- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لاڭكەستىككە سوققى بەرۋدە ۇستىنەن وڭاۋ مەن تۇبىرىنەن وڭاۋعا بىردەي ءمان بەرۋ كەرەك
2015.11.19 15:47 كەلۋ قاينارى : شينجياڭ گازەتى
لاڭكەستىكتىڭ ەڭ پارمەندى قارسىلاسى كۇللى ادامزاتتىڭ لاڭكەستىككە قارسى ورتاق تانىمى. ءبىز لاڭكەستىك جونىندەگى ءارقانداي قۇر قيالدان بەزىپ، زورلىقتى كۇش ءتۇسىن المايتىن، سىندارلى تىلەك - تالاپتارعا اناعۇرلىم ءمان بەرۋىمىز كەرەك.
دۇنيە ءجۇزىن تىكسىندىرگەن «13- قاراشا» پاريج جەلىلەس لاڭكەستىك شابۋىل ۋاقيعاسىنىڭ تۋىلعانىنا 2 كۇن بولدى، زورلىقتى كۇش لاڭكەستىگىنىڭ كوپتەگەن جاي - جاپسارى اشكەرەلەنە باستادى، جەر شارىندا لاڭكەستىككە قارسى كۇشتەر توپتالۋدا. لاڭكەستەر فۋتبول جارىسى، مۋزيكا كەشى، شاراپحانا كوشەسى سياقتى نىسانالاردى كوزدەپ، حالىق جۇرتشىلعىنا جان كەشتى قوپارىلىس، پۋلەمەتپەن وق جاۋدىرۋ سياقتى تاسىلدەردى قاتىگەزدىكپەن قولداندى. ۇشقارى ۇيىم − «ءىسلام مەملەكەتى» بۇل ۋاقيعاعا جاۋاپتى بولاتىنىن جاريالادى ءارى «لوندون كەلەسى نىسان، ريم مەن ۆاشينگتون دا قاشىپ قۇتىلمايدى» دەپ داۋىرىقتى. اياق استىنان ۋشىققان حالىقارالىق لاڭكەستىك حاۋپى لاڭكەستىككە سوققى بەرۋ ارەكەتتەرىنىڭ كوكەي تەستىلىگىن كۇشەيتتى؛ بارعان سايىن كۇردەلىلەسكەن جاعداي لاڭكەستىككە سوققى بەرۋدە ءتىپتى دە جان - جاقتى ستراتەگيا قولدانۋعا ۇندەدى.
جۇڭگونىڭ مەملەكەت ءتوراعاسى شي جينپيڭ پاريجدەگى لاڭكەستىك شابۋىل ۋاقيعاسىن ەستي سالا فرانسيانىڭ زۇڭتۇڭى وللاندقا حال سۇراۋ تەلەگرامماسىن جولداعاننان كەيىن، 14- قاراشادا تۇركيانىڭ انتاليا قالاسىنداعى 20 ەل توبى باسشىلارىنىڭ 10- رەتكى باس قوسۋىنا قاتىناسۋ ءۇشىن جولعا شىقتى. باسشىلار كەڭەسىنىڭ ءتوراعا ەلى تۇركيانىڭ زۇڭتۇڭى ەردوعانمەن كەڭەس وتكىزگەندە، ءتوراعا شي جينپيڭ پاريجدەگى لاڭكەستىك شابۋىلدى تاعى دا قاتاڭ جازعىرىپ، حالىقارالىق قوعامنىڭ سەلبەستىكتى كۇشەيتىپ، جالپىلاما شارا قولدانىپ، ۇستىنەن وڭاۋ مەن تۇبىرىنەن وڭاۋعا بىردەي ءمان بەرىپ، لاڭكەستىككە بىرگە سوققى بەرۋى كەرەكتىگىن باسا دارىپتەدى. «ۇستىنەن وڭاۋ مەن تۇبىرىنەن وڭاۋ» تۇجىرىمىن كەزەكتەگى حالىقارالىق لاڭكەستىكتىڭ ەرەكشەلىگى نەگىزىندە العا قويىلعان باعىتتامالى ۇسىنىس دەۋگە دە، بەرتىنگى 10 نەشە جىلدان بەرگى حالىقارالىق لاڭكەستىككە قارسى تۇرۋ ارەكەتىن قورىتىندىلاۋ جانە ويلانۋ دەۋگە دە بولادى.
