- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىزمەتتى قوعام ورنىقتىلىعى مەن ۇلتتار ىنتىماعىن ارقاۋ ەتە وتىرىپ جوسپارلايىق، ىلگەرىلەتەيىك
− اۆتونوميالى رايوندىق پارتكومنىڭ وڭتۇستىك شينجياڭ قىزمەتى ماجىلىسىنە نازار (5)
2015.11.11 13:40 كەلۋ قاينارى : شينجياڭ گازەتى
«بۇدان كەيىنگى ءبىر مەزگىل وڭتۇستىك شينجياڭدا جاپپاي دوڭگەلەك داۋلەتتى قوعام قۇرۋدىڭ شەشۋشى مەزگىلى، سونداي - اق قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ شەشۋشى مەزگىلى». اۆتونوميالى رايوندىق پارتكومنىڭ وڭتۇستىك شينجياڭ قىزمەتى ماجىلىسىندە قوعام ورنىقتىلىعى مەن باياندى تىنىشتىقتىڭ جاپپاي دوڭگەلەك داۋلەتتى قوعام قۇرۋ اياق الىسىنداعى شەشۋشى رولى ايقىن باياندالدى.
وڭتۇستىك شينجياڭ − لاڭكەستىككە قارسى تۇرىپ، ورنىقتىلىقتى قورعاۋداعى نەگىزگى شايقاس مايدانى، بولشەكتەۋشىلىككە قارسى تۇرۋ كۇرەسى ۇزاق ۋاقىت، كۇردەلى، قاتاڭ، ءتىپتى كەيدە ەرەكشە قيان - كەسكى بولادى. «بۇل جاعىندا، ءبىز، ءسوز جوق، سەرگەك، تولىق تانىمدا بولۋىمىز، ستراتەگيالىق تۇراقتىلىقتى ساقتاپ، نەگىزدى بەكەمدەۋ، بولاشاق مۇددەنى كوزدەۋ قىزمەتىن ويداعىداي ىستەۋىمىز كەرەك. قىزمەتتىڭ بارلىعىن قوعام ورنىقتىلىعى مەن باياندى تىنىشتىقتى مىقتاپ ارقاۋ ەتىپ جوسپارلاۋىمىز، ىلگەرىلەتۋىمىز كەرەك»، - دەپ تالاپ قويدى ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان.
جالپىلاما شارا قولدانۋعا نازار اۋدارىپ، زورلىقتى كۇش لاڭكەستىگىنە قارسى كۇرەستى ىشكەرىلەي ورىستەتەيىك
حوتان ايماقتىق پارتكومنىڭ شۋجيى يان گوسان بىلاي دەدى: بىلتىردان بەرگى زورلىقتى كۇش لاڭكەستىگىنە قاتاڭ سوققى بەرۋ ارناۋلى ارەكەتى جاۋلاردى ەرەكشە سەسكەندىرىپ، بۇقارانىڭ قالاۋىنان شىقتى، ادىلەت پەن تىنىشتىققا قول جەتكىزدى، سونىمەن نەگىزگى ساتىنىڭ ۇيىسۋ قۋاتى، جۇدىرىقتاي جۇمىلۋ قۋاتى ەرەكشە كۇشەيدى. اسىرەسە، ءار ۇلت جۇرتشىلىعى كەڭ كولەمدى جۇمىلدىرىلىپ، رۋحاني بەينەلەرىندە وراسان زور وزگەرىس بولدى، ولار زورلىقتى كۇش لاڭكەستىگىنە قارسى تۇرۋ كۇرەسىنە بەلسەنە ات سالىستى.
«جاڭ چۇنشيان شۋجي اۆتونوميالى رايوندىق پارتكومنىڭ وڭتۇستىك شينجياڭ قىزمەتى ماجىلىسىندە ايتقانداي، زورلىقتى كۇش لاڭكەستىك ارەكەتىنە قاتاڭ سوققى بەرۋدى كەزەكتەگى كۇرەستىڭ ماڭىزدى ءتۇيىنى ەتىپ، قاتاڭ سوققى بەرۋ ارناۋلى قيمىلىن ۇزدىكسىز تەرەڭدەتۋ كەرەك». قاشقار ايماقتىق پارتكومنىڭ شۋجيى زىڭ سۇن مىندەتتىڭ اۋىر ەكەنىن تەرەڭ سەزىنىپ: «پارتيا ورتالىق كوميتەتىنىڭ تالابى ءبىزدىڭ مىندەتىمىز، اۆتونوميالى رايوندىق پارتكومنىڭ ورنالاستىرۋى ءبىزدىڭ ارەكەتىمىز» دەگەنگە ۇزبەي باتىل تاباندى بولىپ، قوعام ورنىقتىلىعىن كۇش سالا قورعاۋ، باياندى تىنىشتىقتى ىسكە اسىرۋ كەرەك، - دەدى.
