- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شوكىرات زاكىر ۇيىرمە باستاپ يراندا ساپاردا بولدى
2015.10.22 13:18 كەلۋ قاينارى : ءتاڭىرتاۋ تورابى
اۆتونوميالى رايوننىڭ ءتوراعاسى شوكىرات زاكىر يراننىڭ حوراسان رازاۆي ولكەسىنىڭ باستىعى روشيدياننىڭ ۇسىنىسىمەن ۇيىرمە باستاپ 17 - قازاننان 19 - قازانعا دەيىن يران ءىسلام رەسپۋبليكاسىندا دوستىق ساپاردا بولدى.
شوكىرات زاكىردىڭ بۇل جولعى ساپارى − جۇڭگونىڭ شينجياڭى مەن يراننىڭ حوراسان رازاۆي ولكەسى 2008 - جىلى دوستىق رايون - ولكە قاتىناسىن ورناتقاننان بەرى، اۆتونوميالى رايوندىق حالىق ۇكىمەتى باسشىسىنىڭ تۇڭعىش رەتكى ساپارى. يران بۇل جولعى ساپارعا وسكەلەڭ ءمان بەردى. ورىنباسار زۇڭتۇڭ سولتاننيفار، ماشحات قالاسىنىڭ باستىعى قاتارلىلار جۇڭگو شينجياڭ ۋاكىلدەر ۇيىرمەسىندەگىلەرمەن كەزدەستى. حوراسان رازاۆي ولكەسىنىڭ باستىعى روشيديان مەن ماشحات قالاسىنىڭ باستىعى جەكە - جەكە شوكىرات زاكىرمەن جانە بىرگە بارعان ءۇرىمجى قالاسىنىڭ باستىعى يىلقام سابىرمەن كەڭەس وتكىزدى. يران جاق ۋاكىلدەر ۇيىرمەسىن جانە قاتىستى كاسىپورىنشىلاردى حوراسان رازاۆي ولكەسىنىڭ قاتىستى ەكونوميكالىق باقشا رايوندارىندا جانە كاسىپورىندارىندا تەكسەرۋ جۇرگىزۋگە ورنالاستىرىپ، نىسان جونىندە كەڭەس ۇيىمداستىردى.
ساپار كەزىندە ەكى جاق ءبىر اۋىزدان بىلاي دەپ قارادى: جۇڭگو مەن يران بايىرعى وركەنيەتتى مەملەكەتتەر، شۇعىلالى تاريحي مادەنيەتى بار، ەكى ەل تاتۋ - ءتاتتى بارىس - كەلىس ورناتقان تاڭداۋلى داستۇرگە يە. ءتوراعا شي جينپيڭ العا قويعان جىبەك جولى ەكونوميكالىق بەلدەۋىن بىرگە قۇرۋ سەلبەستىگى قۋاتتاماسى جۇڭگو مەن يران قاتىناسىنىڭ دامۋىنداعى كەلەلى وراي، سونداي - اق جۇڭگونىڭ شينجياڭى مەن يراننىڭ، وتە - موتە، حوراسان رازاۆي ولكەسىنىڭ بارىس - كەلىسىنە، سەلبەستىگىنە تىڭ وراي ازىرلەپ بەردى. يران جاق جۇڭگونىڭ شينجياڭى مەن يراننىڭ تالاي جىلدار بويى سەلبەستىك جاساسقانىن، ەكى جاقتىڭ ءبىر - بىرىنە ايرىقشا سەنەتىندىگىن، الداعى سەلبەستىكتەر بارىسىندا، يراننىڭ كونە دوسى جۇڭگونىڭ شينجياڭىن بۇرىنعىداي سەلبەستىك سەرىگى ەتىپ تاڭدايتىندىعىن باسا دارىپتەدى. ەكى جاق جىبەك جولى ەكونوميكالىق بەلدەۋىن بىرگە قۇرۋ اياسىندا دوستىق بارىس - كەلىستى كۇشەيتىپ، ەكونوميكا - ساۋدا سەلبەستىك كومەسكى كۇشىن اشىپ، گۋمانيتارلىق بارىس - كەلىس اياسىن كەڭەيتۋگە ماقۇل بولدى ءارى ناقتى سەلبەستىك جاعىندا ءبىرسىپىرا ورتاق تانىمعا كەلدى ءارى جوعارى جىكتەگىلەردىڭ ءوزارا ساپارىن كۇشەيتىپ، جۇڭگونىڭ شينجياڭىنىڭ يراننىڭ ءارقايسى سالاسىمەن اۋىس - كۇيىس جاساسۋى، سەلبەستىك ورناتۋى جونىندەگى ورەلى جوبانى تىڭعىلىقتى جاساۋعا ماقۇل بولدى. ءۇرىمجى قالاسى مەن ماشحات قالاسىنىڭ بىرلەسكەن ماماندار قىزمەت گرۋپپاسىن قۇرىپ، تاياۋدا نەگىزدىك قۇرىلعى، قاتىناس، زات اينالىم، قالا قۇرىلىسى، ەكونوميكا - ساۋعا قارجى قوسۋ، ساياحات مادەنيەتى سياقتى سالالارداعى ناقتى سەلبەستىك نىساندار جونىنەن ۇرىمجىدە كەڭەس وتكىزىپ، ەكى جاقتى اۋىس - كۇيىس پەن سەلبەستىكتى كۇشەيتۋگە قوسىلدى.
ءۇرىمجى قالاسىنىڭ جانە جۇڭگونىڭ شينجياڭىنداعى 10 نەشە كاسىپ سالاسىنىڭ جەتەكشى كاسىپورىندارىنىڭ جاۋاپتىلارى ساپاردا بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
