- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق پارتكومنىڭ وڭتۇستىك شينجياڭ قىزمەتى ءماجىلىسى اشىلدى
2015.11.11 14:51 كەلۋ قاينارى : شينجياڭ حالىق راديو ستانسياسى تورابى
اۆتونوميالى رايوندىق پارتكومنىڭ وڭتۇستىك شينجياڭ قىزمەتى ءماجىلىسى كەشە قاشقاردا اشىلدى. بۇل اۆتونوميالى رايون قۇرىلعان 60 جىلدان بەرى وڭتۇستىك شينجياڭ قىزمەتى جونىندە تۇڭعىش رەت جاپپاي زەرتتەۋ جانە ورنالاستىرۋ جاسالعان ماڭىزدى ءماجىلىس بولدى. ماجىلىستە: ورتالىقتىڭ ءبىر سىپىرا شەشىم-ورنالاستىرۋلارىن، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، بولاشاق دامۋدى كوزدە ۇستاپ، ءتۇرلى جاقتىڭ كۇشىن ۇيىستىرىپ، وڭتۇستىك شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ كەرەك دەپ تالاپ ەتىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان ماجىلىسكە قاتىناستى، ءارى ماڭىزدىء ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى.
ماجىلىستە «اۆتونوميالى رايوندىق پارتكومنىڭ، حالىق ۇكىمەتىنىڭ وڭتۇستىك شينجياڭنىڭ قوعام ورنىقتىلىعىن قورعاۋ جانە باياندى تىنىشتىعىن جۇزەگە اسىرۋ پىكىرى» جونىندەگى تۇسىنىك تىڭدالدى. ماجىلىسكە قاتىناسقاندار جاڭ چۇنشيان جولداستىڭ ماڭىزدى ءسوزى مەن «پىكىردى» ارقاۋ ەتە وتىرىپ، ىشكەرىلەي تالقى جۇرگىزدى. ماجىلىستە «پىكىر» قاراپ ماقۇلداندى.
جاڭ چۇنشيان سوزىندە بىلاي دەپ اتاپ كورسەتتى: وڭتۇستىك شينجياڭ شينجياڭ قىزمەتىنىڭ ماڭىزدى جانە قيىن ءتۇيىنى. پارتيا ورتالىق كوميتەتى وڭتۇستىك شينجياڭ قىزمەتىنە وسكەلەڭ ءمان بەردى، وتە-موتە پارتيا 18-قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى مەملەكەت ساتىسىنان جوبالاپ، شينجياڭدى ەرەكشە شارامەن قولدادى، اۆتونوميالى رايون قۇرىلعان 60 جىلدان بەرى، پارتيا ورتالىق كوميتەتىنىڭ بەرىك باسشىلىعى مەن بۇكىل ەل حالقىنىڭ كۇش سالا قولداۋىندا، اۆتونوميالى رايوننىڭ بۇرىنعى كەزەك پارتكوم-ۇكىمەتتەرى مەن وڭتۇستىك شينجياڭداعى ءار ۇلت حالىقىنىڭ ورتاق قۇلشىنۋىندا، وڭتۇستىك شينجياڭنىڭ ەكونوميكاسىندا، قوعامىندا تاريحي سيپاتتى العا باسۋ بولدى، شي جينپيڭ جولداستى باس شۋجي ەتكەن پارتيا ورتالىق كوميتەتى وڭتۇستىك شينجياڭنىڭ دامۋىن ەرەكشە شارامەن قولداۋ شەشىمىنىڭ بۇكىلدەي دۇرىس ەكەنىن، وڭتۇستىك شينجياڭنىڭ ورنىقتىلىعى مەن دامۋىن پارمەندى جەبەگەنىن ءاماليات دالەلدەدى.
جاڭ چۇنشيان بىلاي دەپ اتاپ كورسەتتى: بۇدان كەيىنگى ءبىر مەزگىل وڭتۇستىك شينجياڭنىڭ دوڭگەلەك داۋلەتتى قوعامدى جاپپاي قۇرۋدان جەڭىس تاباتىن كەزەڭ، ءارى قوعام ورنىقتىلىعى مەن باياندى تىنىشتىقتى جۇزەگە اسىرۋداعى ماڭىزدى كەزەڭ. جاڭا جاعدايداعى وڭتۇستىك شينجياڭ قىزمەتىن ويداعىداي ىستەۋدىڭ جەتەكشى يدەياسى مىنانداي: پارتيا 18-قۇرىلتايى مەن پارتيا 18-كەزەكتى ورتالىق كوميتەتى 3-، 4-، 5-جالپى ماجىلىستەرىنىڭ رۋحىن، باس شۋجي شي جينپيڭنىڭ ماڭىزدى سوزدەرىنىڭ رۋحىن، ورتالىقتىڭ شينجياڭ قىزمەتى جونىندەگى 2-رەتكى ءماجىلىسىنىڭ جانە ورتالىقتىڭ قاتىستى حۇجاتىنىڭ رۋحىن ىشكەرىلەي دايەكتى تياناقتاندىرىپ، قوعام ورنىقتىلعى جانە باياندى تىنىشتىق باستى نسىاناسىن ارقاۋ ەتىپ، «4 تى جاپپاي اتقارۋ» ستراتەگيالىق ورنالاستىرۋىنا تاباندى بولۋ؛ وڭاۋ جۇيەسى مەن وڭاۋ قابىلەتىن وسىزامانداندىرۋدىڭ جەتەكشىسى، ەكونوميكانىڭ دامۋى مەن حالىق تۇرمىسىن جاقسارتۋدى نەگىز، وتان تۇتاستىعىن قورعاۋ، ۇلتتار ىنتىماعىن جەبەۋ، ءدىني ۇشقارى يدەيانى تەجەۋ سياقتىلاردى ءتۇيىن ەتىپ، شينجياڭدى زاڭمەن باسقارىپ، شينجياڭدى ىنتىماقپەن ورنىقتىرىپ، شينجياڭدى ۇزاق ۋاقىت قۇرۋعا، جاڭالىق جاراتۋ، سايكەسۋ، جاسىل ءتۇستى، ەسىك اشۋ، ورتاق دامۋعا تاباندى بولىپ، ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىسى مەن پارتيا قۇرىلىسىن جاپپاي ىلگەرىلەتۋ.