اۆتونوميالى رايوندىق پارتكومنىڭ وڭتۇستىك شينجياڭ قىزمەتى ماجىلىسىنە قاتىناسقاندار گرۋپپاعا ءبولىنىپ تالقى جۇرگىزگەندە «كاسىپتىك كۇشتەردى، عىلىم - تەحنيكا ءتاسىلىن، حالىقتىق شايقاستى كورنەكتى تۇردە مىقتى يگەرۋ؛ زاڭ بويىنشا ءدال سوققى بەرۋدى كورنەكتىلەندىرۋ، ت.ب قاتاڭ سوققى بەرۋ ارناۋلى ارەكەتىن ىشكەرىلەي ىلگەرىلەتۋدىڭ ماڭىزدى ءتۇيىنى» دەگەن ورتاق تانىمعا كەلدى.
حوتان ايماقتىق پارتكومنىڭ ورىنباسار شۋجيى، ايماقتىق اكىمشىلىك مەكەمەسىنىڭ ءۋاليى ازەز مۇسا بىلاي دەدى: بايقاۋ، ساقتانۋ جانە سوققى بەرۋ قۋاتىن جوعارىلاتۋعا، زورلىقتى كۇش لاڭكەستىك ارەكەتتەرىنە قارسى تۇرۋ قىزمەتىنىڭ ورەسىن جوعارىلاتۋعا اناعۇرلىم كوپ كۇش سالۋىمىز كەرەك. قاتاڭ سوققى بەرۋ ارقىلى ەرتە باستان قامدانۋ، حالىق تۇگەل زاڭ ءبىلۋ، زاڭعا بويسۇنۋ سىندى زاڭمەن جونگە سالىناتىن قوعامدىق ورتا قۇرۋداي اقىرعى ماقساتقا جەتۋىمىز كەرەك.
ءدىني جاراسىمدىلىقتى جەبەپ، «ۇشقارىلىقتى الاستاۋدى» ىشكەرىلەي ىلگەرىلەتەيىك
ءدىني ۇشقارى يدەيا شينجياڭنىڭ قوعام ورنىقتىلىعىنا ىقپال جاسايتىن ۋلى وسپە. اۆتونوميالى رايوندىق پارتكوم شينجياڭدى زاڭمەن جونگە سالۋ مەن شينجياڭدى مورالمەن جونگە سالۋدى ءوزارا ۇشتاستىرۋدان جازباي، «بەس كىلتتەن» پايدالانۋداي كەلەلى تانىمدى جاسامپازدىقپەن العا قويدى.
اقسۋ ايماقتىق پارتكومنىڭ مۇشەسى، كۇشار اۋداندىق پارتكومنىڭ شۋجيى ياڭ فاسىن بىلاي دەدى: اۆتونوميالى رايوندىق پارتكوم 2011 - جىلى «ۇشقارىلىقتى الاستاۋدى» العا قويىپ، «الدىمەن ارەكەتتەنىپ، الدىمەن سىناق ەتۋگە» شابىتتاندىرعاننان قازىرگە دەيىن دىنگە سەنەتىن قاۋىمنىڭ زاڭمەن جونگە سالۋ تانىمى جاپپاي جوعارىلاپ، ءدىني ۇشقارى يدەيانىڭ سىنالاپ كىرۋىنە قارسى تۇرۋ قابىلەتى كورنەكتى كۇشەيدى. وسى وزگەرىستەر ءار دارەجەلى ۇيىمنىڭ ءوز جەرىنىڭ ءىس جۇزىندىك جاعدايىنا ۇشتاستىرىپ، «بەس كىلتتەن» ۇتىمدى پايدالانۋىنان، «ۇشقارىلىقتى الاستاۋ» قىزمەتىن ىلگەرىلەتۋىنەن ايرىلا المايدى، سونىمەن قاتار بۇقارالىق قىزمەتتى ىستەۋ ءتاسىلىن يگەرسەك، بۇقارالىق قىزمەتتى ىستەۋگە شەبەر بولساق، كوپتەگەن قيىن ماسەلەنى، اسىرەسە، تالاي جىلدان بەرى ساقتالعان «دەرتتەردى» ويداعىداي، ءونىمدى ءبىر جايلى ەتۋگە بولاتىنىن دالەلدەدى.