2 رەتكى كولەمدى سوعىستى باستان وتكىزگەن ادامزات وركەنيەت اراسىنداعى كەرىستەردىڭ، اۋەلى، قاقتىعىستاردىڭ ءبىر ورتاق تومەنگى شەك نەگىزىندە ساقتالۋى كەرەكتىگىن، پارىقسىز زورلىقتى كۇش ءتاسىلىن قولدانۋ مەيلى نەنى ماقسات ەتسە دە، بۇعان باتىل قارسى تۇرۋ كەرەكتىگىن مويىندادى. لاڭكەستىك جونىندە بىرەۋلەر قاشاندا سەبەپ جانە تاريح نەگىزىندە ونىڭ قالىپتاسۋ ورتاسىن ىزدەستىرىپ، ۇشقارى ۇيىمنىڭ كەشىرمەسى، اۋانى ارقىلى لاڭكەستىكتى تۇسىندىرەدى. مۇنداي تەگىن تەكتەۋ شىنىمەن - اق قاجەت، اسىرەسە، لاڭكەستىك قالىپتاسۋدان ىلگەرى، جىلت ەتكەن ءۇمىت ۇشقىنى بايقالسا بولعانى، وشپەندىلىكتى جويۋعا، الاۋىزدىقتاردى شەشۋگە قۇلشىنىپ، ورىندى، اقىلعا قونىمدى، زاڭدى اۋان اتاۋلىنىڭ بارلىعىنا نازار اۋدارۋ كەرەك. ايتسەدە بۇل لاڭكەستىككە اينالىپ، جازىقسىز جاندارعا سۇقتانسا، لاڭكەستىككە سوققى بەرۋدە تيتتەي دە اياۋشىلىق ىستەۋگە بولمايدى، ويتكەنى ول وركەنيەتتىڭ دامۋ تامىرىن شىرىتە باستادى.
ومىرگە قۇرمەت ەتۋ − وركەنيەتتەن جوعارى تۇراتىن الەمدىك قۇن. لاڭكەستىككە سوققى بەرۋ اناعۇرلىم تۇبەگەيلى، اناعۇرلىم بەرەكەلى حالىقارالىق سەلبەستىكتى قاجەت ەتەدى. لاڭكەستىك جەر شارىنا سىنالاپ كىرگەن، قالىپتى قاعيدا جانە لوگيكا بويىنشا ارەكەتتەنبەيتىن دۇشپان. ەگەر حالىقارالىق قوعام حاۋىپسىزدىك، اسكەري ىستەر، مالىمەت توپتاۋ سياقتى سالالاردا تەرەڭ قاتپارلى سەلبەستىك جاساسپاسا، اسىرەسە، لاڭكەستىككە قارسى تۇرۋ تاجىريبەسى مول ەلدەر سايكەستى بايلىقتاردان تەڭ يگىلىكتەنبەسە، لاڭكەستىكتەن ساقتانۋدىڭ ءونىمدى تورابىن قالىپتاستىرۋ قيىنعا سوعادى. جۇڭگو دا لاڭكەستىكتىڭ زيانىنا ۇشىراپ وتىر، ءبىزدىڭ لاڭكەستىككە قارسى تۇرۋ كۇرەسىمىزگە «لاڭكەستىك اتاۋلىنىڭ بارلىعىنا قارسى تۇرۋ»، «جازىقسىز جانداردى زاقىمداۋ − تومەنگى شەككە سوقتىققاندىق»، «لاڭكەستىك − ادامزاتتىڭ ورتاق جاۋى» دەگەن ۇستانىمدار تولىق سىڭىرىلگەن. قاندى ساباقتار ادامزاتتىڭ ءومىر ءسۇرۋ سۇرانىسىن، وسى زامانعى وركەنيەتتىڭ دامۋ سۇرانىسىن جاقتاعاندا عانا، لاڭكەستىككە سوققى بەرۋدىڭ قورىتقى كۇشىن قالىپتاستىرۋعا بولاتىنىن ءتۇسىندىردى.
