىزدى ءتاسىلى ەتىپ، ەرەكشە ماڭىزدى ورىنعا قويۋى كەرەك. مۇنان بىلاي نەگىزدىك قۇرىلعىلار مەن الەۋمەتتىك قىزمەت وتەۋ قۇرىلعىلار قۇرىلىسى، نەگىزىنەن، قوعامدىق كاپيتال ەنگىزۋگە، قارجى قۇراۋ ءتاسىلى بولعان PPP ۇلگىسىنە سۇيەنەدى، جاڭادان اتقارىلاتىن نىساندارعا پرينسيپتىك جاقتان تۇگەلدەي PPP جوباسى العا قويىلۋى كەرەك؛ شينجياڭنىڭ رەفورماسىن ناقتى اتقارىپ، شىنايى كىرىسىپ، ناعىز ونىمدىلىككە قول جەتكىزۋ قاجەت، PPP ۇلگىسىن اتقارۋدا قولعا العان ىستەن ناقتى ناتيجە شىعارىپ، ونى شينجياڭ رەفورماسىنىڭ جارقىن تۇيىنىنە، قارجى قوسۋدىڭ ماڭىزدى ارناسىنا اينالدىرۋ كەرەك. الداعى قادامدا اۆتونوميالى رايون PPP ۇلگىسىن قولداۋ، ىلگەرىلەتۋ سەرپىنىن اناعۇرلىم ارتتىرىپ، ساياساتپەن كوپتەپ قولداپ، ءتيىمدى ورتا ازىرلەۋ، PPP ۇلگىسىنىڭ زور دامۋىنا سۇيەنىپ، شينجياڭنىڭ نەگىزدىك قۇرىلعىلارى مەن الەۋمەتتىك قىزمەت وتەۋ دەڭگەيىن تىڭ ساتىعا كوتەرىپ، شينجياڭنىڭ ەكونوميكا، قوعام دامۋىنا جاڭا قوزعاۋشى كۇش قوسۋ كەرەك.
جاڭ چۇنشيان كورنەكتى ماسەلەلەردى تومەندەگىدەي 6 ءتۇرلى جاقتان شەشىپ، PPP ۇلگىسىنىڭ باياندى، اقاۋسىز دامۋىن جەبەۋدى باسا دارىپتەدى:
ءبىرىنشى، ۇكىمەت پەن كاسىپورىن يدەياعا، كوزقاراسقا بۇرىلىس جاساۋ كەرەك. ءار دارەجەلى ۇكىمەتتەر قازىرگى نەگىزدىك قۇرىلعىلار مەن الەۋمەتتىك قىزمەت وتەۋگە قارجى قۇراۋ مەحانيزمىندە ەلەۋلى وزگەرىس تۋىلعانىن، ءداستۇرلى ۇلگىدەن PPP ۇلگىسىنە بۇرىلىس جاساعانىن جەتە تانۋى كەرەك؛ كاسىپورىندار جاڭا قالىپتاعى جاڭا يدەياعا، ءسوزجوق، ۇيلەسۋى، وتكەندەگى داعدىلى يدەيانى رەتكە سالىپ، PPP ۇلگىسىنە ءوتۋ ماسەلەسىنە ستراتەگيالىق تۇرعىدان مامىلە جاساۋ كەرەك.
ەكىنشى، پرينسيپتەن جازباي، باقىلاۋ-باسقارۋدى كۇشەيتىپ، حاۋىپتەن ساقتانۋ كەرەك. PPP نىسانىنىڭ پەريودى ۇزاق، الەۋمەتتىك مۇددەگە سايادى، سوندىقتان زاڭدى، ولشەمگە ساي بولۋ، ۋادەنى ورىنداۋ، جاريا، اشىق بولۋ، جۇرتشىلىقتى پايداعا كەنەلتۋ، بەلسەندى، ورنىقتى بولۋ پرينسيبىنە تاباندى بولۋ كەرەك؛ ناتيجەنى باعالاۋدىڭ قاتاڭ مەحانيزمىن ورناتىپ، نىسان قۇرىلىسىن اتقارۋدا مەجەلى ونىمگە قول جەتكىزۋگە كەپىلدىك ەتىپ، «نىساننىڭ سىناقتاردان سۇرىنبەي ءوتۋىن» قامتاماسىز ەتۋ كەرەك؛ سونىمەن بىرگە حاۋىپتەن ساقتانۋعا ەرەكشە ءمان بەرۋ كەرەك.
ءۇشىنشى، نىسان جوباسىن ىجداعاتتىلىقپەن جوبالاۋ، مامان، اقىلشىلار قوسىندارىنان ۇتىمدى پايدالانۋ كەرەك. نىسان جوباسى، ءسوزجوق، ەكونوميكا زاڭدىلىعىنا ۇيلەسۋ، جەدەل ىلگەرىلەتۋمەن بىرگە ساپا جاعىنان قويىلاتىن تالاپتى بوساڭسىتپاۋ، اسىعىس-ۇسىگىس اتقا قونباۋ، دۇرمەككە ىلەسە جونەلمەۋ، كاسىپتىك دارىندىلاردىڭ رولىن تولىق ساۋلەلەندىرىپ، PPP نىسانىن كاسىپتىك جاقتان قامتاماسىز ەتۋ كەرەك.