وڭتۇستىك شينجياڭ قىزمەتىنىڭ باستى نىساناسى مىناداي: 2020-جىلعا بارعاندا، بولشەكتەۋشىلىككە قارسى كۇرەس، لاڭكەستىككە قارسى تۇرىپ، ورنىقتىلىقتى ساقتاۋ، ۇلتتار ىنتىماعى، ءدىني ىستەردى باسقارۋ، بيڭتۋان مەن جەرگىلىكتى ورىننىڭ توعىسۋىن جەبەۋ سياقتى جاقتاردا ماڭىزدى ىلگەرىلەۋشىلىككە قول جەتكىزۋ؛ حالىقتىڭ تۇرمىس دەڭگەيىن جاپپاي جوعارىلاتىپ، نەگىزگى قۇرىلعى شارت ـ جاعدايىن بارىنشا جاقسارتىپ، ءوزىن دامىتۋ قۋاتىن كورنەكتى ارتتىرۋ؛ قازىر اتقارىلىپ وتىرعان ولشەم نەگىزىندە اۋىل-قىستاقتاعى كەدەي حالىق سانىن كەدەيلىكتەن قۇتىلدىرىپ، كەدەي اۋدانداردىڭ كەدەيلىك قالپاعىن الىپ تاستاپ، وڭىرلىك سيپاتتى كەدەيلىك ماسەلەسىن شەشىپ، دوڭگەلەك داۋلەتتى قوعامدى جاپپاي قۇرۋ نىساناسىن نەگىزىنەن جۇزەگە اسىرىپ، باياندى تىنىشتىققا بەرىك نەگىز قالاۋ.
جاڭ چۇنشيان مىنانى باسا دارىپتەدى: شىعار ءتۇيىن مەن تابان تىرەر تياناققا تاباندى بولىپ، وڭتۇستىك شينجياڭنىڭ قوعام ورنىقتىلىعى مەن ۇلتتار ىنتىماعىن باتىل قورعاۋ كەرەك. وڭتۇستىك شينجياڭ لاڭكەستىككە قارسى تۇرىپ، ورنىقتىلىقتى قورعاۋدىڭ باستى شايقاس مايدانى، وڭتۇستىك شينجياڭنىڭ لاڭكەستىككە قارسى كۇرەسى ۇزاق ۋاقىتتىق، كۇردەلى، ۇرىمتال، كەيدە ءتىپتى قيان-كەسكى بولادى، سول سەبەپتى ءبىز ءسوز جوق سەرگەك، جەتكىلىكتى تانىم ورناتىپ، ستراتەگيالىق كۇشتى ساقتاپ، نەگىزدى بەكەمدەۋ، بولاشاقتى كوزدەۋ قىزمەتىن تىڭعىلىقتى ويداعىداي ىستەۋىمىز، ەكونوميكانى دامىتۋ، حالىق تۇرمىسىن جاقسارتۋ، رەفورما جاساپ، ەسىك اشۋ، ۇلت-ءدىن، پارتيا قۇرىلىسى سياقتى بارلىق قىزمەتتى قوعام ورنىقتىلعى مەن باياندى تىنىشتىقتى تىعىز ارقاۋ ەتە وتىرىپ جوبالاۋىمىز، ىلگەرىلەتۋىمىز كەرەك.
زورلىقتى كۇش لاڭكەستىككە قارسى كۇرەستى ىشكەرىلەي ورىستەتىپ، جان-جاقتىلى ونىمدىلىككە ءمان بەرۋ كەرەك. زورلىقتى كۇش لاڭكەستىك ارەكەتكە سوققى بەرۋدى كەزەكتەگى كۇرەستىڭ ءتۇيىنى ەتىپ، قاتاڭ سوققى بەرۋ ارناۋلى ارەكەتىن ۇزدىكسىز تەرەڭدەتىپ، بايقاۋ، ساقتانۋ جانە سوققى بەرۋ قۋاتىن ۇزدىكسىز جوعارىلاتىپ، زاڭ بويىنشا دۇرىس سوققى بەرۋدى كورنەكتىلەندىرىپ، زورلىقتى كۇش لاڭكەستىككە قارسى تۇرۋ قىزمەت دەڭگەيىن ۇزدىكسىز جوعارىلاتۋ ءتيىس.
