بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلىن قورىتىندىلاۋ، ماداقتاۋ – سيلاۋ جينالىسى وتكىزىلدى

مەرەي توي قيمىلىنىڭ جەتىستىكتەرىن ويداعىداي پايدالانىپ، جۇڭگو ارمانىن جۇزەگە اسىرۋعا شينجياڭ ۇلەسىن قوسايىق

2015.11.13 13:20    

  اۆتونوميالى رايون 10–قاراشا تۇستەن بۇرىن تەلەۆيزور–تەلەفون ءماجىلىسى فورماسىندا اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلىن قورىتىندىلاۋ، ماداقتاۋ–سيلاۋ جينالىسىن وتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جينالىسقا قاتىناستى ءارى مىنالاردى باسا دارىپتەدى: باس شۋجي شي جينپيڭنىڭ «شينجياڭدى كوركەيتىپ، وتان ارمانىن بىرگە جۇزەگە اسىرايىق» دەگەن ارناۋ ءسوزى − 60 جىلدىق مەرەي تويدىڭ شينجياڭداعى ءار ۇلت حالقىنا سيلاعان ەڭ قۇندى بايلىعى، اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلىنىڭ تولىق تابىستى بولۋى شينجياڭ قىزمەتىن تىڭ ساتىعا كوتەردى، ءبىز باس شۋجي شي جينپيڭ قاتارلى ورتالىقتاعى باسشى جولداستاردىڭ مەرەي توي كەزىندەگى ماڭىزدى سوزدەرىنىڭ جانە نۇسقاۋلارىنىڭ رۋحىن دايەكتى تياناقتاندىرىپ، يدەيا مەن ارەكەتتى شينجياڭدى كوركەيتىپ، وتان ارمانىن بىرگە جۇزەگە اسىرۋ نەگىزىندە شىنايى بىرلىككە كەلتىرىپ، جۇڭگو ارمانىن جۇزەگە اسىرۋعا شينجياڭ ۇلەسىن قوسۋىمىز كەرەك.

  پارتيا ورتالىق كوميتەتىنىڭ، مەملەكەتتىك كەڭەستىڭ شىنايى قامقورلىعى مەن تۇتاس شينجياڭداعى جەر–جەردىڭ ورتاق قۇلشىنۋىنىڭ ارقاسىندا اۆتونوميالى رايون قۇرىلعاندىعىنىڭ 60 جىلدىعىنا ارنالعان ءتۇرلى قۇتتىقتاۋ قيمىلدارى تولىق تابىسقا جەتتى. قۇتتىقتاۋ قيمىلدارىنا دايىندالۋ كەزىندە بارلىق قىزمەتكەرلەر شارشاپ–شالدىققانعا قاراماي، قۇلشىنا ىستەپ، قىزمەت ورىندارىنان تاپجىلماي، ءتۇرلى قىزمەت مىندەتتەرىن تابىستى ورىندادى، وسى بارىستا قۇتتىقتاۋ قيمىلىنا كورنەكتى ۇلەس قوسقان ءبىر توپ كوللەكتيۆتەر مەن جەكەلەر جارىققا شىقتى، جينالىس تۇتاس رايونىمىزداعى 200 وزات كوللەكتيۆتى، 400 وزات جەكەنى ماداقتاپ–سيلادى.

  جاڭ چۇنشيان اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، بيڭتۋان اتىنان ماداقتالىپ–سيلانعان وزات كوللەكتيۆتەر مەن جەكەلەردى قىزۋ قۇتتىقتادى! اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلىنا بەلسەنە اتسالىسقان، بارىنشا قولداۋ كورسەتكەن ءار ۇلت كادر–بۇقاراسىنا جانە شينجياڭدا تۇراتىن اسكەري بولىمدەرگە، قارۋلى ساقشى كوماندير–جاۋىنگەرلەرىنە، ساياسي–زاڭ سالاسىنداعى كادر–ساقشىلارعا، بيڭتۋانداعى كادرلار مەن جۇمىسشى–قىزمەتكەرلەرگە، اسىرەسە، بارىنە تىكە كىرىسىپ، اتويلاپ الدا جۇرگەن ءار دارەجەلى كادرلارعا، سونداي–اق قوعامنىڭ ءار سالاسىنداعى قايراتكەرلەرگە شىنايى العىس ايتتى!