ءتورتىنشى، ماڭىزدى PPP نىساندارىنان قامال الۋعا بارىنشا كۇش سالۋ كەرەك. جوعارى قارقىندى تاس جول، اۋەجاي، جەرگىلىكتى تەمىر جول، رەلىستى قاتىناس، سونداي-اق كەلەلى سۋ يگىلىگى ىستەرى، قورشاعان ورتانى قورعاۋ نىساندارىن تۇگەلدەي «13-بەس جىلدىق» جوباداعى كەلەلى نىساندار قاتارىنا ەنگىزىپ، PPP جوباسىن ويداعىداي جاساپ، جەدەل ىلگەرىلەتىپ، باستاماشىلدىق ەتۋ رولىن ساۋلەلەندىرۋ كەرەك.
بەسىنشى، PPP ۇلگىسىندە ۇكىمەتتىك قورعا جەتەكشىلىك ەتۋ رولىن ويداعىداي ساۋلەلەندىرۋ كەرەك. قازىنا تاراۋلارى، ايماق، وبلىس، قالالار وسكەلەڭ ءمان بەرىپ، بازارلاندىرىپ اتقارۋدان جازباي، كاسىپتىك باسىمدىلىعىن ساۋلەلەندىرىپ، قوردىڭ «كاتاليزاتورلىق» رولىنان جاقسى پايدالانىپ، قوعامدىق كاپيتالدى، ءتىپتى، جاقسى جۇمىلدىرىپ، شينجياڭنىڭ PPP ۇلگىسىن اناعۇرلىم جاقسى دامىتۋعا جەتەكشىلىك ەتۋ كەرەك.
التىنشى، نىساننىڭ تياناقتانۋىن مىقتاپ يگەرۋ كەرەك. اۆتونوميالى رايونداعى PPP ۇلگىسىن اتقارۋعا باسشىلىق ەتەتىن ءار دارەجەلى گرۋپپالار باسەكە مەحانيزمىن ەنگىزىپ، قارجى قوسۋ ارەكەتىن ولشەمگە ءتۇسىرۋى كەرەك؛ سايكەستىرۋدى كۇشەيتىپ، تەكسەرىپ بەكىتۋدى ىقشامداۋ؛ باتىلدىقپەن رەفورما جاساپ، قامال الۋعا شەبەر بولۋ ؛ كاسىپتىك دارىندىلاردى باۋلىپ، تاجىريبەلەردى مولايتۋ كەرەك؛ قوعامدىق كاپيتال PPP ۇلگىسىنە تەزىرەك قانىق بولۋى قاجەت.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي قول قويۋ جينالىسىن باسقاردى.
جينالىستا اۆتونوميالى رايوننىڭ ورىنباسار ءتوراعاسى ءمۇتالىپ قاسىم اۆتونوميالى رايون اتىنان ساۋداگەر شاقىرۋ بانكەسىمەن، پۋدۇڭ دامىتۋ بانكەسىمەن ستراتەگيالىق سەلبەستىك كەلىسىمىنە قول قويىستى؛ اۆتونوميالى رايوندىق ساياسي كەڭەستىڭ ورىنباسار ءتوراعاسى، اۆتونوميالى رايوندىق قازىنا مەڭگەرمەسىنىڭ باستىعى ۋان حايچۋان اۆتونوميالى رايوننىڭ PPP نىساننىڭ جالپى اتقارىلۋ احۋالىن، PPP ۇلگىسىنە جەتەكشىلىك ەتۋ قورىن قۇرۋ جانە مامان، اقىلشى ۇسىنىس ەتۋ جاعدايىن تانىستىردى.
اۆتونوميالى رايوننىڭ باسشىلارىنان جۋ حايلۇن، باي جىجيە، ليۋ جيانشين ماجىلىسكە قاتىناستى.
ءۇرىمجى قالاسى، اۆتونوميالى رايوندىق قاتىناس تاسىمال مەڭگەرمەسى، ساۋداگەر شاقىرۋ بانكەسى، يۇننان سۋ يگىلىگىنە قارجى قوسۋ شەكتى جارنا سەرىكتەستىگى سياقتى ۇكىمەت پەن قوعامدىق كاپيتالدىڭ جاۋاپتى ۋاكىلدەرى جينالىستا ءسوز سويلەدى؛ اۆتونوميالى رايونداعى ايماق، وبلىس، قالالار، سونداي-اق قاتىستى تاراۋلار قوعامدى كاپيتالمەن PPP نىسانى سەلبەستىگىنە قول قويسىتى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