«ۇشقارىلىقتى الاستاۋدى» ىشكەرىلەي جۇرگىزىپ، ءدىننىڭ جاراسىمدىلىعىن جەبەۋ كەرەك. زاڭدى ءدىني قيمىلدى قورعاپ، زاڭسىز ءدىني ارەكەتتى تەجەۋگە، ۇشقارى ءدىني يدەيانىڭ جالبىزبالاپ كىرۋىنە، قىلمىستى ارەكەتكە سوققى بەرۋگە تاباندى بولىپ، ءدىندى سوتسياليستىك قوعاممەن سايكەسۋگە بەلسەنە باستاۋ، ءدىن قاعيداسىنا قۇرمەت ەتىپ، بۇقارالىق قىزمەت تۇرعىسىنان وي جۇگىرتۋ جانە ءادىس قاراستىرۋ ارقىلى ءدىن قىزمەتىن ويداعىداي ىستەپ، ءادىس-امالدى دارىپتەپ، قىزمەت ونىمدىلىگىنە ءمان بەرۋ، ءدىن ىستەرىن زاڭ بويىنشا باسقارىپ، وڭتۇستىك شينجياڭنىڭ ءدىن جاراسىمدىلىعىن قورعاۋ كەرەك.پارتيانىڭ ۇلت ساياساتىن دايەكتىلەندىرىپ، ۇلتتار ىنتىماعىن قورعاۋ كەرەك. ۇلتتار ىنتىماعى ۇگىت تاربيەسى مەن ۇلتتار ىنتىماعى العاباسارلارىنان بولۋ قيمىلىن ىشكەرىلەي ورىستەتىپ، ۇلتتاردىڭ بارىس-كەلىسىن، اۋىس-كۇيىسىن، مەملەكەتتىڭ ءبىر تۇتاس قولدالىناتىن ءتىلىن ۇيرەنۋدى كۇشەيتىپ، وسپىرىمدەردىڭ ۇلتتىق تاربيەسىن كورنەكتىلەندىرىپ، ۇلت فاكتورىنا ساياتىن ماسەلەلەردى ويداعىداي ءبىر ءجايلى ەتىپ، ۇلتتار ىنتماعىنىڭ تامىرى تەرەڭ تارتىپ، شەشەك اتۋىنا مۇمكىندىك جاراتۋ كەرەك.
يدەيالوگيا سالاسىنداعى بولشەكتەۋشىلىككە قارسى كۇرەستى كۇشەيتۋ كەرەك. وسىزامانعى مادەنيەتتى جەتەكشى ەتۋگە تاباندى بولىپ، ءار ۇلت كادىر بۇقاراسىنىڭ ۇلتتىق بولشەكتەۋشىلىككە جانە ءدىني ۇشقارى يدەياعا قارسىلىق قۋاتىن ارتتىرۋ ءتيىس. سوتسياليستىك وزەكتى قۇن كوزقاراسىن ءامالياتتان وتكىزىپ، شينجياڭ رۋحىن ساۋلەلەندىرىپ، توراپ يدەيالوگياسى حاۋىپسىزدىگىن قورعاپ، «5 مۇراتتاستىقتى» شىنايى كۇشەيتۋ كەرەك. يدەيالوگيا سالاسىنداعى بولشەكتەۋشىلىككە قارسى تۇرۋ شايقاسىن ويداعىداي جۇرگىزۋ؛ شينجياڭدى زاڭمەن باسقارۋ نەگىزگى شەشىمىنە، شينجياڭدى زاڭمەن باسقارۋ مەن شينجياڭدى مورالمەن باسقارۋدى ۇشتاستىرىپ، ءار ۇلت بۇقاراسىن پارتيا مەن ۇكىمەتتىڭ توڭىرەگىنە ەڭ جوعارى شەكتە ىنتىماقتاستىرۋ كەرەك.
جاڭ چۇنشيان بىلاي دەپ اتاپ كورسەتتى: كاسىپتەنۋدى ماڭداي الدى ورىنعا قويۋعا، كاسىپ ارقىلى جەبەۋگە، تاباندى بولىپ، وڭتۇستىك شينجياڭنىڭ ەكونوميكاسىنىڭ ءارى جاقسى ءارى تەز دامۋىن ىلگەرىلەتۋ كەرەك. دامۋ وڭتۇستىك شينجياڭنىڭ بارلىق ماسەلەسىن شەشەتىن نەگىز جانە ماڭىز. دامۋ مەن ورنىقتىلىقتىڭ قاتىناسىن دۇرىس ءبىر ءجايلى ەتىپ، ورنىقتىلىق ارقىلى دامۋدى قاراستىرۋدى، دامۋ ارقىلى ورنىقتىلىقتى جەبەۋدى ارقاۋ ەتىپ، دامۋدى حالىق تۇرمىسىن جاقسارتۋعا شىنايى تياناقتاندىرىپ، جەرگىلىكتى ورىنعا تيىمدىلىك جەتكىزىپ، ىنتماقتى كۇشەيتىپ، ءار ۇلت بۇقاراسىن دامۋدىڭ جەتىستىگىنەن اناعۇرلىم ويداعىداي يگىلىكتەندىرىپ، قوعام ورنىقتىلىعى مەن باياندى تىنىشتىققا اناعۇرلىم ويداعىداي قىزمەت وتەپ، وڭتۇستىك شينجياڭنىڭ ەرەكشەلىگىنە ۇيلەسەتىن عىلمي دامۋ جولىمەن ءجۇرۋ كەرەك.