  جاڭ چۇنشيان مىنالاردى باسا دارىپتەدى: اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلى شينجياڭداعى ءار ۇلت حالقىنىڭ ساياسي تۇرمىسىنداعى ءىرى ءىس، شينجياڭنىڭ وبرازىن ايگىلەيتىن، شينجياڭدى ۇگىتتەيتىن سالتاناتتى جينالىس، رۋحتى سەرپىلتىپ، كۇش–قۋاتتى ۇيىستىراتىن سالتاناتتى جينالىس، كادرلار مەن بۇقارانى تاربيەلەيتىن، حالىقتىڭ تىلەگىن توعىستىراتىن، وڭ ەنەرگيانى ساۋلەلەندىرەتىن سالتاناتتى جينالىس، شينجياڭ رۋحىن، شينجياڭ ونىمدىلىگىن، شينجياڭ قابىلەتىن، شينجياڭ ستيلىن، شينجياڭ وبرازىن ايگىلەيتىن سالتاناتتى جينالىس. مەرەي توي قيمىلىنىڭ تولىق تابىسقا جەتۋى شينجياڭ قىزمەتى جونىندەگى ءبىر رەتكى جالپىلىق ساراپتاۋ. بۇل رەتكى سالتاناتتى جينالىستان ءبىز پارتيا ورتالىق كوميتەتىنىڭ وسكەلەڭ ءمان بەرەتىندىگىن جانە ەرەكشە قولدايتىندىعىن تەرەڭ سەزىندىك، بۇل تۇتاس شينجياڭداعى ءار ۇلت حالقىن بارىنشا جەلپىندىردى؛ مەرەي توي قيمىلى سىندى وسى تەرەزە جانە تەكشە ارقىلى ورتالىقتىڭ شينجياڭ قىزمەتى اڭگىمە ماجىلىسىنەن بەرگى شينجياڭنىڭ ءتۇرلى ىستەرىندەگى زور وزگەرىستەر شوعىرلى ايگىلەندى، شينجياڭنىڭ تاماشا وبرازى بارىنشا سومدالدى؛ ءار ۇلت بۇقاراسىنىڭ شىنايى قولداۋى، مەرەكەنى بىرگە تويلاۋى بىرنەشە جىلدان بەرگى حالىق تۇرمىسىن ۇزدىكسىز جاقسارتۋ، حالىق تىلەگىن توعىستىرۋ جاعىنداعى كورنەكتى ناتيجەلەردى تولىق ايگىلەدى؛ تۇتاس شينجياڭ اتتانىسقا كەلۋ، سۇبەلى ناتيجەلەرگە ۇمتىلۋ، جوعارى دەڭگەيگە تالپىنۋ − مەرەي توي قيمىلىنىڭ تولىق تابىستى بولۋىنىڭ ماڭىزدى كەپىلى؛ باسشىلىقتى كۇشەيتۋ، بىركەلكى قيمىلداۋ، دارەجە بويىنشا جاۋاپتاندىرۋ، تۇتاس حالىق اتسالىسۋ − مەرەي توي قيمىلىنىڭ تولىق تابىستى بولۋىنىڭ ماڭىزدى نەگىزى.