اۆتونوميالى رايوندىق پارتكومنىڭ وڭتۇستىك شينجياڭ قىزمەتى ماجىلىسىنە قاتىناسقاندار تالقى بارىسىندا بيىل 1 - قاڭتاردان باستاپ رەسمي اتقارىلعان، جاڭادان وزگەرىس ەنگىزىلگەن «اۆتونوميالى رايوننىڭ ءدىني ىستەر ەرەجەسىن» تىلگە تيەك ەتتى. ولار بىلاي دەدى: بۇل ءدىني قىزمەتتى زاڭمەن جونگە سالۋ ارناسىنا ءتۇسىرۋدىڭ ماڭىزدى شاراسى، سونداي - اق زاڭمەن جونگە سالىناتىن شينجياڭ قۇرىلىسىن ىلگەرىلەتۋدىڭ ماڭىزدى شاراسى. الدا شينجياڭدى زاڭمەن جونگە سالۋ نەگىزگى تاكتيكاسىنا تاباندى بولىپ، «ەرەجەنى» دايەكتى تياناقتاندىرۋدى پارتيانىڭ ءدىن قىزمەتىنىڭ نەگىزگى باعىتتارىن جاپپاي دايەكتىلەندىرۋدىڭ ماڭىزدى بولەگى ەتىپ، ءار ۇلت جۇرتشىلىعىنا ءدىن ماسەلەسىندە، قايسى ارەكەتتەردىڭ زاڭدى ەكەنىن، زاڭ بويىنشا قورعالاتىنىن؛ قايسى ارەكەتتەردىڭ زاڭسىز ەكەنىن، شەكتەلۋى كەرەكتىگىن ءتۇسىندىرۋ كەرەك. «زاڭدىلارىن قورعاۋ، زاڭسىزدارىن تەجەۋ، ۇشقارىلىقتى تيۋ، سىنالاپ كىرۋدەن ساقتانۋ، قىلمىستىق ارەكەتتەرگە سوققى بەرۋ» سىندى نەگىزگى پرينسيپتى شىنايى دايەكتىلەندىرىپ، «ۇشقارىلىقتى الاستاۋ» قىزمەتى ءۇشىن زاڭمەن جونگە سالۋدىڭ پارمەندى كەپىلىن ازىرلەۋ كەرەك.
ۇلتتار ىنتىماعىن قورعاپ، جاپپاي دوڭگەلەك داۋلەتتى قوعام قۇرۋدىڭ نەگىزىن بەكەمدەيىك
ۇلتتار ىنتىماعى ءار ۇلت حالقىنىڭ جان تامىرى. «ۇلت قىزمەتىن ويداعىداي ىستەۋدىڭ تەتىگى ۇلتتار ىنتىماعىن جاقسارتۋدا، ۇلتتار ىنتىماعىن جاقسارتۋدىڭ ەڭ ءونىمدى ءتاسىلى ۇلتتار ىنتىماعى ۇگىت تاربيەسىن جانە ۇلتتار ىنتىماعى العاباسارلىعى بويىنشا ۇلگىلى ورىن قۇرۋ قيمىلىن ويداعىداي ورىستەتۋ». ۇلۇقشات اۋدانى بيىل اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى ورىن بولىپ باعالاندى، اۋداندىق پارتكومنىڭ شۋجيى ۋاڭ حۇڭشۇي تەبىرەنگەن سەزىممەن بىلاي دەدى: ۇگىت - تاربيە جانە قۇرۋ قيمىلدارى ارقىلى ءار ۇلت حالقىنىڭ مەملەكەت تانىمى، ازاماتتىق تانىمى، جۇڭحۋا ۇلتىنىڭ ورتاق تۇلعاسى تانىمى اناعۇرلىم بەكەمدەلدى، بۇل ەكونوميكانى وركەندەتۋدىڭ قوعامدىق نەگىزى.
حوتان ايماقتىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى يىن رۋحۇڭ دە وسى جونىندە ەرەكشە تەرەڭ اسەر الدى، بيىل ول مەكەمەنىڭ ۋاكىلى رەتىندە ۋاڭ حۇڭشۇيمەن بىرگە سيلىق تورىنە كوتەرىلدى. يىن رۋحۇڭ باسشى كادرلار ءار ۇلت كادرلارىمەن، جۇرتشىلىعىمەن باستاماشىلدىقپەن كوبىرەك ارالاسۋ، ىشتەسۋ، توعىسۋ كەرەكتىگىن ايتتى.
تاسقورعان تاجىك اۆتونوميالى اۋدانىنىڭ اكىمى دىلمۇرات يبىرايىم بىلاي دەدى: ۇلتتار ىنتىماعىن قوعامنىڭ بارلىق جاعىنا ءسىڭىرۋ، اسىرەسە، بالالاردان باستاپ مىقتاپ ۇستاۋ، بالالاردىڭ بىرگە ويناۋىنا، بىرگە ۇيرەنۋىنە، بىرگە ەرجەتۋىنە، ەرجەتكەننەن كەيىن كورىكتى شينجياڭدى بىرگە قۇرۋىنا مۇمكىندىك جاساۋ كەرەك. پارتكوم، ۇكىمەت جونىنەن قىزمەتكە ورنالاسپاعان ستۋدەنتتەردى ىشكى ولكەرلەردە تاربيەلەۋ سياقتى جۇرت قالاۋىنان شىعاتىن، شىنايى ىستەردى ونان ارى جاقسى ىستەپ، «جۇرەكتەس، تىنىستاس بولىپ، ءار ۇلت كادرلارى مەن جۇرتشىلىعىن تعىز ىنتىماقتاستىرىپ، جاپپاي دوڭگەلەك داۋلەتتى قوعام قۇرۋ نىساناسىن بىرگە جۇزەگە اسىرۋ كەرەك».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