كاسىپتەنۋدى ارتتىرۋدى ماڭداي الدى مىندەت ەتۋگە تاباندى بولۋ كەرەك. كاسىپتى جەبەۋگە تابان تىرەپ، كاسىپتەنۋشىلەردى كوپ قابىلداعان ەڭبەككۇش شوعىرلانعان كاسىپتى، قىزمەت وتەۋ كاسىبىن، ورتا، شاعىن، ۇساق كاسىپورىندى جانە حالىق باسقارۋىنداعى كاسىپورىندى كۇش سالا دامىتۋ؛ جاقىن جەردە كاسىپتەندىرۋدى نەگىز ەتىپ، جۇمىس ورنىن جاقىن ماڭنان اناعۇرلىم كوپ تاۋىپ بەرۋ؛ شينجياڭنىڭ ءوز ىشىنەن شەشۋگە، وڭتۇستىك شينجياڭنىڭ كاسىپتەندىرۋ ماسەلەسىن شينجياڭنىڭ ءوزى شەشۋگە تابان تىرەۋ كەرەك؛ شينجياڭعا كومەكتەسۋدى جەبەۋگە تابان تىرەپ، شينجياڭعا كومەكتەسكەن ولكە، قالالاردىڭ قولداۋىنا بارىنشا يە بولىپ، شينجياڭعا كاسىپ جاعىندا كومەكتەسۋدىڭ كاسىپتەنۋ ونىمدىلىگىن ساۋلەلەندىرىپ، از ۇلتتاردىڭ ىشكى ولكەگە بارىپ كاسىپتەنۋ كولەمىن كەڭەيتۋ كەرەك، وڭتۇستىك شينجياڭنىڭ كاسىپتەنۋ ماسەلەسىن شەشۋ وڭتۇستىك شينجياڭداعى 3 ايماق، ءبىر وبىلىستىق عانا ءىسى ەمەس، شينجياڭ بويىنشا جالپى جاعدايدان باستاپ ىسكە كىرىسىپ، قىزمەتتەردى ىرىقتىلىقپەن ويداعىداي ىستەۋ كەرەك. وڭتۇستىك شينجياڭ ەڭبەككۇشتەرىن تاربيەلەۋدى ستراتەگيالىق ينجەنەريا رەتىندە مىقتى يگەرۋ، پارتكوم مەن ۇكىمەت يگىلىك جاراتۋعا، اۋقاتتانۋعا شابىتتاندىرۋ ورتاسىن امالدىڭ بارىنشا جاراتۋ كەرەك.
وڭتۇستىك شينجياڭنىڭ ەرەكشە كاسىپ جۇيەسىن قۇرۋدى جەدەلدەتۋ كەرەك. ءىرى كاسىپورىندار جەتەكشى بولۋ، تاماشا ساياسات ورتاسىن جاراتۋ، قاشقار ەكونوميكالىق اشۋ رايونى مەن ءتۇرلى باقشا رايونىن، كاسىپتىڭ شوعىرلانۋى كۇشتى ءتۇيىندى قالا-قالاشىقتاردى مىقتى يگەرۋدى شىعار ءتۇيىن ەتىپ، وڭتۇستىك شينجياڭ كاسىبىنىڭ دامۋىن ىلگەرىلەتۋ ءتيىس. اۋىل شارۋاشىلىعى مەن اۋىل شارۋاشىلىق قوسىمشا ونىمدەرىن مانەرلەۋ وڭتۇستىك شينجياڭنىڭ ابزال كاسىبى، ول نەداۋىر ءبىر مەزگىلگە دەيىن اۋەلگىدەي وڭتۇستىك شينجياڭنىڭ جەتەكشى كاسىبى بولادى، وڭتۇستىك شينجياڭنىڭ اۋىل شارۋاشىلىعىنداعى ناعىز ابزالدىلىقتى تۋرا تاۋىپ، جاسىل ءتۇستى، ەكولوگيالىق، ورگانيكالى ماركا جاراتۋ ءتيىس؛ كاسىپتەنۋ، قۇنتتاپ مانەرلەۋ جولىمەن ءجۇرىپ، 1-، 2-3-كاسىپتىڭ توعىسپالى دامۋىن جەبەۋ ءتيىس ؛ ديقانداردىڭ كىرىسىن وزەك ەتىپ، اۋىل شارۋاشىلىعى قۇرىلىمىن رەتكە سالۋدى جەبەۋ كەرەك؛ توقىما، كيىم-كەشەك كاسىبىنىڭ وڭتۇستىك شينجياڭنىڭ كاسىپتەندىرۋدەگى ماڭىزى زور، ورتالىق پەن اۆتونوميالى رايوننىڭ ەرەكشە قولداۋ ساياساتىىنان ويداعىداي پايدالانىپ، توقىما كيىم-كەشەك كاسىبىن وڭتۇستىك شينجياڭنىڭ ماڭىزدى تىرەكتى كاسىبى ەتۋ، ۇلتتىق ەرەكشە قولونەر، ۇلتتىق شيپاگەرلىك، ەرەكشە ازىق-تۇلىك سياقتى كاسىپتەردى كولەمدەندىرىپ جانە دەڭگەيگە جەتكىزىپ ىستەۋ، مۇناي، تابيعي گاز، كومىر سياقتى بايلىق سيپاتتى ونىمدەردى وڭتۇستىك شينجياڭدا قۇنتتاپ مانەرلەۋ تەبىنىن كۇشەيتىپ، جەرگىلىكتى ورىندى بايلىقتى اشۋدان اناعۇرلىم كوپ يگىلىكتەندىرۋ؛ ورتا، باتىس، وڭتۇستىك ازيا مەن ەۆروپانى بەتكە العان ەكسپورت مانەرلەۋ كاسىبىن كۇش سالا دامىتىپ، تاۋار ساۋدا زات اينالىمىن، ساياحات كاسىبىن دامىتۋدى جەبەۋ كەرەك.