  جاڭ چۇنشيان مىنالاردى باسا دارىپتەدى: باس شۋجي شي جينپيڭنىڭ «شينجياڭدى كوركەيتىپ، وتان ارمانىن بىرگە جۇزەگە اسىرايىق» دەگەن ارناۋ ءسوزى 60 جىلدىق مەرەي تويدىڭ شينجياڭداعى ءار ۇلت حالقىنا سيلاعان ەڭ قۇندى بايلىعى. ءار دارەجەلى پارتيا ۇيىمدارى مەن پارتيالى كادرلار باس شۋجي شي جينپيڭنىڭ ارناۋ ءسوزىنىڭ ماڭىزدى ءمانى مەن باي مازمۇنىن جىعا تانىپ جانە ءبىلىپ، يدەيا مەن ارەكەتتى شينجياڭدى كوركەيتىپ، وتان ارمانىن بىرگە جۇزەگە اسىرۋ نەگىزىندە شىن مانىندە بىرلىككە كەلتىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋى كەرەك.

  ءبىرىنشى، شينجياڭدى ويداعىداي كوركەيتۋ كەرەك. پارتيا ورتالىق كوميتەتىنىڭ شينجياڭ قىزمەتى جونىندەگى دايەكتى باعىتىن باتىل تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە، جاڭالىق اشا دامۋعا، سايكەستى دامۋعا، جاسىل دامۋعا، اشىق دامۋعا، تەڭ يگىلىككە كەنەلەتىن دامۋعا تاباندى بولىپ، ءار جاقتىڭ قىزمەت دەڭگەيىن جاپپاي ءوسىرۋ كەرەك.

  ەكىنشى، شينجياڭدى ويداعىداي قورعاۋ كەرەك. وتاننىڭ تۇتاستىعىن، ۇلتتاردىڭ ىنتىماعىن، قوعامنىڭ ورنىقتىلىعىن باتىل قورعاپ، ۇلتتىق بولشەكتەۋشىلىك يدەيالارى مەن ارەكەتتەرىنە باتىل قارسى تۇرۋ قاجەت. ءار ۇلت بۇقاراسىن وتان، تاريح، ۇلت جونىندە دۇرىس كوزقاراستى بەرىك ورناتۋعا، «بەس وسكەلەڭ تانىمدى» كۇشەيتۋگە جەتەكتەۋ قاجەت.

  ءۇشىنشى، جۇڭگو ارمانىن جۇزەگە اسىرۋعا شينجياڭ ۇلەسىن قوسۋ كەرەك. شينجياڭنىڭ جۇڭحۋا ۇلتىنىڭ ۇلى گۇلدەنۋىندە ەرەكشە ماڭىزدى ورىنعا جانە رولعا يە ەكەنىن جىعا تانىپ، شينجياڭنىڭ ورنىنا ساي كەلەتىن جۇيەنى قالىپتاستىرىپ، قازىرگى اۋقىمعا، مىندەتكە ۇيلەسەتىن جاۋاپكەرلىكتى كۇشەيتىپ، شينجياڭنىڭ ىستەرىن نىق قاداممەن العا ىلگەرىلەتۋ قاجەت.