حالىقارالىق قوعام تىعىز ىنتىماقتاسسا بولعانى، لاڭكەستىكتىڭ كوزىن قۇرتۋ قيىنعا سوقپايدى، مۇندا لاڭكەستىككە قارسى تۇرۋ يدەيالىق كۇشى بارىنەن قيىن. ۇيىمدى لاڭكەستەردىڭ باسىم كوپ ساندىسىنىڭ ءوز ساياسي ماقساتى بار، ولار ءدىني ۇشقارىلىققا جانە ۇشقارى يدەياعا سۇيەنىپ ادامداردى الجاستىرادى. يدەيا - مادەنيەتتە، ارينە، كوپ تۇرلىلىكتىڭ قاتار ءومىر سۇرۋىنە، ءوز ارتىقشىلىعىن ساقتاۋىنا بولادى، الايدا لاڭكەستىككە ساياتىن يدەيا - مادەنيەتكە ءتۇرلى مادەنيەت تۇگەلدەي كەكتەنۋ كەرەك. بۇدان بۇرىن، جۇڭگونىڭ شينجياڭىنداعى 30 مىڭ بۇقارا زورلىقتى كۇش لاڭكەستەرىن قورشاۋعا العان حابار باتىس ەلدەرىنىڭ اقپارات قۇرالدارىندا «جۇمىلا ساقتانىپ، جۇمىلا جونگە سالۋدىڭ» كۇش قاينارى جونىندەگى تالقىعا مۇرىندىق بولعان ەدى. اماليات ەگەر يدەيالىق كۇرەس مايدانىندا جەڭىسكە جەتسەك، لاڭكەستەردىڭ «كوشەدەن قاشقان تىشقان» بولاتىنىن، حالىقتىق شايقاستىڭ تەڭىزىنە باتاتىنىن دالەلدەدى. ەگەر بۇل شايقاس جەڭىلىسپەن اياقتاسا، اسكەري سوققى بەرۋ تابىستى بولعان كۇندە دە، ۇستىنەن وڭالعانىمەن، تۇبىرىنەن وڭالمايدى، اۋەلى، بەرەكەسىن قاشىراتىن الدەقايدا كۇشتى وكىنىش تۋدىرۋى مۇمكىن.
فرانسيانىڭ زۇڭتۇڭى وللاند پاريجدەگى لاڭكەستىك شابۋىلىن: «سوعىستىق ارەكەت»، - دەدى. ءىس جۇزىندە، لاڭكەستىكتىڭ شايقاسى الدەقاشان باستالعان، بەيبىتشىلىكتى سۇيەتىن، ءومىردى قۇرمەتتەيتىن ادامداردىڭ بارلىعى ءبىزدىڭ وداقتاسىمىز. 14- قاراشا كۇنى كەشتە دۇنيە جۇزىندەگى بەلگى سيپاتتى قۇرىلىستاردىڭ ءبىرتالايى قىزىل، اق، كوك ءتۇستى شىراقتاردىڭ جارىعىمەن «فرانسيا تۇسىنە» ەندى. لاڭكەستىكتىڭ ەڭ پارمەندى قارسىلاسى − ادامزاتتىڭ لاڭكەستىككە قارسى تۇرۋ ورتاق تانىمى. وسى ورتاق تانىم ءۇشىن، ءبىز لاڭكەستىك جونىندەگى ءارقانداي قۇر قيالدان بەزىپ، زورلىقتى كۇش ءتۇسىن المايتىن، سىندارلى تىلەك - تالاپتارعا اناعۇرلىم ءمان بەرۋىمىز، دۇنيەنىڭ دامۋىندا جالپى تۇلعاعا، ادىلدىككە كوبىرەك نازار اۋدارۋىمىز كەرەك. ناقتى ماسەلەنىڭ بارلىعىن قاشاندا ادامزاتتىڭ ورتاق تاعدىر قوعامداستىعى تۇرعىسىنان ويلاسۋ عانا اناعۇرلىم كەلەلى ماڭىزعا يە تۇبىرىنەن وڭاۋ بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