نەگىزدىك قۇرىلعى قۇرىلىستى الدىمەن جۇرگىزۋ. رايونىمىزدان سىرتقا قاتىنايتىن جول قۇرىلىسى مەن رايونىمىزبەن تۇتاساتىن جول قۇرىلىسىن ىركىلىكسىزدەندىرۋدە، كەلەلى سۋ يگىلىگى ينجەنەرياسىندا، وڭتۇستىك شينجياڭداعى توك جەتكىلىكسىز بولۋ ماسەلەسىن شەشۋدە تىڭ تابىسقا قول جەتكىزىپ، نەگىزدىك قۇرىلعى قۇرىلىستا كەنجە قالۋ جاعدايىن تۇبەگەيلى وزگەرتۋ كەرەك.
وڭتۇستىك شينجياڭدا رەفورما جاساۋ ەسىك اشۋ اياق الىسىن جەدەل ىلگەرىلەتۋ كەرەك. ءتۇرلى ۇيلەسىمسىز شەكتەۋ مەن تەجەۋدى كۇشىنەن قالدىرىپ، قارجىلاندىرۋ ورتاسىن ساپالاندىرۋعا، اشۋعا شىن مانىندە كۇش سالىپ، وڭتۇستىك شينجياڭ ەكونوميكاسىن دامىتۋدىڭ ومىرشەڭدىك قۋاتىن شىن مانىندە ارتتىرۋ ءتيىس. جىبەك جولى ەكونوميكالىق بەلدەۋىن، جۇڭگو-پاكيستان ەكونوميكالىق ءوڭىرىن قۇرۋدىڭ ماڭىزدى ءمانى مەن تەرەڭ اسەرىن جەتە تانىپ، وسى تاريحي تاپتىرماس ورايدى مىقتى يگەرىپ جانە ودان ويداعىداي پايدالانىپ، تومەنگى شەك پەن ابزالدىلىقتى زەرتتەپ، ۇشتاستىرۋ جانە توعىستىرۋ ءتۇيىنىن دۇرىس تاۋىپ، قازىرگى بار ەرەكشە قولداۋ ساياساتىنان ويداعىداي پايدالانىپ، وڭتۇستىك شينجياڭنىڭ جان-جاقتىلى سىرتقا قاراتا ەسىك اشۋ اياق الىسىن تەزدەتۋ ءتيىس.
جاڭ چۇنشيان مىنانى اتاپ كورسەتتى: وڭتۇستىك شينجياڭنىڭ قوعامدىق ىستەرىنىڭ دامۋ اياق الىسىن ىلگەرىلەتىپ، حالىق تۇرمىسىن جاقسارتىپ، جۇرت جۇرەگىنە ۇيالاتۋ كەرەك. دامۋدان ورتاق يگىلىكتەنۋ كوزقاراسىنا تاباندى بولىپ، «حالىق تۇرمىسىن ماڭداي الدى، بۇقارانى ءبىرىنشى، نەگىزگى ساتىنى ماڭىزدى ورىنعا قويۋ» تالابىن ويداعىداي تياناقتاندىرىپ، نەگىزگى الەۋمەتتىك قىزمەت وتەۋدىڭ تۇتاس قامتىمىن جۇزەگە اسىرۋعا كۇش سالىپ، دامۋ جەتىستىگىنىڭ ءار ۇلت حالىق بۇقاراسىنا بۇرىنعىدان دا جاقسى تيىمدىلىكتەر الا كەلۋىنە مۇمكىندىك جاساۋ كەرەك.
ءبىرسپىرا حالىق تۇرمىسىن جاقسارتۋ ينجەنەرياسىن ىشكەرىلەي جۇرگىزىپ، سۋ، توك، تاس جول، تابيعي گاز، تۇرعىن ءۇي سياقتى بەس جاقتاعى ماسەلەنى شىن مانىندە ويداعىداي شەشۋ؛ ەمدەۋ قىزمەت وتەۋ دەڭگەيىن جوعارىلاتىپ، نەگىزىنەن اۋىل-قىستاققا بەيىمدەۋ؛ اۋىل-قىستاق جاڭاشا سەلبەسىپ ەمدەۋ قازىنا قوسىمشا قاراجاتى ولشەمىن اناعۇرلىم ارتتىرۋ؛ ءار ۇلت حالىق بۇقاراسىنا تەڭ جوسپارلى تۋۋ ساياساتىن اتقارۋ؛ قالا مەن اۋىلدىڭ قوعامدىق قامسىزداندىرۋ جۇيەسىن كەمەلدەندىرۋ؛ بۇقارعا قاراتىلعان يدەيالىق قىزمەتتى حالىق تۇرمىسىن جاقسارتۋمەن ۇشتاستىرۋ ءتيىس.