  جاڭ چۇنشيان مىنالاردى باسا دارىپتەدى: اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلىنىڭ تولىق تابىستى بولۋى شينجياڭ قىزمەتىن تىڭ ساتىعا كوتەردى. جاڭا تاريحي باستامادا «پارتيا ورتالىق كوميتەتىنىڭ تالابى − مىندەتىمىز» دەگەنگە تاباندى بولىپ، دامۋدى حالىق تۇرمىسىن جاقسارتۋمەن، جەرگىلىكتى ورىندى يگىلىككە كەنەلتۋمەن، ىنتىماقتى نىعايتۋمەن ساباقتاستىرا تياناقتاندىرىپ، وسى زامانعى مادەنيەت ارقىلى جەتەكشىلىك ەتىپ، ۇلتتار ىنتىماعى مەن ءدىني جاراسىمدىلىقتى كۇش سالا جەبەپ، «ەكىگە» بۇلجىماي تاباندى بولىپ، نەگىزگى ساتىنىڭ نەگىزىن كۇش سالا بەكەمدەپ، شينجياڭنىڭ رەفورما، دامۋ، ورنىقتىلىق ىستەرىندە تىنباي تىڭ ىلگەرىلەۋشىلىككە قول جەتكىزۋ كەرەك. ءار دارەجەلى پارتيا ۇيىمدارى مەن پارتيالى كادرلار باس شۋجي شي جينپيڭ قاتارلى ورتالىقتاعى باسشى جولداستاردىڭ مەرەي توي كەزىندەگى ماڭىزدى سوزدەرى مەن نۇسقاۋلارىنىڭ رۋحىن ىشكەرىلەي دايەكتى تياناقتاندىرۋى ءارى باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتى تياناقتاندىرۋمەن، ۇيرەنۋمەن، پارتيا 18–كەزەكتى ورتالىق كوميتەتى بەسىنشى جالپى ءماجىلىسىنىڭ، ورتالىقتىڭ شينجياڭ قىزمەتى جونىندەگى 2–رەتكى اڭگىمە ءماجىلىسىنىڭ رۋحىن دايەكتى تياناقتاندىرۋمەن ۇشتاستىرۋى كەرەك. قۇتتىقتاۋ قيمىلىنىڭ تابىستارىنان ويداعىداي پايدالانىپ، ىشكەرىلەي كادەگە جاراتىپ، كەڭىنەن جالپىلاستىرىپ، ونىمدىلىگىن جوعارىلاتىپ، ونى شينجياڭنىڭ قوعام ورنىقتىلىعى مەن باياندى تىنىشتىعىن جەبەۋدىڭ جويقىن كۇشىنە اينالدىرۋ قاجەت.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلى دايىندىق كوميسسياسىنىڭ مەڭگەرۋشىسى شوكىرات زاكىر ءماجىلىستى باسقاردى.

  جينالىس اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى، اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلى دايىندىق كوميسسياسىنىڭ ورىنباسار مەڭگەرۋشىسى، دايىندىق كوميسسياسى كەڭسەسىنىڭ مەڭگەرۋشىسى حۋاڭ ۋيدىڭ قۇتتىقتاۋ قيمىلى قىزمەت قورىتىندىسىن تىڭدادى.

  اۆتونوميالى رايوندىق پارتكومنىڭ تۇراقتى مۇشەسى، باس حاتشى، اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلى دايىندىق كوميسسياسىنىڭ ورىنباسار مەڭگەرۋشىسى باي جىجيە ماداقتاۋ–سيلاۋ قارارىن وقىدى.

  اۆتونوميالى رايوننىڭ باسشىلارىنان نايىم ياسىن، نۇرلان ءابىلماجىن ۇلى، چى جۇن، حان يۇڭ، شاۋكەت يمىن، جۋ حايلۇن، شيۇڭ شۋانگو، لي شۋەجۇن قاتارلىلار جينالىسقا قاتىناستى. ەركىنجان تۇراحۇن تارباعاتايداعى بولىمشە ءماجىلىس زالىندا ماجىلىسكە قاتىناستى.

  تاعى ءبىر حابار. ءتىلشىمىز لي شين–ان حابارلايدى. وبلىس باسشىلارىنان حۋاڭ سانپيڭ، مانەن زەينەل ۇلى، زۇنۇن اكپار، يۇي چيڭشان، لي ميڭحۇي، گۇڭ شينباۋ، ۋ فىڭجۇن جانە اۆتونوميالى وبلىستىڭ اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلىنا ازىرلىك كورۋ باسشىلىق گرۋپپاسىنا مۇشە ورىنداردىڭ جاۋاپتىلارى، اۆتونوميالى وبلىستان ماداقتالىپ–سيلانعان وزات كوللەكتيۆتەر مەن جەكەلەردىڭ ۋاكىلدەرى ىلە بولىمشە زالىندا اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ قيمىلىن قورىتىندىلاۋ، ماداقتاۋ–سيلاۋ جينالىسىنا قاتىناستى.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.