- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كەن اشۋدىڭ داستانىن جازدى
2015.10.27 17:40 كەلۋ قاينارى : شينجياڭ حالىق راديو ستانسياسى تورابى
اۆتونوميالى رايون قۇرىلعان 60 جىلدان بەرى، وتە-موتە ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، مەملەكەت پەن اۆتونوميالى رايوننىڭ قامقورلىعى مەن قولداۋىندا، شينجياڭ گەولوگيالىق بارلاۋ تەبىنىن ارتتىرىپ، گەولوگيالىق كەن اشۋ ىستەرى قارىشتاپ دامىدى.
شينجياڭ گەولوگيالىق بارلاۋ مەكەمەسى گەولوگيالىق بارلاۋ ءبولىمىنىڭ باستىعى فىڭ جينشيڭ سوڭعى بىرنەشە جىلدان بەرى كىسى قۋانارلىق ىستەر بولعانىن، تيانشان تاۋلى وڭىرى دۇن-دى تەمىر كەنىنەن تۇڭعىش رەت كولەمدى تەمىر، مىرىش، التىن سىندى كوپتەگەن مەتال كەن ونىمدەرى بايقالعانىن، 187 ميلليون توننا تەمىر بايلىعى انىقتالۋمەن بىرگە، 50 توننا التىن، ءبىر ميلليون 500 مىڭ توننا مىرىش بايقالعانىن ايتا كەلىپ: مۇمكىندىكتىڭ بارىنشا ەشقانداي جەردى قاعىس قالدىرماي بارلاۋ جۇرگىزىپ، كەن ونىمدەرى بايلىعىن انىقتايمىز، كەي جەرلەردى نەشە ون مەتر كەڭدىكتە قازۋىمىز مۇمكىن، ىشكەرىلەي بارلاۋ جۇرگىزىلمەسە، كەن بايلىعىن بايقاي المايمىز، كەن بايلىعى نەگىزىنەن تاۋلى وڭىردە، شولدە بولادى،-دەدى.
فىڭ جينشيڭ سەكىلدى، 60 جىلدان بەرى، رايونىمىزدىڭ گەولوگيالىق بارلاۋ قىزمەتكەرلەرى جاۋاپكەرلىك پەن مىندەتتى ارقالاپ، بولاتتاي بەرىك جىگەرمەن ۇزدىكسىز العا تارتىپ، تاۋ اسىپ، تاس باسىپ، كوپتەگەن جەردى ارالاپ، مول كەن بايلىعى ساقتالعان كەندەردى دۇنيە ءجۇزى حالقىنا ايگىلەدى.ليۋداۋان كومىر كەنى، سانداۋليڭ كومىر كەنى، يامانسۋ تەمىر كەنى، سارتوعاي حروم كەنى، اشىلى مىس كەنى، اچي التىن كەنى، لوپنۇر كاليلى تۇز كەنى، شىعىس جۇڭعار كومىر الابى سياقتى كەن ورىندار بايقالىپ، مىڭداعان، ميلليونداعان جىلداردىڭ الدىنداعى جەر شارىندا ساقتالعان بايلىق شينجياڭ ەكونوميكاسى مەن قوعام دامۋىنىڭ نەگىزگى كۇشىنە اينالدى.ساندى مالىمەتتە: 60 جىلدان بەرى، رايونىمىزدىڭ 138 ءتۇرلى كەن ءونىمىن بايقاعانى، مۇنىڭ 8 ءتۇرى ەلىمىز بويىنشا الدىڭعى ورىندا، 63 ءتۇرى الدىڭعى ون ورىندا تۇراتىندىعى، رايونىمىز گەولوگيالىق بارلاۋ قىزمەتكەرلەرىنىڭ شينجياڭنىڭ جەر قىرتىسى، تاس جىنىستارى، قۇرىلىمى جانە كەن ونىمدەرىنىڭ باستى ەرەكشەلىگىن نەگىزىنەن انىقتاپ، 4 مىڭنان ارتىق كەن بايقاعانى جانە ونداعى كەن ونىمدەرىن باعالاعانى ايگىلەندى.مەجەگە نەگىزدەلگەندە، بايقالعان كەن بايلىعىنىڭ قۇنى 6 تريلليون 400 ميلليارد يۋان كورىنەدى.شينجياڭ گەولوگيالىق بارلاۋ مەكەمەسىنىڭ باستىعى زىڭ شياۋگاڭ تىلشىگە، سوڭعى جىلداردان بەرى، اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، مەملەكەتتىڭ شينجياڭنىڭ گەولوگيالىق بارلاپ انىقتاۋعا قارجى قوسۋ تەبىنىن اناعۇرلىم ارتتىرعانىن، اۆتونوميالى رايون قازىنالىق قينشىلىق اۋىر بولعان جاعدايدا، گەولوگيالىق بارلاۋ ىستەرىنە 3 ميلليارد 500 ميلليون يۋان قارجى قوسقانىن، مۇنىڭ تاريحتاعى تۇڭعىش رەت قوسىلعان مول قارجى ەكەنىن، وسىنىڭ ناتيجەسىندە ۇزاق بولاشاقتىق جانە نەگىزدىك سيپاتتى جەتىستىككە قول جەتكىزىلگەنىن ايتا كەلىپ: ەنەرگيا جاعىنان العاندا، كومىر الابى بايلىعى بۇرىن نەبارى 90 ميلليارد توننادان اساتىن، قازىر 400 ميلليارد توننادان اسادى.ءتۇستى مەتال جاعىنان العاندا، ءىرى تۇرپاتتى كەن ونىمدەر بايلىعى بىرتىندەپ بايقالۋدا، قۇمىلداعى مىس، نيكەل كەن بايلىعى، جانە باسقا حيميا ونەركاسىپ شيكزاتى، كاليلى تۇز سياقتىلار ىركەس-تىركەس بارلاپ اشىلۋدا،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