وقۋ-اعارتۋدى كورنەكتى دە ماڭىزدى ورىنعا قويۋ. «ءبىر جىل بۇرىن شەشىلسە، ءبىر وقۋشى ىقپالعا از ۇشىرايدى» دەيتىن كوكەيتەستىلىك سەزىممەن، ءتۇرلى فورمادان پايدالانىپ تاربيەلەۋدى كۇشەيتىپ، وقىتۋشىلاردى تولىقتاۋ جولىن اشىپ، رايونىمىز ىشىندە تاربيەلەۋدى قولداپ، شينجياڭعا باعىتتامالى كومەكتەسكەن ولكە، قالا سياقتى فورمادان پايدالانىپ، «13-بەسجىلدىق» پلان كەزىندە، وڭتۇستىك شينجياڭدا قوس ءتىل وقىتۋشىلارىنىڭ جەتكىلىكسىز بولۋ ماسەلەسىن نەگىزىنەن شەشۋگە قول جەتكىزۋ كەرەك. سوتسياليستىك وقىتۋ باعىتىنا تاباندى بولىپ، ءمورالدى دا مۇراتتى ادام تاربيەلۋدى نەگىزگى مىندەت ەتىپ، ءار ۇلت وقۋشىلارىنىڭ «بەس مۇراتتاستىق» يدەياسىن ارتتىرۋعا كۇش سالۋ؛ قوعامدىق كۇشتەر سياقتى ءتۇرلى فورما ارقىلى وڭتۇستىك شينجياڭدا مەكتەپ اشۋعا بەلسەنە شابىتتاندىرۋ جانە ونى بارىنشا قولداۋ قاجەت.
وڭتۇستىك شينجياڭنىڭ كەدەيلەردى سۇيەمەلدەۋ، كوركەيتۋ تەبىنىن بارىنشا ارتتىرىپ، كەدەيلىكتەن قۇتىلۋ نىساناسىن جاپپاي ورىنداۋىنا شىنايى كەپىلدىك ەتۋ كەرەك. كەدەيلەردى سۇيەمەلدەۋ، اشۋ ـــ وڭتۇستىك شينجياڭ قىزمەتىندەگى ماڭىزدى مىندەت، سونداي-اق شينجياڭنىڭ جاپپاي دوڭگەلەك داۋلەتتى قوعام قۇرۋىنىڭ تولعاقتى ءتۇيىنى، پارتيا 18-كەزەكتى ورتالىق كوميتەتى 5-جالپى ماجىلىسىندە ايقىن اتاپ كورسەتىلگەن نىساناعا ساي، مەملەكەتتىڭ كەدەيلەردى سۇيەمەلدەۋدەن قامال الۋدى ەرەكشە قولداۋ ساياساتىنان ويداعىداي پايدالانىپ، سۇيەمەلدەۋ، كەدەيلىكتەن قۇتىلدىرۋ وبيەكتىسىن دۇرىس تابۋعا، ەڭبەك قۋاتى بارلارىن ەرەكشە كاسىپتى دامىتۋعا جانە باسقا سالادا كاسىپتەنۋگە شابىتتاندىرۋ، بۇقارانى كوشىرىپ كەدەيلەردى سۇيەمەلدەۋ، ەكولوگيالىق ورتاسى ەرەكشە ماڭىزدى جانە ءالسىز ورىنداردا ەكولوگيالىق ورتانى قورعاۋدى مازمۇن ەتكەن كەدەيلەردى سۇيەمەلدەۋ، ەڭبەك قۋاتىنان ايىرىلعانداردىڭ تۇرمىسىن قامتاماسىزداندىرۋ ساياساتىن اتقارىپ، ناۋقاستانۋ سەبەبىنەن كەدەيلەسكەندەردى ەمدەۋ كومەك قارجىسىمەن قامداپ، جاپپاي كەدەيلىكتەن قۇتىلۋ نىساناسىن ورىنداۋعا شىنايى كەپىلدىك ەتۋ ءتيىس. «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىمەن قىستاقتاردا تۇرعان قىزمەت گرۋپپاسىنىڭ رولىن تولىق ساۋلەلەندىرىپ، ءتۇرلى كەدەيلەردى سۇيەمەلدەۋ شاراسىنىڭ وتباستارىنا دەيىن تياناقتانۋىنا مۇمكىندىك جاساۋ كەرەك. سالالار بويىنشا سۇيەمەلدەيتىن ءارقايسى مەكەمە ورىندار، سولتۇستىك شينجياڭ رايونى وڭتۇستىك شينجياڭنىڭ كەدەيلەردى سۇيەمەلدەۋ كوركەيتۋ ىسىنە ۇلەس قوسۋى قاجەت.
جاڭ چۇنشيان بىلاي دەپ اتاپ كورسەتتى: «ەكى باياندى بولۋ» جولىنان جازباۋ كەرەك. جاسىل ءتۇستى دامۋ كوزقاراسىنا تاباندى بولىپ، جاسىل ءتۇستى دامۋ باعىتى مەن تۇرمىس فورماسىن قالىپتاستىرۋ اياق الىسىن ىلگەرىلەتۋ قاجەت. سۋ بايلىعى ـــ وڭتۇستىك شينجياڭداعى باستى ماسەلە، «ءۇش قىزىل سىزىققا» قاتاڭ بويسۇنىپ، اۋىل شارۋاشىلىعىنداعى سۋدى ۇنەمدەۋدى وڭتۇستىك شينجياڭنىڭ ەكولوگيالىق ورتاسىن قورعاۋدىڭ ءتۇيىنى ەتىپ، قاتاڭ پوزەتسيامەن زاڭسىز اشۋعا تيىم سالىپ، سۋدى ۇنەمدەۋدى تارتىپپەن اتقارىپ، سۋدىڭ پايدالانۋ ونىمدىلىگىن ارتتىرىپ، جوعارى ءونىمدى تامشىلاتىپ سۋارۋ تەحنيكاسىن جالپىلاستىرىپ، اۋىل شارۋاشىلىعىنا پايدالانىلاتىن سۋدىڭ ونىمدىلىگىن ارتتىرىپ، سۋ ۇقىعى مەن سۋ باعاسى رەفورماسىن ىلگەرىلەتۋگە كۇش سالۋ كەرەك. وڭتۇستىك شينجياڭنىڭ ەكولوگيالىق ورتاسىن، تارىم وزەنىنىڭ ەكولوگيالىق ورتاسىن تاباندىلىقپەن ويداعىداي قورعاۋ قاجەت.
جاڭ چۇنشيان مىنانى اتاپ كورسەتتى: وڭتۇستىك شينجياڭنىڭ كادرلار قوسىنى قۇرىلىسىن كۇشەيتۋگە كۇش سالۋ ءتيىس. ماڭىزدى شارا قولدانىپ، وڭتۇستىك شينجياڭنىڭ كادرلار قوسىنى قۇرىلىسىن كەمەدەلدەندىرىپ، دارىندىلاردىڭ وڭتۇستىك شينجياڭدا تامىر تارتۋىنا ءتيىمدى ورتا جاراتىپ، وڭتۇستىك شينجياڭداعى كادرلاردىڭ كەتىپ قالۋى سياقتى وسى ءبىر ۇزاق مەرزىمنەن بەرى ساقتالعان كورنەكتى ماسەلەنى تۇبىرىنەن وڭاۋ كەرەك. وڭتۇستىك شينجياڭداعى كادر بۇقارانىڭ قىزمەت قابىلەتىن جوعارىلاتۋدى كورنەكتى ورىنعا قويىپ، بۇقارانىڭ قىزمەت قابىلەتىن ءوسىرىپ، ءار ۇلت حالىق بۇقاراسىنىڭ شىنايى مويىنداۋىنا جانە قورعاۋىنا يە بولۋعا مۇمكىندىك جاساۋ كەرەك.
جاڭ چۇنشيان بىلاي دەدى: وڭتۇستىك شينجياڭعا باعىتتامالى كومەكتەسۋ قىزمەتىن اناعۇرلىم تىڭعىلىقتى ويداعىداي ىستەۋ كەرەك. وڭتۇستىك شينجياڭ قوعامىنىڭ ورنىقتىلىعى مەن باياندى تىنشىتىعىنا ءتيىمدى ىستەردى شينجياڭعا باعىتتامالى كومەكتەسۋدىڭ ءتۇبىرلى نىساناسى ەتىپ، «بەس جاقتا تاباندى»، «التى جاقتا كۇش سالۋدى» كورنەكتىلەندىرىپ،«12-بەسجىلدىق» پلانداعى شينجياڭعا باعىتتامالى كومەكتەسۋ قىزمەتىن ويداعىداي قورتىندىلاپ جانە باعالاپ، «13-بەسجىلدىق» پلانداعى شينجياڭعا باعىتتامالى كومەكتەسۋ جوسپارىن ويداعىداي بەلگىلەۋ كەرەك.
جاڭ چۇنشيان بىلاي دەپ اتاپ كورسەتتى: بيڭتۋاننىڭ وڭتۇستىك شينجياڭداعى دامۋىن قولداۋ قاجەت. ونەركاسىپتەنۋ، قالا-قالاشىقتانۋ اياق الىسىن ىلگەرىلەتۋدى تەزدەتىپ، بيڭتۋان مەن جەرگىلىكتى ورىننىڭ توعىسىپ دامۋىن بارىنشا جەبەپ، رەفورما جاساۋ مەن دامۋ ادىسىنەن پايدالانىپ، وڭتۇستىك شينجياڭداعى شى مەن تۋاننىڭ قۋاتىن ارتتىرىپ، بيڭتۋاننىڭ وڭتۇستىك شينجياڭنىڭ ورنىقتىلىعى مەن دامۋىن ىلگەرىلەتۋدىڭ جەبۋشىسىنە، ۇلگىسىنە اينالۋىنا مۇمكىندىك جاساۋ ءتيىس.
جاڭ چۇنشيان بىلاي دەدى: وڭتۇستىك شينجياڭ قىزمەتىن ويداعىداي ىستەۋدىڭ تەتىگى پارتيا. جەر-جەر، تاراۋلار وڭتۇستىك شينجياڭ قىزمەتىنىڭ شينجياڭ قىزمەتىندەگى جانە پارتيا قىزمەتى جالپى جاعدايىنداعى ەرەكشە ماڭىزدى ورنىن جەتە تانىپ، وڭتۇستىك شينجياڭدا كۇش-قۋات، اقىل-پاراسات توپتاعان تاماشا جاعداي قالىپتاستىرىپ، وڭتۇستىك شينجياڭداعى ءۇش ايماق، ءبىر وبلىستاعى ءار دارەجەلى پارتكوم نەگىزگى تۇلعالىق رولىن تولىق ساۋلەلەندىرىپ، بۇقارانىڭ نەگىزگى ورىنى مەن رۋحاني كوڭىل-كۇيىنە قۇرمەت ەتىپ، وزگەرتىپ، وزگەرىس ەنگىزىپ، جۇرەكتىلىكپەن ۇستىنە الىپ، وڭتۇستىك شينجياڭداعى كادرلار ۇستىنە الۋ، ۇلەس قوسۋ رۋحىن ۇزدىكسىز ساۋلەلەندىرىپ، كاسىبىنە ادال بولىپ، وڭتۇستىك شينجياڭنىڭ بەت-بەينەسىن وزگەرتۋگە ۇلەس قوسۋعا كۇش سالۋ كەرەك.
شوكىرات زاكىر قورتىندى سوزىندە بىلاي دەدى: وسى رەتكى وڭتۇستىك شينجياڭ قىزمەتى ءماجىلىسى وڭتۇستىك شينجياڭدا كۇش-قۋاتتى، اقىل-پاراساتتى ۇيىستىرۋ جاعدايىن قالىپتاستىرىپ، وڭتۇستىك شينجياڭ قىزمەتىنىڭ اياق الىسىن ىلگەرىلەتۋگە جەبەدى، بۇل اۆتونوميالى رايوندىق پارتكومنىڭ جاڭا جاعدايدا وڭتۇستىك شينجياڭ قىزمەتىنە جاساعان ماڭىزدى ستراتەگيالىق ورنالاستىرۋى، وڭتۇستىك شينجياڭ قىزمەتىن ويداعىداي ىستەۋ ـــ اۆتونوميالى رايوننىڭ، اۋەلى بۇكىل ەلىمىزدىڭ ماڭىزدى ءىسى، وتە-موتە تاراۋلاردىڭ، ءارقايسى ايماق، وبلىس، قالانىڭ جانە بيڭتۋاننىڭ ورتاق ساياسي مىندەتى. يدەيالىق تانىمدى ارتتىرىپ، وڭتۇستىك شينجياڭ قىزمەتىن ويداعىداي ىستەۋ سانالىلىعىن شىن مانىندە جوعارىلاتۋ؛ وڭتۇستىك شينجياڭ قىزمەتىن ويداعىداي ىستەۋدىڭ ماڭىزدىلىعىن؛ ورتالىق پەن اۆتونوميالى رايوندىق پارتكومنىڭ وڭتۇستىك شينجياڭعا جاساعان قامقورلىعىن جانە كوڭىل بولگەنىن؛ اۆتونوميالى رايوندىق پارتكومنىڭ وڭتۇستىك شينجياڭ قىزمەتىن ويداعىداي ىستەۋ جونىندەگى تۇتاس تۇلعالىق تالابى مەن نىسانالى مىندەتىن جەتە تانۋ؛ جاۋاپكەرلىكتى ۇستىنە الۋدى كۇشەيتىپ، وڭتۇستىك شينجياڭ قىزمەتىن ىلگەرىلەتۋگە قاتىستى ءتۇرلى ورنالاستىرۋدى شىن مانىندە تياناقتاندىرىپ، ماڭىزدى ءىس دەيتىن يدەيانى ورناتىپ، ءارقايسى جاقتاعى كۇشتى ۇيىستىرىپ، وڭتۇستىك شينجياڭ قوعامىنىڭ ورنىقتىلىعى مەن باياندى تىنشىتىعىن بىرلىكتە ىلگەرىلەتۋ كەرەك.نايىم ياسىن، نۇرلان ءابىلماجىن ۇلى، چى جۇن، حان يۇڭ، لي ۋي، حۋاڭ ۋي، شاۋكەت يمىن، جۋ حايلۇن، باي جىجيە، شيۇڭ شۋانگو، شۇي حايرۇڭ، عانيبات سابىكەي ۇلى، لي شۇەجۇن، ەركىن تۇنياز، ما شۇەجۇن، لي شينچي، اۆتونوميالى رايوننىڭ ورىنباسار ءتورعالارى، اۆتونوميالى رايوندىق حالىق قۇرىلتايىنىڭ، ساياسي كەڭەستىڭ قاتىستى باسشىلارى، اۆتونوميالى رايوندىق جوعارى حالىق سوتى، حالىق پروكۋراتۋراسى، حالىقتىق قارۋلى ساقشى شينجياڭ باس اترەتىندەگى جاۋاپتى جولداستار، اۆتونوميالى رايونىمىزدىڭ ءارقايسى ءبولىم، كوميتەت، كەڭسە، مەڭگەرمە، مەكەمە ورىندارىنداعى جاۋاپتى جولداستار، ورتالىقتىڭ رايونىمىزداعى كاسىپورىندارىنداعى جاۋاپتى جولداستار، قاشقار ايماعى، حوتان ايماعى، اقسۋ ايماعى، قىزىلسۋ قىرعىز اۆتونوميالى وبلىسى سياقتى وڭتۇستىك شينجياڭداعى ءۇش ايماق ءبىر وبلىستىڭ ءارقايسى اۋدان، قالاداعى باستى جاۋاپتى جولداستار ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
